ਬਾਕਸਿੰਗ ਸੁਪਰਸਟਾਰ ਮਾਈਕ ਟਾਇਸਨ ਦਾ ਨਾਂ ਸੁਣਦੇ ਹੀ ਹਰ ਪ੍ਰਸ਼ੰਸਕ ਉਤਸ਼ਾਹ ਨਾਲ ਭਰ ਜਾਂਦਾ ਹੈ। 19 ਸਾਲ ਬਾਅਦ ਇਸ ਸਟਾਰ ਮੁੱਕੇਬਾਜ਼ ਨੇ ਰਿੰਗ ‘ਚ ਕਦਮ ਰੱਖਿਆ ਪਰ ਪ੍ਰਸ਼ੰਸਕਾਂ ਨੂੰ ਨਿਰਾਸ਼ਾ ਹੀ ਹੱਥ ਲੱਗੀ। ਮਾਈਕ ਦਾ ਸਾਹਮਣਾ YouTuber ਬਣੇ ਮੁੱਕੇਬਾਜ਼ ਜੇਕ ਪਾਲ ਨਾਲ ਹੋਇਆ ਜਿੱਥੇ ਉਨ੍ਹਾਂ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਹ ਉਨ੍ਹਾਂ ਦੇ ਕਰੀਅਰ ਦੀ ਸਭ ਤੋਂ ਵੱਡੀ ਜਿੱਤ ਮੰਨੀ ਜਾ ਰਹੀ ਹੈ। ਆਰਲਿੰਗਟਨ, ਟੈਕਸਾਸ ਦੇ ਏਟੀਐਂਡਟੀ ਸਟੇਡੀਅਮ ਵਿੱਚ 16 ਨਵੰਬਰ ਨੂੰ ਹੋਏ ਮੈਚ ਵਿੱਚ 8 ਰਾਊਂਡ ਹੋਏ ਜਿਸ ਤੋਂ ਬਾਅਦ ਜੇਕ ਪਾਲ ਨੂੰ ਜੇਤੂ ਐਲਾਨਿਆ ਗਿਆ।
ਦੁਨੀਆ ਦੇ ਮਹਾਨ ਮੁੱਕੇਬਾਜ਼ਾਂ ‘ਚੋਂ ਇਕ ਮਾਈਕ ਟਾਇਸਨ ਨੇ ਲੰਬੇ ਵਕਫੇ ਤੋਂ ਬਾਅਦ ਬਾਕਸਿੰਗ ਰਿੰਗ ‘ਚ ਐਂਟਰੀ ਕੀਤੀ ਪਰ ਉਹ ਆਪਣਾ ਪੁਰਾਣਾ ਜਾਦੂ ਨਹੀਂ ਦਿਖਾ ਸਕੇ। ਲਗਭਗ ਦੋ ਦਹਾਕਿਆਂ ਬਾਅਦ, ਸ਼ਨੀਵਾਰ 16 ਨਵੰਬਰ ਨੂੰ, ਟਾਇਸਨ ਪੇਸ਼ੇਵਰ ਮੁੱਕੇਬਾਜ਼ੀ ਵਿੱਚ ਰਿੰਗ ਵਿੱਚ ਉਤਰੇ। 58 ਸਾਲਾ ਮਾਈਕ ਟਾਇਸਨ ਨੂੰ 27 ਸਾਲਾ ਮੁੱਕੇਬਾਜ਼ ਜੇਕ ਪਾਲ ਨੇ ਚੁਣੌਤੀ ਦਿੱਤੀ ਸੀ। ਇਹ ਮੈਚ 8 ਰਾਊਂਡ ਤੱਕ ਖੇਡਿਆ ਗਿਆ ਜਿਸ ਤੋਂ ਬਾਅਦ ਪਾਲ ਨੂੰ ਸਰਬਸੰਮਤੀ ਨਾਲ ਜੇਤੂ ਐਲਾਨ ਦਿੱਤਾ ਗਿਆ।
ਪਾਲ ਨਾਲ ਖੇਡੇ ਗਏ ਮੈਚ ‘ਚ 58 ਸਾਲਾ ਮਾਈਕ ਟਾਇਸਨ ਅੱਠ ਰਾਊਂਡ ਤੱਕ ਮਜ਼ਬੂਤੀ ਨਾਲ ਖੜ੍ਹੇ ਰਹੇ। ਟਾਇਸਨ ਨੇ ਆਪਣੀ ਅੱਧੀ ਉਮਰ ਦੇ ਮੁੱਕੇਬਾਜ਼ ਨਾਲ ਮੁਕਾਬਲਾ ਕਰਕੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ। ਹੈਰਾਨੀਜਨਕ ਗੱਲ ਇਹ ਹੈ ਕਿ ਪਾਲ ਨੂੰ ਨਾਕਆਊਟ ਮਾਸਟਰ ਮੰਨਿਆ ਜਾਂਦਾ ਹੈ ਪਰ ਮਾਈਕ ਟਾਇਸਨ ਨੇ ਉਨ੍ਹਾਂ ਨੂੰ ਮੈਚ ‘ਚ ਲਗਾਤਾਰ ਪਰੇਸ਼ਾਨ ਕੀਤਾ। ਪਾਲ ਨੇ ਚਾਰ ਅੰਕਾਂ ਨਾਲ ਮੈਚ ਜਿੱਤ ਲਿਆ। ਪੌਲ ਨੂੰ 78 ਅੰਕ ਮਿਲੇ ਜਦਕਿ ਟਾਇਸਨ ਦੇ ਖਾਤੇ ‘ਚ 8 ਰਾਊਂਡਰ ਤੋਂ ਬਾਅਦ 74 ਅੰਕ ਸਨ। ਪੌਲ ਨੇ ਤਿੰਨ ਜੱਜਾਂ ਵੱਲੋਂ ਦਿੱਤੇ ਸਕੋਰਾਂ ਵਿੱਚ 80-72, 79-73 ਅਤੇ 79-73 ਨਾਲ ਜਿੱਤ ਦਰਜ ਕੀਤੀ।
👉 ਨਿਊਜ਼18 **ਦੀ ਵੈੱਬ ਸਾਈਟ ‘ਤੇ ਦੇਸ਼-ਵਿਦੇਸ਼ ਦੀਆਂ ਤਾਜ਼ਾ ਖ਼ਬਰਾਂ ਦੇਖਣ ਲਈ ਤੁਸੀਂ ਇਸ ਲਿੰਕ https://punjab.news18.com/ ‘**ਤੇ ਕਲਿੱਕ ਕਰ ਸਕਦੇ ਹੋ।
👉 ਹਰ ਵੇਲੇ Update **ਰਹਿਣ ਲਈ ਸਾਨੂੰ Facebook ‘**ਤੇ Like ਕਰੋ।
👉 Live ਖ਼ਬਰਾਂ ਦੇਖਣ ਲਈ ਤੁਸੀਂ ਸਾਡੇ YouTube ਚੈਨਲ ਨੂੰ Subscribe ਕਰੋ।
👉 ਜ਼ਿਲ੍ਹਿਆਂ ਦੀਆਂ ਖ਼ਬਰਾਂ ਦੇਖਣ ਲਈ ਇਸ ਲਿੰਕ ‘ਤੇ https://shorturl.at/npzE4 ਕਲਿੱਕ ਕਰੋ।
