ਭਿਆਨਕ ਸੜਕ ਹਾਦਸਾ ‘ਚ ਖੜ੍ਹੇ ਟਰੱਕ ‘ਚ ਜਾ ਵੜੀ ਇਨੋਵਾ, 6 ਦੀ ਦਰਦਨਾਕ ਮੌਤ – News18 ਪੰਜਾਬੀ

ਦੇਹਰਾਦੂਨ। ਉੱਤਰਾਖੰਡ ਦੀ ਰਾਜਧਾਨੀ ਦੇਹਰਾਦੂਨ ‘ਚ ਸੋਮਵਾਰ ਰਾਤ ਨੂੰ ਵੱਡਾ ਹਾਦਸਾ ਵਾਪਰ ਗਿਆ। ਤੇਜ਼ ਰਫ਼ਤਾਰ ਇਨੋਵਾ ਕਾਰ ਓਐਨਜੀਸੀ ਚੌਕ ’ਤੇ ਖੜ੍ਹੇ ਟਰੱਕ ਨਾਲ ਟਕਰਾ ਗਈ। ਇਸ ਹਾਦਸੇ ਵਿੱਚ ਤਿੰਨ ਵਿਦਿਆਰਥਣਾਂ ਸਮੇਤ ਛੇ ਲੋਕਾਂ ਦੀ ਮੌਤ ਹੋ ਗਈ। ਇੱਕ ਜ਼ਖ਼ਮੀ ਹੈ ਜਿਸ ਦਾ ਇਲਾਜ ਚੱਲ ਰਿਹਾ ਹੈ। ਸਾਰੇ ਮ੍ਰਿਤਕ ਅਤੇ ਜ਼ਖਮੀ ਪ੍ਰਾਈਵੇਟ ਕਾਲਜ ਦੇ ਵਿਦਿਆਰਥੀ ਦੱਸੇ ਜਾਂਦੇ ਹਨ।

ਜਾਣਕਾਰੀ ਮੁਤਾਬਕ ਹਾਦਸਾ ਇੰਨਾ ਭਿਆਨਕ ਸੀ ਕਿ ਕਾਰ ਦੇ ਪਰਖੱਚੇ ਉੱਡ ਗਏ। ਕਿਸੇ ਤਰ੍ਹਾਂ ਕਾਰ ਨੂੰ ਕੱਟ ਕੇ ਲਾਸ਼ਾਂ ਅਤੇ ਜ਼ਖਮੀਆਂ ਨੂੰ ਬਾਹਰ ਕੱਢਿਆ ਗਿਆ। ਮ੍ਰਿਤਕ ਦੀ ਪਛਾਣ ਗੁਨੀਤ ਡੀ/ਓ ਤੇਜ ਪ੍ਰਕਾਸ਼ ਸਿੰਘ ਉਮਰ 19 ਸਾਲ, ਵਾਸੀ 10ਏ ਸਾਈਂ ਲੋਕ ਜੀਐਮਐਸ ਰੋਡ ਦੇਹਰਾਦੂਨ, ਕੁਨਾਲ ਕੁਕਰੇਜਾ ਪੁੱਤਰ ਜਸਵੀਰ ਕੁਕਰੇਜਾ ਉਮਰ 23 ਸਾਲ, ਵਾਸੀ 359/1 ਗਲੀ ਨੰਬਰ 11 ਰਾਜਿੰਦਰ ਨਗਰ ਦੇਹਰਾਦੂਨ ਵਜੋਂ ਹੋਈ ਹੈ। ਜੱਦੀ ਚੰਬਾ ਹਿਮਾਚਲ ਪ੍ਰਦੇਸ਼ ਵਾਸੀ।

ਨਵਿਆ ਗੋਇਲ ਪੁੱਤਰੀ ਪੱਲਵ ਗੋਇਲ ਵਾਸੀ 11 ਆਨੰਦ ਚੌਕ ਤਿਲਕ ਰੋਡ ਉਮਰ 23 ਸਾਲ, ਅਤੁਲ ਅਗਰਵਾਲ ਪੁੱਤਰ ਸੁਨੀਲ ਅਗਰਵਾਲ ਵਾਸੀ ਕਾਲੀਦਾਸ ਰੋਡ ਉਮਰ 24 ਸਾਲ, ਕਾਮਾਕਸ਼ੀ ਪੁੱਤਰੀ ਤੁਸ਼ਾਰ ਸਿੰਘਲ ਵਾਸੀ 55/1 20 ਕਾਵਲੀ ਰੋਡ ਦੇਹਰਾਦੂਨ ਉਮਰ 20 ਸਾਲ। ਰਿਸ਼ਭ ਜੈਨ ਪੁੱਤਰ ਤਰੁਣ ਜੈਨ ਉਮਰ 24 ਸਾਲ, ਰਾਜਪੁਰ ਰੋਡ ਵਾਸੀ ਸੀ. ਜ਼ਖਮੀ ਦੀ ਪਛਾਣ ਸਿਧੇਸ਼ ਅਗਰਵਾਲ ਪੁੱਤਰ ਵਿਪਨ ਕੁਮਾਰ ਅਗਰਵਾਲ ਵਾਸੀ ਆਸੀਆਨਾ ਸ਼ੋਅਰੂਮ ਮਧੂਬਨ ਵਜੋਂ ਹੋਈ ਹੈ।