ਗਲਤ ਤਰੀਕੇ ਨਾਲ ਫੋਨ ਫੜਣ ‘ਤੇ ਹੋਵੇਗੀ ਇਹ ਬਿਮਾਰੀ, ਸਾਹਮਣੇ ਆਇਆ ਹੈਰਾਨ ਕਰਨ ਵਾਲੇ ਤੱਥ

ਮੋਬਾਈਲ ਬੇਸ਼ੱਕ ਸਾਡੀ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਣ ਗਿਆ ਹੈ, ਪਰ ਜੇਕਰ ਤੁਸੀਂ ਇਸ ਦੀ ਵਰਤੋਂ ਕਰਦੇ ਸਮੇਂ ਇਸ ਨੂੰ ਗਲਤ ਤਰੀਕੇ ਨਾਲ ਫੜ ਲੈਂਦੇ ਹੋ, ਤਾਂ ਉਮਰ ਭਰ ਦੀ ਬੀਮਾਰੀ ਡਿਮੇਨਸ਼ੀਆ ਦਾ ਖਤਰਾ ਵਧ ਸਕਦਾ ਹੈ। ਇੰਪੀਰੀਅਲ ਕਾਲਜ ਆਫ ਮੈਡੀਸਨ ਦੇ ਪ੍ਰੋਫੈਸਰ ਡਾਕਟਰ ਸੁਲੇਮਨ ਅਬ੍ਰਾਹਮ ਨੇ ਇਹ ਚਿਤਾਵਨੀ ਦਿੱਤੀ ਹੈ। ਅਧਿਐਨ ਦੇ ਆਧਾਰ ‘ਤੇ ਉਨ੍ਹਾਂ ਕਿਹਾ ਕਿ ਜੇਕਰ ਤੁਸੀਂ ਲੈਪਟਾਪ ਅਤੇ ਮੋਬਾਈਲ ਦੀ ਵਰਤੋਂ ਕਰਦੇ ਸਮੇਂ ਸਹੀ ਪੋਸ਼ਚਰ ਨਹੀਂ ਬਣਾਈ ਰੱਖਦੇ ਤਾਂ ਡਿਮੇਨਸ਼ੀਆ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਡਿਮੇਨਸ਼ੀਆ ਐਮਨੇਸ਼ੀਆ ਦੀ ਇੱਕ ਬਿਮਾਰੀ ਹੈ ਜਿਸ ਵਿੱਚ ਹੌਲੀ-ਹੌਲੀ ਮਨੁੱਖੀ ਦਿਮਾਗ ਵਿੱਚੋਂ ਸਾਰੀ ਯਾਦਾਸ਼ਤ ਗਾਇਬ ਹੋ ਜਾਂਦੀ ਹੈ। ਇਸ ਬਿਮਾਰੀ ਦਾ ਹੁਣ ਤੱਕ ਕੋਈ ਠੋਸ ਇਲਾਜ ਨਹੀਂ ਹੈ।

ਗਰਦਨ ਦਾ ਇਹ ਪੌਸ਼ਚਰ ਹੈ ਬਹੁਤ ਖਰਾਬ
ਡੇਲੀ ਮੇਲ ਦੀ ਰਿਪੋਰਟ ਮੁਤਾਬਕ ਅਧਿਐਨ ‘ਚ ਕਿਹਾ ਗਿਆ ਹੈ ਕਿ ਜ਼ਿਆਦਾਤਰ ਲੋਕ ਗਲਤ ਪੌਸ਼ਚਰ ‘ਚ ਰਹਿ ਕੇ ਮੋਬਾਈਲ ਅਤੇ ਲੈਪਟਾਪ ਦੀ ਵਰਤੋਂ ਕਰਦੇ ਹਨ। ਇਸ ਨਾਲ ਦਿਮਾਗ ‘ਚ ਖੂਨ ਦਾ ਪ੍ਰਵਾਹ ਘੱਟ ਹੋ ਜਾਂਦਾ ਹੈ। ਜਦੋਂ ਡਾਕਟਰ ਸੁਲੇਮਾਨ ਅਬ੍ਰਾਹਮ ਨੇ ਇਸ ਖੋਜ ਦਾ ਵਿਸ਼ਲੇਸ਼ਣ ਕੀਤਾ ਤਾਂ ਉਨ੍ਹਾਂ ਨੇ ਪਾਇਆ ਕਿ ਇਹ ਆਦਤ ਨਾ ਸਿਰਫ਼ ਦਿਮਾਗ ਨੂੰ ਪ੍ਰਭਾਵਿਤ ਕਰੇਗੀ ਸਗੋਂ ਕਈ ਨਿਊਰੋਲੋਜੀਕਲ ਸਮੱਸਿਆਵਾਂ ਦਾ ਕਾਰਨ ਵੀ ਬਣ ਸਕਦੀ ਹੈ।

ਉਨ੍ਹਾਂ ਨੇ ਕਿਹਾ ਕਿ ਆਮ ਤੌਰ ‘ਤੇ ਜਦੋਂ ਅਸੀਂ ਸਾਰੇ ਮੋਬਾਈਲ ਦੀ ਵਰਤੋਂ ਕਰਦੇ ਹਾਂ ਤਾਂ ਸਾਡੇ ਹੱਥ ਵਿਚ ਮੋਬਾਈਲ ਹੁੰਦਾ ਹੈ ਅਤੇ ਇਸ ਵਿਚਲੇ ਸ਼ਬਦਾਂ ਨੂੰ ਪੜ੍ਹਨ ਲਈ ਅਸੀਂ ਆਪਣਾ ਸਿਰ ਅੱਗੇ ਝੁਕਾਉਂਦੇ ਹਾਂ। ਇਸ ਨਾਲ ਦਿਮਾਗ ਤੱਕ ਪਹੁੰਚਣ ਵਾਲੀਆਂ ਖੂਨ ਦੀਆਂ ਧਮਨੀਆਂ ‘ਤੇ ਦਬਾਅ ਪੈਂਦਾ ਹੈ। ਇਸ ਕਾਰਨ ਧਮਨੀਆਂ ਦਾ ਵਿਆਸ ਹੌਲੀ-ਹੌਲੀ ਪਤਲਾ ਹੁੰਦਾ ਜਾਂਦਾ ਹੈ ਅਤੇ ਅੰਤ ਵਿੱਚ ਅਜਿਹੀ ਸਥਿਤੀ ਪੈਦਾ ਹੋ ਜਾਂਦੀ ਹੈ ਕਿ ਇਹ ਧਮਨੀਆਂ ਹਮੇਸ਼ਾ ਲਈ ਸੁੰਗੜ ਜਾਂਦੀਆਂ ਹਨ। ਸੁੰਗੜਨ ਕਾਰਨ ਦਿਮਾਗ ਤੱਕ ਖੂਨ ਓਨਾ ਨਹੀਂ ਪਹੁੰਚ ਪਾਉਂਦਾ ਜਿੰਨਾ ਹੋਣਾ ਚਾਹੀਦਾ ਹੈ। ਜਦੋਂ ਖੂਨ ਦਿਮਾਗ ਤੱਕ ਘੱਟ ਪਹੁੰਚਦਾ ਹੈ ਤਾਂ ਆਕਸੀਜਨ ਵੀ ਘੱਟ ਪਹੁੰਚਦੀ ਹੈ ਅਤੇ ਇਸ ਕਾਰਨ ਦਿਮਾਗ ਦੀਆਂ ਕੋਸ਼ਿਕਾਵਾਂ ਕਮਜ਼ੋਰ ਹੋ ਜਾਂਦੀਆਂ ਹਨ।

ਕਿਉਂ ਹੁੰਦੇ ਹਨ ਲਿਫਟ ਦੇ ਅੰਦਰ ਸ਼ੀਸ਼ੇ?
ਹੋਰ ਖਬਰਾਂ…