ਫਿਰ ਐਕਸ਼ਨ ਮੋਡ ‘ਚ ਦਿਸੇ ਬੈਂਜਾਮਿਨ ਨੇਤਨਯਾਹੂ, ਹੁਣ ਇਸ ਦੇਸ਼ ‘ਚ ਪਹੁੰਚੀ ਇਜ਼ਰਾਇਲੀ ਫ਼ੌਜ

ਇਜ਼ਰਾਇਲੀ ਫ਼ੌਜ ਪਿਛਲੇ ਇੱਕ ਸਾਲ ਤੋਂ ਲਗਾਤਾਰ ਐਕਸ਼ਨ ਮੋਡ ਵਿੱਚ ਹੈ। ਇਕ ਪਾਸੇ ਬੈਂਜਾਮਿਨ ਨੇਤਨਯਾਹੂ (Benjamin Netanyahu) ਦੀ ਫ਼ੌਜ ਹਮਾਸ ਦੇ ਖਿਲਾਫ ਗਾਜ਼ਾ ‘ਚ ਭਾਰੀ ਬੰਬਾਰੀ ਕਰ ਰਹੀ ਹੈ। ਦੂਜੇ ਪਾਸੇ ਆਈਡੀਐਫ ਦੇ ਲੜਾਕੂ ਜਹਾਜ਼ ਲੇਬਨਾਨ ਵਿੱਚ ਹਿਜ਼ਬੁੱਲਾ ਲੜਾਕਿਆਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ। ਈਰਾਨ ਦੇ ਹਮਲੇ ਦੇ ਜਵਾਬ ਵਿਚ ਇਜ਼ਰਾਈਲ ਨੇ ਵੀ ਹਮਲਾ ਕੀਤਾ। ਅੱਜ ਇਜ਼ਰਾਈਲੀ ਫ਼ੌਜ ਇੱਕ ਨਵੇਂ ਦੇਸ਼ ਵਿੱਚ ਦਾਖਲ ਹੋਈ ਹੈ ਅਤੇ ਇਸ ਦੇਸ਼ ਦਾ ਨਾਮ ਹੈ ਨੀਦਰਲੈਂਡ। ਵੀਰਵਾਰ ਨੂੰ ਨੀਦਰਲੈਂਡ ਵਿੱਚ ਜੋ ਹੋਇਆ ਉਸ ਤੋਂ ਬਾਅਦ ਨੇਤਨਯਾਹੂ (Benjamin Netanyahu) ਨੇ ਤੁਰੰਤ ਆਪਣੇ ਦੋ ਲੜਾਕੂ ਜਹਾਜ਼ ਨੀਦਰਲੈਂਡ ਵੱਲ ਰਵਾਨਾ ਕਰ ਦਿੱਤੇ। ਇਹ ਜਹਾਜ਼ ਉੱਥੇ ਕੋਈ ਹਮਲਾ ਕਰਨ ਲਈ ਨਹੀਂ ਸਗੋਂ ਮਦਦ ਲਈ ਪਹੁੰਚੇ ਹਨ।

ਦਰਅਸਲ, ਵੀਰਵਾਰ ਸ਼ਾਮ ਨੂੰ ਐਮਸਟਰਡਮ ਵਿੱਚ ਮੈਕਾਬੀ ਤੇਲ ਅਵੀਵ ਅਤੇ ਅਜਾਕਸ ਵਿਚਾਲੇ ਫੁੱਟਬਾਲ ਮੈਚ ਚੱਲ ਰਿਹਾ ਸੀ। ਮੈਚ ਦੌਰਾਨ ਇਜ਼ਰਾਈਲ ਵਿਰੁੱਧ ਕਈ ਹਿੰਸਕ ਘਟਨਾਵਾਂ ਹੋਈਆਂ। ਦੱਸਿਆ ਜਾ ਰਿਹਾ ਹੈ ਕਿ ਫਲਸਤੀਨ ਸਮਰਥਕ ਸਮੂਹ ਨੇ ਇਜ਼ਰਾਇਲੀ ਟੀਮ ਅਤੇ ਉਸ ਦੇ ਖਿਡਾਰੀਆਂ ਨੂੰ ਨਿਸ਼ਾਨਾ ਬਣਾਇਆ। ਅਜਿਹੇ ‘ਚ ਵੱਡੀ ਗਿਣਤੀ ‘ਚ ਯਹੂਦੀ ਲੋਕ ਜ਼ਖਮੀ ਹੋ ਗਏ। ਨੀਦਰਲੈਂਡ ‘ਚ ਇਜ਼ਰਾਇਲੀ ਨਾਗਰਿਕਾਂ ‘ਤੇ ਹੋਏ ਹਮਲੇ ਤੋਂ ਬਾਅਦ ਇਜ਼ਰਾਇਲੀ ਰੈਸਕਿਊ ਮਿਸ਼ਨ ਰਾਜਧਾਨੀ ਐਮਸਟਰਡਮ ਪਹੁੰਚ ਗਿਆ। ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕਾਰਗੋ ਏਅਰਕ੍ਰਾਫਟ ਅਤੇ ਮੈਡੀਕਲ ਟੀਮ ਦੇ ਨਾਲ ਉੱਥੇ ਇੱਕ ਬਚਾਅ ਟੀਮ ਤਾਇਨਾਤ ਕਰਨ ਦੀ ਤਿਆਰੀ ਕਰ ਲਈ ਹੈ। IDF ਐਮਸਟਰਡਮ ਵਿੱਚ ਇਜ਼ਰਾਈਲੀਆਂ ਦੇ ਖਿਲਾਫ ਗੰਭੀਰ ਅਤੇ ਹਿੰਸਕ ਘਟਨਾਵਾਂ ਦੇ ਬਾਅਦ ਡੱਚ ਸਰਕਾਰ ਦੇ ਨਾਲ ਤਾਲਮੇਲ ਵਿੱਚ ਇੱਕ ਰੈਸਕਿਊ ਮਿਸ਼ਨ ਨੂੰ ਤੁਰੰਤ ਤਾਇਨਾਤ ਕਰਨ ਦੀ ਤਿਆਰੀ ਕਰ ਰਿਹਾ ਹੈ।

ਬੈਂਜਾਮਿਨ ਨੇਤਨਯਾਹੂ (Benjamin Netanyahu) ਨੇ ਨਾਰਾਜ਼ਗੀ ਜਤਾਈ
ਇਜ਼ਰਾਈਲ ਦੇ ਪੀਐਮਓ ਦੇ ਬਿਆਨ ਵਿੱਚ, ਨੇਤਨਯਾਹੂ ਨੇ ਡੱਚ ਪ੍ਰਧਾਨ ਮੰਤਰੀ ਡਿਕ ਸ਼ੂਫ ਅਤੇ ਸਥਾਨਕ ਸੁਰੱਖਿਆ ਬਲਾਂ ਨੂੰ ਦੰਗਾਕਾਰੀਆਂ ਦੇ ਖਿਲਾਫ ਤੇਜ਼ੀ ਨਾਲ ਕਾਰਵਾਈ ਕਰਨ ਲਈ ਕਿਹਾ। ਨੀਦਰਲੈਂਡ ਨੂੰ ਇਜ਼ਰਾਈਲੀ ਨਾਗਰਿਕਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਲਈ ਕਿਹਾ ਗਿਆ ਹੈ। ਸੰਯੁਕਤ ਰਾਸ਼ਟਰ ਵਿਚ ਇਜ਼ਰਾਈਲ ਦੇ ਰਾਜਦੂਤ ਡੈਨੀ ਡੈਨਨ ਨੇ ਹਿੰਸਾ ਦੀ ਨਿੰਦਾ ਕਰਦੇ ਹੋਏ ਇਸ ਨੂੰ ਕਤਲੇਆਮ ਦੱਸਿਆ ਹੈ। ਡੈਨੀ ਡੈਨਨ ਨੇ ਟਵੀਟ ਕਰਦੇ ਹੋਏ ਲਿਖਿਆ “ਇਹ ਕੱਟੜਪੰਥੀ ਅੱਤਵਾਦ ਦੇ ਸਮਰਥਕਾਂ ਦੇ ਅਸਲ ਚਿਹਰੇ ਹਨ ਜਿਨ੍ਹਾਂ ਨਾਲ ਅਸੀਂ ਲੜ ਰਹੇ ਹਾਂ। ਪੱਛਮੀ ਦੁਨੀਆ ਨੂੰ ਹੁਣ ਜਾਗਣ ਦੀ ਲੋੜ ਹੈ।”