ਲਾਲ ਆਤੰਕ ‘ਤੇ ਵੱਡਾ ਹਮਲਾ, ਕਾਂਕੇਰ ‘ਚ ਫਿਰ ਹੋਇਆ ਐਨਕਾਊਂਟਰ, ਜਵਾਨਾਂ ਨੂੰ ਵੱਡੇ ਨਕਸਲੀ ਲੀਡਰ ਦੀ ਮੌਜੂਦਗੀ ਦਾ ਮਿਲਿਆ ਇਨਪੁਟ – News18 ਪੰਜਾਬੀ
ਛੱਤੀਸਗੜ੍ਹ ‘ਚ ਨਕਸਲੀਆਂ ਖਿਲਾਫ ਫੌਜੀ ਜਵਾਨ ਲਗਾਤਾਰ ਆਪਰੇਸ਼ਨ ਚਲਾ ਰਹੇ ਹਨ। ਇਸ ਲੜੀ ‘ਚ ਐਤਵਾਰ ਨੂੰ ਕਾਂਕੇਰ ਜ਼ਿਲ੍ਹੇ ‘ਚ ਫੌਜੀਆਂ ਅਤੇ ਨਕਸਲੀਆਂ ਵਿਚਾਲੇ ਇਕ ਵਾਰ ਫਿਰ ਮੁਕਾਬਲਾ ਹੋਇਆ। ਸ਼ਨੀਵਾਰ ਨੂੰ ਮੁੱਠਭੇੜ ਤੋਂ ਬਾਅਦ ਜਵਾਨ ਮਾੜ ਇਲਾਕੇ ‘ਚ ਸਰਚਿੰਗ ਕਰ ਰਹੇ ਸਨ। ਇਸ ਦੌਰਾਨ ਦੇਰ ਰਾਤ ਨਕਸਲੀਆਂ ਨੇ ਮੁਫਰਸੀ ਦੇ ਜੰਗਲ ‘ਚ ਜਵਾਨਾਂ ‘ਤੇ ਹਮਲਾ ਕਰ ਦਿੱਤਾ। ਇਸ ਤੋਂ ਬਾਅਦ ਜਵਾਨਾਂ ਨੇ ਵੀ ਚਾਰਜ ਸੰਭਾਲ ਲਿਆ ਅਤੇ ਜਵਾਬੀ ਕਾਰਵਾਈ ‘ਚ ਫਾਇਰਿੰਗ ਕੀਤੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਜਵਾਨਾਂ ਨੇ ਅਜੇ ਵੀ ਨਕਸਲੀਆਂ ਨੂੰ ਘੇਰ ਲਿਆ ਹੈ।
ਜਵਾਨਾਂ ਨੂੰ ਸੀਸੀ ਮੈਂਬਰ ਪ੍ਰਭਾਕਰ ਦੀ ਮੌਜੂਦਗੀ ਦੀ ਖ਼ਬਰ ਮਿਲੀ ਸੀ। ਇਸ ਤੋਂ ਬਾਅਦ ਫੋਰਸ ਮਾੜ ਇਲਾਕੇ ‘ਚ ਮੌਜੂਦ ਸੀ। ਫਿਲਹਾਲ ਵੱਡੀ ਗਿਣਤੀ ‘ਚ ਫੌਜੀਆਂ ਨੇ ਇਸ ਇਲਾਕੇ ਨੂੰ ਘੇਰ ਲਿਆ ਹੈ। ਐਸਪੀ ਆਈਕੇ ਐਲੀਸੇਲਾ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ।
5 ਨਕਸਲੀ ਹੋਏ ਸੀ ਢੇਰ…
ਸ਼ਨੀਵਾਰ ਨੂੰ ਨਕਸਲੀਆਂ ਖਿਲਾਫ ਚਲਾਏ ਜਾ ਰਹੇ ਐਂਟੀ ਨਕਸਲ ਆਪ੍ਰੇਸ਼ਨ ‘ਚ ਸੁਰੱਖਿਆ ਬਲਾਂ ਨੂੰ ਵੱਡੀ ਸਫਲਤਾ ਮਿਲੀ ਹੈ। ਕਾਂਕੇਰ ਅਤੇ ਨਰਾਇਣਪੁਰ ਦੀ ਸਾਂਝੀ ਟੀਮ, ਜਿਸ ਵਿੱਚ ਡੀਆਰਜੀ, ਬੀਐਸਐਫ, ਬਸਤਰ ਬਟਾਲੀਅਨ ਦੇ ਜਵਾਨ ਸ਼ਾਮਲ ਹਨ, ਉਨ੍ਹਾਂ ਨੂੰ ਇੱਕ ਵੱਡੇ ਨਕਸਲੀ ਹੋਣ ਦੀ ਸੂਚਨਾ ਮਿਲੀ ਸੀ। ਇਸ ਤੋਂ ਬਾਅਦ ਦੋਵਾਂ ਜ਼ਿਲ੍ਹਿਆਂ ਦੇ ਜਵਾਨਾਂ ਨੇ ਵੱਡਾ ਆਪ੍ਰੇਸ਼ਨ ਸ਼ੁਰੂ ਕਰ ਦਿੱਤਾ। ਅੱਜ ਸਵੇਰੇ 8 ਵਜੇ ਮੌੜ ਇਲਾਕੇ ‘ਚ ਦੋਵਾਂ ਵਿਚਾਲੇ ਜ਼ਬਰਦਸਤ ਮੁਠਭੇੜ ਹੋਈ, ਜਿਸ ‘ਚ ਜਵਾਨਾਂ ਨੇ 2 ਮਹਿਲਾ ਨਕਸਲੀਆਂ ਸਮੇਤ 5 ਨਕਸਲੀਆਂ ਨੂੰ ਢੇਰ ਕਰ ਦਿੱਤਾ।
ਜਵਾਨਾਂ ਨੇ ਮੌਕੇ ਤੋਂ ਇੰਸਾਸ, ਐਸਐਲਆਰ ਸਮੇਤ ਵੱਡੀ ਮਾਤਰਾ ਵਿੱਚ ਵਿਸਫੋਟਕ ਸਮੱਗਰੀ ਵੀ ਬਰਾਮਦ ਕੀਤੀ ਹੈ। ਇਸ ਤੋਂ ਬਾਅਦ ਜਵਾਨਾਂ ਨੇ ਇਲਾਕੇ ਦੀ ਤਲਾਸ਼ੀ ਤੇਜ਼ ਕਰ ਦਿੱਤੀ। ਬਸਤਰ ਦੇ ਆਈਜੀ ਸੁੰਦਰ ਰਾਜ ਪੀ ਨੇ ਦੱਸਿਆ ਕਿ ਮਹਾਰਾਸ਼ਟਰ ਦੀ ਸਰਹੱਦ ਨਾਲ ਲੱਗਦੇ ਮਾੜ ਖੇਤਰ ਵਿੱਚ ਦੰਡਕਾਰਣਿਆ ਸਪੈਸ਼ਲ ਜ਼ੋਨਲ ਕਮੇਟੀ ਅਤੇ ਉੱਤਰੀ ਬਸਤਰ ਕਮੇਟੀ ਤੋਂ ਵੱਡੇ ਨਕਸਲੀਆਂ ਦੇ ਮੌਜੂਦ ਹੋਣ ਦਾ ਇਨਪੁੱਟ ਮਿਲਿਆ ਸੀ। ਇਸ ਤੋਂ ਬਾਅਦ ਜਵਾਨਾਂ ਨੇ ਆਪ੍ਰੇਸ਼ਨ ਚਲਾਇਆ ਸੀ। ਨਾਲ ਹੀ ਉਨ੍ਹਾਂ ਇਹ ਵੀ ਕਿਹਾ ਕਿ ਸਾਲ 2024 ਵਿੱਚ ਹੁਣ ਤੱਕ ਜਵਾਨਾਂ ਵੱਲੋਂ ਮੁਠਭੇੜ ਵਿੱਚ 197 ਨਕਸਲੀਆਂ ਨੂੰ ਮਾਰਿਆ ਹੈ। ਹੁਣ ਵੀ ਨਕਸਲੀਆਂ ਖਿਲਾਫ ਲਗਾਤਾਰ ਆਪਰੇਸ਼ਨ ਚਲਾਏ ਜਾ ਰਹੇ ਹਨ ।
