ਰਾਤੋ-ਰਾਤ ਦੇਸ਼ ਦਾ ਸਭ ਤੋਂ ਅਮੀਰ ਬਣਿਆ ਇਹ ਕ੍ਰਿਕਟਰ, ਵਿਰਾਟ ਕੋਹਲੀ ਤੋਂ ਵੀ ਵੱਧ ਹੋਈ ਸੰਪਤੀ

ਅਜੇ ਜਡੇਜਾ ਦੀ ਕੁੱਲ ਜਾਇਦਾਦ ਹੁਣ 1450 ਕਰੋੜ ਰੁਪਏ ਹੈ:

ਜਾਮ ਸਾਹਿਬ ਬਣਨ ਤੋਂ ਬਾਅਦ ਅਜੇ ਜਡੇਜਾ ਦੀ ਕੁੱਲ ਜਾਇਦਾਦ ਹੁਣ 1450 ਕਰੋੜ ਰੁਪਏ ਹੋ ਗਈ ਹੈ। ਇਸ ਵਿੱਚੋਂ ਜ਼ਿਆਦਾਤਰ ਉਨ੍ਹਾਂ ਦੀ ਜੱਦੀ ਜਾਇਦਾਦ ਨਾਲ ਸਬੰਧਤ ਹੈ। ਜਾਮ ਸਾਹਿਬ ਬਣਨ ਤੋਂ ਪਹਿਲਾਂ ਅਜੇ ਜਡੇਜਾ ਦੀ ਕੁੱਲ ਜਾਇਦਾਦ 250 ਕਰੋੜ ਰੁਪਏ ਸੀ। ਜਡੇਜਾ ਫਿਲਹਾਲ ਕੁਮੈਂਟੇਟਰ ਦੀ ਭੂਮਿਕਾ ‘ਚ ਨਜ਼ਰ ਆਉਂਦੇ ਹਨ। ਅਜੇ ਜਡੇਜਾ ਤੋਂ ਪਹਿਲਾਂ ਭਾਰਤ ਦੇ ਅਮੀਰ ਕ੍ਰਿਕਟਰਾਂ ‘ਚ ਵਿਰਾਟ ਕੋਹਲੀ ਅਤੇ ਸਚਿਨ ਤੇਂਦੁਲਕਰ (Sachin Tendulkar) ਦਾ ਨਾਂ ਆਉਂਦਾ ਰਿਹਾ ਹੈ। ਵਿਰਾਟ ਕੋਹਲੀ ਦੀ ਕੁੱਲ ਜਾਇਦਾਦ 1050 ਕਰੋੜ ਹੈ। ਸਚਿਨ ਤੇਂਦੁਲਕਰ ਦੀ ਜਾਇਦਾਦ ਲਗਭਗ 1250 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਮਹਿੰਦਰ ਸਿੰਘ ਧੋਨੀ ਦੀ ਕੁੱਲ ਜਾਇਦਾਦ ਵੀ ਲਗਭਗ 1000 ਕਰੋੜ ਰੁਪਏ ਹੈ।

ਜਡੇਜਾ ਨੇ 15 ਟੈਸਟ ਅਤੇ 196 ਵਨਡੇ ਮੈਚ ਖੇਡੇ:

ਅਜੇ ਜਡੇਜਾ ਨੇ ਭਾਰਤ ਲਈ 15 ਟੈਸਟ ਅਤੇ 196 ਵਨਡੇ ਮੈਚ ਖੇਡੇ ਹਨ। ਜਡੇਜਾ ਨੇ ਟੈਸਟ ਕ੍ਰਿਕਟ ਵਿੱਚ 576 ਦੌੜਾਂ ਅਤੇ ਵਨਡੇ ਵਿੱਚ 5359 ਦੌੜਾਂ ਬਣਾਈਆਂ। ਅਜੇ ਜਡੇਜਾ ਦਾ ਨਾਂ ਮੈਚ ਫਿਕਸਿੰਗ ਮਾਮਲੇ ‘ਚ ਸਾਹਮਣੇ ਆਉਣ ਤੋਂ ਬਾਅਦ ਉਨ੍ਹਾਂ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ। ਇਸ ਕਾਰਨ ਉਨ੍ਹਾਂ ਦਾ ਕਰੀਅਰ ਅਚਾਨਕ ਖਤਮ ਹੋ ਗਿਆ ਸੀ।