ਕੀ Whey-Protein ਤੋਂ ਵੀ ਵਧੀਆ ਹੈ ਪਲਾਂਟ ਬੇਸਡ ਪ੍ਰੋਟੀਨ? ਜਾਣੋ ਇਸ ਦੇ ਸੇਵਨ ਨਾਲ ਕੀ ਹੁੰਦਾ ਹੈ ਲਾਭ
ਸਾਡੀ ਚੰਗੀ ਸਿਹਤ ਲਈ ਪ੍ਰੋਟੀਨ ਬਹੁਤ ਜ਼ਰੂਰੀ ਹੈ। ਜਿਮਿੰਗ ਅਤੇ ਐਥਲੀਟ ਪ੍ਰੋਟੀਨ ਦੀ ਜ਼ਰੂਰਤ ਨੂੰ ਚੰਗੀ ਤਰ੍ਹਾਂ ਸਮਝਦੇ ਹਨ ਅਤੇ ਉਹ ਆਪਣੀ ਪ੍ਰੋਟੀਨ ਦੀ ਜ਼ਰੂਰਤ ਨੂੰ ਪੂਰਾ ਕਰਨ ਲਈ ਜ਼ਿਆਦਾਤਰ ਵੇ-ਪ੍ਰੋਟੀਨ ਦੀ ਮਦਦ ਲੈਂਦੇ ਹਨ। ਨਿਊਟ੍ਰੀਸ਼ਨਿਸਟ ਅਤੇ ਵੈਲਨੈੱਸ ਮਾਹਿਰਾਂ ਦਾ ਕਹਿਣਾ ਹੈ ਕਿ ਪ੍ਰੋਟੀਨ ਸਰੀਰ ਲਈ ਬਹੁਤ ਜ਼ਰੂਰੀ ਹੈ। ਪ੍ਰੋਟੀਨ ਨੂੰ ਅਸੀਂ ਦੋ ਤਰੀਕਿਆਂ ਨਾਲ ਲੈ ਸਕਦੇ ਹਾਂ।
ਪਹਿਲਾ ਵੇਅ ਪ੍ਰੋਟੀਨ ਹੈ ਤੇ ਦੂਜਾ ਪਲਾਂਟ ਬੇਸਡ ਪ੍ਰੋਟੀਨ ਹੈ। ਲਗਭਗ ਹਰ ਕੋਈ ਵੇਅ ਪ੍ਰੋਟੀਨ ਤੋਂ ਜਾਣੂ ਹੋਵੇਗਾ, ਜਦੋਂ ਕਿ ਪਲਾਂਟ ਬੇਸਡ ਪ੍ਰੋਟੀਨ ਬਹੁਤ ਸਾਰੇ ਲੋਕਾਂ ਲਈ ਨਵੀਂ ਚੀਜ਼ ਹੋ ਸਕਦੀ ਹੈ। ਅਸਲ ਵਿੱਚ ਪਲਾਂਟ ਬੇਸਡ ਪ੍ਰੋਟੀਨ ਇਸ ਦੇ ਨਾਮ ਤੋਂ ਹੀ ਸਪਸ਼ਟ ਹੋ ਜਾਂਦਾ ਹੈ। ਪਲਾਂਟ ਬੇਸਡ ਪ੍ਰੋਟੀਨ ਪੌਦਿਆਂ ਤੋਂ ਪ੍ਰਾਪਤ ਪ੍ਰੋਟੀਨ ਹੁੰਦਾ ਹੈ। ਇਸ ਲਈ ਇਸ ਨੂੰ ਪਲਾਂਟ ਬੇਸਡ ਪ੍ਰੋਟੀਨ ਕਿਹਾ ਜਾਂਦਾ ਹੈ।
ਪਲਾਂਟ ਬੇਸਡ ਪ੍ਰੋਟੀਨ ਵਿੱਚ ਸਾਰੀਆਂ ਕਿਸਮਾਂ ਦੀਆਂ ਦਾਲਾਂ, ਟੋਫੂ, ਸੋਇਆ, ਟੈਂਪੇਹ, ਨਟਸ, ਮਟਰ, ਬੀਜ ਅਤੇ ਕੁਝ ਹੋਰ ਅਨਾਜ ਸ਼ਾਮਲ ਹੁੰਦੇ ਹਨ। ਬਹੁਤ ਸਾਰੇ ਲੋਕ ਪਲਾਂਟ ਬੇਸਡ ਪ੍ਰੋਟੀਨ ਨੂੰ ਜਾਨਵਰਾਂ ਦੇ ਪ੍ਰੋਟੀਨ ਨਾਲੋਂ ਬਿਹਤਰ ਮੰਨਦੇ ਹਨ। ਇਹੀ ਕਾਰਨ ਹੈ ਕਿ ਅਸੀਂ ਪਸ਼ੂ ਸਰੋਤਾਂ ਦੀ ਬਜਾਏ ਪਲਾਂਟ ਬੇਸਡ ਸੋਰਸਿਜ਼ ਨੂੰ ਮਹੱਤਵ ਦੇ ਰਹੇ ਹਾਂ। ਐਨੀਮਲ ਬੇਸਡ ਪ੍ਰੋਟੀਨ ਵਾਂਗ, ਅਮੀਨੋ ਐਸਿਡ ਦੀ ਜ਼ਰੂਰੀ ਮਾਤਰਾ ਪੌਦਿਆਂ ਜਾਂ ਸਬਜ਼ੀਆਂ ਦੇ ਪ੍ਰੋਟੀਨ ਵਿੱਚ ਵੀ ਪਾਈ ਜਾਂਦੀ ਹੈ।
ਸਰੀਰ ਨੂੰ ਫੈਟ ਤੋਂ ਫਿਟ ਕਰ ਦੇਵੇਗੀ ਇਹ ਸਬਜ਼ੀ
ਪਲਾਂਟ ਬੇਸਡ ਪ੍ਰੋਟੀਨ ਦੇ ਆਪਣੇ ਫਾਇਦੇ ਹਨ:
ਜੇਕਰ ਅਸੀਂ ਪਲਾਂਟ ਬੇਸਡ ਪ੍ਰੋਟੀਨ ਦੇ ਫਾਇਦਿਆਂ ਦੀ ਗੱਲ ਕਰੀਏ ਤਾਂ ਇਸ ਦਾ ਰੋਜ਼ਾਨਾ ਸੇਵਨ ਕਰਨ ਦੇ ਕਈ ਫਾਇਦੇ ਹਨ। ਇਹ ਸਰੀਰ ਦੇ ਮੈਟਾਬੋਲਿਜ਼ਮ ਨੂੰ ਨਿਯਮਤ ਕਰਨ ਵਿੱਚ ਮਦਦ ਕਰਦਾ ਹੈ ਅਤੇ ਪਤਲਾ ਰੱਖਣ ਵਿੱਚ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ ਇਹ ਮਾਸਪੇਸ਼ੀਆਂ ਦੀ ਤਾਕਤ ਅਤੇ ਸਟੈਮਿਨਾ ਵਧਾਉਣ ਵਿੱਚ ਕਾਰਗਰ ਹੈ।
ਪਲਾਂਟ ਬੇਸਡ ਪ੍ਰੋਟੀਨ ਗੁਣਾਂ ਦੀ ਖਾਨ ਹੈ। ਜੇਕਰ ਤੁਸੀਂ ਬੀਮਾਰ ਹੋ ਤਾਂ ਇਹ ਸਰੀਰ ਨੂੰ ਠੀਕ ਕਰਨ ਵਿੱਚ ਮਦਦ ਕਰਦਾ ਹੈ ਅਤੇ ਥਕਾਵਟ ਨੂੰ ਦੂਰ ਕਰਦਾ ਹੈ ਅਤੇ ਪਾਚਨ ਕਿਰਿਆ ਨੂੰ ਵੀ ਠੀਕ ਰੱਖਦਾ ਹੈ। ਪਲਾਂਟ ਬੇਸਡ ਪ੍ਰੋਟੀਨ ਵਿੱਚ ਭਰਪੂਰ ਮਾਤਰਾ ਵਿੱਚ ਫਾਈਬਰ ਹੁੰਦਾ ਹੈ, ਜੋ ਸਰੀਰ ਦੀ ਪਾਚਨ ਪ੍ਰਣਾਲੀ ਨੂੰ ਮਜ਼ਬੂਤ ਬਣਾਉਂਦਾ ਹੈ। ਇਸ ਨੂੰ ਮਲਟੀਵਿਟਾਮਿਨ ਦਾ ਵੀ ਚੰਗਾ ਸਰੋਤ ਮੰਨਿਆ ਜਾਂਦਾ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਰੋਜ਼ਾਨਾ ਇਸ ਦਾ ਸੇਵਨ ਕਰਨ ਨਾਲ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸਮਰੱਥਾ ਵੀ ਵਧਦੀ ਹੈ, ਜਿਸ ਕਾਰਨ ਤੁਸੀਂ ਜਲਦੀ ਬੀਮਾਰ ਨਹੀਂ ਹੁੰਦੇ ਹੋ।
