ਕਾਂਸਟੇਬਲ ਦੀ ਮਹਿਲਾ ਪੁਲਸ ਮੁਲਾਜ਼ਮ ਨਾਲ ਲੱਗੀ ਸੀ ਡਿਊਟੀ… ਮੌਕਾ ਦੇਖ ਕੇ ਲੈ ਗਿਆ ਹੋਟਲ, ਪਤੀ ਨੂੰ ਲੱਗਿਆ ਪਤਾ ਤਾਂ…

ਰਾਜਸਥਾਨ ਪੁਲਸ ਦੀ ਇੱਕ ਹੋਰ Hate Story ਸਾਹਮਣੇ ਆਈ ਹੈ। ਇਹ ਕਹਾਣੀ ਬੂੰਦੀ ਜ਼ਿਲ੍ਹਾ ਪੁਲਸ ਨਾਲ ਸਬੰਧਤ ਹੈ। ਇੱਥੇ ਰਾਜਸਥਾਨ ਪੁਲਸ ਦੇ ਦੋ ਕਾਂਸਟੇਬਲਾਂ ਨੇ ਆਪਣੀ ਮਹਿਲਾ ਕਾਂਸਟੇਬਲ ਸਾਥੀ ਨਾਲ ਕਈ ਵਾਰ ਬਲਾਤਕਾਰ ਕੀਤਾ। ਪਹਿਲਾਂ ਇੱਕ ਕਾਂਸਟੇਬਲ ਨੇ ਇੱਕ ਮਹਿਲਾ ਕਾਂਸਟੇਬਲ ਨੂੰ ਆਪਣਾ ਸ਼ਿਕਾਰ ਬਣਾਇਆ। ਬਾਅਦ ਵਿੱਚ ਇੱਕ ਹੋਰ ਪੁਲਸ ਕਾਂਸਟੇਬਲ ਵੀ ਸ਼ਾਮਲ ਹੋ ਗਿਆ। ਇਹ ਸਿਲਸਿਲਾ ਕਰੀਬ ਛੇ ਸਾਲ ਤੱਕ ਚੱਲਦਾ ਰਿਹਾ। ਜਦੋਂ ਔਰਤ ਦੇ ਪਤੀ ਨੂੰ ਇਸ ਗੱਲ ਦੀ ਹਵਾ ਮਿਲੀ ਤਾਂ ਉਹ ਹੈਰਾਨ ਰਹਿ ਗਿਆ।

ਇਸ ਤੋਂ ਬਾਅਦ ਉਹ ਆਪਣੀ ਕਾਂਸਟੇਬਲ ਪਤਨੀ ਨਾਲ ਥਾਣੇ ਪਹੁੰਚਿਆ ਅਤੇ ਦੋਸ਼ੀ ਕਾਂਸਟੇਬਲ ਦੇ ਖਿਲਾਫ ਮਾਮਲਾ ਦਰਜ ਕਰਵਾਇਆ। ਮਾਮਲੇ ਦੀ ਜਾਂਚ ਕਰਨ ਤੋਂ ਬਾਅਦ ਪੁਲਸ ਸੁਪਰਡੈਂਟ ਨੇ ਦੋਵੇਂ ਦੋਸ਼ੀ ਕਾਂਸਟੇਬਲਾਂ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਇਸ ਮਾਮਲੇ ਵਿੱਚ ਅਜੇ ਤੱਕ ਕਿਸੇ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ ਹੈ। ਮਾਮਲਾ ਪੁਲਸ ਮਹਿਕਮੇ ਨਾਲ ਸਬੰਧਤ ਹੋਣ ਕਾਰਨ ਸਾਹਮਣੇ ਨਹੀਂ ਆ ਸਕਿਆ। ਇਹ ਮਾਮਲਾ ਦੋਵੇਂ ਮੁਲਜ਼ਮ ਕਾਂਸਟੇਬਲਾਂ ਨੂੰ ਮੁਅੱਤਲ ਕੀਤੇ ਜਾਣ ਤੋਂ ਬਾਅਦ ਸਾਹਮਣੇ ਆਇਆ ਹੈ। ਪੀੜਤਾ ਬੂੰਦੀ ਪੁਲਸ ਦੀ ਹੈ।

ਪੁਲਸ ਸੁਪਰਡੈਂਟ ਨੇ ਦੋਵੇਂ ਕਾਂਸਟੇਬਲਾਂ ਨੂੰ ਕੀਤਾ ਮੁਅੱਤਲ
ਜਾਣਕਾਰੀ ਮੁਤਾਬਕ ਮੁਅੱਤਲ ਕੀਤੇ ਕਾਂਸਟੇਬਲਾਂ ‘ਚ ਕੋਮਲ ਚੌਧਰੀ ਪਹਿਲਾਂ ਬੂੰਦੀ ‘ਚ ਕੰਮ ਕਰਦਾ ਸੀ। ਉਹ ਇਸ ਸਮੇਂ ਡੈਪੂਟੇਸ਼ਨ ‘ਤੇ ਭਰਤਪੁਰ ‘ਚ ਤਾਇਨਾਤ ਹੈ। ਦੂਜਾ ਕਾਂਸਟੇਬਲ ਬਾਬੂਲਾਲ ਬੂੰਦੀ ਜ਼ਿਲ੍ਹੇ ਦੇ ਰਾਏਥਲ ਥਾਣੇ ਵਿੱਚ ਤਾਇਨਾਤ ਹੈ। ਪੀੜਤਾ ਦੀ ਤਰਫੋਂ ਦੋਵਾਂ ਖਿਲਾਫ ਮਾਮਲਾ ਦਰਜ ਹੋਣ ਤੋਂ ਬਾਅਦ ਪੁਲਸ ਸੁਪਰਡੈਂਟ ਰਾਜਿੰਦਰ ਕੁਮਾਰ ਮੀਨਾ ਨੇ ਪੂਰੇ ਮਾਮਲੇ ਦੀ ਜਾਂਚ ਐਡੀਸ਼ਨਲ ਪੁਲਸ ਸੁਪਰਡੈਂਟ ਉਮਾ ਸ਼ਰਮਾ ਕੋਲੋਂ ਕਰਵਾਈ। ਇਸ ਤੋਂ ਬਾਅਦ ਤਿੰਨ ਦਿਨ ਪਹਿਲਾਂ ਦੋਵੇਂ ਕਾਂਸਟੇਬਲਾਂ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਸੀ।

ਤਿੰਨ ਸਾਲਾਂ ਬਾਅਦ ਦੂਜੇ ਕਾਂਸਟੇਬਲ ਨੇ ਬਣਾਇਆ ਸ਼ਿਕਾਰ
ਪੀੜਤਾ ਦਾ ਦੋਸ਼ ਹੈ ਕਿ ਸਾਲ 2018 ‘ਚ ਉਹ ਕਾਂਸਟੇਬਲ ਕੋਮਲ ਚੌਧਰੀ ਨਾਲ ਡਿਊਟੀ ‘ਤੇ ਸੀ। ਇਸ ਦੌਰਾਨ ਉਹ ਉਸ ਨੂੰ ਇੱਕ ਹੋਟਲ ਵਿੱਚ ਲੈ ਗਿਆ। ਉਥੇ ਉਸ ਨੇ ਉਸ ਨੂੰ ਨਸ਼ੀਲੀ ਚੀਜ਼ ਪਿਲਾ ਕੇ ਉਸ ਨਾਲ ਬਲਾਤਕਾਰ ਕੀਤਾ। ਇਸ ਤੋਂ ਬਾਅਦ ਉਹ ਉਸ ਨੂੰ ਧਮਕੀਆਂ ਦਿੰਦਾ ਰਿਹਾ ਅਤੇ ਉਸ ਨਾਲ ਵਾਰ-ਵਾਰ ਬਲਾਤਕਾਰ ਕਰਦਾ ਰਿਹਾ। ਇਸ ਤੋਂ ਬਾਅਦ 2021 ਵਿੱਚ ਫਿਰ ਉਹੀ ਹੋਇਆ।

ਉਹ ਕਾਂਸਟੇਬਲ ਬਾਬੂਲਾਲ ਨਾਲ ਡਿਊਟੀ ‘ਤੇ ਸੀ। ਉਸ ਨੇ ਵੀ ਉਸ ਨਾਲ ਗੰਦਾ ਕੰਮ ਕੀਤਾ। ਉਸ ਨੇ ਵੀ ਉਸ ਨੂੰ ਧਮਕੀਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ। ਬਲੈਕਮੇਲਿੰਗ ਤੋਂ ਤੰਗ ਆ ਕੇ ਪੀੜਤਾ ਨੇ ਆਖਰਕਾਰ 19 ਜੁਲਾਈ ਨੂੰ ਮਹਿਲਾ ਪੁਲਸ ਸਟੇਸ਼ਨ ‘ਚ ਦੋਵਾਂ ਦੋਸ਼ੀਆਂ ਖਿਲਾਫ ਰਿਪੋਰਟ ਦਰਜ ਕਰਵਾਈ।