BSNL ਨੇ ਯੂਜ਼ਰਸ ਨੂੰ ਦਿੱਤਾ ਵੱਡਾ ਤੋਹਫ਼ਾ , 500 ਲਾਈਵ ਚੈਨਲ ਤੇ OTT ਲਈ ਨਹੀਂ ਲੱਗੇਗਾ ਇਕ ਵੀ ਪੈਸਾ…
ਭਾਰਤੀ ਦੂਰਸੰਚਾਰ ਉਦਯੋਗ ਵਿੱਚ ਇੱਕ ਨਵਾਂ ਅਧਿਆਏ ਜੋੜਦੇ ਹੋਏ, ਭਾਰਤ ਸੰਚਾਰ ਨਿਗਮ ਲਿਮਿਟੇਡ (BSNL) ਨੇ ਦੇਸ਼ ਦੇ ਚੋਣਵੇਂ ਖੇਤਰਾਂ ਵਿੱਚ ਪਹਿਲੀ ਵਾਰ ਫਾਈਬਰ-ਬੇਸਟ ਇੰਟਰਾਨੈੱਟ ਟੀਵੀ ਸੇਵਾ ਸ਼ੁਰੂ ਕੀਤੀ ਹੈ। ਇਸ ਸੇਵਾ ਦਾ ਨਾਂ IFTV ਰੱਖਿਆ ਗਿਆ ਹੈ ਅਤੇ ਇਹ BSNL ਦੇ ਫਾਈਬਰ-ਟੂ-ਦ-ਹੋਮ (FTTH) ਨੈੱਟਵਰਕ ‘ਤੇ ਆਧਾਰਿਤ ਹੈ। ਇਸ ਨਵੀਂ ਸੇਵਾ ਦੇ ਤਹਿਤ, BSNL ਆਪਣੇ ਗਾਹਕਾਂ ਨੂੰ ਹਾਈ ਕੁਆਲਿਟੀ ਵਿੱਚ 500 ਤੋਂ ਵੱਧ ਲਾਈਵ ਟੀਵੀ ਚੈਨਲ ਅਤੇ ਪੇ ਟੀਵੀ (Pay TV) ਕੰਟੇਂਟ ਪ੍ਰਦਾਨ ਕਰ ਰਿਹਾ ਹੈ। ਇਸ ਨਾਲ ਨਾ ਸਿਰਫ ਮਨੋਰੰਜਨ ਨੂੰ ਨਵੀਂ ਦਿਸ਼ਾ ਮਿਲੇਗੀ, ਸਗੋਂ ਇੰਟਰਨੈੱਟ ਦੇ ਖਰਚੇ ਵੀ ਘੱਟ ਹੋਣਗੇ।
ਭਾਰਤ ਸੰਚਾਰ ਨਿਗਮ ਲਿਮਿਟੇਡ (BSNL) ਨੇ ਹਾਲ ਹੀ ਵਿੱਚ ਆਪਣੇ ਨਵੇਂ ਲੋਗੋ ਦੇ ਨਾਲ-ਨਾਲ 6 ਨਵੀਆਂ ਸੇਵਾਵਾਂ ਤੋਂ ਪਰਦਾ ਉਠਾਇਆ ਹੈ। ਇਹਨਾਂ ਸੇਵਾਵਾਂ ਵਿੱਚੋਂ ਪ੍ਰਮੁੱਖ ਫਾਈਬਰ-ਅਧਾਰਿਤ ਇੰਟਰਾਨੈੱਟ ਟੀਵੀ ਸੇਵਾ ਹੈ, ਜਿਸਦਾ ਨਾਮ IFTV (ਇੰਟਰਨੈੱਟ ਫਾਈਬਰ ਟੀਵੀ) ਹੈ।
BSNL ਨੇ ਇਸ ਸਮੇਂ ਮੱਧ ਪ੍ਰਦੇਸ਼ ਅਤੇ ਤਾਮਿਲਨਾਡੂ ਵਿੱਚ ਇਹ ਸੇਵਾ ਸ਼ੁਰੂ ਕੀਤੀ ਹੈ, ਜਿੱਥੇ ਖਪਤਕਾਰ 500 ਤੋਂ ਵੱਧ ਲਾਈਵ ਟੀਵੀ ਚੈਨਲਾਂ ਦਾ ਆਨੰਦ ਲੈਣਗੇ। ਇਸ ਤੋਂ ਇਲਾਵਾ, BSNL ਦੀ IFTV ਸੇਵਾ ਦੇ ਤਹਿਤ ਟੀਵੀ ਸਟ੍ਰੀਮਿੰਗ ਲਈ ਵਰਤਿਆ ਜਾਣ ਵਾਲਾ ਡੇਟਾ ਉਪਭੋਗਤਾ ਦੇ ਡੇਟਾ ਪੈਕ ਤੋਂ ਨਹੀਂ ਘਟਾਇਆ ਜਾਵੇਗਾ। ਇਸ ਦੀ ਬਜਾਏ, IFTV ਸੇਵਾ ਅਸੀਮਤ ਡੇਟਾ ਦੇ ਨਾਲ ਪ੍ਰਦਾਨ ਕਰਾਈ ਜਾ ਰਹੀ ਹੈ। ਇਹ ਸਹੂਲਤ BSNL FTTH ਗਾਹਕਾਂ ਨੂੰ ਬਿਨਾਂ ਕਿਸੇ ਵਾਧੂ ਚਾਰਜ ਦੇ ਦਿੱਤੀ ਜਾ ਰਹੀ ਹੈ।
OTT ਅਤੇ ਹੋਰ ਮਨੋਰੰਜਨ ਸਹੂਲਤਾਂ
BSNL ਦੀ ਇਹ ਨਵੀਂ ਸੇਵਾ ਸਿਰਫ਼ ਲਾਈਵ ਚੈਨਲਾਂ ਤੱਕ ਸੀਮਤ ਨਹੀਂ ਹੈ। ਕੰਪਨੀ ਨੇ ਇਸ ਸੇਵਾ ਵਿੱਚ ਪ੍ਰਮੁੱਖ OTT ਪਲੇਟਫਾਰਮ ਜਿਵੇਂ ਕਿ Amazon Price Video, Disney Plus Hotstar, Netflix, YouTube ਅਤੇ Zee5 ਨੂੰ ਵੀ ਜੋੜਿਆ ਹੈ। ਇਸ ਤੋਂ ਇਲਾਵਾ BSNL ਗਾਹਕਾਂ ਲਈ ਗੇਮਿੰਗ ਦੀ ਸਹੂਲਤ ਵੀ ਉਪਲਬਧ ਹੋਵੇਗੀ। ਹਾਲਾਂਕਿ, ਇਹ ਸੇਵਾ ਫਿਲਹਾਲ ਸਿਰਫ ਐਂਡਰਾਇਡ ਟੀਵੀ ‘ਤੇ ਕੰਮ ਕਰੇਗੀ। ਜਿਨ੍ਹਾਂ ਗਾਹਕਾਂ ਦੇ ਟੀਵੀ ‘ਚ ਐਂਡਰਾਇਡ 10 ਜਾਂ ਇਸ ਤੋਂ ਉੱਪਰ ਦਾ ਵਰਜਨ ਹੈ, ਉਹ ਗੂਗਲ ਪਲੇ ਸਟੋਰ ਤੋਂ BSNL ਲਾਈਵ ਟੀਵੀ ਐਪ ਨੂੰ ਡਾਊਨਲੋਡ ਕਰਕੇ ਇਸ ਸੇਵਾ ਦਾ ਲਾਭ ਲੈ ਸਕਦੇ ਹਨ।
BSNL ਨੇ ਕੀ ਸੋਚ ਕੇ ਕੀਤਾ ਅਜਿਹਾ ?
BSNL ਦਾ ਇਹ ਕਦਮ ਇਸ ਸਾਲ ਦੀ ਸ਼ੁਰੂਆਤ ਵਿੱਚ ਸ਼ੁਰੂ ਕੀਤੀ ਗਈ ਇੰਟਰਨੈਟ ਪ੍ਰੋਟੋਕੋਲ ਟੈਲੀਵਿਜ਼ਨ (ਆਈਪੀਟੀਵੀ) ਸੇਵਾ ਦਾ ਵਿਸਤਾਰ ਹੈ। ਕੰਪਨੀ ਮੁਤਾਬਕ ਇਸ ਨਵੀਂ ਪਹਿਲ ਦਾ ਉਦੇਸ਼ ਸੇਵਾ ਨੂੰ ਸੁਰੱਖਿਅਤ, ਕਿਫਾਇਤੀ ਅਤੇ ਭਰੋਸੇਮੰਦ ਬਣਾਉਣਾ ਹੈ। ਇਸ ਦੇ ਨਾਲ ਹੀ, BSNL ਨੇ ‘ਨੈਸ਼ਨਲ ਵਾਈ-ਫਾਈ ਰੋਮਿੰਗ ਸਰਵਿਸ’ ਨਾਂ ਦੀ ਇੱਕ ਹੋਰ ਸੁਵਿਧਾ ਸ਼ੁਰੂ ਕੀਤੀ ਹੈ, ਜਿਸ ਦੇ ਤਹਿਤ ਗਾਹਕ ਦੇਸ਼ ਭਰ ਦੇ BSNL ਹੌਟਸਪੌਟਸ ‘ਤੇ ਹਾਈ-ਸਪੀਡ ਇੰਟਰਨੈੱਟ ਦਾ ਲਾਭ ਲੈ ਸਕਦੇ ਹਨ ਅਤੇ ਆਪਣੇ ਡਾਟਾ ਖਰਚੇ ਨੂੰ ਘਟਾ ਸਕਦੇ ਹਨ।
ਇਸ ਨਵੀਂ IFTV ਸੇਵਾ ਦੇ ਨਾਲ BSNL ਨਾ ਸਿਰਫ ਡਿਜੀਟਲ ਮਨੋਰੰਜਨ ਦੀ ਦੁਨੀਆ ਵਿੱਚ ਇੱਕ ਮਹੱਤਵਪੂਰਨ ਸਥਾਨ ਬਣਾ ਰਿਹਾ ਹੈ ਬਲਕਿ ਗਾਹਕਾਂ ਨੂੰ ਇੱਕ ਵਧੇਰੇ ਕਿਫਾਇਤੀ ਅਤੇ ਭਰੋਸੇਮੰਦ ਵਿਕਲਪ ਵੀ ਪ੍ਰਦਾਨ ਕਰ ਰਿਹਾ ਹੈ। ਇਹ ਸੇਵਾ BSNL ਗਾਹਕਾਂ ਨੂੰ ਇੱਕ ਵਧੀਆ ਅਨੁਭਵ ਪ੍ਰਦਾਨ ਕਰਨ ਦਾ ਵਾਅਦਾ ਕਰਦੀ ਹੈ ਜਿੱਥੇ ਉਹਨਾਂ ਨੂੰ ਆਪਣੀ ਮਨਪਸੰਦ ਸਮੱਗਰੀ ਨੂੰ ਦੇਖਣ ਲਈ ਡਾਟਾ ਖਰਚ ਦੀ ਚਿੰਤਾ ਨਹੀਂ ਕਰਨੀ ਪਵੇਗੀ।
