16 ਸਾਲ ਦੀ ਉਮਰ ‘ਚ ਸਟਾਰ ਬਣੀ ਇਹ ਅਦਾਕਾਰਾ, 17 ਸਾਲ ਵੱਡੇ ਡਾਇਰੈਕਟਰ ਨਾਲ ਕੀਤਾ ਵਿਆਹ, ਰਾਤੋ ਰਾਤ ਛੱਡਿਆ ਦੇਸ਼
ਤੁਹਾਨੂੰ 1989 ਦੀ ਫਿਲਮ ‘ਤ੍ਰਿਦੇਵ’ ਦਾ ਗੀਤ ‘ਤਿਰਚੀ ਟੋਪੀ ਵਾਲੇ, ਬਾਬੂ ਭੋਲੇ ਭਲੇ,..ਤੂੰ ਯਾਦ ਆਨੇ ਲਗਾ ਹੈ’ ਯਾਦ ਹੋਵੇਗਾ। ਇਸ ਗੀਤ ‘ਚ ਇਕ ਨਵੀਂ ਅਦਾਕਾਰਾ ਨਜ਼ਰ ਆਈ, ਜਿਸ ਨੇ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਦਰਸ਼ਕਾਂ ‘ਤੇ ਡੂੰਘਾ ਪ੍ਰਭਾਵ ਛੱਡਿਆ। ‘ਤ੍ਰਿਦੇਵ’ ਦੇ ਇਸ ਮਸ਼ਹੂਰ ਗੀਤ ‘ਚ ਨਸੀਰੂਦੀਨ ਸ਼ਾਹ ਨਾਲ ਅਦਾਕਾਰਾ ਸੋਨਮ ਬਖਤਾਵਰ ਨਜ਼ਰ ਆਈ ਸੀ। ਇਸ ਗੀਤ ਦੀ ਲੋਕਪ੍ਰਿਅਤਾ ਨੇ ਸੋਨਮ ਨੂੰ ਰਾਤੋ-ਰਾਤ ਇੰਡਸਟਰੀ ‘ਚ ਪ੍ਰਸਿੱਧੀ ਦੇ ਸਿਖਰ ‘ਤੇ ਪਹੁੰਚਾ ਦਿੱਤਾ ਪਰ ‘ਓਏ-ਓਏ ਗਰਲ’ ਦੇ ਨਾਂ ਨਾਲ ਮਸ਼ਹੂਰ ਅਦਾਕਾਰਾ ਨੇ ਜਿਵੇਂ ਹੀ ਸਟਾਰਡਮ ਹਾਸਲ ਕੀਤਾ, ਉਸ ਦਾ ਕਰੀਅਰ ਵੀ ਬਰਬਾਦ ਹੋ ਗਿਆ।
ਅਦਾਕਾਰਾ ਸੋਨਮ ਬਖਤਾਵਰ ਖਾਨ ਨੇ 16-17 ਸਾਲ ਦੀ ਉਮਰ ‘ਚ ਬਾਲੀਵੁੱਡ ‘ਚ ਐਂਟਰੀ ਕੀਤੀ ਅਤੇ ਆਪਣੀ ਪਹਿਲੀ ਫਿਲਮ ‘ਚ ਹੀ ਕਈ ਬੋਲਡ ਸੀਨਜ਼ ਫਿਲਮਾ ਕੇ ਇੰਡਸਟਰੀ ‘ਚ ਹਲਚਲ ਮਚਾ ਦਿੱਤੀ। ਸੋਨਮ ਨੇ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ 1988 ‘ਚ ਯਸ਼ ਚੋਪੜਾ ਦੀ ਫਿਲਮ ‘ਵਿਜੇ’ ਨਾਲ ਕੀਤੀ ਸੀ, ਜਿਸ ਲਈ ਉਸ ਦੀ ਕਾਫ਼ੀ ਤਰੀਫ ਹੋਈ ਸੀ। ਉਨ੍ਹਾਂ ਦਿਨਾਂ ‘ਚ ਸੋਨਮ ਨੂੰ ਫਿਲਮਾਂ ‘ਚ ਕਾਸਟ ਕਰਨਾ ਹਰ ਫਿਲਮਕਾਰ ਦਾ ਸੁਪਨਾ ਬਣ ਗਿਆ ਸੀ।
ਕੁਝ ਹੀ ਸਾਲਾਂ ‘ਚ ਸੋਨਮ ਬਖਤਾਵਰ ਖਾਨ ਬਾਲੀਵੁੱਡ ‘ਚ ਉਸ ਮੁਕਾਮ ‘ਤੇ ਪਹੁੰਚ ਗਈ ਸੀ, ਜਿੱਥੇ ਪਹੁੰਚਣ ਦਾ ਸੁਪਨਾ ਹਰ ਕੋਈ ਦੇਖਦਾ ਹੈ ਪਰ ਬਹੁਤ ਘੱਟ ਲੋਕਾਂ ਦੇ ਸੁਪਨੇ ਹਕੀਕਤ ‘ਚ ਬਦਲਦੇ ਹਨ। ‘ਵਿਜੇ’, ‘ਤ੍ਰਿਦੇਵ’, ‘ਵਿਸ਼ਵਾਤਮਾ’ ਵਰਗੀਆਂ ਸਫ਼ਲ ਫਿਲਮਾਂ ਦੇਣ ਤੋਂ ਬਾਅਦ ਸੋਨਮ ਨੇ ਆਪਣੇ ਆਪ ਨੂੰ ਇੰਡਸਟਰੀ ‘ਚ ਬੋਲਡ ਅਭਿਨੇਤਰੀ ਵਜੋਂ ਸਥਾਪਿਤ ਕੀਤਾ ਸੀ। ਪਰ ਫਿਰ ਅਚਾਨਕ 19 ਸਾਲ ਦੀ ਉਮਰ ਵਿੱਚ ਉਸਨੇ ਆਪਣੇ ਤੋਂ 17 ਸਾਲ ਵੱਡੇ ਨਿਰਦੇਸ਼ਕ ਰਾਜੀਵ ਨਾਲ ਵਿਆਹ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਜੋੜਾ ਤ੍ਰਿਦੇਵ ਦੀ ਸ਼ੂਟਿੰਗ ਦੌਰਾਨ ਡੇਟ ਕਰ ਰਿਹਾ ਸੀ।
ਗੁਣਾਂ ਦੀ ਖਾਨ ਹੈ ਰਸੋਈ ‘ਚ ਰੱਖਿਆ ਇਹ ਮਸਾਲਾ
ਵਿਆਹ ਤੋਂ ਬਾਅਦ ਰਾਤੋ-ਰਾਤ ਛੱਡ ਦਿੱਤਾ ਦੇਸ਼
ਦਰਅਸਲ, ਉਨ੍ਹਾਂ ਦਿਨੀਂ ਸੋਨਮ ਦਾ ਨਾਂ ਅੰਡਰਵਰਲਡ ਡਾਨ ਅਬੂ ਸਲੇਮ ਨਾਲ ਜੁੜ ਰਿਹਾ ਸੀ। ਅਜਿਹੇ ‘ਚ ਆਪਣੇ ਕਰੀਅਰ ਅਤੇ ਇਮੇਜ ਨੂੰ ਨੁਕਸਾਨ ਹੋਣ ਤੋਂ ਬਚਾਉਣ ਲਈ ਅਦਾਕਾਰਾ ਨੇ ਆਪਣੇ ਤੋਂ 17 ਸਾਲ ਵੱਡੇ ਨਿਰਦੇਸ਼ਕ ਨਾਲ ਵਿਆਹ ਕਰ ਲਿਆ ਅਤੇ ਰਾਤੋ-ਰਾਤ ਦੇਸ਼ ਛੱਡ ਦਿੱਤਾ। ਵਿਆਹ ਤੋਂ ਬਾਅਦ ਵੀ ਅਭਿਨੇਤਰੀ ਦੇ ਰਿਸ਼ਤੇ ‘ਤੇ ਅੰਡਰਵਰਲਡ ਦਾ ਪਰਛਾਵਾਂ ਮੰਡਰਾ ਰਿਹਾ ਸੀ, ਜਿਸ ਕਾਰਨ ਉਹ 4 ਵੱਖ-ਵੱਖ ਦੇਸ਼ਾਂ ‘ਚ ਰਹਿੰਦੀ ਸੀ।
ਅੰਡਰਵਰਲਡ ਦੀਆਂ ਧਮਕੀਆਂ ਕਾਰਨ ਉਨ੍ਹਾਂ ਦੇ ਰਿਸ਼ਤੇ ਵਿੱਚ ਹਮੇਸ਼ਾ ਤਣਾਅ ਰਹਿੰਦਾ ਸੀ ਅਤੇ ਉਹ ਕਦੇ ਖੁਸ਼ ਨਹੀਂ ਸੀ। ਦੱਸਿਆ ਜਾਂਦਾ ਹੈ ਕਿ ਅਬੂ ਸਲੇਮ ਨੇ ਨਿਰਦੇਸ਼ਕ ਰਾਜੀਵ ‘ਤੇ ਹਮਲਾ ਵੀ ਕਰਵਾਇਆ ਸੀ। ਇਸ ਜੋੜੇ ਨੇ ਆਪਣੇ ਬੇਟੇ ਦੀ ਖ਼ਾਤਰ ਤਲਾਕ ਨਹੀਂ ਲਿਆ ਸੀ ਪਰ ਬਾਲਗ ਹੁੰਦੇ ਹੀ ਸੋਨਮ ਅਤੇ ਉਸ ਦੇ ਪਤੀ ਰਾਜੀਵ ਦਾ ਰਿਸ਼ਤਾ ਖ਼ਤਮ ਹੋ ਗਿਆ ਸੀ।
