BSNL ਨੇ ਯੂਜ਼ਰਸ ਲਈ ਕੀਤੀ ਸ਼ਾਨਦਾਰ ਸ਼ੁਰੂਆਤ, ਘਰ ਦੇ ਬਾਹਰ ਹਾਈ-ਸਪੀਡ ਇੰਟਰਨੈਟ ਦੀ ਚਿੰਤਾ ਹੀ ਖ਼ਤਮ, ਪੜ੍ਹੋ ਖ਼ਬਰ
ਭਾਰਤ ਵਿੱਚ ਕਈ ਟੈਲੀਕਾਮ ਕੰਪਨੀਆਂ ਕਾਰੋਬਾਰ ਕਰ ਰਹੀਆਂ ਹਨ ਅਤੇ ਪਿਛਲੇ ਸਮੇਂ ਦੌਰਾਨ ਹਰ ਕੰਪਨੀ ਵੱਲੋਂ ਆਪਣੀਆਂ ਦਰਾਂ ਵਧਾਈਆਂ ਗਈਆਂ ਹਨ ਜਿਸ ਕਾਰਨ ਭਾਰਤ ਦੀ ਸਰਕਾਰੀ ਟੈਲੀਕਾਮ ਕੰਪਨੀ (BSNL Internet Speed) ਵੱਲ ਲੋਕਾਂ ਦਾ ਰੁਝਾਨ ਇੱਕੋ ਦਮ ਵੱਧ ਗਿਆ ਹੈ। ਲੱਖਾਂ ਲੋਕਾਂ ਨੇ ਆਪਣੇ ਨੰਬਰਾਂ ਨੂੰ BSNL ਵਿੱਚ ਪੋਰਟ ਕਰਵਾਇਆ ਹੈ ਅਤੇ ਇਸ ਨੂੰ ਦੇਖਦੇ ਹੋ ਨਿੱਜੀ ਖੇਤਰ ਦੀਆਂ ਕੰਪਨੀਆਂ ਆਪਣੀਆਂ ਦਰਾਂ ਨੂੰ ਘੱਟ ਕਰਨ ਬਾਰੇ ਵਿਚਾਰ ਕਰਨ ਲੱਗੀਆਂ ਹਨ।
ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਸਰਕਾਰੀ ਦੂਰਸੰਚਾਰ ਕੰਪਨੀ ਭਾਰਤ ਸੰਚਾਰ ਨਿਗਮ ਲਿਮਿਟੇਡ (Bharat Sanchar Nigam Limited) ਨੇ ਆਪਣੀ ਰਾਸ਼ਟਰੀ Wi-Fi ਰੋਮਿੰਗ ਸੇਵਾ ਸ਼ੁਰੂ ਕੀਤੀ ਹੈ, ਜਿਸ ਦੀ ਮਦਦ ਨਾਲ BSNL FTTH (ਫਾਈਬਰ-ਟੂ-ਦੀ-ਹੋਮ) ਉਪਭੋਗਤਾ ਪੂਰੇ ਭਾਰਤ ਵਿੱਚ ਕਿਤੇ ਵੀ BSNL ਦੇ ਨੈੱਟਵਰਕ ਨਾਲ ਜੁੜਨ ਦੇ ਯੋਗ ਹੋਣਗੇ। ਹੁਣ ਤੱਕ, BSNL ਦੇ FTTH ਉਪਭੋਗਤਾ ਆਪਣੇ ਰਾਊਟਰ ਦੀ ਰੇਂਜ ਦੇ ਅੰਦਰ ਹੀ ਇੰਟਰਨੈਟ ਦੀ ਵਰਤੋਂ ਕਰ ਸਕਦੇ ਸਨ।
ਨੈਸ਼ਨਲ ਵਾਈ-ਫਾਈ ਰੋਮਿੰਗ ਸੇਵਾ (NationalWi-Fi Roaming Service)ਨੂੰ BSNL ਦੇ ਨਵੇਂ ਲੋਗੋ ਅਤੇ 6 ਹੋਰ ਨਵੀਆਂ ਪਹਿਲਕਦਮੀਆਂ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ ਜਿਸ ਵਿੱਚ ਸਪੈਮ ਸੁਰੱਖਿਆ ਉਪਾਅ, ਫਾਈਬਰ-ਅਧਾਰਿਤ ਇੰਟਰਾਨੈੱਟ ਟੀਵੀ ਸੇਵਾ, ਐਨੀ ਟਾਈਮ ਸਿਮ ਕਿਓਸਕ (Any Time Sim Kiosk) ਅਤੇ ਡਾਇਰੈਕਟ-ਟੂ-ਡਿਵਾਈਸ ਸੈਟੇਲਾਈਟ ਕਨੈਕਟੀਵਿਟੀ (Direct-To-Device Satellite Connectivity) ਸੇਵਾ ਸ਼ਾਮਲ ਹਨ।
BSNL ਦੇ ਅਨੁਸਾਰ, ਇਸਦੀ ਰਾਸ਼ਟਰੀ ਵਾਈ-ਫਾਈ ਰੋਮਿੰਗ ਸੇਵਾ (National Wi-FiService) ਦਾ ਉਦੇਸ਼ ਆਪਣੇ ਮੌਜੂਦਾ FTTH ਉਪਭੋਗਤਾਵਾਂ ਦੇ ਡੇਟਾ ਖਰਚਿਆਂ ਨੂੰ ਘਟਾਉਣਾ ਹੈ। ਉਹ ਬਿਨਾਂ ਕਿਸੇ ਵਾਧੂ ਚਾਰਜ ਦੇ ਦੇਸ਼ ਭਰ ਵਿੱਚ ਦੂਰਸੰਚਾਰ ਆਪਰੇਟਰਾਂ ਦੁਆਰਾ ਸਥਾਪਤ Wi-Fi ਹੌਟਸਪੌਟਸ ਨਾਲ ਜੁੜ ਸਕਦੇ ਹਨ।
BSNL Wi-Fi ਰੋਮਿੰਗ ਦੀ ਵਰਤੋਂ ਕਿਵੇਂ ਕਰੀਏ?
BSNL ਨੈਸ਼ਨਲ ਵਾਈ-ਫਾਈ ਰੋਮਿੰਗ ਸੇਵਾ ਦੀ ਵਰਤੋਂ ਕਰਨ ਲਈ, ਉਪਭੋਗਤਾ ਨੂੰ ਇੱਕ ਕਿਰਿਆਸ਼ੀਲ BSNL FTTH ਪਲਾਨ ਦੀ ਲੋੜ ਹੋਵੇਗੀ। ਇਸ ਸੇਵਾ ਲਈ ਸਾਈਨ ਅੱਪ ਕਰਨ ਲਈ, ਹੇਠਾਂ ਦਿੱਤੇ ਕਦਮਾਂ ਦੀ ਪਾਲਣਾ ਕਰੋ-
1. BSNL Wi-Fi ਰੋਮਿੰਗ ਪੋਰਟਲ https://portal.bsnl.in/ftth/wifiroaming ‘ਤੇ ਜਾਓ।
2. ਕਿਰਿਆਸ਼ੀਲ BSNL FTTH ਨੰਬਰ ਦਰਜ ਕਰੋ।
3. ਅੱਗੇ, BSNL FTTH ਨਾਲ ਰਜਿਸਟਰਡ ਮੋਬਾਈਲ ਨੰਬਰ ਦਰਜ ਕਰੋ।
4. ਕੈਪਚਾ ਕੋਡ ਦਰਜ ਕਰੋ।
5. OTP ਵੈਰੀਫਿਕੇਸ਼ਨ ਨੂੰ ਪੂਰਾ ਕਰਨ ਲਈ Verify ‘ਤੇ ਕਲਿੱਕ ਕਰੋ।
