’50 ਰੁਪਏ ਦੋ, ਜਿੱਥੇ ਮਰਜ਼ੀ ਲੈ ਜਾਓ… ਮਹਿਲਾ ਪੁਲਸ ਮੁਲਾਜ਼ਮ ਦਾ ਵੀਡੀਓ ਵਾਇਰਲ, ਰਾਜਸਥਾਨ ਦੀ ਸੀ ਬੱਸ
ਕਈ ਅਜਿਹੀਆਂ ਵੀਡੀਓਜ਼ ਅਕਸਰ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ, ਜਿਨ੍ਹਾਂ ਵਿੱਚ ਪੁਲਸ ਮੁਲਾਜ਼ਮ ਜਾਂ ਪੁਲਸ ਵਾਲੇ ਬੱਸ ਅਤੇ ਆਟੋ ਦਾ ਕਿਰਾਇਆ ਨਹੀਂ ਦਿੰਦੇ ਅਤੇ ਮੁਫ਼ਤ ਵਿੱਚ ਜਾਣਾ ਚਾਹੁੰਦੇ ਹਨ। ਅਜਿਹਾ ਹੀ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ ‘ਚ ਇਕ ਮਹਿਲਾ ਪੁਲਸ ਕਾਂਸਟੇਬਲ ਰੋਡਵੇਜ਼ ਬੱਸ ਦੇ ਕੰਡਕਟਰ ਨਾਲ ਬਹਿਸ ਕਰਦੀ ਨਜ਼ਰ ਆ ਰਹੀ ਹੈ। ਇਹ ਮਹਿਲਾ ਕਾਂਸਟੇਬਲ ਹਰਿਆਣਾ ਪੁਲਸ ਦੀ ਹੈ ਅਤੇ ਰਾਜਸਥਾਨ ਦੀ ਰੋਡਵੇਜ਼ ਬੱਸ ਵਿੱਚ ਸਫ਼ਰ ਕਰ ਰਹੀ ਹੈ। ਜਦੋਂ ਕੰਡਕਟਰ ਨੇ ਉਸ ਤੋਂ ਕਿਰਾਇਆ ਮੰਗਿਆ ਤਾਂ ਉਸ ਨੇ ਕਿਰਾਇਆ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਵਾਇਰਲ ਵੀਡੀਓ ‘ਤੇ ਲੋਕ ਜ਼ੋਰਦਾਰ ਢੰਗ ਨਾਲ ਆਪਣਾ ਗੁੱਸਾ ਕੱਢ ਰਹੇ ਹਨ। ਜਦੋਂ ਕੰਡਕਟਰ ਨੇ ਮਹਿਲਾ ਪੁਲਸ ਮੁਲਾਜ਼ਮ ਨੂੰ 50 ਰੁਪਏ ਦੇਣ ਲਈ ਕਿਹਾ ਤਾਂ ਪੁਲਸ ਵਾਲੀ ਕਹਿੰਦੀ ਹੈ, ‘ਨਹੀਂ, ਮੈਂ ਪੈਸੇ ਨਹੀਂ ਦੇਵਾਂਗੀ, ਮੈਨੂੰ ਜਿੱਥੇ ਲੈ ਕੇ ਜਾਣਾ ਹੈ, ਉਥੇ ਲੈ ਜਾਓ, ਮੈਂ ਅਧਿਕਾਰੀ ਨਾਲ ਗੱਲ ਕਰਾਂਗੀ।’
ਵੀਡੀਓ ‘ਚ ਮਹਿਲਾ ਕਾਂਸਟੇਬਲ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ ਮੈਂ ਕਿਰਾਇਆ ਨਹੀਂ ਦੇਵਾਂਗੀ। ਜਦੋਂਕਿ ਕੰਡਕਟਰ ਉਸ ਨੂੰ ਵਾਰ-ਵਾਰ ਕਹਿੰਦਾ ਹੈ ਕਿ ਜੇਕਰ ਉਸ ਨੇ ਸਫਰ ਕਰਨਾ ਹੈ ਤਾਂ ਉਸ ਨੂੰ ਕਿਰਾਇਆ ਦੇਣਾ ਪਵੇਗਾ। ਇਸ ‘ਤੇ ਔਰਤ ਕਹਿੰਦੀ ਹੈ ਕਿ ਉਹ ਹਰਿਆਣਾ ਪੁਲਸ ਦਾ ਸਟਾਫ ਹੈ, ਤਾਂ ਕੰਡਕਟਰ ਕਹਿੰਦਾ ਹੈ ਕਿ ਇਹ ਰਾਜਸਥਾਨ ਰੋਡਵੇਜ਼ ਹੈ, ਹਰਿਆਣਾ ਰੋਡਵੇਜ਼ ਨਹੀਂ, ਤਾਂ ਮਹਿਲਾ ਕਾਂਸਟੇਬਲ ਕਹਿੰਦੀ ਹੈ ਕਿ ਫੇਰ ਇਹ ਕੀ ਹੋਇਆ, ਚੱਲ ਤਾਂ ਤੁਸੀਂ ਹਰਿਆਣਾ ਵਿਚ ਰਹਿ ਰਹੇ ਹੋ।
Kalesh inside Bus b/w a Conductor and Woman Constable (When the conductor asked a woman constable of Haryana Police travelling in a Rajasthan Roadways bus to pay for the ticket, the constable refused to pay)
pic.twitter.com/Wi9aqhGENQ— Ghar Ke Kalesh (@gharkekalesh) October 26, 2024
ਉਸ ਦੇ ਨਾਲ ਆਏ ਲੋਕਾਂ ਨੇ ਮਹਿਲਾ ਕਾਂਸਟੇਬਲ ਨੂੰ ਕਿਰਾਇਆ ਦੇਣ ਲਈ ਸਮਝਾਇਆ ਪਰ ਉਸ ਨੇ ਕਿਸੇ ਦੀ ਗੱਲ ਨਹੀਂ ਸੁਣੀ। ਉਹ ਆਪਣੇ ਅਫਸਰਾਂ ਦੀ ਧਮਕੀਆਂ ਦਿੰਦੀ ਵੀ ਨਜ਼ਰ ਆ ਰਹੀ ਹੈ। ਦੱਸ ਦੇਈਏ ਕਿ ਦੋ ਰਾਜਾਂ ਵਿਚਾਲੇ ਪੈਦਾ ਹੋਏ ਇਸ ਵਿਵਾਦ ਕਾਰਨ ਹੁਣ ਚਲਾਨ ਵੀ ਜਾਰੀ ਹੋਣੇ ਸ਼ੁਰੂ ਹੋ ਗਏ ਹਨ। ਹਰਿਆਣਾ ਵਿੱਚ ਰਾਜਸਥਾਨ ਰੋਡਵੇਜ਼ ਦੀਆਂ 90 ਬੱਸਾਂ ਦੇ ਚਲਾਨ ਕੀਤੇ ਗਏ ਹਨ। ਜਦਕਿ ਰਾਜਸਥਾਨ ਵਿੱਚ ਹਰਿਆਣਾ ਦੀਆਂ 26 ਰੋਡਵੇਜ਼ ਬੱਸਾਂ ਦੇ ਚਲਾਨ ਕੱਟੇ ਗਏ ਹਨ।
ਇਹ ਵਾਇਰਲ ਵੀਡੀਓ ਘਰ ਕੇ ਕਲੇਸ਼ ਨਾਮ ਦੇ ਐਕਸ ਅਕਾਊਂਟ ਤੋਂ ਸ਼ੇਅਰ ਕੀਤੀ ਗਈ ਹੈ, ਜਿਸ ਨੂੰ ਹੁਣ ਤੱਕ ਡੇਢ ਲੱਖ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ। ਇਸ ਵੀਡੀਓ ਨੂੰ ਹਜ਼ਾਰਾਂ ਲੋਕਾਂ ਨੇ ਲਾਈਕ ਵੀ ਕੀਤਾ ਹੈ। ਕੁਝ ਲੋਕ ਮਹਿਲਾ ਪੁਲਸ ਵਾਲਿਆਂ ਦੀ ਕਲਾਸ ਵੀ ਲਗਾ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਠੀਕ ਹੈ, ਇਹ ਬਿਲਕੁੱਲ ਸੱਚ ਹੈ ਕਿ ਜੇਕਰ ਤੁਸੀਂ ਯਾਤਰਾ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਕਿਰਾਇਆ ਦੇਣਾ ਹੋਵੇਗਾ।’ ਇਕ ਯੂਜ਼ਰ ਨੇ ਲਿਖਿਆ, ‘ਉਹ ਕਿੰਨੀ ਭਿਖਾਰੀ ਹੈ।’ ਇਕ ਯੂਜ਼ਰ ਨੇ ਲਿਖਿਆ, ‘ਹਾਂ ਭਰਾ, ਪੁਲਸ ਦੇਣਾ ਨਹੀਂ ਜਾਣਦੀ, ਸਿਰਫ ਲੈਣਾ ਜਾਣਦੀ ਹੈ।
