ਭਾਰਤ ਦਾ ਪਹਿਲਾ Subscription ਅਧਾਰਤ TvOS ਲਾਂਚ, 799 ਰੁਪਏ ‘ਚ ਮਿਲਣਗੇ 24 OTT ਤੇ 300 ਤੋਂ ਵੱਧ ਚੈਨਲ
ਜਦੋਂ ਸਮਾਰਟ ਟੀਵੀ ਦੀ ਗੱਲ ਆਉਂਦੀ ਹੈ ਤਾਂ ਇਸ ਵਿੱਚ ਜਾਂ ਤਾਂ ਐਂਡਰਾਇਡ ਜਾਂ ਐਮਾਜ਼ਾਨ ਫਾਇਰ ਸਟਿੱਕ ਹੀ ਮੁੱਖ ਆਪਰੇਟਿੰਗ ਸਿਸਟਮ ਮੰਨੇ ਜਾਂਦੇ ਹਨ ਪਰ ਹੁਣ ਇੱਕ ਨਵਾਂ ਓਐਸ ਮਾਰਕੀਟ ਵਿੱਚ ਆ ਗਿਆ ਹੈ। Streambox Media ਨੇ ਭਾਰਤ ਦਾ ਪਹਿਲਾ ਸਬਸਕ੍ਰਿਪਸ਼ਨ ਬੇਸਡ TV OS ਲਾਂਚ ਕੀਤਾ ਹੈ। ਇਸ ਮਾਈਕ੍ਰੋਮੈਕਸ-ਬੈਕਡ ਸਟਾਰਟ-ਅੱਪ ਕੰਪਨੀ ਦੇ ਸਮਾਰਟ ਟੀਵੀ DorOS ਦੇ ਨਾਲ ਆਉਣਗੇ, ਜਿਸ ਵਿੱਚ ਉਪਭੋਗਤਾਵਾਂ ਨੂੰ 300 ਤੋਂ ਵੱਧ ਲਾਈਵ ਟੀਵੀ ਚੈਨਲਾਂ ਅਤੇ 24 OTT ਐਪਸ ਦੀ ਸਬਸਕ੍ਰਿਪਸ਼ਨ ਦਿੱਤੀ ਜਾਵੇਗੀ, ਜਿਸ ਵਿੱਚ Amazon Prime Video, JioCinema, Disney+ Hotstar, SonyLIV, YouTube, Lionsgate Play, Zee5 ਵਰਗੇ OTT ਐਪਸ ਸ਼ਾਮਲ ਹੋਣਗੇ। ਸਟ੍ਰੀਮਬਾਕਸ ਮੀਡੀਆ ਦੇ ਸੰਸਥਾਪਕ ਅਤੇ ਸੀਈਓ ਅਨੁਜ ਗਾਂਧੀ ਨੇ ਕਿਹਾ ਹੈ ਕਿ ਅਸੀਂ ਨੈੱਟਫਲਿਕਸ ਨਾਲ ਵੀ ਗੱਲਬਾਤ ਕਰ ਰਹੇ ਹਾਂ।
ਇਸ ਸਟਾਰਟਅਪ ਕੰਪਨੀ ਦੇ DorOS ਵਿੱਚ, ਉਪਭੋਗਤਾਵਾਂ ਨੂੰ 24 OTT ਐਪਸ ਅਤੇ 300 ਤੋਂ ਵੱਧ ਡਿਜੀਟਲ ਟੀਵੀ ਚੈਨਲ ਦਿੱਤੇ ਜਾਣਗੇ। ਕੰਪਨੀ ਨੇ ਇਸ ਦੇ ਲਈ 799 ਰੁਪਏ ਦਾ ਮਹੀਨਾਵਾਰ ਸਬਸਕ੍ਰਿਪਸ਼ਨ ਪਲਾਨ ਰੱਖਿਆ ਹੈ। ਇਹ ਸਬਸਕ੍ਰਿਪਸ਼ਨ ਆਧਾਰਿਤ ਟੀਵੀ ਆਪਰੇਟਿੰਗ ਸਿਸਟਮ ਟਾਟਾ ਪਲੇ, ਏਅਰਟੈੱਲ ਐਕਸਟ੍ਰੀਮ ਟੀਵੀ ਆਦਿ ਨਾਲ ਮੁਕਾਬਲਾ ਕਰ ਸਕਦਾ ਹੈ। ਇਸ ਟੀਵੀ ਆਪਰੇਟਿੰਗ ਸਿਸਟਮ ਵਿੱਚ AI ਪਾਵਰਡ ਸਰਚ ਫੀਚਰ ਦਿੱਤਾ ਗਿਆ ਹੈ, ਜੋ ਉਪਭੋਗਤਾਵਾਂ ਨੂੰ ਆਪਣੀ ਪਸੰਦ ਦੇ ਮਨੋਰੰਜਨ ਪ੍ਰੋਗਰਾਮ ਨੂੰ ਸਰਚ ਕਰਨ ਵਿੱਚ ਆਸਾਨੀ ਨਾਲ ਮਦਦ ਕਰੇਗਾ।
ਇਹ ਪੱਤੇ ਕੂੜਾ ਨਹੀਂ ਸਗੋਂ ਸਿਹਤ ਦਾ ਹੈ ਖ਼ਜ਼ਾਨਾ
ਸਟ੍ਰੀਮਬਾਕਸ ਨੇ ਇਸ ਓਪਰੇਟਿੰਗ ਸਿਸਟਮ ਨਾਲ 4K QLED ਟੀਵੀ ਵੀ ਲੈਸ ਕੀਤਾ ਹੈ, ਜੋ ਕਿ 43 ਇੰਚ, 55 ਇੰਚ ਅਤੇ 65 ਇੰਚ ਵਿੱਚ ਉਪਲਬਧ ਹੈ। ਇਨ੍ਹਾਂ ਵਿੱਚੋਂ, 43-ਇੰਚ ਮਾਡਲ ਨੂੰ 1 ਦਸੰਬਰ, 2024 ਤੋਂ ਈ-ਕਾਮਰਸ ਪਲੇਟਫਾਰਮ ਫਲਿੱਪਕਾਰਟ ‘ਤੇ ਵਿਕਰੀ ਲਈ ਉਪਲਬਧ ਕਰਾਇਆ ਜਾਵੇਗਾ। ਜਦਕਿ ਬਾਕੀ ਦੇ ਦੋ ਮਾਡਲ ਅਗਲੇ ਸਾਲ ਤੋਂ ਖਰੀਦੇ ਜਾ ਸਕਦੇ ਹਨ। ਕੰਪਨੀ ਇਸ ਦੇ ਲਈ 10,799 ਰੁਪਏ ਚਾਰਜ ਕਰੇਗੀ। ਇਸ ‘ਚ 9,999 ਰੁਪਏ ਦਾ ਵਨ ਟਾਈਮ ਐਕਟੀਵੇਸ਼ਨ ਚਾਰਜ ਅਤੇ 799 ਰੁਪਏ ਦੀ ਮਾਸਿਕ ਸਬਸਕ੍ਰਿਪਸ਼ਨ ਟੀਵੀ ਲਈ ਉਪਲਬਧ ਹੋਵੇਗੀ। ਖਾਸ ਗੱਲ ਇਹ ਹੈ ਕਿ ਯੂਜ਼ਰਸ ਨੂੰ ਪਹਿਲੇ ਮਹੀਨੇ ਟੀਵੀ ਦੇ ਨਾਲ ਫ੍ਰੀ ਸਬਸਕ੍ਰਿਪਸ਼ਨ ਮਿਲੇਗਾ। ਇਸ ਦੇ ਨਾਲ ਹੀ ਅਗਲੇ 12 ਮਹੀਨਿਆਂ ਲਈ ਯੂਜ਼ਰਸ ਨੂੰ ਹਰ ਮਹੀਨੇ 799 ਰੁਪਏ ਦਾ ਮਹੀਨਾਵਾਰ ਪਲਾਨ ਲੈਣਾ ਹੋਵੇਗਾ। ਇਸ ਤੋਂ ਬਾਅਦ ਯੂਜ਼ਰਸ ਆਪਣੀ ਸਹੂਲਤ ਮੁਤਾਬਕ ਪਲਾਨ ਨੂੰ ਕਸਟਮਾਈਜ਼ ਕਰ ਸਕਣਗੇ।
