West Indies vs England: ਵੈਸਟ ਇੰਡੀਜ਼ ਨੇ ਕੀਤਾ ਟੀਮ ਦਾ ਐਲਾਨ, ਇਹ ਖਿਡਾਰੀ ਇੱਕ ਸਾਲ ਬਾਅਦ ਕਰ ਰਿਹਾ ਵਾਪਸੀ
ਵੈਸਟਇੰਡੀਜ਼ ਨੇ ਇੰਗਲੈਂਡ ਖਿਲਾਫ 3 ਮੈਚਾਂ ਦੀ ਵਨਡੇ ਸੀਰੀਜ਼ ਲਈ ਆਪਣੀ 15 ਮੈਂਬਰੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਟੀਮ ‘ਚ ਮਜ਼ਬੂਤ ਬੱਲੇਬਾਜ਼ ਸ਼ਿਮਰੋਨ ਹੇਟਮਾਇਰ (Shimron Hetmyer) ਦੀ ਵਾਪਸੀ ਹੋਈ ਹੈ, ਜੋ ਲਗਭਗ ਇਕ ਸਾਲ ਬਾਅਦ ਵਨਡੇ ਖੇਡਣਗੇ। ਵੈਸਟਇੰਡੀਜ਼ ਅਤੇ ਇੰਗਲੈਂਡ ਵਿਚਾਲੇ ਸੀਰੀਜ਼ 31 ਅਕਤੂਬਰ ਤੋਂ ਸ਼ੁਰੂ ਹੋਵੇਗੀ। ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਵੈਸਟਇੰਡੀਜ਼ ਨੇ ਸੀਰੀਜ਼ ਸ਼ੁਰੂ ਹੋਣ ਤੋਂ ਕੁਝ ਘੰਟੇ ਪਹਿਲਾਂ ਹੀ ਆਪਣੀ ਟੀਮ ਦਾ ਐਲਾਨ ਕੀਤਾ। ਸ਼ਿਮਰੋਨ ਹੇਟਮਾਇਰ (Shimron Hetmyer) ਦੇ ਨਾਲ, ਐਲਿਕ ਅਥਾਨੇਜ਼ ਵੀ ਵਾਪਸੀ ਕਰਨ ਵਿੱਚ ਸਫਲ ਰਹੇ ਹਨ।
ਸ਼ਿਮਰੋਨ ਹੇਟਮਾਇਰ (Shimron Hetmyer) ਨੇ ਆਪਣਾ ਆਖਰੀ ਵਨਡੇ ਦਸੰਬਰ 2023 ਵਿੱਚ ਖੇਡਿਆ ਸੀ। ਜਦੋਂ ਉਨ੍ਹਾਂ ਦੀ ਟੀਮ ਨੇ ਇੰਗਲੈਂਡ ਨੂੰ 2-1 ਨਾਲ ਹਰਾਇਆ ਸੀ। ਉਹ ਨਿੱਜੀ ਕਾਰਨਾਂ ਕਰਕੇ ਸ਼੍ਰੀਲੰਕਾ ਦੌਰੇ ‘ਤੇ ਨਹੀਂ ਜਾ ਸਕੇ ਸੀ। ਸ਼ਿਮਰੋਨ ਹੇਟਮਾਇਰ (Shimron Hetmyer) ਨੇ ਕੈਰੇਬੀਅਨ ਪ੍ਰੀਮੀਅਰ ਲੀਗ ਵਿੱਚ ਚੰਗਾ ਪ੍ਰਦਰਸ਼ਨ ਕੀਤਾ ਸੀ। ਸ਼ਿਮਰੋਨ ਹੇਟਮਾਇਰ (Shimron Hetmyer) ਸੀਪੀਐਲ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ਾਂ ਦੀ ਸੂਚੀ ਵਿੱਚ ਪੰਜਵੇਂ ਸਥਾਨ ’ਤੇ ਰਹੇ ਹਨ।
ਐਲਿਕ ਅਥਾਨੇਜ਼ ਸ਼੍ਰੀਲੰਕਾ ਦੌਰੇ ‘ਤੇ ਵਿੰਡੀਜ਼ ਦੇ ਸ਼ੁਰੂਆਤੀ ਬੱਲੇਬਾਜ਼ਾਂ ‘ਚੋਂ ਇਕ ਸੀ ਪਰ ਤੀਜੇ ਵਨਡੇ ‘ਚ ਉਹ ਆਪਣੀ ਜਗ੍ਹਾ ਗੁਆ ਬੈਠੇ। ਏਵਿਨ ਲੁਈਸ ਨੇ ਪੱਲੇਕੇਲੇ ‘ਚ ਖੇਡੇ ਗਏ ਸ਼੍ਰੀਲੰਕਾ ਖਿਲਾਫ ਤੀਜੇ ਵਨਡੇ ‘ਚ ਓਪਨਿੰਗ ਕੀਤੀ। ਲੁਈਸ ਤਿੰਨ ਓਵਰਾਂ ਤੋਂ ਬਾਅਦ ਵਨਡੇ ਖੇਡਣ ਆਏ ਅਤੇ 61 ਗੇਂਦਾਂ ‘ਤੇ 102 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਵੈਸਟਇੰਡੀਜ਼ ਨੇ ਇਹ ਮੈਚ ਡਕਵਰਥ ਲੁਈਸ ਨਿਯਮ ਦੇ ਤਹਿਤ ਜਿੱਤਿਆ ਸੀ। ਸ਼ਾਈ ਹੋਪ ਵੈਸਟਇੰਡੀਜ਼ ਟੀਮ ਦੀ ਕਪਤਾਨੀ ਕਰਨਗੇ। ਇਸ ਟੀਮ ‘ਚ 17 ਸਾਲਾ ਜਵੇਲ ਐਂਡਰਿਊ ਵੀ ਸ਼ਾਮਲ ਹੈ, ਜਿਸ ਨੇ ਲੰਕਾ ਸੀਰੀਜ਼ ‘ਚ ਆਪਣਾ ਡੈਬਿਊ ਕੀਤਾ ਸੀ।
ਪੁਰਾਣੇ ਕੱਪੜੇ ਦਾਨ ਕਰਨ ਤੋਂ ਪਹਿਲਾਂ ਜਾਣੋ ਇਹ ਜ਼ਰੂਰੀ ਗੱਲਾਂ
ਵੈਸਟਇੰਡੀਜ਼-ਇੰਗਲੈਂਡ ਵਨਡੇ ਸੀਰੀਜ਼ ਦਾ Schedule: 3 ਮੈਚਾਂ ਦੀ ਸੀਰੀਜ਼ ਦਾ ਪਹਿਲਾ ਵਨਡੇ ਵੀਰਵਾਰ 31 ਅਕਤੂਬਰ ਨੂੰ ਖੇਡਿਆ ਜਾਵੇਗਾ ਜਦਕਿ ਦੂਜਾ ਵਨਡੇ 2 ਨਵੰਬਰ ਨੂੰ ਹੋਵੇਗਾ। ਤੀਜਾ ਅਤੇ ਆਖਰੀ ਵਨਡੇ ਮੈਚ 6 ਨਵੰਬਰ ਨੂੰ ਖੇਡਿਆ ਜਾਵੇਗਾ। ਪਹਿਲਾ ਵਨਡੇ ਭਾਰਤੀ ਸਮੇਂ ਅਨੁਸਾਰ ਰਾਤ 11.30 ਵਜੇ ਬ੍ਰਿਜਟਾਊਨ ‘ਚ ਖੇਡਿਆ ਜਾਵੇਗਾ। ਦੂਜਾ ਅਤੇ ਤੀਜਾ ਵਨਡੇ ਗ੍ਰਾਸ ਆਈਲੇਟ ‘ਤੇ 1:30 ਵਜੇ ਤੋਂ ਖੇਡਿਆ ਜਾਵੇਗਾ।
ਵੈਸਟਇੰਡੀਜ਼ ਵਨਡੇ ਟੀਮ: ਸ਼ਾਈ ਹੋਪ (ਕਪਤਾਨ), ਜਵੇਲ ਐਂਡਰਿਊ, ਕੈਸੀ ਕਾਰਟੀ, ਰੋਸਟਨ ਚੇਜ਼, ਮੈਥਿਊ ਫੋਰਡ, ਸ਼ਿਮਰੋਨ ਹੇਟਮਾਇਰ (Shimron Hetmyer), ਅਲਜ਼ਾਰੀ ਜੋਸੇਫ, ਸ਼ਮਰ ਜੋਸੇਫ, ਬ੍ਰੈਂਡਨ ਕਿੰਗ, ਏਵਿਨ ਲੁਈਸ, ਗੁਡਾਕੇਸ਼ ਮੋਤੀ, ਸ਼ੇਰਫੇਨ ਰਦਰਫੋਰਡ, ਜੇਡੇਨ ਸੀਲਸ, ਰੋਮਰਿਓ, ਸ਼ੇਫਰਡ ਹੇਡਨ ਵਾਲਸ਼ ਜੂਨੀਅਰ।
