Motorola ਲਾਂਚ ਕਰਨ ਜਾ ਰਿਹਾ Razr 50s Ultra, ਵਾਇਰਲੈੱਸ ਚਾਰਜਿੰਗ ਦੇ ਨਾਲ ਮਿਲਣਗੇ ਇਹ ਪ੍ਰੀਮੀਅਮ ਫੀਚਰ

Motorola Razr 50s Ultra: ਮੋਟੋਰੋਲਾ (Motorola) ਜਲਦ ਹੀ ਆਪਣੇ ਫੋਲਡੇਬਲ ਸਮਾਰਟਫੋਨ ਲਾਈਨਅੱਪ ‘ਚ Motorola Razr 50s Ultra ਨੂੰ ਲਾਂਚ ਕਰ ਸਕਦੀ ਹੈ। ਇਸ ਨੂੰ Motorola Razr 50s ਦੇ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ। ਹਾਲ ਹੀ ਵਿੱਚ, Motorola Razr 50s ਮਾਡਲ ਨੂੰ ਕਈ ਸਰਟੀਫਿਕੇਸ਼ਨ ਅਤੇ ਬੈਂਚਮਾਰਕਿੰਗ ਸਾਈਟਾਂ ‘ਤੇ ਦੇਖਿਆ ਗਿਆ ਹੈ, ਅਤੇ ਹੁਣ ਅਲਟਰਾ ਵੇਰੀਐਂਟ ਵੀ ਔਨਲਾਈਨ ਸਾਹਮਣੇ ਆਇਆ ਹੈ, ਇਸ ਦੇ ਡਿਜ਼ਾਈਨ ਅਤੇ ਚਾਰਜਿੰਗ ਫੀਚਰਸ ਦਾ ਖੁਲਾਸਾ ਵੀ ਹੋ ਚੁੱਕਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ Motorola Razr 50s ਸੀਰੀਜ਼ ਨੂੰ Motorola Razr 50 ਸੀਰੀਜ਼ ਤੋਂ ਥੋੜ੍ਹਾ ਹੇਠਾਂ ਰੱਖਿਆ ਜਾਵੇਗਾ।

Motorola Razr 50s Ultra ਦੇ ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ Motorola Razr 50s Ultra ਦਾ ਡਿਜ਼ਾਈਨ ਵਾਇਰਲੈੱਸ ਪਾਵਰ ਕੰਸੋਰਟੀਅਮ ਦੀ ਸਰਟੀਫਿਕੇਸ਼ਨ ਸਾਈਟ ‘ਤੇ ਲਿਸਟ ਕੀਤਾ ਗਿਆ ਹੈ, ਜਿੱਥੋਂ ਇਸ ਦੇ ਡਿਜ਼ਾਈਨ ਬਾਰੇ ਜਾਣਕਾਰੀ ਮਿਲੀ ਹੈ। ਲਿਸਟਿੰਗ ‘ਚ ਸ਼ਾਮਲ ਤਸਵੀਰਾਂ ਦਿਖਾਉਂਦੀਆਂ ਹਨ ਕਿ ਇਸ ਦਾ ਡਿਜ਼ਾਈਨ Motorola Razr 50 Ultra ਵਰਗਾ ਹੀ ਹੋਵੇਗਾ। ਇਸ ਵਿੱਚ ਇੱਕ ਰੈਕਟੈਂਗੁਲਰ ਕਵਰ ਸਕ੍ਰੀਨ ਹੈ, ਜੋ ਕਿ ਇਸ ਦੇ ਹਿੰਜ ਤੱਕ ਫੈਲੀ ਹੋਈ ਹੈ ਅਤੇ ਉੱਪਰਲੇ ਖੱਬੇ ਕੋਨੇ ਵਿੱਚ ਦੋ ਗੋਲਾਕਾਰ ਰੀਅਰ ਕੈਮਰਾ ਸੈਂਸਰ ਮੌਜੂਦ ਹਨ। ਇਸ ਦੇ ਨਾਲ ਫਲੈਸ਼ ਯੂਨਿਟ ਵੀ ਦਿੱਤੀ ਗਈ ਹੈ।

Motorola Razr 50s Ultra ਡਾਰਕ ਗ੍ਰੇ ਵੀਗਨ ਲੈਦਰ ਫਿਨਿਸ਼ ਵਿੱਚ ਦਿਖਾਈ ਦੇ ਰਿਹਾ ਹੈ, ਮੱਧ ਵਿੱਚ ਇੱਕ ਹਲਕੇ ਸਲੇਟੀ ਰੰਗ ਦੀ ਧਾਰੀ ਜਿਸ ਵਿੱਚ Motorola ਲੋਗੋ ਅਤੇ Razr ਬ੍ਰਾਂਡਿੰਗ ਦਿਖ ਰਹੀ ਹੈ। ਪਾਵਰ ਅਤੇ ਵਾਲੀਅਮ ਬਟਨ Motorola Razr 50s Ultra ਦੇ ਉੱਪਰ ਸੱਜੇ ਪਾਸੇ ਦਿਖਾਈ ਦੇ ਰਿਹਾ ਹੈ। ਫਲੈਟ ਡਿਸਪਲੇਅ ਵਿੱਚ ਪਤਲੇ ਬੇਜ਼ਲ ਅਤੇ ਕੇਂਦਰ ਵਿੱਚ ਇੱਕ ਹੋਲ-ਪੰਚ ਸਲਾਟ ਹੈ। ਇਸ ਦੇ ਹੇਠਲੇ ਹਿੱਸੇ ‘ਚ USB ਟਾਈਪ-ਸੀ ਪੋਰਟ ਅਤੇ ਸਪੀਕਰ ਗ੍ਰਿਲਸ ਦਿੱਤੇ ਗਏ ਹਨ। ਵਾਇਰਲੈੱਸ ਪਾਵਰ ਕੰਸੋਰਟੀਅਮ ਲਿਸਟਿੰਗ ਦੇ ਮੁਤਾਬਕ, Motorola Razr 50s Ultra ਮਾਡਲ ਨੰਬਰ XT2451-6 ਦੇ ਨਾਲ 15W ਵਾਇਰਲੈੱਸ Qi ਚਾਰਜਿੰਗ ਨੂੰ ਸਪੋਰਟ ਕਰੇਗਾ। ਇਸ ਤੋਂ ਇਲਾਵਾ, ਇਹ SGS Fimko ਸਰਟੀਫਿਕੇਸ਼ਨ ਸਾਈਟ ‘ਤੇ ਇਸ ਦੇ ਵੱਖ-ਵੱਖ ਵੇਰੀਅੰਟ ਨੂੰ ਦਰਸਾਉਂਦੇ ਕਈ ਮਾਡਲ ਨੰਬਰਾਂ ਦੇ ਨਾਲ ਲਿਸਟ ਕੀਤਾ ਗਿਆ ਹੈ। Motorola Razr 50s Ultra ਦੇ ਬਾਕੀ ਫੀਚਰਸ ਦੀ ਜਾਣਕਾਰੀ ਇਸ ਦੇ ਲਾਂਚ ਹੋਣ ਦੇ ਨਾਲ ਹੀ ਸਾਹਮਣੇ ਆਵੇਗੀ।