ਡਾਲਰ ਜਾਂ ਪੌਂਡ ਨਹੀਂ ਬਲਕਿ ਇਹ ਹੈ ਦੁਨੀਆ ਦੀ ਸਭ ਤੋਂ ਕੀਮਤੀ ਕਰੰਸੀ, ਇਕ ਦੇ ਬਣਦੇ ਹਨ 274 ਰੁਪਏ

ਜਦੋਂ ਕੋਈ ਪੁੱਛਦਾ ਹੈ ਕਿ ਦੁਨੀਆ ਵਿੱਚ ਸਭ ਤੋਂ ਵੱਧ ਕਿਹੜੀ ਕਰੰਸੀ ਚੱਲਦੀ ਹੈ ਤਾਂ ਸਭ ਦਾ ਜਵਾਬ ਲਗਭਗ ਇੱਕ ਹੀ ਹੁੰਦਾ ਹੈ। ਇਹ ਤਾਂ ਅਸੀਂ ਸਾਰੇ ਜਾਣਦੇ ਹਾਂ ਕਿ ਦੁਨੀਆ ਭਰ ਵਿੱਚ ਡਾਲਰ ਦਾ ਸਿੱਕਾ ਚੱਲ ਰਿਹਾ ਹੈ। ਵਿਦੇਸ਼ੀ ਵਪਾਰ ਵਿੱਚ ਲੈਣ-ਦੇਣ ਸਿਰਫ਼ ਡਾਲਰ ਵਿੱਚ ਹੀ ਹੁੰਦਾ ਹੈ, ਇਸ ਲਈ ਵਿਸ਼ਵ ਬਾਜ਼ਾਰ ਵਿੱਚ ਡਾਲਰ ਦਾ ਵੱਡਾ ਰੁਤਬਾ ਹੈ।

ਪਰ, ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਦੁਨੀਆ ਦੀ ਸਭ ਤੋਂ ਮਜ਼ਬੂਤ ​​ਕਰੰਸੀ ਦੇ ਮਾਮਲੇ ‘ਚ ਡਾਲਰ 10ਵੇਂ ਸਥਾਨ ‘ਤੇ ਹੈ। ਦੁਨੀਆ ਦੀ ਸਭ ਤੋਂ ਕੀਮਤੀ ਕਰੰਸੀ ਇੱਕ ਅਰਬ ਦੇਸ਼ ਦੀ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਇਸ ਹਾਈ ਵੈਲਿਊ ਵਾਲੀ ਕਰੰਸੀ ਦਾ ਨਾਂ ਅਤੇ ਰੁਪਏ ਦੇ ਮੁਕਾਬਲੇ ਇਸ ਦੀ ਕੀਮਤ ਕੀ ਹੈ।

ਸਭ ਤੋਂ ਪਹਿਲੇ ਸਥਾਨ ਉੱਤੇ ਹੈ ਕੁਵੈਤੀ ਦਿਨਾਰ: ਕੁਵੈਤੀ ਦਿਨਾਰ (KWD) ਦੁਨੀਆ ਦੀ ਸਭ ਤੋਂ ਕੀਮਤੀ ਮੁਦਰਾ ਹੈ। ਭਾਰਤੀ ਰੁਪਏ ਵਿੱਚ ਇੱਕ ਕੁਵੈਤੀ ਦਿਨਾਰ ਦੀ ਕੀਮਤ ਲਗਭਗ 274 ਰੁਪਏ ਹੈ। ਕੁਵੈਤੀ ਦਿਨਾਰ ਦੇ ਇੰਨੇ ਕੀਮਤੀ ਹੋਣ ਦਾ ਸਭ ਤੋਂ ਵੱਡਾ ਕਾਰਨ ਇਹ ਹੈ ਕਿ ਇਹ ਦੇਸ਼ ਤੇਲ ਦਾ ਨਿਰਯਾਤਕ ਹੈ। ਕੁਵੈਤ ਵਿੱਚ ਆਰਥਿਕ ਸਥਿਰਤਾ, ਤੇਲ ਭੰਡਾਰ ਅਤੇ ਟੈਕਸ ਮੁਕਤ ਪ੍ਰਣਾਲੀ ਦੇ ਕਾਰਨ ਕੁਵੈਤੀ ਦਿਨਾਰ ਦੁਨੀਆ ਦੀ ਸਭ ਤੋਂ ਕੀਮਤੀ ਮੁਦਰਾ ਹੈ। ਬਹਿਰੀਨ ਦੀਨਾਰ ਕੁਵੈਤੀ ਦਿਨਾਰ ਤੋਂ ਬਾਅਦ ਦੁਨੀਆ ਦੀ ਦੂਜੀ ਸਭ ਤੋਂ ਕੀਮਤੀ ਮੁਦਰਾ ਹੈ।

ਬਹਿਰੀਨ ਵੀ ਦੁਨੀਆ ਦਾ ਇੱਕ ਪ੍ਰਮੁੱਖ ਤੇਲ ਨਿਰਯਾਤਕ ਹੈ। ਬਹਿਰੀਨ ਦੇ ਇੱਕ ਦੀਨਾਰ ਦੀ ਕੀਮਤ 223.09 ਰੁਪਏ ਹੈ। ਓਮਾਨ ਦੀ ਓਮਾਨੀ ਰਿਆਲ ਦੁਨੀਆ ਦੀ ਤੀਜੀ ਸਭ ਤੋਂ ਕੀਮਤੀ ਮੁਦਰਾ ਹੈ। ਇੱਕ ਓਮਾਨੀ ਰਿਆਲ ਦੀ ਕੀਮਤ 218.40 ਰੁਪਏ ਹੈ। ਜਾਰਡਨ ਦੀਨਾਰ ਦੁਨੀਆ ਦੀ ਚੌਥੀ ਸਭ ਤੋਂ ਮਜ਼ਬੂਤ ​​ਮੁਦਰਾ ਹੈ। ਇੱਕ ਜਾਰਡਨ ਦੀਨਾਰ ਦੀ ਕੀਮਤ 118.60 ਰੁਪਏ ਹੈ। ਬ੍ਰਿਟਿਸ਼ ਪੌਂਡ ਦੁਨੀਆ ਦੀ 5ਵੀਂ ਸਭ ਤੋਂ ਕੀਮਤੀ ਮੁਦਰਾ ਹੈ। ਇਸ ਤੋਂ ਬਾਅਦ ਜਿਬਰਾਲਟਰ ਪੌਂਡ, ਕੇਮੈਨ ਆਈਲੈਂਡ ਡਾਲਰ, ਸਵਿਸ ਫ੍ਰੈਂਕ ਸਵਿਟਜ਼ਰਲੈਂਡ ਅਤੇ ਲੀਚਟਨਸਟਾਈਨ ਦੀ ਮੁਦਰਾ ਹw। ਅਮਰੀਕੀ ਡਾਲਰ ਵਿਸ਼ਵ ਪੱਧਰ ‘ਤੇ ਸਭ ਤੋਂ ਵੱਧ ਪ੍ਰਵਾਨਿਤ ਮੁਦਰਾ ਹੈ। ਪਰ, ਇਹ ਦੁਨੀਆ ਦੀਆਂ ਸਭ ਤੋਂ ਮਜ਼ਬੂਤ ​​​​ਮੁਦਰਾਵਾਂ ਵਿੱਚ 10ਵੇਂ ਸਥਾਨ ‘ਤੇ ਆਉਂਦਾ ਹੈ।