ICU-ਆਪ੍ਰੇਸ਼ਨ ਥਿਏਟਰ ‘ਚ ਸਕ੍ਰਬ ਸੂਟ, ਵਾਰਡ ‘ਚ ਵੱਖ-ਵੱਖ ਕੱਪੜੇ, ਹੁਣ ਨਵੇਂ ਡਰੈੱਸ ਕੋਡ ‘ਚ ਨਜ਼ਰ ਆਉਣਗੀਆਂ ਨਰਸਾਂ
ਤੁਸੀਂ ਅਤੇ ਮੈਂ ਅਕਸਰ ਆਪਣਾ ਜਾਂ ਪਰਿਵਾਰ ਦੇ ਹੋਰ ਮੈਂਬਰਾਂ ਦਾ ਇਲਾਜ ਕਰਵਾਉਣ ਲਈ ਹਸਪਤਾਲ ਜਾਂਦੇ ਹਾਂ। ਹਸਪਤਾਲ ਵਿੱਚ ਮਰੀਜ਼ਾਂ ਦਾ ਇਲਾਜ ਕਰ ਰਹੀਆਂ ਨਰਸਾਂ ਚਿੱਟੇ ਰੰਗ ਦੇ ਡਰੈੱਸ ਕੋਡ ਵਿੱਚ ਨਜ਼ਰ ਆ ਰਹੀਆਂ ਹਨ। ਹੁਣ ਓਡੀਸ਼ਾ ਵਿੱਚ ਨਰਸਿੰਗ ਸਟਾਫ਼ ਦੇ ਪਹਿਰਾਵੇ ਵਿੱਚ ਵੱਡਾ ਬਦਲਾਅ ਹੋਣ ਜਾ ਰਿਹਾ ਹੈ। ਓਡੀਸ਼ਾ ਸਰਕਾਰ ਨੇ ਰਾਜ ਵਿੱਚ ਨਰਸਿੰਗ ਸੇਵਾ ਕੇਡਰ ਦੇ ਪੁਰਸ਼ ਅਤੇ ਮਹਿਲਾ ਕਰਮਚਾਰੀਆਂ ਦੇ ਡਰੈੱਸ ਕੋਡ ਨੂੰ ਬਦਲਣ ਦਾ ਫੈਸਲਾ ਕੀਤਾ ਹੈ। ਸੋਮਵਾਰ ਨੂੰਵਰਤਮਾਨ ਵਿੱਚ ਮਹਿਲਾ ਨਰਸਿੰਗ ਸਟਾਫ ਚਿੱਟੀ ਸਾੜੀ ਜਾਂ ਚਿੱਟੇ ਐਪਰਨ ਪਾਉਂਦੀਆਂ ਹਨ। ਹੁਣ ਇਸ ‘ਚ ਲਾਈਟ ਪਰਪਲ ਅਤੇ ਲੈਵੇਂਡਰ ਕਲਰ ਦੇ ਨਾਲ ਸਿਆਨ ਬਲੂ ਕਲਰ ਨੂੰ ਜੋੜਿਆ ਗਿਆ ਹੈ। ਓਡੀਸ਼ਾ ਦੀ ਭਾਜਪਾ ਸਰਕਾਰ ਦੇ ਅਧੀਨ ਸਿਹਤ ਵਿਭਾਗ ਨੇ ਨਰਸਿੰਗ ਸਟਾਫ ਲਈ ਵੱਖ-ਵੱਖ ਰੰਗਾਂ ਦੇ ਡਰੈੱਸ ਕੋਡਾਂ ਵਾਲੇ ਛੇ ਡਰੈੱਸ ਪੈਟਰਨਾਂ ਨੂੰ ਮਨਜ਼ੂਰੀ ਦਿੱਤੀ।
ਮਿਲੀ ਜਾਣਕਾਰੀ ਦੇ ਮੁਤਾਬਕ ਨਰਸਿੰਗ ਸਟਾਫ਼ ਦੇ ਪਹਿਰਾਵੇ ਦਾ ਰੰਗ ਉਨ੍ਹਾਂ ਦੀ ਸੀਨੀਆਰਤਾ ਦੇ ਹਿਸਾਬ ਨਾਲ ਤੈਅ ਕੀਤਾ ਗਿਆ ਹੈ। ਓਡੀਸ਼ਾ ਦੇ ਸਿਹਤ ਅਤੇ ਪਰਿਵਾਰ ਭਲਾਈ ਵਿਭਾਗ ਦੇ ਵੱਲੋਂ ਨਰਸਿੰਗ ਦੇ ਨਿਰਦੇਸ਼ਕ ਨੂੰ ਜਾਰੀ ਕੀਤੇ ਗਏ ਇੱਕ ਤਾਜ਼ਾ ਪੱਤਰ ਦੇ ਮੁਤਾਬਕ ਨਰਸਿੰਗ ਅਫਸਰ ਅਤੇ ਸੀਨੀਅਰ ਨਰਸਿੰਗ ਅਫਸਰ (ਔਰਤਾਂ) ਹਲਕੇ ਲਵੈਂਡਰ ਰੰਗ ਦੇ ਪਹਿਰਾਵੇ ਪਹਿਨਣਗੀਆਂ, ਜਦੋਂ ਕਿ ਸਹਾਇਕ ਨਰਸਿੰਗ ਸੁਪਰਡੈਂਟ (ਏਐਨਐਸ) ਹੁਣ ਨੀਲੇ ਰੰਗ ਦੀ ਡਰੈੱਸ ਪਹਿਨਣਗੀਆਂ। ਇਸੇ ਤਰਜ਼ ‘ਤੇ, ਡਿਪਟੀ ਨਰਸਿੰਗ ਸੁਪਰਡੈਂਟ (DNS) ਅਤੇ ਨਰਸਿੰਗ ਸੁਪਰਡੈਂਟ (NS) ਲਈ ਪਹਿਰਾਵੇ ਦਾ ਰੰਗ ਸਫੈਦ ਹੋਵੇਗਾ। ਚਿੱਟੇ ਏਪ੍ਰੋਨ ਦੇ ਕਾਲਰ ਗਰਦਨ ਵਾਲੇ ਹਿੱਸੇ ਵਿੱਚ ਇੱਕ ਗੂੜ੍ਹਾ ਜਾਮਨੀ ਬਾਰਡਰ ਹੋਵੇਗਾ।
ICU-ਆਪ੍ਰੇਸ਼ਨ ਥੀਏਟਰ ਵਿੱਚ ਸਕ੍ਰਬ ਸੂਟ ਲਾਜ਼ਮੀ
ਨਵੇਂ ਨਿਯਮ ਦੇ ਅਨੁਸਾਰ ਸਾਰੇ ਨਰਸਿੰਗ ਸਟਾਫ ਨੂੰ ਹੁਣ ਆਈਸੀਯੂ, ਅਪਰੇਸ਼ਨ ਥੀਏਟਰ ਅਤੇ ਲੇਬਰ ਰੂਮ ਵਰਗੀਆਂ ਅੰਦਰੂਨੀ ਡਿਊਟੀਆਂ ਕਰਨ ਲਈ ਸਕ੍ਰਬ ਸੂਟ ਪਹਿਨਣੇ ਹੋਣਗੇ। ਇਹ ਦੱਸਿਆ ਗਿਆ ਹੈ ਕਿ ਜਨਰਲ ਵਾਰਡਾਂ ਅਤੇ ਐਮਰਜੈਂਸੀ ਸੇਵਾਵਾਂ ਵਿੱਚ ਲੱਗੇ ਸਾਰੇ ਮਰਦ ਨਰਸਿੰਗ ਅਧਿਕਾਰੀ ਡਰੈੱਸ ਕੋਡ ਦੇ ਅਨੁਸਾਰ ਗੂੜ੍ਹੇ ਨੇਵੀ ਨੀਲੇ ਰੰਗ ਦੇ ਰਸਮੀ ਪੈਂਟ ਪਹਿਨਣਗੇ। ਇਸ ਤੋਂ ਇਲਾਵਾ ਮਹਿਲਾ ਨਰਸਿੰਗ ਅਫਸਰ, ਸੀਨੀਅਰ ਨਰਸਿੰਗ ਅਫਸਰ ਅਤੇ ਸਹਾਇਕ ਨਰਸਿੰਗ ਸੁਪਰਡੈਂਟ ਜਨਰਲ ਵਾਰਡਾਂ ਅਤੇ ਐਮਰਜੈਂਸੀ ਸੇਵਾਵਾਂ ਲਈ ਸਾੜੀ ਜਾਂ ਸਲਵਾਰ-ਕਮੀਜ਼ ਪਹਿਨ ਸਕਦੇ ਹਨ, ਜਦੋਂ ਕਿ ਡੀਐਨਐਸ ਅਤੇ ਐਨਐਸ ਕਾਡਰਾਂ ਨੂੰ ਅਜਿਹੀਆਂ ਡਿਊਟੀਆਂ ਲਈ ਸਿਰਫ਼ ਸਾੜੀ ਪਹਿਨਣ ਲਈ ਕਿਹਾ ਗਿਆ ਹੈ।
ਡਰੈੱਸ ਕੋਡ’ਤੇ ਹੋਵੇਗਾ ਸਟਾਫ ਦਾ ਨਾਮ
ਸਰਕਾਰ ਦਾ ਕਹਿਣਾ ਹੈ ਕਿ ਆਮ ਵਾਰਡਾਂ ਵਿੱਚ ਸਾਰੇ ਏਐਨਐਸ, ਡੀਐਨਐਸ ਅਤੇ ਐਨਐਸ ਨੂੰ ਪੂਰੀ ਆਸਤੀਨ ਵਾਲੇ ਐਪਰਨ ਪ੍ਰਦਾਨ ਕੀਤੇ ਜਾਣਗੇ, ਜਦੋਂ ਕਿ ਕਾਡਰ ਦੇ ਸਾਰੇ ਅਧਿਕਾਰੀ, ਚਾਹੇ ਕਿਸੇ ਵੀ ਰੈਂਕ ਦੇ ਹੋਣ, ਉਨ੍ਹਾਂ ਦਾ ਨਾਮ ਅਤੇ ਅਹੁਦਾ ਉਨ੍ਹਾਂ ਦੀ ਵਰਦੀ ‘ਤੇ ਛਾਪਿਆ ਜਾਵੇਗਾ। ਓਡੀਸ਼ਾ ਸਰਕਾਰ ਦੇ ਆਦੇਸ਼ ‘ਚ ਕਿਹਾ ਗਿਆ ਹੈ ਕਿ ਡਰੈੱਸ ਕੋਡ ਨੂੰ ਬਦਲਣ ਦਾ ਫੈਸਲਾ ਓਡੀਸ਼ਾ ਨਰਸਿੰਗ ਇੰਪਲਾਈਜ਼ ਐਸੋਸੀਏਸ਼ਨ ਦੇ ਪ੍ਰਸਤਾਵ ‘ਤੇ ਵਿਚਾਰ ਕਰਨ ਤੋਂ ਬਾਅਦ ਸਿਧਾਂਤਕ ਤੌਰ ‘ਤੇ ਲਿਆ ਗਿਆ ਹੈ। ਓਡੀਸ਼ਾ ਵਿੱਚ ਸਰਕਾਰ ਬਣਾਉਣ ਵਾਲੀ ਭਾਜਪਾ ਨੇ ਰਾਜ ਭਰ ਵਿੱਚ ਸਰਕਾਰੀ ਇਮਾਰਤਾਂ ਅਤੇ ਦਫ਼ਤਰਾਂ ਨੂੰ ਸੰਤਰੀ ਅਤੇ ਲਾਲ ਰੰਗਾਂ ਵਿੱਚ ਰੰਗਣ ਦਾ ਫੈਸਲਾ ਕੀਤਾ ਸੀ।
