WhatsApp ਨੇ ਆਪਣੀ ਇਹ ਸਰਵਿਸ ਕੀਤੀ ਮੁਫ਼ਤ, Jio, Airtel ਤੇ Vi ਨੂੰ ਹੋਣ ਵਾਲਾ ਹੈ ਕਰੋੜਾਂ ਦਾ ਨੁਕਸਾਨ
WhatsApp ਨੇ ਆਪਣੇ ਪਲੇਟਫਾਰਮ ‘ਤੇ ਗਾਹਕਾਂ ਨਾਲ ਗੱਲਬਾਤ ਕਰਨ ਲਈ ਸੁਨੇਹੇ ਭੇਜਣਾ ਮੁਫ਼ਤ ਕਰ ਦਿੱਤਾ ਹੈ। ਇਸ ਨਾਲ ਬਿਜਨੈੱਸ ਲਈ ਗਾਹਕਾਂ ਨਾਲ ਗੱਲਬਾਤ ਕਰਨਾ ਬਹੁਤ ਸਸਤਾ ਹੋ ਗਿਆ ਹੈ। WhatsApp ਅਜਿਹਾ ਇਸ ਲਈ ਕਰ ਰਿਹਾ ਹੈ ਤਾਂ ਜੋ ਲੋਕ AI ਚੈਟਬੋਟਸ ਦੀ ਜ਼ਿਆਦਾ ਵਰਤੋਂ ਕਰਨ ਅਤੇ WhatsApp ਦੀ ਮਾਰਕੀਟ ਰੀਚ ਵਧੇ। ਹੁਣ ਤੱਕ ਭਾਰਤ ‘ਚ ਜ਼ਿਆਦਾਤਰ ਲੋਕ SMS ਦੀ ਵਰਤੋਂ ਕਰਦੇ ਹਨ, ਪਰ WhatsApp ਸਸਤਾ ਹੋਣ ਕਾਰਨ ਹੁਣ ਜ਼ਿਆਦਾ ਲੋਕ ਇਸ ਦੀ ਵਰਤੋਂ ਕਰ ਸਕਦੇ ਹਨ।
ਭਾਰਤ ਵਿੱਚ ਕਾਰੋਬਾਰਾਂ ਲਈ ਮੈਸੇਜਿੰਗ ਮਾਰਕੀਟ ਦਾ ਕੁੱਲ ਵੈਲਿਊ ਲਗਭਗ 2,500 ਕਰੋੜ ਰੁਪਏ ਹੈ। ਐਸਐਮਐਸ ਵਿੱਚ 55-60 ਬਿਲੀਅਨ ਟੈਕਸਟ ਮਹੀਨਾਵਾਰ ਦੇ ਨਾਲ ਲਗਭਗ 90% ਵਾਲੀਅਮ ਸ਼ੇਅਰ ਹੈ। WhatsApp ਕਥਿਤ ਤੌਰ ‘ਤੇ 30% ਵੈਲਿਊ ਸ਼ੇਅਰ ਰੱਖਦਾ ਹੈ।
ਭਾਰਤ ਦੀਆਂ ਤਿੰਨ ਵੱਡੀਆਂ ਟੈਲੀਕਾਮ ਕੰਪਨੀਆਂ ਏਅਰਟੈੱਲ, ਰਿਲਾਇੰਸ ਜੀਓ ਅਤੇ ਵੋਡਾਫੋਨ-ਆਈਡੀਆ ਦੀ ਨੁਮਾਇੰਦਗੀ ਕਰਨ ਵਾਲੀ ਸੈਲੂਲਰ ਆਪਰੇਟਰਜ਼ ਐਸੋਸੀਏਸ਼ਨ ਆਫ ਇੰਡੀਆ (COAI) ਨੇ ਸਰਕਾਰ ਨੂੰ ਸ਼ਿਕਾਇਤ ਕੀਤੀ ਹੈ। ਇਨ੍ਹਾਂ ਕੰਪਨੀਆਂ ਦਾ ਕਹਿਣਾ ਹੈ ਕਿ ਮਾਈਕ੍ਰੋਸਾਫਟ ਅਤੇ ਅਮੇਜ਼ਨ ਵਰਗੀਆਂ ਵੱਡੀਆਂ ਵਿਦੇਸ਼ੀ ਕੰਪਨੀਆਂ ਵਟਸਐਪ ਦੀ ਵਰਤੋਂ ਕਰਨ ਵਾਲੇ ਗਾਹਕਾਂ ਨੂੰ ਸਿੱਧੇ ਮੈਸੇਜ ਭੇਜ ਰਹੀਆਂ ਹਨ।
ਅਜਿਹਾ ਕਰਨ ਨਾਲ ਸਰਕਾਰ ਅਤੇ ਟੈਲੀਕਾਮ ਕੰਪਨੀਆਂ ਨੂੰ ਹਰ ਸਾਲ ਕਰੀਬ 3,000 ਕਰੋੜ ਰੁਪਏ ਦਾ ਨੁਕਸਾਨ ਹੋ ਰਿਹਾ ਹੈ। COAI ਦਾ ਕਹਿਣਾ ਹੈ ਕਿ ਇਹ ਕੰਪਨੀਆਂ ਨਿਯਮਾਂ ਦੀ ਪਾਲਣਾ ਨਹੀਂ ਕਰ ਰਹੀਆਂ ਹਨ ਅਤੇ ਗਲਤ ਤਰੀਕੇ ਨਾਲ ਸੰਦੇਸ਼ ਭੇਜ ਰਹੀਆਂ ਹਨ।
WhatsApp ਇੱਕ ਬਹੁਤ ਮਸ਼ਹੂਰ ਮੈਸੇਜਿੰਗ ਐਪ ਹੈ, ਜਿਸਦੀ ਵਰਤੋਂ ਬਹੁਤ ਸਾਰੀਆਂ ਕੰਪਨੀਆਂ ਆਪਣੇ ਗਾਹਕਾਂ ਨਾਲ ਗੱਲ ਕਰਨ ਲਈ ਕਰਦੀਆਂ ਹਨ। ਗੂਗਲ ਨੇ ਆਪਣੇ ਵਿਕਲਪ ਵਜੋਂ ਇੱਕ ਨਵਾਂ ਮੈਸੇਜਿੰਗ ਸਿਸਟਮ ਬਣਾਇਆ ਹੈ, ਜਿਸਦਾ ਨਾਮ ਰਿਚ ਕਮਿਊਨੀਕੇਸ਼ਨ ਸਰਵਿਸ (ਆਰਸੀਐਸ) ਹੈ। ਵੋਡਾਫੋਨ ਆਈਡੀਆ ਨੇ ਗੂਗਲ ਦੇ ਨਾਲ ਮਿਲ ਕੇ ਭਾਰਤ ‘ਚ ਇਸ ਨਵੇਂ ਸਿਸਟਮ ਨੂੰ ਲਿਆਉਣਾ ਸ਼ੁਰੂ ਕਰ ਦਿੱਤਾ ਹੈ। ਜਲਦ ਹੀ ਜੀਓ ਅਤੇ ਏਅਰਟੈੱਲ ਵੀ ਇਸ ਸਿਸਟਮ ਨੂੰ ਅਪਣਾ ਸਕਦੇ ਹਨ।
ਇਹ ਦੂਜੀ ਵਾਰ ਹੈ ਜਦੋਂ WhatsApp ਨੇ ਛੇ ਮਹੀਨਿਆਂ ਦੇ ਅੰਦਰ ਆਪਣੇ ਮੈਸੇਜਿੰਗ ਪਲਾਨ ਦੀ ਕੀਮਤ ਘਟਾਈ ਹੈ। ਇਸ ਤੋਂ ਪਹਿਲਾਂ, ਅਗਸਤ ਵਿੱਚ, ਵਟਸਐਪ ਨੇ ਦੁਨੀਆ ਦੇ ਕਈ ਦੇਸ਼ਾਂ ਵਿੱਚ ਆਪਣੇ ਕਾਰਪੋਰੇਟ ਮੈਸੇਜਿੰਗ ਯੋਜਨਾਵਾਂ ਦੀ ਕੀਮਤ 16% ਤੋਂ 97% ਤੱਕ ਘਟਾ ਦਿੱਤੀ ਸੀ। ਅਜਿਹਾ ਇਸ ਲਈ ਕੀਤਾ ਗਿਆ ਕਿਉਂਕਿ ਗੂਗਲ ਅਤੇ ਐਪਲ ਵੀ ਇਸ ਖੇਤਰ ਵਿੱਚ ਆ ਰਹੇ ਹਨ ਅਤੇ ਵਟਸਐਪ ਨੂੰ ਸਖ਼ਤ ਮੁਕਾਬਲਾ ਦੇ ਰਹੇ ਹਨ। ਭਾਰਤ ਵਿੱਚ ਵੀ ਵਟਸਐਪ ਨੇ ਆਪਣੇ ਪਲਾਨ ਦੀ ਕੀਮਤ ਵਿੱਚ 63% ਦੀ ਕਟੌਤੀ ਕੀਤੀ ਗਈ ਸੀ।
ਵਟਸਐਪ ਦਾ ਨਵਾਂ ਐਲਾਨ
ਵਟਸਐਪ ਦੀ ਮਾਲਕੀਅਤ ਵਾਲੀ ਮੈਟਾ ਨੇ ਇੱਕ ਨਵਾਂ ਐਲਾਨ ਕੀਤਾ ਹੈ। 1 ਨਵੰਬਰ 2024 ਤੋਂ ਕੰਪਨੀਆਂ ਵਟਸਐਪ ਰਾਹੀਂ ਗਾਹਕਾਂ ਨੂੰ ਮੁਫਤ ਮੈਸੇਜ ਭੇਜ ਸਕਣਗੀਆਂ। ਇਸ ਤੋਂ ਪਹਿਲਾਂ ਕੰਪਨੀਆਂ ਨੂੰ ਹਰ ਮੈਸੇਜ ਲਈ 25 ਪੈਸੇ ਦੇਣੇ ਪੈਂਦੇ ਸਨ। ਹੁਣ ਇਹ ਮੁਫਤ ਹੋ ਗਿਆ ਹੈ। ਪਹਿਲਾਂ, ਐਸਐਮਐਸ ਭੇਜਣ ਲਈ ਇਸਦੀ ਕੀਮਤ 12 ਤੋਂ 15 ਪੈਸੇ ਹੁੰਦੀ ਸੀ, ਅਤੇ ਗੂਗਲ ਦੀ ਆਰਸੀਐਸ ਮੈਸੇਜਿੰਗ ਸੇਵਾ ਦੀ ਕੀਮਤ 20 ਤੋਂ 25 ਪੈਸੇ ਸੀ।
