ਇਸ ਸਰਕਾਰੀ ਸਕੀਮ ‘ਚ ਨਿਵੇਸ਼ ਕਰ ਕੇ ਹਰ ਮਹੀਨੇ ਕਮਾਓ 9,250 ਰੁਪਏ, ਜਾਣੋ ਕੀ ਹੈ ਪੂਰੀ ਯੋਜਨਾ
ਵੈਸੇ ਤਾਂ ਮਾਰਕੀਟ ਵਿੱਚ ਨਿਵੇਸ਼ ਦੇ ਕਈ ਵਿਕਲਪ ਮਿਲਦੇ ਹਨ ਪਰ ਸਰਕਾਰੀ ਸਕੀਮਾਂ ਵਰਗੀ ਸਕਿਓਰਿਟੀ ਕੋਈ ਹੋਰ ਸਕੀਮ ਨਹੀਂ ਦਿੰਦੀ। ਜੇਕਰ ਤੁਸੀਂ ਇੱਕ ਵਾਰ ਨਿਵੇਸ਼ ਕਰਕੇ ਮਹੀਨਾਵਾਰ ਆਮਦਨ ਕਮਾਉਣਾ ਚਾਹੁੰਦੇ ਹੋ, ਤਾਂ ਪੋਸਟ ਆਫਿਸ ਮਾਸਿਕ ਆਮਦਨ ਸਕੀਮ (POMIS) ਤੁਹਾਡੇ ਲਈ ਸਹੀ ਹੋਵੇਗੀ। ਪੋਸਟ ਆਫਿਸ ਕਈ ਤਰ੍ਹਾਂ ਦੀਆਂ ਛੋਟੀਆਂ ਬੱਚਤ ਸਕੀਮਾਂ ਚਲਾਉਂਦਾ ਹੈ ਤੇ ਪੋਸਟ ਆਫਿਸ ਮਾਸਿਕ ਆਮਦਨ ਯੋਜਨਾ ਵਿੱਚ ਨਿਵੇਸ਼ ਕਰਕੇ, ਤੁਸੀਂ ਹਰ ਮਹੀਨੇ ਨਿਯਮਤ ਆਮਦਨ ਕਮਾ ਸਕਦੇ ਹੋ। ਇਸ ਸਕੀਮ ਦੀ ਮਿਆਦ 5 ਸਾਲ ਹੈ। ਪੋਸਟ ਆਫਿਸ ਸਕੀਮਾਂ ਦੀਆਂ ਵਿਆਜ ਦਰਾਂ ਦੀ ਹਰ ਤਿਮਾਹੀ ਵਿੱਚ ਸਮੀਖਿਆ ਕੀਤੀ ਜਾਂਦੀ ਹੈ। ਮੌਜੂਦਾ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ (ਅਕਤੂਬਰ-ਦਸੰਬਰ) ਵਿੱਚ, ਡਾਕਘਰ ਦੀ ਮਾਸਿਕ ਆਮਦਨ ਯੋਜਨਾ ‘ਤੇ 7.4 ਫੀਸਦੀ ਸਾਲਾਨਾ ਵਿਆਜ ਦਿੱਤਾ ਜਾ ਰਿਹਾ ਹੈ।
ਇਸ ਸਕੀਮ ਵਿੱਚ ਘੱਟੋ-ਘੱਟ ਜਮ੍ਹਾਂ ਰਕਮ 1000 ਰੁਪਏ ਹੈ:
ਪੋਸਟ ਆਫਿਸ ਮਾਸਿਕ ਆਮਦਨ ਯੋਜਨਾ ਵਿੱਚ ਘੱਟੋ ਘੱਟ ਜਮ੍ਹਾਂ ਰਕਮ 1,000 ਰੁਪਏ ਹੈ। ਇੱਕ ਖਾਤੇ ਲਈ ਅਧਿਕਤਮ ਜਮ੍ਹਾ ਕਰਨ ਦੀ ਸੀਮਾ 9 ਲੱਖ ਰੁਪਏ ਹੈ। ਜੌਇੰਟ ਖਾਤੇ ਲਈ ਵੱਧ ਤੋਂ ਵੱਧ ਜਮ੍ਹਾ ਕਰਨ ਦੀ ਸੀਮਾ 15 ਲੱਖ ਰੁਪਏ ਹੈ।
ਪੋਸਟ ਆਫਿਸ MIS 2024 ਗਣਨਾ: ਇਸ ਯੋਜਨਾ ਵਿੱਚ ਇੱਕ ਖਾਤੇ ਵਿੱਚ ਵੱਧ ਤੋਂ ਵੱਧ 9 ਲੱਖ ਰੁਪਏ ਜਮ੍ਹਾ ਕਰਨ ਦੀ ਆਗਿਆ ਦਿੱਤੀ ਜਾਂਦੀ ਹੈ। ਇਸ ਡਿਪਾਜ਼ਿਟ ‘ਤੇ ਹਰ ਮਹੀਨੇ 5,550 ਰੁਪਏ ਦੀ ਆਮਦਨ ਹੋਵੇਗੀ। ਜੌਇੰਟ ਅਕਾਊਂਟ ਵਿੱਚ ਵੱਧ ਤੋਂ ਵੱਧ 15 ਲੱਖ ਰੁਪਏ ਜਮ੍ਹਾ ਕਰਾਉਣ ਦੀ ਇਜਾਜ਼ਤ ਹੈ। ਇਸ ‘ਤੇ ਹਰ ਮਹੀਨੇ 9,250 ਰੁਪਏ ਦੀ ਆਮਦਨ ਹੋਵੇਗੀ। ਇਸ ਸਕੀਮ ਦਾ ਰਿਟਰਨ 5 ਸਾਲਾਂ ਲਈ ਸਥਿਰ ਰਹਿੰਦਾ ਹੈ।
ਆਓ ਇਸ ਨੂੰ ਹੇਠਾਂ ਦਿੱਤੇ ਅੰਕੜਿਆਂ ਅਨੁਸਾਰ ਸਮਝੀਏ
ਨਿਵੇਸ਼: 15 ਲੱਖ ਰੁਪਏ
ਸਲਾਨਾ ਵਿਆਜ ਦਰ: 7.4 ਪ੍ਰਤੀਸ਼ਤ
ਮਿਆਦ: 5 ਸਾਲ
ਵਿਆਜ ਤੋਂ ਕਮਾਈ: 5,55,000 ਰੁਪਏ
ਮਹੀਨਾਵਾਰ ਆਮਦਨ: 9,250 ਰੁਪਏ
ਸਮੇਂ ਤੋਂ ਪਹਿਲਾਂ ਇਹ ਸਕੀਮ ਬੰਦ ਕਰਨ ਦੇ ਨਿਯਮ
ਜੇਕਰ ਪੋਸਟ ਆਫਿਸ ਮਾਸਿਕ ਆਮਦਨ ਯੋਜਨਾ ਵਿੱਚ ਮਿਆਦ ਪੂਰੀ ਹੋਣ ਤੋਂ ਪਹਿਲਾਂ ਪੈਸੇ ਕਢਵਾਉਣ ਦੀ ਜ਼ਰੂਰਤ ਹੈ, ਤਾਂ ਤੁਹਾਨੂੰ ਇਹ ਸਹੂਲਤ ਇੱਕ ਸਾਲ ਬਾਅਦ ਮਿਲਦੀ ਹੈ। ਪ੍ਰੀ-ਮੈਚਿਓਰ ਕਲੋਜ਼ਿੰਗ ਹੋਣ ਦੀ ਸੂਰਤ ਵਿੱਚ ਤੁਹਾਨੂੰ ਜੁਰਮਾਨਾ ਅਦਾ ਕਰਨਾ ਪੈਂਦਾ ਹੈ।
