ਪਾਣੀ ਗਰਮ ਕਰਨ ਵਾਲੀ ਰਾਡ ਵਰਤਦੇ ਸਮੇਂ ਨਾ ਕਰਨਾ ਇਹ 10 ਗਲਤੀਆਂ, ਖ਼ਰੀਦਣ ਤੋਂ ਪਹਿਲਾਂ ਜ਼ਰੂਰ ਰੱਖੋ ਇਨ੍ਹਾਂ ਗੱਲਾਂ ਦਾ ਧਿਆਨ
ਸਰਦੀਆਂ ਵਿੱਚ ਪਾਣੀ ਗਰਮ ਕਰਨ ਲਈ Immersion ਰਾਡ ਦੀ ਵਰਤੋਂ ਵੱਧ ਜਾਂਦੀ ਹੈ ਅਤੇ ਇਸ ਨਾਲ ਹਾਦਸਿਆਂ ਦੇ ਮਾਮਲੇ ਵੀ ਵੱਧਣ ਲੱਗਦੇ ਹਨ। ਹਾਲ ਹੀ ‘ਚ ਉੱਤਰ ਪ੍ਰਦੇਸ਼ ਦੇ ਬਿਜਨੌਰ ‘ਚ Immersion ਰਾਡ ਨਾਲ ਪਾਣੀ ਗਰਮ ਕਰ ਰਹੀ ਇਕ ਔਰਤ ਬਿਜਲੀ ਦਾ ਝਟਕਾ ਲੱਗਣ ਕਾਰਨ ਬੇਹੋਸ਼ ਹੋ ਗਈ। ਉਸ ਨੂੰ ਤੁਰੰਤ ਨਜ਼ਦੀਕੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਇਮਰਸ਼ਨ ਰਾਡ ਗੀਜ਼ਰ ਨਾਲੋਂ ਬਹੁਤ ਸਸਤੀ ਹੁੰਦੀ ਹੈ। ਇਹੀ ਕਾਰਨ ਹੈ ਕਿ ਬਹੁਤ ਸਾਰੇ ਲੋਕ ਸਰਦੀਆਂ ਵਿੱਚ ਪਾਣੀ ਗਰਮ ਕਰਨ ਲਈ ਇਸ ਦੀ ਭਰਪੂਰ ਵਰਤੋਂ ਕਰਦੇ ਹਨ। ਇਹ ਛੋਟਾ ਅਤੇ ਪੋਰਟੇਬਲ ਵੀ ਹੈ ਜੋ ਇਸ ਨੂੰ ਕਿਤੇ ਵੀ ਲਿਜਾਣਾ ਆਸਾਨ ਬਣਾਉਂਦਾ ਹੈ। ਹਾਲਾਂਕਿ, ਇਹ ਸਿਰਫ ਮੈਨੂਅਲ ਮੋਡ ਵਿੱਚ ਕੰਮ ਕਰਦਾ ਹੈ। ਜੇਕਰ ਇਸ ਦੀ ਵਰਤੋਂ ਧਿਆਨ ਨਾਲ ਨਾ ਕੀਤੀ ਜਾਵੇ ਤਾਂ ਇਹ ਬਹੁਤ ਖਤਰਨਾਕ ਹੋ ਸਕਦਾ ਹੈ। ਤਾਂ ਆਓ ਜਾਣਦੇ ਹਾਂ ਕਿ ਇਮਰਸ਼ਨ ਰਾਡ ਦੀ ਵਰਤੋਂ ਕਰਦੇ ਸਮੇਂ ਸਾਨੂੰ ਕਿਹੜੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ…
Immersion Rods ਦੀ ਵਰਤੋਂ ਕਰਦੇ ਸਮੇਂ ਇਹ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ:
1- ਇਮਰਸ਼ਨ ਰਾਡ ਲਈ 16 amp ਪਾਵਰ ਸਪਲਾਈ ਸਾਕਟ ਦੀ ਵਰਤੋਂ ਕਰੋ।
2- ਇਸਦੀ ਵਰਤੋਂ ਕਰਨ ਤੋਂ ਪਹਿਲਾਂ ਰਾਡ ਦੀ ਵਾਇਰਿੰਗ ਅਤੇ ਬਿਲਡ ਕੁਆਲਿਟੀ ਦੀ ਜਾਂਚ ਕਰੋ।
3- ਪਾਣੀ ਗਰਮ ਕਰਨ ਲਈ ਪਲਾਸਟਿਕ ਦੀ ਬਾਲਟੀ ਦੀ ਵਰਤੋਂ ਕਰੋ, ਨਾ ਕਿ ਸਟੀਲ ਦੀ ਬਾਲਟੀ ਦੀ।
4- ਪਾਣੀ ਦੀ ਬਾਲਟੀ ਨੂੰ ਸੁੱਕੀ ਜਗ੍ਹਾ ‘ਤੇ ਰੱਖੋ।
5- ਇਮਰਸ਼ਨ ਰਾਡ ਦੀ ਵਰਤੋਂ ਕਰਦੇ ਸਮੇਂ ਜੁੱਤੀਆਂ ਅਤੇ ਚੱਪਲਾਂ ਨੂੰ ਪਹਿਨਣਾ ਯਕੀਨੀ ਬਣਾਓ।
6- ਰਾਡ ਨੂੰ ਪਾਣੀ ਵਿੱਚ ਪਾ ਕੇ ਹੀ ਸਵਿੱਚ ਚਾਲੂ ਕਰੋ।
7- ਰਾਡ ਨੂੰ ਪਾਣੀ ਵਿੱਚੋਂ ਬਾਹਰ ਕੱਢਣ ਤੋਂ ਪਹਿਲਾਂ ਇਸ ਨੂੰ ਬੰਦ ਕਰ ਦਿਓ।
8- ਪਾਣੀ ਗਰਮ ਕਰਦੇ ਸਮੇਂ ਬਾਲਟੀ ‘ਚ ਹੱਥ ਨਾ ਪਾਓ।
9- ਬਾਲਟੀ ਨੂੰ ਬੱਚਿਆਂ ਅਤੇ ਪਾਲਤੂ ਜਾਨਵਰਾਂ ਦੀ ਪਹੁੰਚ ਤੋਂ ਦੂਰ ਰੱਖੋ।
10- ਵਰਤੋਂ ਤੋਂ ਬਾਅਦ, ਇਮਰਸ਼ਨ ਰਾਡ ਦੇ ਪਲੱਗ ਨੂੰ ਇਲੈਕਟ੍ਰੀਕਲ ਬੋਰਡ ਤੋਂ ਜ਼ਰੂਰ ਹਟਾਓ।
ਇਮਰਸ਼ਨ ਰਾਡ ਖਰੀਦਦੇ ਸਮੇਂ 5 ਗੱਲਾਂ ਦਾ ਧਿਆਨ ਰੱਖੋ
ਕੀਮਤ ਅਤੇ ਵਾਰੰਟੀ ‘ਤੇ ਧਿਆਨ ਦਿਓ: ਖਰੀਦਣ ਤੋਂ ਪਹਿਲਾਂ, ਵੱਖ-ਵੱਖ ਕੰਪਨੀਆਂ ਦੇ Immersion ਰਾਡਾਂ ਦੀ ਕੀਮਤ ਦੀ ਜਾਂਚ ਕਰੋ। ਇਹ ਪਤਾ ਕਰਨਾ ਯਕੀਨੀ ਬਣਾਓ ਕਿ ਇਸ ਦੀ ਕਿੰਨੇ ਮਹੀਨਿਆਂ ਦੀ ਵਾਰੰਟੀ ਜਾਂ ਗਾਰੰਟੀ ਹੈ। ਇਸ ਕਾਰਨ ਜੇਕਰ ਕਿਸੇ ਕਿਸਮ ਦਾ ਨੁਕਸ ਪੈ ਜਾਂਦਾ ਹੈ ਤਾਂ ਇਸ ਨੂੰ ਆਸਾਨੀ ਨਾਲ ਬਦਲਿਆ ਜਾ ਸਕਦਾ ਹੈ। ਰਾਡ ਖਰੀਦਣ ਵੇਲੇ ਇਸ ਦੀ ਗੁਣਵੱਤਾ ਨੂੰ ਪਹਿਲ ਦਿਓ।
ਰਾਡ ਦੀ ਬਿਲਡ ਕੁਆਲਿਟੀ ਦੀ ਜਾਂਚ ਕਰੋ: ਬਜ਼ਾਰ ਵਿੱਚ ਕਈ ਲੋਕਲ ਬ੍ਰਾਂਡਾਂ ਦੇ ਇਮਰਸ਼ਨ ਰਾਡ ਉਪਲਬਧ ਹਨ ਜੋ ਸਸਤੇ ਹਨ ਪਰ ਉਹਨਾਂ ਦੀ ਗੁਣਵੱਤਾ ਚੰਗੀ ਨਹੀਂ ਹੈ। ਇਮਰਸ਼ਨ ਰਾਡ ਦੀ ਤਾਰ ਅਤੇ ਸਟੀਲ ਦੀ ਗੁਣਵੱਤਾ ਚੰਗੀ ਅਤੇ ਟਿਕਾਊ ਹੋਣੀ ਚਾਹੀਦੀ ਹੈ। ਜੇਕਰ ਕਵਰ ਅਰਥਾਤ ਰਾਡ ਦਾ ਇਨਸੂਲੇਸ਼ਨ ਪਲਾਸਟਿਕ ਦਾ ਹੈ ਤਾਂ ਇਹ ਮਜ਼ਬੂਤ ਹੋਣਾ ਚਾਹੀਦਾ ਹੈ।
ISI ਮਾਰਕਾ ਦੇਖਣ ਤੋਂ ਬਾਅਦ ਹੀ ਖਰੀਦੋ: ਜੇਕਰ ਤੁਸੀਂ ਨਵੀਂ ਇਮਰਸ਼ਨ ਰਾਡ ਖਰੀਦ ਰਹੇ ਹੋ, ਤਾਂ ਯਕੀਨੀ ਤੌਰ ‘ਤੇ Bureau of Indian Standards (BIS) ਦੁਆਰਾ ਪ੍ਰਮਾਣਿਤ ISI ਮਾਰਕ ਦੇਖੋ। ISI ਮਾਰਕ ਚੰਗੀ ਕੁਆਲਿਟੀ ਦੀ ਗਾਰੰਟੀ ਹੈ। ISI ਪ੍ਰਮਾਣਿਤ ਰਾਡ ਦੇ ਜਲਦੀ ਖਰਾਬ ਹੋਣ ਦੀ ਸੰਭਾਵਨਾ ਘੱਟ ਹੁੰਦੀ ਹੈ।
ਪਾਵਰ ਰੇਟਿੰਗ ਦੀ ਜਾਂਚ ਕਰੋ: ਰਾਡ ਦੀ ਪਾਵਰ ਰੇਟਿੰਗ ਦੀ ਜਾਂਚ ਕਰਨਾ ਬਹੁਤ ਮਹੱਤਵਪੂਰਨ ਹੈ। ਜੇਕਰ ਤੁਹਾਡੇ ਘਰ ਦੀ ਵਾਇਰਿੰਗ ਇਮਰਸ਼ਨ ਰਾਡ ਦੀ ਜ਼ਰੂਰਤ ਅਨੁਸਾਰ ਨਹੀਂ ਹੈ ਤਾਂ ਘੱਟ ਪਾਵਰ ਵਾਲੀ ਰਾਡ ਖਰੀਦੋ। ਇਸ ਕਾਰਨ ਸ਼ਾਰਟ ਸਰਕਟ ਦਾ ਕੋਈ ਖਤਰਾ ਨਹੀਂ ਹੋਵੇਗਾ।
ਗਾਹਕਾਂ ਦੇ ਰਿਵਿਊ ਵੀ ਦੇਖੋ: ਹਮੇਸ਼ਾ ਕਿਸੇ ਭਰੋਸੇਮੰਦ ਕੰਪਨੀ ਤੋਂ ਇਮਰਸ਼ਨ ਰੌਡ ਖਰੀਦੋ। ਖਰੀਦਣ ਤੋਂ ਪਹਿਲਾਂ,ਇਸ ਦੇ ਕਸਟਮਰ ਰਿਵਿਊ ਦੀ ਜਾਂਚ ਕਰੋ। ਇਸ ਨਾਲ ਤੁਸੀਂ ਬਿਹਤਰ ਕੁਆਲਿਟੀ ਦੇ ਇਮਰਸ਼ਨ ਰਾਡਸ ਖਰੀਦ ਸਕੋਗੇ, ਜੋ ਲੰਬੇ ਸਮੇਂ ਤੱਕ ਚੱਲੇਗੀ। ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖ ਕੇ ਤੁਸੀਂ ਇੱਕ ਵਧੀਆ ਕੁਆਲਿਟੀ ਦੀ Immersion ਰਾਡ ਖਰੀਦ ਸਕਦੇ ਹੋ ਤੇ ਆਪਣੇ ਘਰਦਿਆਂ ਨੂੰ ਸੁਰੱਖਿਅਤ ਰੱਖ ਸਕਦੇ ਹੋ।
