ਪਿਓ-ਪੁੱਤ ਕਿਰਾਏ ‘ਤੇ ਲੈਂਦੇ ਸਨ ਟਰੈਕਟਰ, ਐਸ਼ੋ-ਆਰਾਮ ਦੀ ਸੀ ਜ਼ਿੰਦਗੀ, ਕਮਾਈ ਦਾ ਰਾਜ਼ ਜਾਣ ਦੰਗ ਰਹਿ ਗਈ ਪੁਲਿਸ

ਬੈਤੂਲ (ਮੱਧ ਪ੍ਰਦੇਸ਼) ਦੇ ਆਠਨੇਰ ਥਾਣਾ ਪੁਲਿਸ ਨੇ ਇੱਕ ਅੰਤਰਰਾਜੀ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਹੈ, ਜੋ ਭੋਲੇ ਭਾਲੇ ਲੋੜਵੰਦ ਕਿਸਾਨਾਂ ਅਤੇ ਪਿੰਡ ਵਾਸੀਆਂ ਨਾਲ ਭਾਰੀ ਵਿਆਜ ਦਰਾਂ ਉਤੇ ਆਰਥਿਕ ਮਦਦ ਦੇ ਬਦਲੇ ਜ਼ੁਬਾਨੀ ਸਮਝੌਤੇ ਕਰਦਾ ਸੀ। ਜ਼ੁਬਾਨੀ ਸਮਝੌਤੇ ਤਹਿਤ ਗਰੋਹ ਦੇ ਮੈਂਬਰ ਕਿਸਾਨਾਂ ਦੇ ਵਾਹਨ ਅਤੇ ਖੇਤੀ ਸੰਦ ਲੈ ਕੇ ਉਨ੍ਹਾਂ ਨੂੰ ਕਿਰਾਏ ਉਤੇ ਚਲਾਉਣ ਲਈ ਕਹਿੰਦੇ ਸਨ। ਕੁਝ ਸਮੇਂ ਬਾਅਦ ਜਦੋਂ ਲੋਕ ਉਧਾਰ ਲਈ ਹੋਈ ਰਕਮ ਵਾਪਸ ਵੀ ਕਰ ਦਿੰਦੇ ਸਨ ਤਾਂ ਉਨ੍ਹਾਂ ਦੇ ਵਾਹਨ ਅਤੇ ਖੇਤੀ ਸੰਦ ਕਦੇ ਵਾਪਸ ਨਹੀਂ ਕਰਦੇ ਸਨ। ਇਸ ਗਰੋਹ ਦਾ ਮਾਸਟਰਮਾਈਂਡ ਰਾਜੇਸ਼ ਵਿਜੇਕਰ ਨਾਂ ਦਾ ਵਿਅਕਤੀ ਹੈ। ਉਹ ਕਿਸਾਨਾਂ ਅਤੇ ਹੋਰ ਲੋਕਾਂ ਤੋਂ 25 ਤੋਂ 30 ਫੀਸਦੀ ਵਿਆਜ ਉਤੇ ਉਧਾਰ ਦੇ ਕੇ ਵਾਹਨ ਅਤੇ ਖੇਤੀ ਸੰਦ ਹੜੱਪਣ ਦੀ ਸਾਜ਼ਿਸ਼ ਰਚਦਾ ਸੀ। ਇਸ ਅੰਤਰਰਾਜੀ ਗਰੋਹ ਨਾਲ ਜੁੜੇ ਮੈਂਬਰ ਦੂਜੇ ਰਾਜਾਂ ਵਿੱਚ ਵਾਹਨ ਕਿਰਾਏ ਚਲਾਉਂਦੇ ਜਾਂ ਵੇਚ ਦਿੰਦੇ ਸਨ।

ਇੱਕ ਕਿਸਾਨ ਦੀ ਸ਼ਿਕਾਇਤ ਉਤੇ ਪੁਲਿਸ ਨੇ ਜਦੋਂ ਜਾਂਚ ਸ਼ੁਰੂ ਕੀਤੀ ਤਾਂ ਇਸ ਅੰਤਰਰਾਜੀ ਗਰੋਹ ਦਾ ਪਰਦਾਫਾਸ਼ ਹੋਇਆ। ਪੁਲਿਸ ਨੇ ਇਸ ਮਾਮਲੇ ਦੇ ਮਾਸਟਰਮਾਈਂਡ ਰਾਜੇਸ਼ ਵਿਜੇਕਰ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਇਕ ਪਿਓ-ਪੁੱਤ ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ ਹੈ। ਦੋਵੇਂ ਮਹਾਰਾਸ਼ਟਰ ‘ਚ ਕਿਸਾਨਾਂ ਤੋਂ ਕਿਰਾਏ ‘ਤੇ ਲਏ ਵਾਹਨ ਅਤੇ ਖੇਤੀ ਸੰਦ ਚਲਾ ਰਹੇ ਸਨ। ਇਸ ਮਾਮਲੇ ‘ਚ ਇਕ ਦੋਸ਼ੀ ਅਜੇ ਫਰਾਰ ਹੈ। ਪੁਲਿਸ ਨੇ ਮਾਸਟਰਮਾਈਂਡ ਰਾਜੇਸ਼ ਦੇ ਕਬਜ਼ੇ ਵਿੱਚੋਂ 24 ਬਾਈਕ, 3 ਟਰੈਕਟਰ, 6 ਥਰੈਸ਼ਰ ਮਸ਼ੀਨਾਂ, 12 ਕਲਟੀਵੇਟਰ ਅਤੇ ਰੋਟਾਵੇਟਰ, ਦੋ ਲੋਡਿੰਗ ਵਾਹਨ ਅਤੇ ਤਿੰਨ ਜੀਪਾਂ ਬਰਾਮਦ ਕੀਤੀਆਂ ਹਨ। ਪੁਲਿਸ ਇਸ ਮਾਮਲੇ ਵਿੱਚ ਅਜੇ ਹੋਰ ਜਾਂਚ ਕਰ ਰਹੀ ਹੈ।

ਬੈਤੂਲ ਦੇ ਐਸਪੀ ਨਿਸ਼ਚਲ ਝਰੀਆ ਨੇ ਕਿਹਾ, ‘ਬੇਤੂਲ ਜ਼ਿਲ੍ਹੇ ਦੇ ਆਠਨੇਰ ਪੁਲਿਸ ਸਟੇਸ਼ਨ ਨੇ ਇੱਕ ਅੰਤਰਰਾਜੀ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਹੈ ਜੋ ਭੋਲੇ-ਭਾਲੇ ਕਿਸਾਨਾਂ ਅਤੇ ਪਿੰਡ ਵਾਸੀਆਂ ਦੇ ਖੇਤੀਬਾੜੀ ਸੰਦਾਂ ਨੂੰ ਧੋਖੇ ਨਾਲ ਲੈਂਦੇ ਅਤੇ ਵੇਚਦਾ ਸਨ। ਇੱਕ ਕਿਸਾਨ ਨੇ ਦਰਖਾਸਤ ਦਿੱਤੀ ਸੀ ਕਿ ਉਸ ਦਾ ਟਰੈਕਟਰ ਜ਼ਬਰਦਸਤੀ ਖੋਹ ਲਿਆ ਗਿਆ ਹੈ। ਮੰਗਣ ‘ਤੇ ਵਾਪਸ ਨਹੀਂ ਕਰ ਰਹੇ। ਕਦੇ ਉਹ ਕਹਿੰਦਾ ਹੈ ਕਿ ਟਰੈਕਟਰ ਚੋਰੀ ਹੋ ਗਿਆ ਸੀ, ਕਦੇ ਉਹ ਕੁਝ ਹੋਰ ਕਹਿੰਦਾ ਹੈ। ਜਾਂਚ ਦੌਰਾਨ ਤਿੰਨ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਤਿੰਨੋਂ ਮੁਲਜ਼ਮ ਕਿਸਾਨਾਂ ਤੋਂ ਖੇਤੀ ਸੰਦ ਧੋਖੇ ਨਾਲ ਆਪਣੇ ਕੋਲ ਰੱਖਦੇ ਸਨ ਅਤੇ ਫਿਰ ਵਾਪਸ ਨਹੀਂ ਕਰਦੇ ਸਨ। ਜਾਂਚ ਅਜੇ ਵੀ ਜਾਰੀ ਹੈ।