ਫ਼ੋਨ ‘ਚ ਦਿਸਣ ਇਹ 8 ਸੰਕੇਤ ਤਾਂ ਸਮਝੋ ਤੁਹਾਡਾ ਫ਼ੋਨ ਹੋ ਗਿਆ ਹੈ Hack, ਜਾਣੋ ਕਿਵੇਂ ਰੱਖਣਾ ਹੈ ਆਪਣਾ ਡਾਟਾ ਸੁਰੱਖਿਅਤ
ਫ਼ੋਨ ਚਲਾਉਂਦੇ ਹੋਏ ਤੁਹਾਨੂੰ ਕਦੇ ਇੰਝ ਲੱਗਿਆ ਹੈ ਕਿ ਤੁਹਾਡਾ ਫ਼ੋਨ ਅਚਾਨਕ Slow ਹੋ ਗਿਆ ਹੈ ਜਾਂ ਕਈ ਅਚਾਨਕ ਓਵਰ ਹੀਟ ਹੋ ਰਿਹਾ ਹੈ। ਜੇ ਤੁਹਾਡਾ ਫ਼ੋਨ ਅਜੀਬ ਢੰਗ ਨਾਲ ਕੰਮ ਕਰ ਰਿਹਾ ਹੈ ਤਾਂ ਇਸ ਦਾ ਮਤਲਬ ਇਹ ਹੋ ਸਕਦਾ ਹੈ ਕਿ ਤੁਹਾਡਾ ਫ਼ੋਨ ਹੈਕ ਹੋ ਗਿਆ ਹੈ। ਤੁਹਾਡਾ ਫ਼ੋਨ ਹੈਕ ਹੋਇਆ ਹੈ ਕਿ ਨਹੀਂ, ਇਸ ਦੀ ਪਛਾਣ ਕਰਨ ਲਈ ਤੁਸੀਂ 10 ਅਜਿਹੀਆਂ ਚੀਜ਼ਾਂ ਨੂੰ ਨੋਟਿਸ ਕਰ ਸਕਦੇ ਹੋ ਜੋ ਤੁਹਾਡੇ ਫ਼ੋਨ ਵਿੱਚ ਹੋ ਰਹੀਆਂ ਹਨ। ਆਓ ਜਾਣਦੇ ਹਾਂ ਇਸ ਬਾਰੇ…
ਅਜੀਬ ਵਿਗਿਆਪਨ ਅਤੇ ਪੌਪ-ਅੱਪ
ਜੇਕਰ ਬ੍ਰਾਊਜ਼ਿੰਗ ਦੌਰਾਨ ਅਚਾਨਕ ਵਿਗਿਆਪਨ ਜਾਂ ਪੌਪ-ਅੱਪ ਦਿਖਾਈ ਦਿੰਦੇ ਹਨ, ਤਾਂ ਤੁਹਾਡਾ ਫ਼ੋਨ ਮਾਲਵੇਅਰ ਨਾਲ ਪ੍ਰਭਾਵਿਤ ਹੋ ਸਕਦਾ ਹੈ।
ਡਾਟਾ ਵਰਤੋਂ ਵਿੱਚ ਅਚਾਨਕ ਵਾਧਾ
ਧਿਆਨ ਦਿਓ ਕਿ ਤੁਹਾਡਾ ਡਾਟਾ ਆਮ ਨਾਲੋਂ ਤੇਜ਼ੀ ਨਾਲ ਖ਼ਤਮ ਹੋ ਰਿਹਾ ਹੈ? ਹੈਕਰ ਖ਼ਤਰਨਾਕ ਗਤੀਵਿਧੀਆਂ ਲਈ ਤੁਹਾਡੇ ਡਾਟਾ ਦੀ ਵਰਤੋਂ ਕਰ ਸਕਦੇ ਹਨ।
ਅਣਜਾਣ ਐਪਸ
ਜੇ ਤੁਸੀਂ ਫ਼ੋਨ ਵਿੱਚ ਉਹ ਐਪਸ ਦੇਖ ਰਹੇ ਹੋ ਜੋ ਤੁਸੀਂ ਡਾਊਨਲੋਡ ਨਹੀਂ ਕੀਤੀਆਂ? ਇਹ ਤੁਹਾਡੀ ਜਾਣਕਾਰੀ ਚੋਰੀ ਕਰਨ ਲਈ ਤਿਆਰ ਕੀਤੇ ਗਏ ਮਾਲਵੇਅਰ ਹੋ ਸਕਦੇ ਹਨ।
ਬੈਟਰੀ ਬਹੁਤ ਜਲਦੀ ਖ਼ਤਮ ਹੋਣਾ
ਜੇਕਰ ਤੁਹਾਡੇ ਫ਼ੋਨ ਦੀ ਬੈਟਰੀ ਭਾਰੀ ਵਰਤੋਂ ਦੇ ਬਿਨਾਂ ਅਚਾਨਕ ਡੈੱਡ ਹੋ ਜਾਂਦੀ ਹੈ, ਤਾਂ ਹੋ ਸਕਦਾ ਹੈ ਕਿ ਤੁਹਾਡੇ ਫ਼ੋਨ ਵਿੱਚ ਅਣਚਾਹੇ ਬੈਕਗ੍ਰਾਊਂਡ ਪ੍ਰੋਗਰਾਮ ਚਲਾ ਰਹੇ ਹੋਣ।
ਕੈਮਰੇ ਦੀ ਲਾਈਟ ਚਾਲੂ ਰਹਿੰਦੀ ਹੈ
ਵਰਤੋਂ ਵਿੱਚ ਨਾ ਹੋਣ ‘ਤੇ ਇੱਕ ਕੈਮਰਾ ਲਾਈਟ ਸਪਾਈਵੇਅਰ ਨੂੰ ਤੁਹਾਡੇ ਕੈਮਰੇ ਤੱਕ ਪਹੁੰਚ ਕਰਨ ਦਾ ਸੰਕੇਤ ਦੇ ਸਕਦੀ ਹੈ।
ਫ਼ੋਨ ਦਾ Slow ਹੋਣਾ
ਜੇਕਰ ਤੁਹਾਡਾ ਫ਼ੋਨ ਅਸਾਧਾਰਨ ਤੌਰ ‘ਤੇ ਹੌਲੀ ਹੋ ਗਿਆ ਹੈ ਜਾਂ ਅਕਸਰ ਫ੍ਰੀਜ਼ ਹੋ ਜਾਂਦਾ ਹੈ, ਤਾਂ ਇਹ ਮਾਲਵੇਅਰ ਹੋ ਸਕਦਾ ਹੈ।
ਕਾਲਿੰਗ ਵਿੱਚ ਦਿੱਕਤ
ਕਾਲਿੰਗ ਦੌਰਾਨ ਅਸਾਧਾਰਨ ਆਵਾਜ਼ਾਂ ਜਾਂ ਵਾਰ-ਵਾਰ ਕਾਲ ਡਰਾਪ ਦਾ ਮਤਲਬ ਹੋ ਸਕਦਾ ਹੈ ਕਿ ਕੋਈ ਹੈਕ ਕਰ ਕੇ ਤੁਹਾਡੀਆਂ ਕਾਲਸ ਸੁਣ ਰਿਹਾ ਹੈ।
ਸਕਿਓਰਿਟੀ ਸੈਟਿੰਗਾਂ ਨਾਲ ਛੇੜਛਾੜ
ਜੇਕਰ ਤੁਹਾਡੀਆਂ ਸਕਿਓਰਿਟੀ ਸੈਟਿੰਗਾਂ ਤੁਹਾਡੇ ਇਨਪੁਟ ਤੋਂ ਬਿਨਾਂ ਬਦਲ ਜਾਂਦੀਆਂ ਹਨ, ਤਾਂ ਹੋ ਸਕਦਾ ਹੈ ਕਿ ਕਿਸੇ ਨੇ ਤੁਹਾਡੀ ਡਿਵਾਈਸ ਨਾਲ ਛੇੜਛਾੜ ਕੀਤੀ ਹੋਵੇ।
ਇੰਝ ਕੀਤਾ ਜਾ ਸਕਦਾ ਹੈ ਆਪਣਾ ਬਚਾਅ:
-
ਇੱਕ ਭਰੋਸੇਯੋਗ ਐਂਟੀਵਾਇਰਸ ਐਪ ਇੰਸਟਾਲ ਕਰੋ।
-
ਆਪਣੇ ਫ਼ੋਨ ਦੇ ਸਾਫ਼ਟਵੇਅਰ ਨੂੰ ਨਿਯਮਿਤ ਤੌਰ ‘ਤੇ ਅੱਪਡੇਟ ਕਰਦੇ ਰਹੋ।
-
ਸ਼ੱਕੀ ਲਿੰਕ ‘ਤੇ ਕਲਿੱਕ ਕਰਨ ਜਾਂ ਅਣਜਾਣ ਐਪਸ ਨੂੰ ਡਾਊਨਲੋਡ ਕਰਨ ਤੋਂ ਬਚੋ।
-
ਜੇ ਲੋੜ ਹੋਵੇ ਤਾਂ ਆਪਣੇ ਫ਼ੋਨ ਨੂੰ ਰੀਸੈਟ ਕਰੋ, ਪਰ ਪਹਿਲਾਂ ਮਹੱਤਵਪੂਰਨ ਡਾਟਾ ਦਾ ਬੈਕਅੱਪ ਜ਼ਰੂਰ ਲੈ ਲਓ।
-
ਆਪਣੀ ਨਿੱਜੀ ਜਾਣਕਾਰੀ ਨੂੰ ਸੁਰੱਖਿਅਤ ਰੱਖਣ ਲਈ ਚੌਕਸ ਰਹੋ ਅਤੇ ਆਪਣੇ ਫ਼ੋਨ ਨੂੰ ਸੁਰੱਖਿਅਤ ਕਰੋ।
