ਖ਼ਬਰ ਹੈ ਕਿ ਪਾਕਿਸਤਾਨ ਕ੍ਰਿਕਟ ਟੀਮ 23 ਫਰਵਰੀ ਨੂੰ ਟੀਮ ਇੰਡੀਆ ਵਿਰੁੱਧ ਖੇਡਣ ਲਈ ਕਰਾਚੀ ਤੋਂ ਦੁਬਈ ਰਵਾਨਾ ਹੋ ਗਈ ਹੈ। ਪਰ ਫਖਰ ਜ਼ਮਾਨ ਇਸ ਟੀਮ ਨਾਲ ਨਹੀਂ ਗਏ ਹਨ। ਉਹ ਇਕਲੌਤਾ ਖਿਡਾਰੀ ਹੈ ਜੋ ਟੀਮ ਵਿੱਚ ਹੈ ਪਰ ਦੁਬਈ ਨਹੀਂ ਗਿਆ ਹੈ। ਭਾਵੇਂ 23 ਫਰਵਰੀ ਵਿੱਚ ਅਜੇ ਕੁੱਝ ਦਿਨ ਬਾਕੀ ਹਨ ਪਰ ਮੰਨਿਆ ਜਾ ਰਿਹਾ ਹੈ ਕਿ ਜਦੋਂ ਤੱਕ ਫਖਰ ਦੀ ਰਿਪੋਰਟ ਨਹੀਂ ਆਉਂਦੀ, ਉਹ ਦੁਬਈ ਨਹੀਂ ਜਾਵੇਗਾ। ਹੁਣ ਖ਼ਬਰਾਂ ਆ ਰਹੀਆਂ ਹਨ ਕਿ ਫਖਰ ਜ਼ਮਾਨ ਪੂਰੀ ਚੈਂਪੀਅਨਜ਼ ਟਰਾਫੀ ਤੋਂ ਬਾਹਰ ਹੋ ਸਕਦੇ ਹਨ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਉਸਦੇ ਬਦਲ ਦਾ ਐਲਾਨ ਵੀ ਆਈਸੀਸੀ ਦੀ ਇਜਾਜ਼ਤ ਤੋਂ ਬਾਅਦ ਕੀਤਾ ਜਾਵੇਗਾ।
