ਪੁਰੀ ਤੋਂ ਦਿੱਲੀ ਆ ਰਹੀ ਟ੍ਰੇਨ ‘ਚ ਫਾਇਰਿੰਗ ਕਾਰਨ ਮਚਿਆ ਹੜਕੰਪ, ਜਾਂਚ ‘ਚ ਜੁਟੀ ਪੁਲਿਸ, ਵੇਖੋ ਵੀਡੀਓ

ਓਡੀਸ਼ਾ ਦੇ ਪੁਰੀ ਤੋਂ ਦਿੱਲੀ ਆ ਰਹੀ ਟਰੇਨ ‘ਚ ਗੋਲੀਬਾਰੀ ਕਾਰਨ ਹੜਕੰਪ ਮਚ ਗਿਆ। ਇਹ ਘਟਨਾ ਭਦਰਕ ਨੇੜੇ ਵਾਪਰੀ ਹੈ। ਸਥਾਨਕ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਨੇ ਦੱਸਿਆ ਕਿ ਮੰਗਲਵਾਰ ਨੂੰ ਪੁਰੀ ਤੋਂ ਆਨੰਦ ਵਿਹਾਰ ਆ ਰਹੀ ਨੰਦਨਕਾਨਨ ਐਕਸਪ੍ਰੈੱਸ (ਟਰੇਨ ਨੰਬਰ 12815) ‘ਚ ਗੋਲੀਬਾਰੀ ਹੋਣ ਕਾਰਨ ਟਾਇਲਟ ਦਾ ਸ਼ੀਸ਼ਾ ਟੁੱਟ ਗਿਆ।

#WATCH | Odisha | Shots were fired at Puri-Anand Vihar Nandankanan Express train near Bhadrak this morning; Police investigation underway pic.twitter.com/6JN5ZSfK6A

— ANI (@ANI) November 5, 2024

ਘਟਨਾ ਤੋਂ ਬਾਅਦ ਮੌਕੇ ‘ਤੇ ਹਫੜਾ-ਦਫੜੀ ਦਾ ਮਾਹੌਲ ਬਣ ਗਿਆ। ਟਰੇਨ ‘ਚ ਸਫਰ ਕਰ ਰਹੇ ਯਾਤਰੀਆਂ ਨੂੰ ਫਾਇਰਿੰਗ ਵਾਲੀ ਥਾਂ ਦੇ ਨੇੜੇ ਹੀ ਦੇਖਿਆ ਗਿਆ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਸਥਾਨਕ ਰੇਲਵੇ ਅਤੇ ਪੁਲਿਸ ਅਧਿਕਾਰੀ ਮੌਕੇ ‘ਤੇ ਪਹੁੰਚੇ ਅਤੇ ਮਾਮਲੇ ਦੀ ਜਾਣਕਾਰੀ ਲਈ।

#WATCH | Puri, Odisha | SK Bahinipati, Inchage, GRP Police Station Puri says, “Between 9.00-9.30 am, we got information that there was firing on Nandankanan Express train after it crossed Bhadrak. GRP and RPF escorted the train to Puri to ensure the safety of passengers. 4 teams… pic.twitter.com/4C9vcHoQmx

— ANI (@ANI) November 5, 2024

ਜਾਂਚ ਲਈ ਪੁਲਿਸ ਦੀਆਂ ਚਾਰ ਟੀਮਾਂ ਦਾ ਗਠਨ…
ਪੁਰੀ ਦੇ ਸਰਕਾਰੀ ਰੇਲਵੇ ਪੁਲਿਸ (ਜੀਆਰਪੀ) ਪੁਲਿਸ ਸਟੇਸ਼ਨ ਇੰਚਾਰਜ ਐੱਸਕੇ ਬਹਿਨੀਪਤੀ ਨੇ ਨੰਦਨਕਾਨਨ ਐਕਸਪ੍ਰੈੱਸ ‘ਚ ਗੋਲੀਬਾਰੀ ਦੀ ਘਟਨਾ ‘ਤੇ ਦੱਸਿਆ ਕਿ ਮੰਗਲਵਾਰ ਸਵੇਰੇ 9 ਵਜੇ ਤੋਂ 9.30 ਵਜੇ ਦੇ ਵਿਚਕਾਰ ਸਾਨੂੰ ਸੂਚਨਾ ਮਿਲੀ ਸੀ ਕਿ ਭਦਰਕ ਪਾਰ ਕਰਨ ਤੋਂ ਬਾਅਦ ਨੰਦਨਕਾਨਨ ਐਕਸਪ੍ਰੈੱਸ ਟਰੇਨ ‘ਤੇ ਗੋਲੀਬਾਰੀ ਹੋਈ ਹੈ। ਯਾਤਰੀਆਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ, ਜੀਆਰਪੀ ਅਤੇ ਆਰਪੀਐਫ ਨੇ ਰੇਲਗੱਡੀ ਨੂੰ ਪੁਰੀ ਤੱਕ ਪਹੁੰਚਾਇਆ। ਆਰਪੀਐਫ ਅਤੇ ਸਥਾਨਕ ਪੁਲਿਸ ਸਮੇਤ 4 ਟੀਮਾਂ ਪੂਰੇ ਮਾਮਲੇ ਦੀ ਜਾਂਚ ਕਰ ਰਹੀਆਂ ਹਨ।