HMPV ਵਾਇਰਸ ਦਾ ਹਮਲਾ, ਇਸ ਦੇਸ਼ ‘ਚ ਫੈਲ ਰਹੀ ਰਹੱਸਮਈ ਬੀਮਾਰੀ, ਸੈਂਕੜੇ ਲੋਕਾਂ ਦੀ ਹਾਲਤ ਗੰਭੀਰ
Cholera in Angola: ਕੋਵਿਡ ਮਹਾਮਾਰੀ ਤੋਂ ਬਾਅਦ ਇਕ ਵਾਰ ਫਿਰ ਦੁਨੀਆ ਭਰ ਦੇ ਲੋਕ ਇਕ ਹੋਰ ਬੀਮਾਰੀ ਕਾਰਨ ਦਹਿਸ਼ਤ ਵਿਚ ਹਨ। ਕੋਰੋਨਾ ਤੋਂ ਬਾਅਦ HMPV ਵਾਇਰਸ ਕਾਰਨ ਦਹਿਸ਼ਤ ਹੈ। HMPV ਵਾਇਰਸ ਤੋਂ ਬਾਅਦ ਅਫਰੀਕੀ ਦੇਸ਼ ‘ਚ ਇਕ ਹੋਰ ਬੀਮਾਰੀ ਨੇ ਦਸਤਕ ਦੇ ਦਿੱਤੀ ਹੈ।ਅੰਗੋਲਾ ਵਿੱਚ ਕੁਝ ਦਿਨਾਂ ਤੋਂ ਹੈਜ਼ਾ ਫੈਲ ਰਿਹਾ ਹੈ। ਦੇਸ਼ ਦੇ ਸਿਹਤ ਮੰਤਰਾਲੇ ਨੇ ਕਿਹਾ ਹੈ ਕਿ ਸਥਾਨਕ ਸਮੇਂ ਮੁਤਾਬਕ ਸ਼ਾਮ 6 ਵਜੇ ਤੱਕ ਹੈਜ਼ੇ ਦੇ 170 ਮਾਮਲੇ ਦਰਜ ਕੀਤੇ ਗਏ ਹਨ।
ਪਿਛਲੇ 24 ਘੰਟਿਆਂ ਵਿੱਚ ਹੈਜ਼ੇ ਨਾਲ ਤਿੰਨ ਨਾਗਰਿਕਾਂ ਦੀ ਮੌਤ ਹੋ ਗਈ ਹੈ। ਇਸ ਦੇ ਨਾਲ ਹੀ 51 ਨਵੇਂ ਮਾਮਲੇ ਦਰਜ ਕੀਤੇ ਗਏ ਹਨ। ਇਹ ਪ੍ਰਕੋਪ ਹੁਣ ਰਾਜਧਾਨੀ ਸੂਬੇ, ਲੁਆਂਡਾ ਤੋਂ ਇਲਾਵਾ ਦੋ ਵਾਧੂ ਨਗਰ ਪਾਲਿਕਾਵਾਂ ਵਿੱਚ ਫੈਲ ਗਿਆ ਹੈ। ਸਿਨਹੂਆ ਨਿਊਜ਼ ਏਜੰਸੀ ਦੀ ਰਿਪੋਰਟ ਮੁਤਾਬਕ ਮੰਗਲਵਾਰ ਨੂੰ ਪਹਿਲਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਹੈਜ਼ਾ ਦਾ ਪ੍ਰਕੋਪ ਵਧਦਾ ਜਾ ਰਿਹਾ ਹੈ। ਦੇਸ਼ ਵਿੱਚ ਐਮਰਜੈਂਸੀ ਪ੍ਰਕਿਰਿਆ ਲਾਗੂ ਕਰ ਦਿੱਤੀ ਗਈ ਹੈ।
ਸਿਹਤ ਮੰਤਰੀ ਦਾ ਆਇਆ ਬਿਆਨ
ਅੰਗੋਲਾ ਦੀ ਸਿਹਤ ਮੰਤਰੀ ਸਿਲਵੀਆ ਲੁਟੂਕੁਟਾ ਨੇ ਇੱਕ ਬਿਆਨ ਜਾਰੀ ਕੀਤਾ ਹੈ। ਦੇਸ਼ ਵਿੱਚ ਹੈਜ਼ੇ ਦੇ ਪ੍ਰਕੋਪ ਨਾਲ ਨਜਿੱਠਣ ਲਈ ਐਮਰਜੈਂਸੀ ਯੋਜਨਾਵਾਂ ਨੂੰ ਸਰਗਰਮ ਕੀਤਾ ਗਿਆ ਹੈ, ਖਾਸ ਤੌਰ ‘ਤੇ ਇਸਦੇ ਕੇਂਦਰ, ਲੁਆਂਡਾ ਪ੍ਰਾਂਤ ਦੀ ਕਾਕੁਆਕੋ ਨਗਰਪਾਲਿਕਾ ਵਿੱਚ। ਲੂਟੂਕੁਟਾ ਦੇ ਅਨੁਸਾਰ, ਸਿਹਤ ਅਧਿਕਾਰੀਆਂ ਨੇ ਮਹਾਂਮਾਰੀ ਵਿਗਿਆਨ ਅਤੇ ਲੈਬ ਨਿਗਰਾਨੀ ਵਿੱਚ ਵਾਧਾ ਕੀਤਾ ਹੈ। ਸਰੋਤ ਜੁਟਾਉਣ ਦੇ ਨਾਲ, ਜਨਤਕ ਸਿਹਤ ਸੰਚਾਰ ਵਿੱਚ ਸੁਧਾਰ ਕੀਤਾ ਗਿਆ ਹੈ ਅਤੇ ਪੀਣ ਵਾਲੇ ਸਾਫ਼ ਪਾਣੀ ਤੱਕ ਲੋਕਾਂ ਦੀ ਪਹੁੰਚ ਨੂੰ ਯਕੀਨੀ ਬਣਾਇਆ ਗਿਆ ਹੈ।
ਟੈਂਕੀਆਂ ਦੀ ਕੀਤੀ ਜਾ ਰਹੀ ਸਫਾਈ
ਉਨ੍ਹਾਂ ਕਿਹਾ ਕਿ ਅਸੀਂ ਇਸ ਬਿਮਾਰੀ ਨਾਲ ਲੜਨ ਲਈ ਸਭ ਕੁਝ ਕਰ ਰਹੇ ਹਾਂ। ਸਿਹਤ ਮੰਤਰਾਲੇ ਨੇ ਕਾਇਕੁਆਕੋ ਦੇ ਜਨਰਲ ਹਸਪਤਾਲ ਵਿੱਚ ਹੈਜ਼ਾ ਨਾਲ ਲੜਨ ਲਈ ਕਮਿਸ਼ਨ ਦੀ ਮੀਟਿੰਗ ਬੁਲਾਈ। ਪਬਲਿਕ ਵਾਟਰ ਕੰਪਨੀ ਦੇ ਡਾਇਰੈਕਟਰ ਅਦਾਓ ਸਿਲਵਾ ਨੇ ਦੱਸਿਆ ਕਿ ਪਹਿਲਾਂ ਪੀਣ ਵਾਲੇ ਪਾਣੀ ਲਈ ਵਰਤੀਆਂ ਜਾਂਦੀਆਂ 17 ਕਮਿਊਨਿਟੀ ਵਾਟਰ ਟੈਂਕੀਆਂ ਨੂੰ ਸਾਫ਼ ਕਰਨ ਦਾ ਕੰਮ ਕੀਤਾ ਗਿਆ ਹੈ।
ਯਕੀਨੀ ਬਣਾਈ ਜਾ ਰਹੀ ਸਾਫ਼ ਪਾਣੀ ਦੀ ਸਪਲਾਈ
ਪ੍ਰਭਾਵਿਤ ਇਲਾਕਿਆਂ ਵਿੱਚ ਸਾਫ਼ ਪਾਣੀ ਦੀ ਸਪਲਾਈ ਯਕੀਨੀ ਬਣਾਈ ਜਾ ਰਹੀ ਹੈ। ਗੰਦੇ ਟੈਂਕਾਂ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਅੰਗੋਲਾ ਦੇ ਸਿਹਤ ਮੰਤਰਾਲੇ ਨੇ ਲੋਕਾਂ ਨੂੰ ਪੀਣ ਯੋਗ ਪਾਣੀ ਤੱਕ ਪਹੁੰਚ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ, ਮੈਡੀਕਲ ਸਰੋਤਾਂ ਅਤੇ ਸਪਲਾਈਆਂ ਨੂੰ ਜੁਟਾਉਣ ਲਈ ਆਪਣੀ ਰਾਸ਼ਟਰੀ ਹੈਜ਼ਾ ਪ੍ਰਤੀਕਿਰਿਆ ਯੋਜਨਾ ਨੂੰ ਸਰਗਰਮ ਕੀਤਾ ਹੈ।
