160 ਏਕੜ ਜ਼ਮੀਨ ਦਾ ਕਿਰਾਇਆ ਸਿਰਫ਼ 614 ਰੁਪਏ, ਅੰਗਰੇਜ਼ਾਂ ਦੇ ਸਮੇਂ ਤੋਂ ਸੀ ਲੀਜ਼, ਹੁਣ ਸਰਕਾਰ ਨੇ ਲਿਆ ਇਹ ਫੈਸਲਾ…
ਸਰਕਾਰ ਨੇ 160 ਏਕੜ ਜ਼ਮੀਨ ਸਿਰਫ਼ 614 ਰੁਪਏ 13 ਪੈਸੇ ਵਿੱਚ ਲੀਜ਼ ‘ਤੇ ਦਿੱਤੀ, ਇਹ ਪੜ੍ਹ ਕੇ ਕਈਆਂ ਨੂੰ ਯਕੀਨ ਨਹੀਂ ਆਵੇਗਾ ਪਰ ਇਹ ਗੱਲ ਸੱਚ ਹੈ। ਇੱਕ ਪਾਸੇ ਤਾਂ ਲੋਕ ਆਪਣੇ ਸਿਰ ‘ਤੇ ਛੱਤ ਰੱਖਣ ਲਈ ਸਾਰੀ ਉਮਰ ਇੱਕ-ਇੱਕ ਪੈਸਾ ਜੋੜਦੇ ਰਹਿੰਦੇ ਹਨ, ਦੂਜੇ ਪਾਸੇ ਅਰਬਾਂ ਰੁਪਏ ਦੀ ਇਹ ਜ਼ਮੀਨ ਘੋੜਿਆਂ ਨੂੰ ਦੌੜਾਉਣ ਲਈ ਮਾਮੂਲੀ ਜਿਹੀ ਕੀਮਤ ‘ਤੇ ਦਿੱਤੀ ਜਾ ਰਹੀ ਹੈ। ਇਹ ਲੀਜ਼ ਅੰਗਰੇਜ਼ਾਂ ਦੇ ਸਮੇਂ ਦੌਰਾਨ ਰੇਸ ਕਲੱਬ ਲਈ ਦਿੱਤੀ ਗਈ ਸੀ, ਹਾਲਾਂਕਿ ਤਾਮਿਲਨਾਡੂ ਸਰਕਾਰ ਨੇ ਹੁਣ ਉਹ ਜ਼ਮੀਨ ਵਾਪਸ ਲੈ ਲਈ ਹੈ।
ਵੈਂਕਟਪੁਰਮ (ਅਡਯਾਰ) ਅਤੇ ਵੇਲਾਚੇਰੀ ਪਿੰਡਾਂ ਵਿੱਚ ਕੁੱਲ 160.86 ਏਕੜ ਜ਼ਮੀਨ ਘੋੜ ਦੌੜ, ਖੇਡਾਂ ਅਤੇ ਹੋਰ ਮਨੋਰੰਜਨ ਗਤੀਵਿਧੀਆਂ ਲਈ ਸਾਲ 1946 ਵਿੱਚ ਮਦਰਾਸ ਰੇਸ ਕਲੱਬ ਨੂੰ ਲੀਜ਼ ‘ਤੇ ਦਿੱਤੀ ਗਈ ਸੀ। ਇਸ 160.86 ਏਕੜ ਵਿੱਚੋਂ, 4.90 ਏਕੜ ਸਵੀਮਿੰਗ ਪੂਲ ਅਤੇ 3.86 ਏਕੜ ਟੀਐਨਐਸਸੀਬੀ (ਜਿਸ ਦਾ ਨਾਮ ਬਦਲ ਕੇ ਤਾਮਿਲਨਾਡੂ ਅਰਬਨ ਹਾਊਸਿੰਗ ਡਿਵੈਲਪਮੈਂਟ ਬੋਰਡ ਰੱਖਿਆ ਗਿਆ ਸੀ) ਨੂੰ ਦਿੱਤਾ ਗਿਆ।
ਕਰੀਬ 3.78 ਏਕੜ ਜ਼ਮੀਨ ਜਨਤਕ ਸੜਕਾਂ ਲਈ ਰੱਖੀ ਗਈ ਸੀ, ਜਦਕਿ ਬਾਕੀ 148.32 ਏਕੜ ਜ਼ਮੀਨ ਰੇਸ ਕਲੱਬ ਦੇ ਕਬਜ਼ੇ ਵਿੱਚ ਹੈ। ਤਾਮਿਲਨਾਡੂ ਸਰਕਾਰ ਨੇ ਸੋਮਵਾਰ ਨੂੰ ਚੇਨਈ ਦੇ ਗਿੰਡੀ ‘ਚ ਸਥਿਤ 148 ਏਕੜ ਤੋਂ ਜ਼ਿਆਦਾ ਜ਼ਮੀਨ ਦੀ ਲੀਜ਼ ਨੂੰ ਖਤਮ ਕਰ ਦਿੱਤਾ ਅਤੇ ਜ਼ਮੀਨ ‘ਤੇ ਕਬਜ਼ਾ ਕਰ ਲਿਆ ਹੈ। ਸੋਮਵਾਰ ਸਵੇਰੇ ਮਾਲ ਅਧਿਕਾਰੀ ਪੁਲਿਸ ਕਰਮਚਾਰੀਆਂ ਦੇ ਨਾਲ ਰੇਸ ਕਲੱਬ ਕੈਂਪਸ ਪਹੁੰਚੇ ਅਤੇ ਇਸ ਦੇ ਗੇਟਾਂ ਨੂੰ ਸੀਲ ਕਰ ਦਿੱਤਾ।
ਚੇਨਈ ਦੇ ਜ਼ਿਲ੍ਹਾ ਕੁਲੈਕਟਰ ਤੋਂ ਗੇਟ ‘ਤੇ ਨੋਟਿਸ ਵੀ ਲਗਾਇਆ ਗਿਆ ਹੈ, ਜਿਸ ਵਿੱਚ ਲੀਜ਼ ਨੂੰ ਖਤਮ ਕਰਨ ਦੇ ਕਾਰਨਾਂ ਦਾ ਹਵਾਲਾ ਦਿੱਤਾ ਗਿਆ ਸੀ।
ਇਸ ਦੌਰਾਨ ਸਵੇਰੇ ਟ੍ਰੈਕ ‘ਤੇ ਕੰਮ ਕਰ ਰਹੇ ਕੁਝ ਟਰੇਨਰ ਅਤੇ ਜੌਕੀ ਬਾਹਰ ਹੀ ਰੁਕਣ ਲਈ ਮਜਬੂਰ ਹੋ ਗਏ। ਅਧਿਕਾਰੀਆਂ ਦੀ ਕਾਰਵਾਈ ਕਾਰਨ 500 ਦੇ ਕਰੀਬ ਘੋੜੇ ਤਬੇਲੇ ਦੇ ਅੰਦਰ ਹੀ ਬੰਦ ਹੋ ਗਏ। ਰੇਸ ਕਲੱਬ ਦੇ ਇੱਕ ਮੁਲਾਜ਼ਮ ਨੇ ਦੱਸਿਆ ਕਿ ਉਸ ਨੂੰ ਤੁਰੰਤ ਟ੍ਰਟਮੈਂਟ ਅਤੇ ਚਾਰੇ ਦੀ ਲੋੜ ਹੈ।
ਮਦਰਾਸ ਰੇਸ ਕਲੱਬ ਨਾਲ ਜੁੜੇ ਗੋਲਫ ਕੋਰਸਾਂ ਦੀ ਵਰਤੋਂ ਕਰਨ ਵਾਲੇ ਬਹੁਤ ਸਾਰੇ ਗੋਲਫ ਕਲੱਬ ਦੇ ਮੈਂਬਰਾਂ ਨੂੰ ਵੀ ਕਾਫੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਇਸ ਸਬੰਧੀ ਇੱਕ ਹੁਕਮ ਮਾਲ ਅਤੇ ਆਫ਼ਤ ਪ੍ਰਬੰਧਨ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਪੀ. ਅਮੁਧਾ ਵੱਲੋਂ ਸ਼ੁੱਕਰਵਾਰ 6 ਸਤੰਬਰ ਨੂੰ ਜਾਰੀ ਕੀਤਾ ਗਿਆ ਸੀ, ਜਿਸ ਵਿੱਚ ਕਿਹਾ ਗਿਆ ਸੀ ਕਿ ‘ਸਰਕਾਰ ਜ਼ਿਲ੍ਹਾ ਕੁਲੈਕਟਰ ਦੀ ਰਿਪੋਰਟ ‘ਤੇ ਵਿਚਾਰ ਕਰਨ ਅਤੇ ਜ਼ਮੀਨ ਦੀਆਂ ਜ਼ਰੂਰਤਾਂ ਨੂੰ ਧਿਆਨ ਵਿੱਤ ਰੱਖਦੇ ਹੋ, ਮਦਰਾਸ ਰੇਸ ਕਲੱਬ ਨੂੰ ਦਿੱਤੀ ਗਈ ਲੀਜ਼ ਨੂੰ ਖਤਮ ਕਰਨ ਅਤੇ ਜ਼ਮੀਨ ਨੂੰ ਪੂਰੀ ਤਰ੍ਹਾਂ ਵਾਪਸ ਲੈਣ ਦਾ ਫੈਸਲਾ ਕਰਦੀ ਹੈ।’
ਇਸ ਵਿੱਚ ਚੇਨਈ ਦੇ ਕੁਲੈਕਟਰ ਨੂੰ ਉਸ ਜ਼ਮੀਨ ਦਾ ਤੁਰੰਤ ਕਬਜ਼ਾ ਲੈਣ ਦੀ ਬੇਨਤੀ ਕੀਤੀ ਗਈ ਸੀ। ਆਦੇਸ਼ ਵਿੱਚ ਕਿਹਾ ਗਿਆ ਹੈ ਕਿ ਪਟੇਦਾਰ/ਮਦਰਾਸ ਰੇਸ ਕਲੱਬ 14 ਦਿਨਾਂ ਦੀ ਮਿਆਦ ਦੇ ਅੰਦਰ ਜ਼ਮੀਨ ਵਿੱਚ ਉਪਲਬਧ ਕਿਸੇ ਵੀ ਜਾਇਦਾਦ ਨੂੰ ਹਟਾਉਣ ਲਈ ਜ਼ਿਲ੍ਹਾ ਕੁਲੈਕਟਰ, ਚੇਨਈ ਨੂੰ ਅਰਜ਼ੀ ਦੇ ਸਕਦਾ ਹੈ।
