10 ਬੱਚਿਆਂ ਦੇ ਪਿਓ ਨੇ 20 ਸਾਲਾ ਕੁੜੀ ਨਾਲ ਕੀਤਾ ਵਿਆਹ, ਪ੍ਰੇਮੀ ਜੋੜੇ ਦੀ ਬੇਨਤੀ ਸੁਣ ਕੇ ਜੱਜ ਦੇ ਵੀ ਉੱਡੇ ਹੋਸ਼
ਚੰਡੀਗੜ੍ਹ। ਹਰਿਆਣਾ ਦੇ 10 ਬੱਚਿਆਂ ਦੇ ਪਿਤਾ ਨੇ 20 ਸਾਲ ਦੀ ਲੜਕੀ ਨਾਲ ਵਿਆਹ ਕੀਤਾ ਅਤੇ ਫਿਰ ਹਾਈਕੋਰਟ ਤੋਂ ਸੁਰੱਖਿਆ ਦੀ ਮੰਗ ਕੀਤੀ। ਪਰ ਉਸ ਦਾ ਇਹ ਦਾਅ ਉਲਟ ਪੈ ਗਿਆ ਅਤੇ ਅਦਾਲਤ ਨੇ ਹੁਣ ਉਸ ‘ਤੇ 1 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਇਹ ਮਾਮਲਾ ਮੇਵਾਤ ਦਾ ਹੈ ਅਤੇ ਇੱਥੋਂ ਦੇ ਪ੍ਰੇਮੀ ਜੋੜੇ ਨੇ ਹਾਈਕੋਰਟ ਤੋਂ ਸੁਰੱਖਿਆ ਦੀ ਮੰਗ ਕੀਤੀ ਸੀ। ਹੁਣ ਜੁਰਮਾਨੇ ਦੀ ਰਕਮ ਪੀਜੀਆਈ ਪੂਅਰ ਫੰਡ ਵਿੱਚ ਅਦਾ ਕਰਨੀ ਪਵੇਗੀ।
ਦਰਅਸਲ, 10 ਬੱਚਿਆਂ ਦੇ ਪਿਤਾ ਨੇ 20 ਸਾਲ ਦੀ ਲੜਕੀ ਨਾਲ ਵਿਆਹ ਕਰ ਲਿਆ ਸੀ ਅਤੇ ਕਿਹਾ ਸੀ ਕਿ ਉਸ ਦੀ ਜਾਨ ਨੂੰ ਖ਼ਤਰਾ ਹੈ ਅਤੇ ਫਿਰ ਪੁਲਿਸ ਤੋਂ ਸੁਰੱਖਿਆ ਦੀ ਮੰਗ ਕੀਤੀ ਸੀ। ਹਾਈਕੋਰਟ ਨੇ ਸੁਣਵਾਈ ਦੌਰਾਨ ਕਿਹਾ ਕਿ ਕਈ ਤੱਥਾਂ ਨੂੰ ਜਾਣਬੁੱਝ ਕੇ ਛੁਪਾ ਕੇ ਸੁਰੱਖਿਆ ਮੰਗੀ ਗਈ ਸੀ। ਜਦਕਿ ਇਹ ਸਪੱਸ਼ਟ ਨਹੀਂ ਹੈ ਕਿ ਜੋੜੇ ਨੂੰ ਧਮਕੀ ਕਿਸ ਨੇ ਦਿੱਤੀ ਹੈ।
ਘਰੋਂ ਭੱਜਣ, ਵਿਆਹ ਕਰਨ ਅਤੇ ਫਿਰ ਹਾਈਕੋਰਟ ਤੋਂ ਸੁਰੱਖਿਆ ਮੰਗਣ ਵਾਲੇ ਪ੍ਰੇਮੀਆਂ ਦੇ ਹਰ ਰੋਜ਼ ਹਾਈ ਕੋਰਟ ਵਿੱਚ ਕੇਸ ਆਉਂਦੇ ਹਨ। ਪਰ ਹਾਈ ਕੋਰਟ ਵਿੱਚ ਇੱਕ ਬਹੁਤ ਹੀ ਅਜੀਬ ਮਾਮਲਾ ਆਇਆ। ਇੱਥੇ, ਮੁਸਲਿਮ ਪ੍ਰੇਮੀ ਜੋੜੇ ਚੋਂ ਲੜਕਾ ਨਾ ਸਿਰਫ ਪਹਿਲਾਂ ਤੋਂ ਵਿਆਹਿਆ ਹੋਇਆ ਹੈ, ਬਲਕਿ 10 ਬੱਚਿਆਂ ਦਾ ਪਿਤਾ ਵੀ ਹੈ। 10 ਬੱਚਿਆਂ ਦੇ ਪਿਤਾ ਨੇ ਆਪਣੇ ਤੋਂ 20 ਸਾਲ ਛੋਟੀ ਲੜਕੀ ਨਾਲ ਵਿਆਹ ਕਰਵਾ ਲਿਆ।
ਆਧਾਰ ਕਾਰਡ ਨਾਲ ਛੇੜਛਾੜ ਕੀਤੀ ਗਈ
ਪਟੀਸ਼ਨ ‘ਚ ਆਧਾਰ ਕਾਰਡ ਅਟੈਚ ਕਰਨਾ ਹੁੰਦਾ ਹੈ ਪਰ ਪਟੀਸ਼ਨ ‘ਚ ਲੜਕੀ ਦਾ ਆਧਾਰ ਕਾਰਡ ਇਸ ਤਰ੍ਹਾਂ ਨਾਲ ਨੱਥੀ ਕੀਤਾ ਗਿਆ ਸੀ ਕਿ ਲੜਕੀ ਦੀ ਪਛਾਣ ਨਹੀਂ ਹੋ ਸਕੀ। ਆਧਾਰ ਕਾਰਡ ਦੀ ਜੋ ਕਾਪੀ ਨੱਥੀ ਕੀਤੀ ਗਈ ਸੀ, ਉਹ ਬਹੁਤ ਹੀ ਕਾਲੇ ਰੰਗ ਦੀ ਸੀ, ਜਿਸ ਵਿੱਚ ਲੜਕੀ ਦੀ ਫੋਟੋ ਪੂਰੀ ਤਰ੍ਹਾਂ ਨਾਲ ਕਾਲੀ ਦਿਖਾਈ ਦੇ ਰਹੀ ਸੀ। ਸੁਣਵਾਈ ਦੌਰਾਨ ਇਹ ਵੀ ਸਾਹਮਣੇ ਆਇਆ ਕਿ ਲੜਕਾ ਪਹਿਲਾਂ ਵਿਆਹਿਆ ਹੋਇਆ ਸੀ ਅਤੇ ਉਸ ਦੇ 10 ਬੱਚੇ ਹਨ।
ਘਰੇਲੂ ਕੰਮਾਂ ‘ਚ ਇੰਝ ਵਰਤੋਂ ਚੌਲਾਂ ਦਾ ਪਾਣੀ
ਤੱਥਾਂ ਨੂੰ ਛੁਪਾਉਣ ਦੀ ਕੋਸ਼ਿਸ਼ ਕੀਤੀ ਗਈ
ਇਸ ‘ਤੇ ਹੈਰਾਨੀ ਜ਼ਾਹਰ ਕਰਦਿਆਂ ਹਾਈਕੋਰਟ ਨੇ ਕਿਹਾ ਕਿ ਇਸ ਪਟੀਸ਼ਨ ‘ਚ ਕਈ ਤੱਥ ਛੁਪਾ ਕੇ ਹਾਈਕੋਰਟ ਤੋਂ ਰਾਹਤ ਮੰਗਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ, ਜੋ ਸਹੀ ਨਹੀਂ ਹੈ | ਇਸ ਲਈ ਹਾਈਕੋਰਟ ਨੇ ਪਟੀਸ਼ਨ ਰੱਦ ਕਰ ਦਿੱਤੀ ਹੈ ਅਤੇ ਪਟੀਸ਼ਨਕਰਤਾ ‘ਤੇ 1 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਹਾਲਾਂਕਿ ਮੇਵਾਤ ਪੁਲਸ ਨੂੰ ਲੜਕੀ ਦੀ ਸੁਰੱਖਿਆ ‘ਤੇ ਧਿਆਨ ਦੇਣ ਲਈ ਕਿਹਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ 10 ਬੱਚਿਆਂ ਦਾ ਪਿਤਾ ਪੇਸ਼ੇ ਤੋਂ ਮਕੈਨਿਕ ਹੈ ਅਤੇ 55 ਹਜ਼ਾਰ ਰੁਪਏ ਪ੍ਰਤੀ ਮਹੀਨਾ ਕਮਾਉਂਦਾ ਹੈ।
