Love Triangle: ਰੇਲਵੇ ਤੋਂ ਰਿਟਾਇਰਡ ਬੁਆਏਫ੍ਰੈਂਡ ਦੀ ਪੈਨਸ਼ਨ ਲਈ 35 ਸਾਲਾ ਗਰਲਫ੍ਰੈਂਡ ਨੇ ਕੀਤਾ ਉਹ ਕੰਮ, ਪੁਲਸ ਵੀ ਹੈਰਾਨ
ਮੱਧ ਪ੍ਰਦੇਸ਼ ਦੇ ਨਿਵਾੜੀ ‘ਚ 65 ਸਾਲਾ ਵਿਅਕਤੀ ਦੀ ਹੱਤਿਆ ਦੇ ਮਾਮਲੇ ‘ਚ ਪੁਲਸ ਨੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਪੁਲਸ ਨੇ ਇਸ ਮਾਮਲੇ ‘ਚ 2 ਦੋਸ਼ੀਆਂ ਨੂੰ ਗ੍ਰਿਫਤਾਰ ਵੀ ਕੀਤਾ ਹੈ। ਸਾਰਾ ਮਾਮਲਾ ਪ੍ਰੇਮ ਤਿਕੋਣ ਨਾਲ ਜੁੜਿਆ ਹੋਇਆ ਹੈ। ਦਰਅਸਲ 35 ਸਾਲਾ ਪ੍ਰੇਮਿਕਾ ਨੇ ਆਪਣੇ ਦੂਜੇ ਪ੍ਰੇਮੀ ਨਾਲ ਮਿਲ ਕੇ ਆਪਣੇ 65 ਸਾਲਾ ਪ੍ਰੇਮੀ ਧਨਸ਼ਿਆਮ ਦਾ ਕਤਲ ਕਰ ਦਿੱਤਾ।
ਬਜ਼ੁਰਗ ਰੇਲਵੇ ਦਾ ਸੇਵਾਮੁਕਤ ਮੁਲਾਜ਼ਮ ਸੀ। ਦੋਸ਼ੀ ਔਰਤ ਨੇ ਆਪਣੇ ਦੂਜੇ ਪ੍ਰੇਮੀ ਨਾਲ ਮਿਲ ਕੇ ਪੈਨਸ਼ਨ ਅਤੇ ਪੈਸੇ ਲਈ ਪਹਿਲੇ ਬਜ਼ੁਰਗ ਨੂੰ ਫਸਾ ਲਿਆ। ਫਿਰ ਉਸ ਦੀ ਜਾਨ ਲੈ ਲਈ। ਦੱਸ ਦੇਈਏ ਕਿ 7 ਅਕਤੂਬਰ ਨੂੰ ਪੁਲਸ ਨੂੰ ਬਨਗਯਾ ਹਾਈਵੇ ‘ਤੇ ਇੱਕ ਸੜੀ ਹੋਈ ਲਾਸ਼ ਮਿਲੀ ਸੀ। ਮ੍ਰਿਤਕ ਦੀ ਪਛਾਣ ਘਨਸ਼ਿਆਮ ਕੁਸ਼ਵਾਹਾ ਵਜੋਂ ਹੋਈ ਸੀ।
ਜਾਂਚ ਦੌਰਾਨ ਪੁਲਸ ਨੂੰ ਪਤਾ ਲੱਗਾ ਕਿ ਮ੍ਰਿਤਕ ਘਨਸ਼ਿਆਮ ਉੱਤਰ ਪ੍ਰਦੇਸ਼ ਦੇ ਝਾਂਸੀ ਦਾ ਰਹਿਣ ਵਾਲਾ ਸੀ। ਫਿਰ ਮਾਮਲੇ ਦੀ ਜਾਂਚ ਅੱਗੇ ਵਧੀ। ਪੁਲਸ ਨੇ ਮਾਮਲੇ ਦੀ ਕੜੀਆਂ ਜੋੜਨ ਲਈ ਕਈ ਸੀਸੀਟੀਵੀ ਫੁਟੇਜਾਂ ਦੀ ਜਾਂਚ ਕੀਤੀ। ਇਸ ਦੌਰਾਨ ਇਕ ਵੀਡੀਓ ‘ਚ ਪੁਲਸ ਨੇ ਬਜ਼ੁਰਗ ਘਨਸ਼ਿਆਮ ਦੇ ਨਾਲ ਇਕ ਔਰਤ ਅਤੇ ਇਕ ਆਦਮੀ ਨੂੰ ਦੇਖਿਆ। ਫਿਰ ਦੋਵਾਂ ਦੀ ਪਛਾਣ ਸੋਨੀਆ ਅਤੇ ਰੋਹਿਤ ਵਜੋਂ ਹੋਈ।
ਇਸ ਤਰ੍ਹਾਂ ਹੋਇਆ ਸਾਰੇ ਮਾਮਲੇ ਦਾ ਖੁਲਾਸਾ
ਪੁਲਸ ਨੇ ਦੋਵਾਂ ਨੂੰ ਹਿਰਾਸਤ ‘ਚ ਲੈ ਕੇ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ਹੈ। ਹਾਲਾਂਕਿ, ਸ਼ੁਰੂ ਵਿੱਚ ਦੋਵਾਂ ਨੇ ਪੁਲਸ ਨੂੰ ਗੁੰਮਰਾਹ ਕਰਨ ਦੀ ਕੋਸ਼ਿਸ਼ ਕੀਤੀ। ਫਿਰ ਅਜਿਹਾ ਖੁਲਾਸਾ ਹੋਇਆ ਜਿਸ ਨੇ ਪੁਲਸ ਨੂੰ ਵੀ ਹੈਰਾਨ ਕਰ ਦਿੱਤਾ। ਦੋਸ਼ੀ ਔਰਤ ਨੇ ਪੁਲਸ ਨੂੰ ਦੱਸਿਆ ਕਿ ਉਸ ਦੀ ਨਜ਼ਰ ਘਨਸ਼ਿਆਮ ਦੀ ਪੈਨਸ਼ਨ ਅਤੇ ਪੈਸੇ ‘ਤੇ ਸੀ। ਉਹ ਬਜ਼ੁਰਗ ਨਾਲ ਪਿਆਰ ਦਾ ਦਿਖਾਵਾ ਕਰ ਰਹੀ ਸੀ।
ਉਸ ਦਾ ਅਸਲੀ ਪ੍ਰੇਮੀ ਰੋਹਿਤ ਨਾਂ ਦਾ ਵਿਅਕਤੀ ਸੀ। ਇਸ ਦੌਰਾਨ ਘਨਸ਼ਿਆਮ ਅਕਸਰ ਸੋਨੀਆ ਨੂੰ ਆਪਣੇ ਨਾਲ ਰਹਿਣ ਲਈ ਕਹਿੰਦਾ ਸੀ। ਫਿਰ ਸੋਨੀਆ ਅਤੇ ਰੋਹਿਤ ਨੇ ਮਿਲ ਕੇ ਘਨਸ਼ਿਆਮ ਨੂੰ ਰਸਤੇ ਤੋਂ ਹਟਾਉਣ ਦੀ ਯੋਜਨਾ ਬਣਾਈ। ਘਟਨਾ ਵਾਲੇ ਦਿਨ ਦੋਵੇਂ ਘਨਸ਼ਿਆਮ ਨੂੰ ਸੁੰਨਸਾਨ ਇਲਾਕੇ ਵਿਚ ਲੈ ਗਏ। ਫਿਰ ਉਸ ਨੂੰ ਲੋਹੇ ਦੀ ਰਾਡ ਨਾਲ ਕੁੱਟ-ਕੁੱਟ ਕੇ ਮਾਰ ਦਿੱਤਾ ਗਿਆ। ਫਿਰ ਸਬੂਤ ਛੁਪਾਉਣ ਲਈ ਦੋਵਾਂ ਨੇ ਲਾਸ਼ ਨੂੰ ਸਾੜਨ ਦੀ ਕੋਸ਼ਿਸ਼ ਕੀਤੀ।
ਘਟਨਾ ਤੋਂ ਬਾਅਦ ਮ੍ਰਿਤਕ ਘਨਸ਼ਿਆਮ ਦੇ ਪਰਿਵਾਰਕ ਮੈਂਬਰਾਂ ਨੂੰ ਮੌਕੇ ‘ਤੇ ਬੁਲਾਇਆ ਗਿਆ। ਫਿਰ ਪਰਿਵਾਰਕ ਮੈਂਬਰਾਂ ਨੇ ਮੋਬਾਈਲ ਦੇਖ ਕੇ ਘਨਸ਼ਿਆਮ ਦੀ ਪਛਾਣ ਕੀਤੀ। ਕਾਤਲਾਂ ਤੱਕ ਪਹੁੰਚਣ ਲਈ ਪੁਲਸ ਨੇ ਕਈ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਖੰਗਾਲੀ। ਇਸ ਤੋਂ ਬਾਅਦ ਦੋਵੇਂ ਕਾਤਲਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
