ਮੁਹੰਮਦ ਰਿਜ਼ਵਾਨ ਦੀ ਕਪਤਾਨੀ ਹੇਠ ਪਾਕਿਸਤਾਨ ਕ੍ਰਿਕਟ ਟੀਮ ਨੇ ਅਜਿਹਾ ਚਮਤਕਾਰ ਕੀਤਾ ਜੋ ਟੀਮ ਨੇ ਪਹਿਲਾਂ ਕਦੇ ਨਹੀਂ ਕੀਤਾ ਸੀ। ਇਸ ਜ਼ਬਰਦਸਤ ਜਿੱਤ ਦੀ ਬਦੌਲਤ, ਪਾਕਿਸਤਾਨ ਨੇ ਤਿਕੋਣੀ ਸੀਰੀਜ਼ ਦੇ ਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। ਇਸ ਦੌਰਾਨ, ਟੀਮ ਦੇ ਸਾਬਕਾ ਕਪਤਾਨ ਬਾਬਰ ਆਜ਼ਮ ਇਸ ਸਮੱਸਿਆ ਤੋਂ ਛੁਟਕਾਰਾ ਨਹੀਂ ਪਾ ਰਹੇ ਹਨ। ਬਾਬਰ ਆਜ਼ਮ ਇੱਕ ਵਿਸ਼ਵ ਰਿਕਾਰਡ ਦੇ ਬਹੁਤ ਨੇੜੇ ਸੀ, ਪਰ ਉਹ ਸਿਰਫ਼ 23 ਦੌੜਾਂ ਬਣਾਉਣ ਤੋਂ ਬਾਅਦ ਆਊਟ ਹੋ ਗਏ ਤੇ ਹੁਣ ਜੇਕਰ ਉਹ ਅਗਲੇ ਮੈਚ ਵਿੱਚ ਦੌੜਾਂ ਬਣਾ ਵੀ ਲੈਂਦੇ ਹਨ, ਤਾਂ ਵੀ ਉਹ ਇਹ ਰਿਕਾਰਡ ਨਹੀਂ ਤੋੜ ਸਕਣਗੇ।
ਵਨਡੇਅ ਵਿੱਚ 6000 ਦੌੜਾਂ ਬਣਾਉਣ ਦੇ ਨੇੜੇ ਬਾਬਰ ਆਜ਼ਮ
ਬਾਬਰ ਆਜ਼ਮ ਵਨਡੇਅ ਮੈਚਾਂ ਵਿੱਚ 6000 ਦੌੜਾਂ ਬਣਾਉਣ ਦੇ ਬਹੁਤ ਨੇੜੇ ਹਨ। ਜੇਕਰ ਬਾਬਰ ਆਜ਼ਮ ਨੇ ਕਰਾਚੀ ਵਿੱਚ ਪਾਕਿਸਤਾਨ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਖੇਡੇ ਗਏ ਮੈਚ ਵਿੱਚ 33 ਹੋਰ ਦੌੜਾਂ ਬਣਾਈਆਂ ਹੁੰਦੀਆਂ ਤਾਂ ਉਹ ਵਿਸ਼ਵ ਰਿਕਾਰਡ ਆਪਣੇ ਨਾਮ ਕਰ ਸਕਦੇ ਸੀ। ਇੱਕ ਰੋਜ਼ਾ ਕ੍ਰਿਕਟ ਵਿੱਚ ਪਾਰੀਆਂ ਦੇ ਮਾਮਲੇ ਵਿੱਚ, ਸਭ ਤੋਂ ਤੇਜ਼ 6000 ਦੌੜਾਂ ਦੱਖਣੀ ਅਫਰੀਕਾ ਦੇ ਹਾਸ਼ਿਮ ਅਮਲਾ ਨੇ ਬਣਾਈਆਂ ਹਨ। ਸਾਲ 2015 ਵਿੱਚ, ਉਸ ਨੇ ਸਿਰਫ਼ 123 ਇੱਕ ਰੋਜ਼ਾ ਪਾਰੀਆਂ ਖੇਡ ਕੇ ਛੇ ਹਜ਼ਾਰ ਦੌੜਾਂ ਬਣਾਈਆਂ। ਬਾਬਰ ਆਜ਼ਮ ਨੇ ਹੁਣ ਤੱਕ 125 ਵਨਡੇ ਮੈਚਾਂ ਦੀਆਂ 122 ਪਾਰੀਆਂ ਵਿੱਚ 5990 ਦੌੜਾਂ ਬਣਾਈਆਂ ਹਨ। ਇਸ ਦਾ ਮਤਲਬ ਹੈ ਕਿ ਜੇਕਰ ਬਾਬਰ ਅਗਲੇ ਮੈਚ ‘ਚ ਲੋੜੀਂਦੀਆਂ 10 ਦੌੜਾਂ ਵੀ ਬਣਾ ਲੈਂਦਾ ਹੈ, ਤਾਂ ਵੀ ਉਹ ਸਿਰਫ਼ ਹਾਸ਼ਿਮ ਅਮਲਾ ਦੀ ਬਰਾਬਰੀ ਕਰ ਸਕੇਗਾ ਅਤੇ ਇਹ ਰਿਕਾਰਡ ਆਪਣੇ ਨਾਮ ਨਹੀਂ ਕਰ ਸਕੇਗਾ।
ਬਾਬਰ ਆਜ਼ਮ ਕੋਲ ਅਜੇ ਵੀ ਕੋਹਲੀ ਨੂੰ ਪਿੱਛੇ ਛੱਡਣ ਦਾ ਮੌਕਾ ਹੈ: ਹਾਲਾਂਕਿ, ਬਾਬਰ ਆਜ਼ਮ ਵਿਰਾਟ ਕੋਹਲੀ ਨੂੰ ਜ਼ਰੂਰ ਪਿੱਛੇ ਛੱਡ ਸਕਦੇ ਹਨ। ਹਾਸ਼ਿਮ ਅਮਲਾ ਤੋਂ ਬਾਅਦ ਇਸ ਸੂਚੀ ਵਿੱਚ ਕੋਹਲੀ ਦਾ ਨਾਮ ਆਉਂਦਾ ਹੈ, ਜਿਸ ਨੇ 136 ਵਨਡੇ ਪਾਰੀਆਂ ਵਿੱਚ 6 ਹਜ਼ਾਰ ਦੌੜਾਂ ਬਣਾਈਆਂ ਸਨ। ਭਾਵੇਂ ਬਾਬਰ ਆਜ਼ਮ ਪਾਰੀਆਂ ਦੇ ਮਾਮਲੇ ਵਿੱਚ ਵਿਰਾਟ ਕੋਹਲੀ ਤੋਂ ਬਹੁਤ ਅੱਗੇ ਹਨ, ਪਰ ਜਦੋਂ ਤੱਕ ਉਹ 10 ਹੋਰ ਦੌੜਾਂ ਨਹੀਂ ਬਣਾਉਂਦੇ, ਉਦੋਂ ਤੱਕ ਕੁਝ ਨਹੀਂ ਕਿਹਾ ਜਾ ਸਕਦਾ। ਬਾਬਰ ਆਜ਼ਮ ਕੋਲ ਚੈਂਪੀਅਨਜ਼ ਟਰਾਫੀ ਤੋਂ ਪਹਿਲਾਂ ਨਿਊਜ਼ੀਲੈਂਡ ਖ਼ਿਲਾਫ਼ ਆਖਰੀ ਵਨਡੇ ਵਿੱਚ 10 ਦੌੜਾਂ ਬਣਾਉਣ ਦਾ ਮੌਕਾ ਹੈ, ਨਹੀਂ ਤਾਂ ਉਨ੍ਹਾਂ ਨੂੰ ਕੁਝ ਦਿਨ ਹੋਰ ਇੰਤਜ਼ਾਰ ਕਰਨਾ ਪਵੇਗਾ।
