Galaxy S24 Ultra ਦੇ ਇਨ੍ਹਾਂ ਮਾਡਲਾਂ ‘ਤੇ ਮਿਲ ਰਿਹਾ 30 ਹਜ਼ਾਰ ਰੁਪਏ ਦਾ ਡਿਸਕਾਊਂਟ, ਜਾਣੋ ਕੀ ਹੈ ਆਫ਼ਰ ?
ਇਸ ਤਿਉਹਾਰੀ ਸੀਜ਼ਨ ‘ਚ ਸੈਮਸੰਗ ਆਪਣੇ ਫਲੈਗਸ਼ਿਪ ਸਮਾਰਟਫੋਨ Galaxy S24 Ultra ‘ਤੇ ਭਾਰੀ ਛੋਟ ਦੇ ਰਿਹਾ ਹੈ। ਅਜਿਹੇ ‘ਚ ਪ੍ਰੀਮੀਅਮ ਪਰਫਾਰਮੈਂਸ ਦੇ ਚਾਹਵਾਨਾਂ ਲਈ ਇਹ ਫੋਨ ਵਧੀਆ ਵਿਕਲਪ ਬਣ ਗਿਆ ਹੈ। ਐਮਾਜ਼ਾਨ ਇੰਡੀਆ ‘ਤੇ ਉਪਲਬਧ 12GB/256GB ਵੇਰੀਐਂਟ ਹੁਣ ਸਿਰਫ 97,699 ਰੁਪਏ ‘ਚ ਉਪਲਬਧ ਹੈ, ਜਿਸ ਦੀ ਪਹਿਲਾਂ ਕੀਮਤ 1,29,999 ਰੁਪਏ ਸੀ।
ਮਤਲਬ ਕਿ ਕੀਮਤ ‘ਚ 30,000 ਰੁਪਏ ਤੋਂ ਜ਼ਿਆਦਾ ਦੀ ਗਿਰਾਵਟ ਆਈ ਹੈ । ਹਾਲਾਂਕਿ, ਇਹ ਆਫਰ ਸਿਰਫ ਟਾਈਟੇਨੀਅਮ ਗ੍ਰੇ ਅਤੇ ਟਾਈਟੇਨੀਅਮ ਬਲੈਕ ਮਾਡਲਾਂ ਲਈ ਹੈ। ਰਿਪੋਰਟ ਮੁਤਾਬਕ, ਟਾਈਟੇਨੀਅਮ ਯੈਲੋ ਅਤੇ ਟਾਈਟੇਨੀਅਮ ਵਾਇਲੇਟ ਵਰਗੇ ਹੋਰ ਰੰਗਾਂ ਦੀ ਕੀਮਤ ਕ੍ਰਮਵਾਰ 1,21,999 ਰੁਪਏ ਅਤੇ 1,01,699 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ।
ਜੇਕਰ ਤੁਹਾਨੂੰ ਹੋਰ ਸਟੋਰੇਜ ਦੀ ਲੋੜ ਹੈ, ਤਾਂ ਤੁਸੀਂ 12GB/512GB ਵੇਰੀਐਂਟ ਨੂੰ 1,08,689 ਰੁਪਏ ਵਿੱਚ ਖਰੀਦ ਸਕਦੇ ਹੋ। 12GB/1TB ਦਾ ਟਾਪ-ਐਂਡ ਮਾਡਲ 1,34,990 ਰੁਪਏ ਵਿੱਚ ਉਪਲਬਧ ਹੈ। ਇਸ ਤੋਂ ਇਲਾਵਾ, ICICI ਬੈਂਕ, ਐਕਸਿਸ ਬੈਂਕ, IDFC ਫਸਟ ਬੈਂਕ ਅਤੇ AU ਸਮਾਲ ਫਾਈਨਾਂਸ ਬੈਂਕ ਦੇ ਕਾਰਡਾਂ ‘ਤੇ 1,000 ਰੁਪਏ ਦੀ ਵਾਧੂ ਛੋਟ ਵੀ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
ਇਸ ਆਫਰ ਦਾ ਫਾਇਦਾ ਲੈਣ ਲਈ ਤੁਹਾਨੂੰ ਗੂਗਲ ‘ਤੇ Galaxy S24 Ultra ਸਰਚ ਕਰਨਾ ਹੋਵੇਗਾ ਤੇ Amazon ਦੇ ਲਿੰਕ ਨੂੰ ਫਾਲੋ ਕਰਨਾ ਹੋਵੇਗਾ, ਕਿਉਂਕਿ ਇਹ ਛੂਟ ਅਮੇਜ਼ਨ ਐਪ ਦੇ ਸਰਚ ਫੰਕਸ਼ਨ ‘ਤੇ ਸਿੱਧੇ ਤੌਰ ‘ਤੇ ਦਿਖਾਈ ਨਹੀਂ ਦੇ ਰਹੀ ਹੈ। Samsung Galaxy S24 Ultra ਆਪਣੀਆਂ ਅਤਿ-ਆਧੁਨਿਕ ਵਿਸ਼ੇਸ਼ਤਾਵਾਂ ਲਈ ਜਾਣਿਆ ਜਾਂਦਾ ਹੈ।
ਇਸ ਵਿੱਚ QHD+ ਰੈਜ਼ੋਲਿਊਸ਼ਨ ਵਾਲਾ 6.8-ਇੰਚ ਡਾਇਨਾਮਿਕ AMOLED 2X ਡਿਸਪਲੇਅ ਹੈ। ਇਸ ਤੋਂ ਇਲਾਵਾ, ਇਸ ਵਿੱਚ 120Hz ਦੀ ਅਡੈਪਟਿਵ ਰਿਫਰੈਸ਼ ਰੇਟ ਅਤੇ 2500 nits ਦੀ ਪੀਕ ਬ੍ਰਾਈਟਨੈੱਸ ਹੈ, ਜੋ ਇਸ ਨੂੰ ਬਹੁਤ ਵਧੀਆ ਬਣਾਉਂਦੀ ਹੈ। Qualcomm Snapdragon 8 Gen 3 ਚਿਪਸੈੱਟ ਫੋਨ ਦੇ ਅੰਦਰ ਮੌਜੂਦ ਹੈ, ਜੋ ਕਿ ਮਲਟੀਟਾਸਕਿੰਗ, ਗੇਮਿੰਗ ਅਤੇ ਭਾਰੀ ਐਪਲੀਕੇਸ਼ਨਾਂ ਲਈ ਹੀ ਤਿਆਰ ਕੀਤਾ ਗਿਆ ਹੈ।
ਚੰਗੀ ਫੋਟੋਗ੍ਰਾਫੀ ਦੇ ਸ਼ੌਕੀਨਾਂ ਲਈ, ਇਸ ਡਿਵਾਈਸ ਵਿੱਚ ਇੱਕ 200MP ਮੇਨ ਸੈਂਸਰ ਹੈ, ਜੋ ਘੱਟ ਰੋਸ਼ਨੀ ਵਿੱਚ ਵੀ ਵਧੀਆ ਤਸਵੀਰਾਂ ਲੈਂਦਾ ਹੈ। ਇਸ ਵਿੱਚ ਇੱਕ 50MP ਪੈਰੀਸਕੋਪ ਲੈਂਸ, 12MP ਅਲਟਰਾ-ਵਾਈਡ ਕੈਮਰਾ, ਅਤੇ 10MP ਟੈਲੀਫੋਟੋ ਯੂਨਿਟ ਵੀ ਹੈ।
ਇਸ ਤੋਂ ਇਲਾਵਾ ਸੈਲਫੀ ਲਈ 12MP ਦਾ ਫਰੰਟ ਕੈਮਰਾ ਹੈ, ਜੋ ਤੁਹਾਨੂੰ ਸਾਫ ਅਤੇ ਸ਼ਾਨਦਾਰ ਫੋਟੋਆਂ ਕਲਿੱਕ ਕਰਨ ਵਿੱਚ ਮਦਦ ਕਰਦਾ ਹੈ। S24 ਅਲਟਰਾ ਵਿੱਚ 5,000mAh ਦੀ ਬੈਟਰੀ ਹੈ, ਜੋ 45W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਇਸ ‘ਚ ਸੈਮਸੰਗ ਦਾ ਸਿਗਨੇਚਰ ਐੱਸ ਪੈੱਨ ਵੀ ਮੌਜੂਦ ਹੈ।
