ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਸੁਰੱਖਿਆ ਵਿੱਚ ਵੱਡੀ ਕੁਤਾਹੀ ਹੋਈ ਹੈ। ਜਿਸ ਤੋਂ ਬਾਅਦ ਅਮਰੀਕੀ ਸੈਨਾ ਦੇ ਹੱਥ ਪੈਰ ਫੁੱਲ ਗਏ। ਆਓ ਜਾਣਦੇ ਹਾਂ ਡੋਨਾਲਡ ਟਰੰਪ ਦੀ ਸੁਰੱਖਿਆ ਵਿੱਚ ਇਹ ਕਿਵੇਂ ਕੁਤਾਹੀ ਹੋਈ , ਜਿਸ ਤੋਂ ਅਮਰੀਕੀ ਹਵਾਈ ਸੈਨਾ ਨੂੰ ਲੜਾਕੂ ਜਹਾਜ਼ ਭੇਜਣੇ ਪਏ।
ਦਰਅਸਲ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਮਾਰ-ਏ-ਲਾਗੋ ਰਿਜ਼ੋਰਟ ਦੇ ਉੱਪਰ ਹਵਾਈ ਖੇਤਰ ਦੀ ਉਲੰਘਣਾ ਕੀਤੀ ਗਈ ਹੈ। ਤਿੰਨ ਜਹਾਜ਼ਾਂ ਨੇ ਹਵਾਈ ਖੇਤਰ ਦੀ ਉਲੰਘਣਾ ਕੀਤੀ, ਉਨ੍ਹਾਂ ਨੂੰ ਰੋਕਣ ਲਈ ਐਫ-16 ਲੜਾਕੂ ਜਹਾਜ਼ ਤਾਇਨਾਤ ਕੀਤੇ ਗਏ। ਇਹ ਘਟਨਾ ਫਲੋਰੀਡਾ ਦੇ ਪਾਮ ਬੀਚ ਵਿੱਚ ਵਾਪਰੀ, ਜਿੱਥੇ ਟਰੰਪ ਦਾ ਮਸ਼ਹੂਰ ਰਿਜ਼ੋਰਟ ਸਥਿਤ ਹੈ। ਉੱਤਰੀ ਅਮਰੀਕੀ ਏਰੋਸਪੇਸ ਡਿਫੈਂਸ ਕਮਾਂਡ (NORAD) ਨੇ ਤਿੰਨ ਨਾਗਰਿਕ ਜਹਾਜ਼ਾਂ ਦਾ ਰਸਤਾ ਬਦਲਣ ਲਈ F-16 ਲੜਾਕੂ ਜਹਾਜ਼ ਭੇਜੇ। ਰਿਪੋਰਟਾਂ ਦੇ ਅਨੁਸਾਰ, ਐਫ-16 ਨੂੰ ਦੋਵਾਂ ਜਹਾਜ਼ਾਂ ਨੂੰ ਰੋਕਦੇ ਹੋਏ ਫਲੇਅਰ (ਚਮਕਦਾਰ ਲਾਈਟਾਂ) ਵੀ ਛੱਡਣੀਆਂ ਪਈਆਂ। ਤਿੰਨੋਂ ਜਹਾਜ਼ਾਂ ਨੂੰ ਬਾਅਦ ਵਿੱਚ ਪਾਮ ਬੀਚ ਹਵਾਈ ਖੇਤਰ ਤੋਂ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ।
ਇਹ ਘਟਨਾਵਾਂ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 11:05 ਵਜੇ, ਦੁਪਹਿਰ 12:10 ਵਜੇ ਅਤੇ ਦੁਪਹਿਰ 12:50 ਵਜੇ ਵਾਪਰੀਆਂ। ਹਾਲਾਂਕਿ ਇਹ ਸਪੱਸ਼ਟ ਨਹੀਂ ਹੈ ਕਿ ਇਹ ਜਹਾਜ਼ ਕਿਨ੍ਹਾਂ ਹਾਲਾਤਾਂ ਵਿੱਚ ਪਾਮ ਬੀਚ ਦੇ ਹਵਾਈ ਖੇਤਰ ਵਿੱਚ ਦਾਖਲ ਹੋਏ ਸਨ, ਪਰ ਪਿਛਲੇ ਕੁਝ ਹਫ਼ਤਿਆਂ ਵਿੱਚ ਅਜਿਹੀਆਂ ਘਟਨਾਵਾਂ ਵਾਰ-ਵਾਰ ਵਾਪਰੀਆਂ ਹਨ। ਪਾਮ ਬੀਚ ਪੋਸਟ ਨੇ 20 ਫਰਵਰੀ ਦੀ ਇੱਕ ਰਿਪੋਰਟ ਵਿੱਚ ਦੱਸਿਆ ਕਿ ਪਿਛਲੇ ਮਹੀਨੇ ਟਰੰਪ ਦੇ ਮਾਰ-ਏ-ਲਾਗੋ ਵਿੱਚ ਛੇ ਦਿਨਾਂ ਦੀ ਮਿਆਦ ਵਿੱਚ ਤਿੰਨ ਵਾਰ ਹਵਾਈ ਖੇਤਰ ਦੀ ਉਲੰਘਣਾ ਹੋਈ ਸੀ। ਅਜਿਹੀ ਘਟਨਾ 15 ਫਰਵਰੀ ਨੂੰ ਦੋ ਵਾਰ ਅਤੇ 17 ਫਰਵਰੀ ਨੂੰ ਇੱਕ ਵਾਰ ਵਾਪਰੀ। ਇਸ ਤੋਂ ਇਲਾਵਾ, 18 ਫਰਵਰੀ ਨੂੰ ਸਵੇਰੇ 10:49 ਵਜੇ, ਪਾਮ ਬੀਚ ਉੱਤੇ ਇੱਕ ਹੋਰ ਨਾਗਰਿਕ ਜਹਾਜ਼ ਨੂੰ ਗਲਤ ਢੰਗ ਨਾਲ ਉਡਾਣ ਭਰਦੇ ਹੋਏ ਦੇਖਿਆ ਗਿਆ, ਅਤੇ ਇਸਨੂੰ ਰੋਕਣ ਲਈ F-16 ਜਹਾਜ਼ ਤਾਇਨਾਤ ਕੀਤੇ ਗਏ।
ਫਲੇਅਰਨਾਲ ਨਹੀਂ ਹੁੰਦਾ ਖ਼ਤਰਾ…
NORAD ਦਾ ਕਹਿਣਾ ਹੈ ਕਿ ਸੁਰੱਖਿਆ ਦੇ ਉਦੇਸ਼ਾਂ ਲਈ ਫਲੇਅਰਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਹ ਫਲੇਰਸ ਜਲਦੀ ਅਤੇ ਪੂਰੀ ਤਰ੍ਹਾਂ ਨਾਲ ਬਲ ਕੇ ਖਤਮ ਹੋ ਜਾਂਦੀਆਂ ਹਨ ਅਤੇ ਜ਼ਮੀਨ ‘ਤੇ ਮੌਜੂਦ ਲੋਕਾਂ ਲਈ ਕੋਈ ਖ਼ਤਰਾ ਨਹੀਂ ਹੁੰਦਾ। ਇੱਕ ਵਿਅਕਤੀ ਨੇ ਉਸ ਦਿਨ ਤਾਇਨਾਤ ਕੀਤੇ ਗਏ F-16 ਜਹਾਜ਼ ਦੀ ਵੀਡੀਓ ਰਿਕਾਰਡ ਕੀਤੀ। ਇਹ ਵੀਡੀਓ ਬੋਇਨਟਨ ਬੀਚ ਉੱਤੇ ਲਿਆ ਗਿਆ ਸੀ, ਜੋ ਕਿ ਪਾਮ ਬੀਚ ਦੇ ਦੱਖਣ ਵਿੱਚ ਹੈ।
ਬਿਨਾਂ ਇਜਾਜ਼ਤ ਦੇ ਨਹੀਂ ਉੱਡ ਸਕਦੇ ਜਹਾਜ਼
ਡੋਨਾਲਡ ਟਰੰਪ ਦੇ ਅਮਰੀਕਾ ਦੇ ਰਾਸ਼ਟਰਪਤੀ ਬਣਨ ਤੋਂ ਬਾਅਦ, ਉਨ੍ਹਾਂ ਦੀ ਸੁਰੱਖਿਆ ਇੱਕ ਵਾਰ ਫਿਰ ਹਾਈ ਲੈਵਲ ਹੋ ਗਈ ਹੈ। ਜਦੋਂ ਵੀ ਟਰੰਪ ਮਾਰ-ਏ-ਲਾਗੋ ਜਾਂਦੇ ਹਨ ਤਾਂ ਅਸਥਾਈ ਉਡਾਣ ਪਾਬੰਦੀਆਂ (TFRs) ਲਗਾਈਆਂ ਜਾਂਦੀਆਂ ਹਨ। ਇਨ੍ਹਾਂ ਪਾਬੰਦੀਆਂ ਦੇ ਕਾਰਨ, ਜਹਾਜ਼ ਅਤੇ ਡਰੋਨ ਬਿਨਾਂ ਇਜਾਜ਼ਤ ਦੇ ਹਵਾਈ ਖੇਤਰ ਵਿੱਚ ਦਾਖਲ ਨਹੀਂ ਹੋ ਸਕਦੇ। ਟੀਐਫਆਰ ਦਾ ਅੰਦਰੂਨੀ ਜ਼ੋਨ 10 ਸਮੁੰਦਰੀ ਮੀਲ ਅਤੇ ਬਾਹਰੀ ਜ਼ੋਨ 30 ਸਮੁੰਦਰੀ ਮੀਲ ਤੱਕ ਫੈਲਿਆ ਹੋਇਆ ਹੈ।
