15 ਸਾਲ ਦੇ ਇਸ ਕ੍ਰਿਕਟਰ ਨੇ ਤੋੜਿਆ ਸਚਿਨ ਤੇਂਦੁਲਕਰ ਦਾ ਰਿਕਾਰਡ, 152 ਗੇਂਦਾਂ ‘ਤੇ ਬਣਾਈਆਂ 419 ਦੌੜਾਂ

ਨੌਜਵਾਨ ਸਲਾਮੀ ਬੱਲੇਬਾਜ਼ ਆਯੂਸ਼ ਸ਼ਿੰਦੇ ਨੇ ਹੈਰਿਸ ਸ਼ੀਲਡ ਟੂਰਨਾਮੈਂਟ ‘ਚ 419 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਉਸ ਨੇ 152 ਗੇਂਦਾਂ ਵਿੱਚ 43 ਚੌਕੇ ਅਤੇ 24 ਛੱਕੇ ਲਾਏ। ਜਨਰਲ ਐਜੂਕੇਸ਼ਨ ਅਕੈਡਮੀ ਲਈ ਖੇਡਦੇ ਹੋਏ ਉਸ ਨੇ ਪਾਰਲ ਤਿਲਕ ਵਿਦਿਆ ਮੰਦਰ ਖਿਲਾਫ ਇਹ ਇਤਿਹਾਸਕ ਪਾਰੀ ਖੇਡੀ। ਇਸ ਦੇ ਨਾਲ ਹੀ ਆਯੂਸ਼ ਨੇ ਦਿੱਗਜ ਕ੍ਰਿਕਟਰ ਸਚਿਨ ਤੇਂਦੁਲਕਰ (Sachin Tendulkar) ਦਾ ਸਾਲਾਂ ਪੁਰਾਣਾ ਰਿਕਾਰਡ ਵੀ ਤੋੜ ਦਿੱਤਾ ਹੈ। ਆਯੂਸ਼ ਨੇ ਕਰਾਸ ਫੀਲਡ ‘ਤੇ ਖੇਡੇ ਗਏ ਮੈਚ ‘ਚ ਰਿਕਾਰਡ ਬੁੱਕ ‘ਚ ਆਪਣਾ ਨਾਂ ਦਰਜ ਕਰਵਾਇਆ। ਉਹ ਲੜਕਿਆਂ ਦੇ ਅੰਡਰ-16 ਟੂਰਨਾਮੈਂਟ ‘ਚ ਸਭ ਤੋਂ ਵੱਡੀ ਪਾਰੀ ਖੇਡਣ ਵਾਲੇ ਬੱਲੇਬਾਜ਼ਾਂ ਦੀ ਸੂਚੀ ‘ਚ ਚੌਥੇ ਸਥਾਨ ‘ਤੇ ਹੈ। ਸਾਲ 2009 ‘ਚ ਸਰਫਰਾਜ਼ ਖਾਨ ਨੇ 12 ਸਾਲ ਦੀ ਉਮਰ ‘ਚ 439 ਦੌੜਾਂ ਬਣਾਈਆਂ ਸਨ। ਆਯੂਸ਼ ਦੀ ਮੈਰਾਥਨ ਪਾਰੀ ਦੇ ਦਮ ‘ਤੇ ਉਨ੍ਹਾਂ ਦੀ ਟੀਮ 464 ਦੌੜਾਂ ਨਾਲ ਜਿੱਤ ਦਰਜ ਕਰਨ ‘ਚ ਸਫਲ ਰਹੀ।

ਆਯੂਸ਼ ਸ਼ਿੰਦੇ ਨੇ ਸਚਿਨ ਤੇਂਦੁਲਕਰ (Sachin Tendulkar) ਅਤੇ ਵਿਨੋਦ ਕਾਂਬਲੀ (Vinod Kambli) ਨੂੰ ਪਿੱਛੇ ਛੱਡ ਦਿੱਤਾ ਹੈ। ਸਚਿਨ ਨੇ ਸ਼ਾਰਦਾ ਵਿਦਿਆ ਮੰਦਰ ਲਈ ਖੇਡਦੇ ਹੋਏ 326 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ ਜਦਕਿ ਵਿਨੋਦ ਕਾਂਬਲੀ (Vinod Kambli) ਨੇ ਅਜੇਤੂ 349 ਦੌੜਾਂ ਬਣਾਈਆਂ ਸਨ। ਦੋਵਾਂ ਨੇ 664 ਦੌੜਾਂ ਦੀ ਰਿਕਾਰਡ ਸਾਂਝੇਦਾਰੀ ਕਰਕੇ ਟੀਮ ਨੂੰ ਵੱਡੀ ਜਿੱਤ ਦਿਵਾਈ ਸੀ। ਆਯੂਸ਼ ਨੇ ਇੱਕ ਹੀ ਝਟਕੇ ਵਿੱਚ ਦੋਵਾਂ ਦੇ ਰਿਕਾਰਡ ਤੋੜ ਦਿੱਤੇ। ਆਯੂਸ਼ ਦੀ ਇਸ ਪਾਰੀ ਦੀ ਬਦੌਲਤ ਉਨ੍ਹਾਂ ਦੀ ਟੀਮ ਨੇ 5 ਵਿਕਟਾਂ ‘ਤੇ 648 ਦੌੜਾਂ ਬਣਾਈਆਂ।

ਇਸ ਖਾਸ ਬੀਜ ਦੀ ਵਰਤੋਂ ਕਰਕੇ ਮੋਟਾਪੇ ਨੂੰ ਕਰੋ ਦੂਰ
ਹੋਰ ਖਬਰਾਂ…