ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ 5 ਮੈਚਾਂ ਦੀ ਸੀਰੀਜ਼ ਦਾ ਪਹਿਲਾ ਟੈਸਟ ਮੈਚ 22 ਨਵੰਬਰ ਤੋਂ ਪਰਥ ‘ਚ ਖੇਡਿਆ ਜਾਵੇਗਾ। ਇਸ ਟੈਸਟ ਮੈਚ ਤੋਂ ਪਹਿਲਾਂ ਮੱਧਕ੍ਰਮ ਦੇ ਬੱਲੇਬਾਜ਼ ਸਰਫਰਾਜ਼ ਖਾਨ ਜ਼ਖ਼ਮੀ ਹੋ ਗਏ ਸਨ। ਸਰਫਰਾਜ਼ (Sarfaraz Khan) ਨੂੰ ਨੈੱਟ ਪ੍ਰੈਕਟਿਸ ਦੌਰਾਨ ਸੱਜੀ ਕੂਹਣੀ ‘ਤੇ ਸੱਟ ਲੱਗ ਗਈ ਸੀ। ਹਾਲਾਂਕਿ ਉਨ੍ਹਾਂ ਨੂੰ ਐਮਆਰਆਈ ਦੀ ਲੋੜ ਨਹੀਂ ਸੀ। ‘ਫਾਕਸ ਕ੍ਰਿਕੇਟ’ ਵੱਲੋਂ ਪੋਸਟ ਕੀਤੀ ਗਈ ਵੀਡੀਓ ‘ਚ ਸਰਫਰਾਜ਼ ਜਦੋਂ ਨੈੱਟ ਤੋਂ ਬਾਹਰ ਆ ਰਹੇ ਸਨ ਤਾਂ ਉਨ੍ਹਾਂ ਨੇ ਆਪਣਾ ਸੱਜਾ ਹੱਥ ਫੜਿਆ ਹੋਇਆ ਸੀ।
ਸਰਫਰਾਜ਼ (Sarfaraz Khan) ਖਾਨ ਨੈੱਟ ਤੋਂ ਵਾਪਸੀ ਦੌਰਾਨ ਥੋੜ੍ਹਾ ਅਸਹਿਜ ਨਜ਼ਰ ਆ ਰਹੇ ਸਨ, ਹਾਲਾਂਕਿ, ਪਤਾ ਲੱਗਾ ਹੈ ਕਿ ਸੱਟ ਗੰਭੀਰ ਨਹੀਂ ਹੈ ਅਤੇ ਬੱਲੇਬਾਜ਼ ਨੂੰ ਐਮਆਰਆਈ ਕਰਾਉਣ ਦੀ ਵੀ ਜ਼ਰੂਰਤ ਨਹੀਂ ਹੈ। ਸਰਫਰਾਜ਼ ਪਰਥ ‘ਚ ਬਾਰਡਰ-ਗਾਵਸਕਰ ਟਰਾਫ਼ੀ ਦੇ ਪਹਿਲੇ ਟੈਸਟ ‘ਚ ਖੇਡ ਸਕਦੇ ਹਨ। ਕਿਉਂਕਿ ਪਹਿਲੇ ਟੈਸਟ ‘ਚ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਦੇ ਖੇਡਣ ‘ਤੇ ਅਜੇ ਵੀ ਉਲਝਣ ਬਣੀ ਹੋਈ ਹੈ। ਰੋਹਿਤ ਆਪਣੇ ਦੂਜੇ ਬੱਚੇ ਦੇ ਜਨਮ ਲਈ ਅਜੇ ਵੀ ਮੁੰਬਈ ਵਿੱਚ ਹਨ।
ਇਨ੍ਹਾਂ ਬਿਮਾਰੀਆਂ ਵਿੱਚ ਕਾਰਗਰ ਹੈ ਦਾਲਚੀਨੀ
ਮਿਡਲ ਆਰਡਰ ‘ਚ ਸਰਫਰਾਜ਼ ਦੀ ਜਗ੍ਹਾ ਬਣਾਈ ਜਾ ਸਕਦੀ ਹੈ
ਜੇਕਰ ਰੋਹਿਤ ਸੀਰੀਜ਼ ਦੇ ਪਹਿਲੇ ਮੈਚ ਲਈ ਉਪਲਬਧ ਨਹੀਂ ਹੁੰਦੇ ਹਨ ਤਾਂ ਲੋਕੇਸ਼ ਰਾਹੁਲ ਨੂੰ ਯਸ਼ਸਵੀ ਜੈਸਵਾਲ ਨਾਲ ਪਾਰੀ ਦੀ ਸ਼ੁਰੂਆਤ ਕਰਨ ਲਈ ਕਿਹਾ ਜਾ ਸਕਦਾ ਹੈ। ਜਿਸ ਕਾਰਨ ਮਿਡਲ ਆਰਡਰ ‘ਚ ਸਰਫਰਾਜ਼ (Sarfaraz Khan) ਲਈ ਜਗ੍ਹਾ ਬਣ ਜਾਵੇਗੀ।
ਸਰਫਰਾਜ਼ ਨੇ ਘਰੇਲੂ ਕ੍ਰਿਕਟ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਭਾਰਤੀ ਟੀਮ ‘ਚ ਜਗ੍ਹਾ ਬਣਾਈ ਅਤੇ ਨਿਊਜ਼ੀਲੈਂਡ ਖਿਲਾਫ਼ ਘਰੇਲੂ ਸੀਰੀਜ਼ ‘ਚ ਆਪਣਾ ਪਹਿਲਾ ਟੈਸਟ ਸੈਂਕੜਾ ਵੀ ਲਗਾਇਆ। ਹਾਲਾਂਕਿ ਆਸਟ੍ਰੇਲੀਆ ਦੀਆਂ ਚੁਣੌਤੀਪੂਰਨ ਸਥਿਤੀਆਂ ‘ਚ ਮਜ਼ਬੂਤ ਗੇਂਦਬਾਜ਼ੀ ਹਮਲੇ ਦੇ ਖਿਲਾਫ਼ ਸਰਫਰਾਜ਼ ਲਈ ਇਹ ਵੱਖਰੀ ਤਰ੍ਹਾਂ ਦੀ ਚੁਣੌਤੀ ਹੋਵੇਗੀ।
ਧਰੁਵ ਜੁਰੇਲ ਸਰਫਰਾਜ਼ ਨੂੰ ਮੁਕਾਬਲਾ ਦੇ ਰਿਹਾ ਹੈ
ਇਸ ਤੋਂ ਇਲਾਵਾ ਪ੍ਰਤਿਭਾਸ਼ਾਲੀ ਧਰੁਵ ਜੁਰੇਲ ਵੀ ਐਮਸੀਜੀ ਵਿੱਚ ਆਸਟ੍ਰੇਲੀਆ ਏ ਖ਼ਿਲਾਫ਼ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਪਲੇਇੰਗ ਇਲੈਵਨ ਵਿੱਚ ਥਾਂ ਦੇ ਦਾਅਵੇਦਾਰ ਹਨ। ਸਰਫਰਾਜ਼ (Sarfaraz Khan) ਨੇ ਫਰਵਰੀ ‘ਚ ਆਪਣਾ ਟੈਸਟ ਡੈਬਿਊ ਕਰਨ ਤੋਂ ਬਾਅਦ ਛੇ ਮੈਚਾਂ ‘ਚ 37.10 ਦੀ ਔਸਤ ਨਾਲ 371 ਦੌੜਾਂ ਬਣਾਈਆਂ ਹਨ। ਬੈਂਗਲੁਰੂ ‘ਚ ਸੈਂਕੜੇ ਤੋਂ ਇਲਾਵਾ ਸਰਫਰਾਜ਼ ਨੂੰ ਨਿਊਜ਼ੀਲੈਂਡ ਖਿਲਾਫ ਹੋਰ ਪੰਜ ਪਾਰੀਆਂ ‘ਚ ਸੰਘਰਸ਼ ਕਰਨਾ ਪਿਆ ਅਤੇ ਉਹ ਸਿਰਫ 21 ਦੌੜਾਂ ਹੀ ਬਣਾ ਸਕੇ। ਇਸ 27 ਸਾਲਾ ਖਿਡਾਰੀ ਨੂੰ ਆਸਟ੍ਰੇਲੀਆ ਦੀਆਂ ਤੇਜ਼ ਅਤੇ ਉਛਾਲ ਭਰੀਆਂ ਪਿੱਚਾਂ ‘ਤੇ ਪੈਟ ਕਮਿੰਸ, ਜੋਸ਼ ਹੇਜ਼ਲਵੁੱਡ ਅਤੇ ਮਿਸ਼ੇਲ ਸਟਾਰਕ ਵਰਗੇ ਗੇਂਦਬਾਜ਼ਾਂ ਤੋਂ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ।
