ਬਜਟ ‘ਚ ਨੌਕਰੀ ਕਰਨ ਵਾਲਿਆਂ ਨੂੰ ਵੱਡੀ ਰਾਹਤ, 12 ਲੱਖ 75 ਹਜ਼ਾਰ ਰੁਪਏ ਤੱਕ Tax Free – News18 ਪੰਜਾਬੀ
ਨਵੀਂ ਦਿੱਲੀ- ਬਜਟ 2025 ਪੇਸ਼ ਕਰਨ ਤੋਂ ਪਹਿਲਾਂ ਹੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਸੰਕੇਤ ਦਿੱਤਾ ਸੀ ਕਿ ਇਹ ਬਜਟ ਆਮ ਆਦਮੀ ਅਤੇ ਮੱਧ ਵਰਗ (Middle Class) ਨੂੰ ਸਮਰਪਿਤ ਹੋਵੇਗਾ। ਉਨ੍ਹਾਂ ਨੇ ਆਪਣੇ ਐਲਾਨਾਂ ਰਾਹੀਂ ਇਨ੍ਹਾਂ ਸੰਕੇਤਾਂ ਨੂੰ ਸੱਚ ਕੀਤਾ ਅਤੇ ਮਜ਼ਦੂਰ ਵਰਗ ਅਤੇ ਮਿੱਡਲ ਵਰਗ ਨੂੰ ਆਮਦਨ ਟੈਕਸ ਵਿੱਚ ਵੱਡੀ ਛੋਟ ਦੇ ਕੇ ਰਾਹਤ ਪ੍ਰਦਾਨ ਕੀਤੀ। TDS ਅਤੇ TCS ਘਟਾਏ ਜਾਣਗੇ, ਜਿਸ ਕਾਰਨ ਉਨ੍ਹਾਂ ਦੇ ਹੱਥਾਂ ਵਿੱਚ ਵਧੇਰੇ ਪੈਸਾ ਹੋਵੇਗਾ। ਤਨਖਾਹ ‘ਤੇ ਕੱਟਣ ਵਾਲਾ TDS ਘਟਾਇਆ ਜਾਵੇਗਾ।
ਇਸ ਤਹਿਤ ਹੁਣ 1 ਲੱਖ ਰੁਪਏ ਦੀ ਐਫਡੀ ਕਟੌਤੀ (FD deduction) ਕੀਤੀ ਗਈ ਹੈ। ਵਿਦੇਸ਼ ਭੇਜਣ ਵਾਲੀ ਰਕਮ ਵੀ ਵਧਾ ਕੇ 10 ਲੱਖ ਰੁਪਏ ਕਰ ਦਿੱਤੀ ਗਈ ਹੈ। TCS ਹੁਣ ਸਿਰਫ਼ ਉਨ੍ਹਾਂ ਤੋਂ ਹੀ ਵਸੂਲਿਆ ਜਾਵੇਗਾ ਜਿਨ੍ਹਾਂ ਕੋਲ ਪੈਨ ਨਹੀਂ ਹੈ। ਰਿਟਰਨ ਅੱਪਡੇਟ ਕਰਨ ਦੀ ਸਹੂਲਤ ਵੀ ਪ੍ਰਦਾਨ ਕੀਤੀ ਗਈ ਹੈ, ਜਿਸ ਨਾਲ 90 ਲੱਖ ਟੈਕਸਦਾਤਾਵਾਂ ਨੂੰ ਲਾਭ ਹੋਵੇਗਾ। ਰਿਟਰਨ ਦੁਬਾਰਾ ਫਾਈਲ ਕੀਤੀ ਜਾ ਸਕਦੀ ਹੈ ਯਾਨੀ ਕਿ 4 ਸਾਲਾਂ ਤੱਕ ਦੇ ਮੁਲਾਂਕਣ ਸਾਲ ਵਿੱਚ ਅਪਡੇਟ ਕੀਤੀ ਰਿਟਰਨ। ਹੁਣ, ਜੇਕਰ ਟੈਕਸਦਾਤਾਵਾਂ ਕੋਲ 2 ਜਾਇਦਾਦਾਂ ਹਨ ਤਾਂ ਉਨ੍ਹਾਂ ‘ਤੇ ਕੋਈ ਟੈਕਸ ਨਹੀਂ ਲਗਾਇਆ ਜਾਵੇਗਾ। ਹੁਣ ਤੱਕ ਇਹ ਸਿਰਫ਼ ਇੱਕ ਜਾਇਦਾਦ ਤੱਕ ਸੀਮਤ ਸੀ। ਸੀਨੀਅਰ ਨਾਗਰਿਕਾਂ ਲਈ, ਐਫਡੀ ‘ਤੇ ਕਟੌਤੀ 50,000 ਰੁਪਏ ਤੋਂ ਵਧਾ ਕੇ 1 ਲੱਖ ਰੁਪਏ ਕਰ ਦਿੱਤੀ ਗਈ ਹੈ, ਜਦੋਂ ਕਿ ITR ਫਾਈਲ ਕਰਨ ਦੀ ਛੋਟ 5 ਲੱਖ ਰੁਪਏ ਤੋਂ ਵਧਾ ਕੇ 10 ਲੱਖ ਰੁਪਏ ਕਰ ਦਿੱਤੀ ਗਈ ਹੈ।
ਮਿਡਲ ਕਲਾਸ ਨੂੰ ਤੋਹਫ਼ਾ
ਮੱਧ ਵਰਗ (Middle Class) ਨੂੰ 12 ਲੱਖ ਰੁਪਏ ਤੱਕ ਦਾ ਕੋਈ ਟੈਕਸ ਨਹੀਂ ਦੇਣਾ ਪਵੇਗਾ। ਹੁਣ ਤੱਕ ਇਹ ਸਿਰਫ਼ 7 ਲੱਖ ਰੁਪਏ ਸੀ। ਇਸ ਵਿੱਚ ਇੱਕ ਵਾਰ ਵਿੱਚ 5 ਲੱਖ ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ ਅਤੇ ਹਰ ਮਹੀਨੇ 1 ਲੱਖ ਰੁਪਏ ਤੱਕ ਕਮਾਉਣ ਵਾਲਿਆਂ ਤੋਂ ਕੋਈ ਟੈਕਸ ਨਹੀਂ ਲਿਆ ਜਾਵੇਗਾ। ਇਸ ਵਿੱਚ 75 ਹਜ਼ਾਰ ਰੁਪਏ ਦੀ ਟੈਕਸ ਕਟੌਤੀ ਵੀ ਦਿੱਤੀ ਜਾਵੇਗੀ। 12 ਲੱਖ 75 ਹਜ਼ਾਰ ਰੁਪਏ ਤੱਕ ਦੀ ਕਮਾਈ ‘ਤੇ ਕੋਈ ਟੈਕਸ ਨਹੀਂ ਲੱਗੇਗਾ।
👉 ਨਿਊਜ਼18 **ਦੀ ਵੈੱਬ ਸਾਈਟ ‘ਤੇ ਦੇਸ਼-ਵਿਦੇਸ਼ ਦੀਆਂ ਤਾਜ਼ਾ ਖ਼ਬਰਾਂ ਦੇਖਣ ਲਈ ਤੁਸੀਂ ਇਸ ਲਿੰਕ https://punjab.news18.com/ ‘**ਤੇ ਕਲਿੱਕ ਕਰ ਸਕਦੇ ਹੋ।
👉 ਹਰ ਵੇਲੇ Update **ਰਹਿਣ ਲਈ ਸਾਨੂੰ Facebook ‘**ਤੇ Like ਕਰੋ।
👉 Live ਖ਼ਬਰਾਂ ਦੇਖਣ ਲਈ ਤੁਸੀਂ ਸਾਡੇ YouTube ਚੈਨਲ ਨੂੰ Subscribe ਕਰੋ।
👉 ਜ਼ਿਲ੍ਹਿਆਂ ਦੀਆਂ ਖ਼ਬਰਾਂ ਦੇਖਣ ਲਈ ਇਸ ਲਿੰਕ ‘ਤੇ https://shorturl.at/npzE4 ਕਲਿੱਕ ਕਰੋ।
