This minister of Sweden is afraid of bananas, she starts sweating when she sees them – News18 ਪੰਜਾਬੀ

Bananaphobia: ਇਸ ਸੰਸਾਰ ਵਿੱਚ ਹਰ ਵਿਅਕਤੀ ਕਿਸੇ ਨਾ ਕਿਸੇ ਚੀਜ਼ ਤੋਂ ਡਰਦਾ ਹੈ। ਕੁਝ ਹਨੇਰੇ ਤੋਂ ਡਰਦੇ ਹਨ ਅਤੇ ਕੁਝ ਕੀੜਿਆਂ ਤੋਂ ਡਰਦੇ ਹਨ। ਪਰ ਕੀ ਤੁਸੀਂ ਕਦੇ ਸੁਣਿਆ ਹੈ ਕਿ ਕੋਈ ਫਲਾਂ ਤੋਂ ਡਰਦਾ ਹੈ? ਹਾਲ ਹੀ ‘ਚ ਜਦੋਂ ਦੁਨੀਆ ਨੂੰ ਸਵੀਡਨ ਦੇ ਮੰਤਰੀ ਦੇ ਕੇਲੇ ਤੋਂ ਡਰਨ ਦੀ ਗੱਲ ਸਾਹਮਣੇ ਆਈ ਤਾਂ ਹਰ ਕੋਈ ਹੈਰਾਨ ਰਹਿ ਗਿਆ। ਦਰਅਸਲ ਇੱਕ ਮਹਿਲਾ ਮੰਤਰੀ ਨੂੰ ਕੇਲਿਆਂ ਤੋਂ ਡਰ ਲੱਗਦਾ ਹੈ। ਉਹ ਇੰਨਾ ਡਰਦੀ ਹੈ ਕਿ ਉਸ ਦੇ ਆਉਣ ਤੋਂ ਪਹਿਲਾਂ ਹੀ ਕੇਲੇ ਉਸ ਦੇ ਸਾਹਮਣੇ ਤੋਂ ਹਟਾ ਦਿੱਤੇ ਜਾਂਦੇ ਹਨ। ਉਸ ਨੂੰ ਦੇਖ ਕੇ ਉਹ ਕੰਬਣ ਲੱਗ ਜਾਂਦੀ ਹੈ। ਅਜਿਹਾ ਕਿਉਂ ਹੈ, ਆਓ ਜਾਣਦੇ ਹਾਂ ਇਸ ਬਾਰੇ…

ਬੀਬੀਸੀ ਦੀ ਰਿਪੋਰਟ ਮੁਤਾਬਕ ਸਵੀਡਨ ਦੀ ਪੌਲੀਨਾ ਬ੍ਰੈਂਡਬਰਗ ਇਨ੍ਹੀਂ ਦਿਨੀਂ ਇੱਕ ਫੋਬੀਆ ਕਾਰਨ ਕਾਫੀ ਮਸ਼ਹੂਰ ਹੋ ਰਹੀ ਹੈ। ਪੌਲੀਨਾ ਦੇਸ਼ ਦੀ Minister for Gender Equality ਹੈ। ਉਸ ਨੇ ਸਾਲ 2020 ਵਿੱਚ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ ਆਪਣੇ ਫੋਬੀਆ ਬਾਰੇ ਵੀ ਜਾਣਕਾਰੀ ਸਾਂਝੀ ਕੀਤੀ ਸੀ। ਹਾਲਾਂਕਿ ਬਾਅਦ ‘ਚ ਉਸ ਪੋਸਟ ਨੂੰ ਡਿਲੀਟ ਕਰ ਦਿੱਤਾ ਗਿਆ ਸੀ। ਉਸ ਨੇ ਦੱਸਿਆ ਸੀ ਕਿ ਉਸ ਨੂੰ ਦੁਨੀਆ ਦਾ ਸਭ ਤੋਂ ਅਜੀਬ ਫੋਬੀਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਫੋਬੀਆ ਨੂੰ Bananaphobia (ਕੇਲੇ ਦਾ ਡਰ) ਕਿਹਾ ਜਾਂਦਾ ਹੈ।

ਈ-ਮੇਲ ਰਾਹੀਂ ਹੋਇਆ ਖੁਲਾਸਾ: ਇਕ ਹੋਰ ਸਵੀਡਿਸ਼ ਮੰਤਰੀ, ਟੇਰੇਸਾ ਕਾਰਵਾਲੋ ਨੇ ਵੀ ਟਵਿੱਟਰ ‘ਤੇ ਮੰਨਿਆ ਕਿ ਉਸ ਨੂੰ ਵੀ Bananaphobia ਹੈ ਅਤੇ ਉਹ ਆਪਣੀ ਸਹਿਯੋਗੀ ਪੌਲਿਨੀ ਦੀ ਸਮੱਸਿਆ ਨੂੰ ਸਮਝਦੀ ਹੈ। ਸਥਾਨਕ ਮੀਡੀਆ ਆਉਟਲੇਟ Expressen ਦੇ ਅਨੁਸਾਰ, ਉਨ੍ਹਾਂ ਨੂੰ ਕੁਝ ਲੀਕ ਈਮੇਲਾਂ ਮਿਲੀਆਂ ਹਨ, ਜਿਸ ਵਿੱਚ ਮੰਤਰੀ ਦੇ ਸਟਾਫ ਨੇ ਆਪਣੇ ਅਧਿਕਾਰਤ ਦੌਰੇ ਤੋਂ ਪਹਿਲਾਂ ਉਨ੍ਹਾਂ ਦੇ ਸਾਹਮਣੇ ਤੋਂ ਕੇਲੇ ਹਟਾਉਣ ਲਈ ਕਿਹਾ ਹੈ। ਇਹ ਇੱਕ ਬਹੁਤ ਹੀ ਦੁਰਲੱਭ ਫੋਬੀਆ ਹੈ। ਇਸ ਵਿੱਚ ਜਿਵੇਂ ਹੀ ਪੀੜਤ ਵਿਅਕਤੀ ਦੇ ਸਾਹਮਣੇ ਕੇਲੇ ਆਉਂਦੇ ਹਨ, ਉਸ ਨੂੰ ਡਰ, ਚਿੰਤਾ ਮਹਿਸੂਸ ਹੋਣ ਲੱਗਦੀ ਹੈ ਅਤੇ ਵਿਅਕਤੀ ਕੰਬਣ ਲੱਗਦਾ ਹੈ। ਉਸ ਦਾ ਦਮ ਘੁੱਟਣ ਲੱਗਦਾ ਹੈ।

ਇਹ ਈ-ਮੇਲ ਇੱਕ ਵੀਆਈਪੀ ਲੰਚ ਨਾਲ ਸਬੰਧਤ ਸੀ, ਜਿਸ ਵਿੱਚ ਖਾਣੇ ਵਿੱਚੋਂ ਕੇਲੇ ਨੂੰ ਹਟਾਉਣ ਲਈ ਕਿਹਾ ਗਿਆ ਹੈ। ਈ-ਮੇਲ ‘ਚ ਕਿਹਾ ਗਿਆ ਹੈ ਕਿ ਬ੍ਰੈਂਡਨ ਨੂੰ ਕੇਲੇ ਤੋਂ ਐਲਰਜੀ ਹੈ। ਖੁਦ ਮੰਤਰੀ ਨੇ Expressen ਦਾ ਜਵਾਬ ਦਿੰਦੇ ਹੋਏ ਕਿਹਾ ਕਿ ਇਹ ਇਕ ਤਰ੍ਹਾਂ ਦਾ ਫੋਬੀਆ ਹੈ, ਜਿਸ ਤੋਂ ਉਹ ਪੀੜਤ ਹਨ, ਪਰ ਉਨ੍ਹਾਂ ਲਈ ਇਹ ਐਲਰਜੀ ਵਾਂਗ ਹੈ। ਇਸ ਦੇ ਲਈ ਉਹ ਡਾਕਟਰੀ ਸਹਾਇਤਾ ਵੀ ਲੈ ਰਹੀ ਹੈ। ਡਾਕਟਰ ਇਹ ਨਹੀਂ ਜਾਣਦੇ ਕਿ ਲੋਕ ਕੇਲੇ ਤੋਂ ਕਿਵੇਂ ਡਰਦੇ ਹਨ, ਪਰ ਉਨ੍ਹਾਂ ਦਾ ਮੰਨਣਾ ਹੈ ਕਿ ਇਹ ਬਚਪਨ ਦੇ ਕੁਝ ਤਜ਼ਰਬਿਆਂ ਨਾਲ ਜੁੜਿਆ ਹੋ ਸਕਦਾ ਹੈ।