ਰੈਪਰ Raftaar ਨੇ ਦੁਨੀਆ ਤੋਂ ਛੁੱਪ ਕੇ ਕੀਤਾ ਦੂਜਾ ਵਿਆਹ, Social Media ‘ਤੇ ਵੀਡੀਓ ਹੋ ਰਹੀ Viral
ਰੈਪਰ Raftaar ਨੂੰ ਸੋਸ਼ਲ ਮੀਡੀਆ ‘ਤੇ ਉਸ ਦੇ ਪ੍ਰਸ਼ੰਸਕਾਂ ਤੋਂ ਵਧਾਈ ਸੰਦੇਸ਼ ਮਿਲ ਰਹੇ ਹਨ ਕਿਉਂਕਿ ਉਸ ਦੇ ਵਿਆਹ ਤੋਂ ਪਹਿਲਾਂ ਦੇ ਸਮਾਗਮਾਂ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਰਹੀਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ Raftaar ਆਪਣੀ ਪਹਿਲੀ ਪਤਨੀ ਕੋਮਲ ਵੋਹਰਾ ਤੋਂ ਤਲਾਕ ਦੇ ਪੰਜ ਸਾਲ ਬਾਅਦ ਫੈਸ਼ਨ ਸਟਾਈਲਿਸਟ ਮਨਰਾਜ ਜਵੰਦਾ ਨਾਲ ਵਿਆਹ ਕਰਨ ਜਾ ਰਿਹਾ ਹੈ। ਹਾਲਾਂਕਿ ਰੈਪਰ ਨੇ ਅਜੇ ਤੱਕ ਆਪਣੇ ਵਿਆਹ ਬਾਰੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ, ਪਰ ਸੋਸ਼ਲ ਮੀਡੀਆ ਇਸ ਜੋੜੇ ਨੂੰ ਵਧਾਈਆਂ ਦੇ ਰਿਹਾ ਹੈ।
ਮਨਰਾਜ ਇੱਕ ਫੈਸ਼ਨ ਸਟਾਈਲਿਸਟ ਹੈ। ਉਸਨੇ ਕਈ ਮਿਊਜ਼ਿਕ ਵੀਡੀਓਜ਼, ਰਿਐਲਿਟੀ ਟੀਵੀ ਸ਼ੋਅ ਅਤੇ ਇਸ਼ਤਿਹਾਰਾਂ ਲਈ ਸਟਾਈਲਿਸਟ ਵਜੋਂ ਕੰਮ ਕੀਤਾ ਹੈ। ਮਨਰਾਜ ਦਾ ਜਨਮ ਅਤੇ ਪਾਲਣ-ਪੋਸ਼ਣ ਕੋਲਕਾਤਾ ਵਿੱਚ ਹੋਇਆ ਸੀ। ਆਪਣੀ ਵੈੱਬਸਾਈਟ ‘ਤੇ, ਮਨਰਾਜ ਲਿਖਦੀ ਹੈ, “ਮੈਨੂੰ ਹਮੇਸ਼ਾ ਫੈਸ਼ਨ ਵਿੱਚ ਡੂੰਘੀ ਦਿਲਚਸਪੀ ਰਹੀ ਹੈ। ਆਪਣੇ ਪੰਜਵੇਂ ਜਨਮਦਿਨ ‘ਤੇ ਆਊਟਫਿੱਟ ਬਦਲਣ ਤੋਂ ਲੈ ਕੇ ਮੁੰਬਈ ਦੀ ਫੈਸ਼ਨ ਦੁਨੀਆ ਤੱਕ, ਮੇਰਾ ਸਫ਼ਰ ਕਾਫ਼ੀ ਰੋਮਾਂਚਕ ਰਿਹਾ ਹੈ।” ਆਪਣੀ ਗ੍ਰੈਜੂਏਸ਼ਨ ਪੂਰੀ ਕਰਨ ਤੋਂ ਬਾਅਦ, ਉਹ ਮੁੰਬਈ ਆਈ ਅਤੇ FAD ਇੰਟਰਨੈਸ਼ਨਲ ਤੋਂ ਸਟਾਈਲਿੰਗ ਕੋਰਸ ਪੂਰਾ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਮਨਰਾਜ ਨੂੰ ਨੈੱਟਫਲਿਕਸ ਸ਼ੋਅ ’ਪ੍ਰਿਟੀ ਲਿਟਲ ਲਾਇਰ’ ਵਿੱਚ ਵੀ ਦੇਖਿਆ ਗਿਆ ਸੀ।
5 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਕਦੇ ਵੀ ਨਾ ਦਿਓ ਇਹ ਭੋਜਨ!
ਰੈਪਰ ਰਫ਼ਤਾਰ ਦੇ ਮਨਰਾਜ ਜਵੰਦਾ ਨਾਲ ਵਿਆਹ ਬਾਰੇ ਚਰਚਾ ਉਦੋਂ ਸ਼ੁਰੂ ਹੋਈ ਜਦੋਂ ਇੱਕ ਕੰਟੈਂਟ ਕ੍ਰਿਏਟਰ ਨੇ ਵਿਆਹ ਵਾਲੀ ਥਾਂ ਪ੍ਰਵੇਸ਼ ਦੁਆਰ ਦੀ ਇੱਕ ਫੋਟੋ ਕੈਪਸ਼ਨ ਦੇ ਨਾਲ ਸ਼ੇਅਰ ਕੀਤੀ, “ਦਿਲਿਨ ਅਤੇ ਮਨਰਾਜ ਦੇ ਵਿਆਹ ਦੇ ਜਸ਼ਨਾਂ ਵਿੱਚ ਤੁਹਾਡਾ ਸਵਾਗਤ ਹੈ। #ManDilYahimBanenge।” ਰਫ਼ਤਾਰ, ਜਿਸ ਦਾ ਅਸਲੀ ਨਾਮ ਦਿਲਿਨ ਨਾਇਰ ਹੈ, ਨੇ ਅਜੇ ਤੱਕ ਇਸ ਖ਼ਬਰ ‘ਤੇ ਕੋਈ ਕਮੈਂਟ ਨਹੀਂ ਕੀਤਾ ਹੈ ਪਰ ਪ੍ਰਸ਼ੰਸਕਾਂ ਨੇ ਸੋਸ਼ਲ ਮੀਡੀਆ ‘ਤੇ ਇਸ ਜੋੜੇ ਲਈ ਸ਼ੁਭਕਾਮਨਾਵਾਂ ਦੇਣੀਆਂ ਸ਼ੁਰੂ ਵੀ ਕਰ ਦਿੱਤੀਆਂ ਹਨ। ਐਕਸ ‘ਤੇ ਇੱਕ ਵੀਡੀਓ ਵੀ ਸਾਹਮਣੇ ਆਇਆ ਹੈ ਜਿਸ ਵਿੱਚ Raftaar ਅਤੇ ਮਨਰਾਜ ਆਪਣੇ ਵਿਆਹ ਤੋਂ ਪਹਿਲਾਂ ਦੇ ਸਮਾਗਮ ਵਿੱਚ ਨੱਚਦੇ ਦਿਖਾਈ ਦੇ ਰਹੇ ਹਨ। ਇੱਕ ਹੋਰ ਵੀਡੀਓ ਵਿੱਚ, ਮਨਰਾਜ ਆਪਣੀ ਮਹਿੰਦੀ ਦਿਖਾਉਂਦੇ ਹੋਏ ਅਤੇ ’ਦਿਲ ਤੋ ਪਾਗਲ ਹੈ’ ਗੀਤ ‘ਤੇ ਨੱਚਦੇ ਹੋਏ ਦਿਖਾਈ ਦੇ ਰਿਹਾ ਹੈ।
