launch review samsung galaxy m35 5g with 6000mah battery launched in india check price and specs
Samsung Galaxy M35 5G ਭਾਰਤ ‘ਚ ਲਾਂਚ ਹੋ ਗਿਆ ਹੈ। ਬ੍ਰਾਜ਼ੀਲ ‘ਚ ਲਾਂਚ ਹੋਣ ਤੋਂ ਦੋ ਮਹੀਨੇ ਬਾਅਦ ਬੁੱਧਵਾਰ ਨੂੰ ਇਸ ਫੋਨ ਨੂੰ ਭਾਰਤ ‘ਚ ਲਾਂਚ ਕੀਤਾ ਗਿਆ। ਇਹ 6.6-ਇੰਚ ਦੀ ਸੁਪਰ AMOLED ਡਿਸਪਲੇਅ ਨਾਲ ਲੈਸ ਹੈ ਅਤੇ ਕੰਪਨੀ ਦੇ ਇਨ-ਹਾਊਸ ਔਕਟਾ-ਕੋਰ Exynos 1380 ਚਿੱਪਸੈੱਟ ‘ਤੇ ਚੱਲਦਾ ਹੈ।
ਇਹ ਵੀ ਪੜ੍ਹੋ:
ਇਨਕਮ ਟੈਕਸ ਵਿਭਾਗ ਦਿੱਤੀ ਚਿਤਾਵਨੀ! ਵੱਡੇ ਪੱਧਰ ‘ਤੇ ਹੋ ਰਹੀ ਹੈ ਰਿਫੰਡ ਧੋਖਾਧੜੀ, ਕਿਸੇ ਵੀ ਲਿੰਕ ‘ਤੇ ਨਾ ਕਰੋ ਕਲਿੱਕ…
ਫੋਨ ‘ਚ 50 ਮੈਗਾਪਿਕਸਲ ਦਾ ਪ੍ਰਾਇਮਰੀ ਰਿਅਰ ਕੈਮਰਾ ਅਤੇ ਡੌਲਬੀ ਐਟਮਸ ਸਪੀਕਰ ਵੀ ਹਨ। ਇਹ ਫੋਨ ਐਂਡਰਾਇਡ 14 ‘ਤੇ ਚੱਲਦਾ ਹੈ ਅਤੇ ਸੈਮਸੰਗ ਦੀ Knox ਸਕਿਓਰਿਟੀ ਅਤੇ NFC- ਅਧਾਰਿਤ ਟੈਪ ਐਂਡ ਪੇ ਫੀਚਰ ਨਾਲ ਆਉਂਦਾ ਹੈ। ਇਹ ਦੇਸ਼ ਵਿੱਚ ਤਿੰਨ ਰੈਮ ਅਤੇ ਸਟੋਰੇਜ ਵਰਜ਼ਨ ਵਿੱਚ ਖਰੀਦਿਆ ਜਾ ਸਕਦਾ ਹੈ।
ਭਾਰਤ ਵਿੱਚ Samsung Galaxy M35 5G ਦੀ ਕੀਮਤ 6GB + 128GB ਮਾਡਲ ਲਈ 19,999 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ, ਜਦੋਂ ਕਿ 8GB + 128GB ਅਤੇ 8GB + 256GB ਵੇਰੀਐਂਟ ਦੀ ਕੀਮਤ ਕ੍ਰਮਵਾਰ 21,499 ਰੁਪਏ ਅਤੇ 24,299 ਰੁਪਏ ਹੈ। ਇਹ ਦੇਸ਼ ‘ਚ 20 ਜੁਲਾਈ ਤੋਂ ਐਮਾਜ਼ਾਨ, ਸੈਮਸੰਗ ਇੰਡੀਆ ਦੀ ਵੈੱਬਸਾਈਟ ਅਤੇ ਆਫਲਾਈਨ ਰਿਟੇਲ ਸਟੋਰਾਂ ‘ਤੇ ਵਿਕਰੀ ਲਈ ਉਪਲਬਧ ਹੋਵੇਗਾ। ਕੰਪਨੀ ਨੇ ਕਿਹਾ ਕਿ ਖਰੀਦਦਾਰ Samsung Galaxy M35 5G ਦੀ ਖਰੀਦ ਦੇ ਦੌਰਾਨ ਸੀਮਤ ਮਿਆਦ ਲਈ 1,000 ਰੁਪਏ ਦਾ ਇੰਸਟੈਂਟ ਡਿਸਕਾਊਂਟ ਅਤੇ ਸਾਰੇ ਬੈਂਕ ਕਾਰਡਾਂ ‘ਤੇ 2,000 ਰੁਪਏ ਦੀ ਤੁਰੰਤ ਛੋਟ ਪ੍ਰਾਪਤ ਕਰ ਸਕਦੇ ਹਨ। ਗਾਹਕ ਵਾਧੂ 1,000 ਰੁਪਏ ਐਮਾਜ਼ਾਨ ਪੇ ਕੈਸ਼ਬੈਕ ਲਈ ਵੀ ਯੋਗ ਹੋਣਗੇ। ਇਹ ਹੈਂਡਸੈੱਟ ਤਿੰਨ ਰੰਗਾਂ ਦੇ ਵਿਕਲਪਾਂ – ਡੇਬ੍ਰੇਕ ਬਲੂ, ਮੂਨਲਾਈਟ ਬਲੂ ਅਤੇ ਥੰਡਰ ਗ੍ਰੇ ਵਿੱਚ ਉਪਲਬਧ ਹੈ।
Samsung Galaxy M35 5G ਦੀਆਂ ਸਪੈਸੀਫਿਕੇਸ਼ਨਸ ਦੀ ਗੱਲ ਕਰੀਏ ਤਾਂ ਇਸ ਸਮਾਰਟਫੋਨ ‘ਚ 6.6-ਇੰਚ ਦੀ ਫੁੱਲ-ਐੱਚ.ਡੀ.+ (1,080 x 2,340 ਪਿਕਸਲ) ਸੁਪਰ AMOLED ਇਨਫਿਨਿਟੀ-ਓ ਡਿਸਪਲੇਅ ਹੈ, ਜਿਸ ਦੀ ਰਿਫ੍ਰੈਸ਼ ਰੇਟ 120Hz, 1,000 nits ਤੱਕ ਬ੍ਰਾਈਟਨੈੱਸ ਲੈਵਲ ਹੈ ਅਤੇ ਇਸ ‘ਚ ਕਾਰਨਿੰਗ ਗੋਰਿਲਾ ਗਲਾਸ ਵਿਕਟਸ+ ਸੁਰੱਖਿਆ ਵੀ ਹੈ। ਫ਼ੋਨ ਇੱਕ ਔਕਟਾ-ਕੋਰ Exynos 1380 ਪ੍ਰੋਸੈਸਰ ਨਾਲ 8GB ਤੱਕ ਰੈਮ ਅਤੇ 256GB ਤੱਕ ਆਨਬੋਰਡ ਸਟੋਰੇਜ ਨਾਲ ਲੈਸ ਹੈ।
ਫੋਟੋਗ੍ਰਾਫੀ ਲਈ, ਹੈਂਡਸੈੱਟ ਵਿੱਚ ਇੱਕ 50-ਮੈਗਾਪਿਕਸਲ ਦਾ ਪ੍ਰਾਇਮਰੀ ਰੀਅਰ ਕੈਮਰਾ (f/1.8) ਅਤੇ ਇੱਕ 8-ਮੈਗਾਪਿਕਸਲ ਦਾ ਸੈਂਸਰ ਇੱਕ ਅਲਟਰਾ-ਵਾਈਡ ਐਂਗਲ ਲੈਂਸ (f/2.2) ਅਤੇ ਇੱਕ 2-ਮੈਗਾਪਿਕਸਲ ਦਾ ਮੈਕਰੋ (f/2.4) ਕੈਮਰਾ ਹੈ। ਸੈਲਫੀ ਅਤੇ ਵੀਡੀਓ ਚੈਟ ਲਈ ਫਰੰਟ ‘ਤੇ f/2.2 ਅਪਰਚਰ ਵਾਲਾ 13-ਮੈਗਾਪਿਕਸਲ ਦਾ ਕੈਮਰਾ ਹੈ। Galaxy M35 5G ਦੀ ਬੈਟਰੀ 6,000mAh ਹੈ ਅਤੇ Dolby Atmos ਦੇ ਨਾਲ ਸਟੀਰੀਓ ਸਪੀਕਰ ਵੀ ਦਿੱਤੇ ਗਏ ਹਨ।
