AADHAAR ਤੋਂ ਬਾਅਦ ਹੁਣ ਆ ਗਈ APAAR ID? ਕੀ ਤੁਸੀਂ ਬਣਵਾ ਲਈ? ਜਾਣੋ ਨਫ਼ੇ-ਨੁਕਸਾਨ ਤੇ ਹੋਰ ਜਾਣਕਾਰੀ
ਇਨ੍ਹੀਂ ਦਿਨੀਂ ਵੱਖ-ਵੱਖ ਰਾਜਾਂ ਦੇ ਸਕੂਲਾਂ ਵਿੱਚ ਵਿਦਿਆਰਥੀਆਂ ਦੀ APAAR ID ਬਣਾਉਣ ਦਾ ਕੰਮ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਸਰਕਾਰੀ ਹੋਵੇ ਜਾਂ ਪ੍ਰਾਈਵੇਟ, ਦੇਸ਼ ਦੇ ਸਾਰੇ ਸਕੂਲਾਂ ਦੇ ਬੱਚਿਆਂ ਲਈ ਇਕ ਯੂਨੀਕ ਆਈਡੀ ਬਣਾਈ ਜਾ ਰਹੀ ਹੈ, ਜਿਸ ਦਾ ਨਾਂ ਅਪਾਰ ਰੱਖਿਆ ਗਿਆ ਹੈ। ਵਿਸ਼ੇਸ਼ ਮੁਹਿੰਮ ਚਲਾ ਕੇ ਇਹ ਕੰਮ ਤੇਜ਼ੀ ਨਾਲ ਕੀਤਾ ਜਾ ਰਿਹਾ ਹੈ।
APAAR ID ਦਾ ਅਰਥ ਹੈ: ਆਟੋਮੇਟਿਡ ਪਰਮਾਨੈਂਟ ਅਕਾਦਮਿਕ ਖਾਤਾ ਰਜਿਸਟਰੀ (APAAR ID)।
Apar ID ਕਾਰਡ ਕੀ ਹੈ? ਇਸ ਵਿੱਚ ਕਿਹੜੀ ਜਾਣਕਾਰੀ ਹੋਵੇਗੀ?
ਇਹ ਵੱਡਾ ਬਦਲਾਅ ਨਵੀਂ ਸਿੱਖਿਆ ਨੀਤੀ 2020 ਦੀਆਂ ਸਿਫ਼ਾਰਸ਼ਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਕੀਤਾ ਜਾ ਰਿਹਾ ਹੈ। Apar ID ਅਸਲ ਵਿੱਚ ਆਧਾਰ ਨੰਬਰ ਦੀ ਤਰ੍ਹਾਂ ਇੱਕ ਪਛਾਣ ਨੰਬਰ ਹੈ, ਪਰ ਇਹ ਸਿਰਫ਼ ਵਿਦਿਅਕ ਵੇਰਵਿਆਂ ‘ਤੇ ਕੇਂਦਰਿਤ ਹੈ।
ਇਸ ਆਈਡੀ ਵਿੱਚ ਵਿਦਿਆਰਥੀਆਂ ਦੇ ਪ੍ਰੀ-ਪ੍ਰਾਇਮਰੀ ਤੋਂ ਲੈ ਕੇ ਉੱਚ ਸਿੱਖਿਆ ਤੱਕ ਦੇ ਸਮੁੱਚੇ ਵਿਦਿਅਕ ਸਫ਼ਰ ਬਾਰੇ ਜਾਣਕਾਰੀ ਹੋਵੇਗੀ। ਇਸ ਵਿੱਚ ਵਿਦਿਆਰਥੀ ਦਾ ਨਾਮ, ਲਿੰਗ, ਜਨਮ ਮਿਤੀ, ਪਤਾ, ਮਾਤਾ-ਪਿਤਾ ਦਾ ਨਾਮ, ਫੋਟੋ, ਅਤੇ ਉਹਨਾਂ ਦੀਆਂ ਅਕਾਦਮਿਕ ਪ੍ਰਾਪਤੀਆਂ ਜਿਵੇਂ ਕਿ ਮਾਰਕਸ਼ੀਟ, ਸਰਟੀਫਿਕੇਟ, ਡਿਗਰੀਆਂ, ਖੇਡ ਮੁਕਾਬਲਿਆਂ ਵਿੱਚ ਭਾਗੀਦਾਰੀ, ਪੁਰਸਕਾਰ, ਹੁਨਰ ਸਿਖਲਾਈ ਅਤੇ ਹੋਰ ਵੇਰਵੇ ਸ਼ਾਮਲ ਹੋਣਗੇ।
ਇਹ ID ਅਕਾਦਮਿਕ ਬੈਂਕ ਆਫ਼ ਕ੍ਰੈਡਿਟ (ABC) ਅਤੇ DigiLocker ਨਾਲ ਲਿੰਕ ਹੋਵੇਗੀ, ਜਿੱਥੇ ਵਿਦਿਆਰਥੀ ਆਪਣੇ ਦਸਤਾਵੇਜ਼ ਸੁਰੱਖਿਅਤ ਰੱਖ ਸਕਣਗੇ।
ਅਪਾਰ ਆਈਡੀ ਅਤੇ ਆਧਾਰ ਕਾਰਡ ਵਿੱਚ ਅੰਤਰ
ਆਧਾਰ ਕਾਰਡ ਭਾਰਤ ਸਰਕਾਰ ਦੁਆਰਾ ਨਾਗਰਿਕਾਂ ਨੂੰ ਜਾਰੀ ਕੀਤਾ ਗਿਆ ਇੱਕ ਪਛਾਣ ਪੱਤਰ ਹੈ ਜਿਸ ਵਿੱਚ 12 ਅੰਕਾਂ ਦਾ ਵਿਲੱਖਣ ਨੰਬਰ ਹੁੰਦਾ ਹੈ। ਇਹ ਪਛਾਣ ਅਤੇ ਪਤੇ ਦੇ ਸਬੂਤ ਲਈ ਕੰਮ ਕਰਦਾ ਹੈ ਅਤੇ ਇਸ ਵਿੱਚ ਬਾਇਓਮੈਟ੍ਰਿਕ ਡੇਟਾ (ਫੋਟੋ, ਫਿੰਗਰਪ੍ਰਿੰਟ, ਆਇਰਿਸ ਸਕੈਨ) ਸ਼ਾਮਲ ਹੁੰਦਾ ਹੈ।
Apar ID: ਇਹ ਵਿਦਿਅਕ ਰਿਕਾਰਡਾਂ ਨੂੰ ਟਰੈਕ ਕਰਨ ਲਈ ਤਿਆਰ ਕੀਤਾ ਗਿਆ ਹੈ ਅਤੇ ਇਸ ਵਿੱਚ ਵਿਦਿਆਰਥੀ ਦੀ ਸਿੱਖਿਆ ਨਾਲ ਸਬੰਧਤ ਪੂਰੀ ਜਾਣਕਾਰੀ ਹੋਵੇਗੀ। ਇਹ ਆਧਾਰ ਦੀ ਥਾਂ ਨਹੀਂ ਲਵੇਗਾ, ਪਰ ਵਿਦਿਅਕ ਉਦੇਸ਼ਾਂ ਲਈ ਵੱਖਰੀ ਪਛਾਣ ਵਜੋਂ ਵਰਤਿਆ ਜਾਵੇਗਾ।
ID ਦੇ ਲਾਭ
ਜਾਅਲੀ ਦਸਤਾਵੇਜ਼ਾਂ ਦੀ ਰੋਕਥਾਮ: ਜਾਅਲੀ ਅਕਾਦਮਿਕ ਦਸਤਾਵੇਜ਼ਾਂ ਅਤੇ ਡੁਪਲੀਕੇਟ ਮਾਰਕਸ਼ੀਟਾਂ ਵਰਗੇ ਮਾਮਲਿਆਂ ਨੂੰ ਰੋਕਣ ਵਿੱਚ ਮਦਦ ਕਰੇਗਾ।
ਵਿਦਿਆਰਥੀਆਂ ਦੇ ਅਕਾਦਮਿਕ ਸਫ਼ਰ ਦਾ ਰਿਕਾਰਡ: ਵਿਦਿਆਰਥੀਆਂ ਦੀ ਪੂਰੀ ਅਕਾਦਮਿਕ ਜਾਣਕਾਰੀ ਇੱਕ ਥਾਂ ‘ਤੇ ਉਪਲਬਧ ਹੋਵੇਗੀ।
ਸਰਕਾਰੀ ਸਕੀਮਾਂ ਦਾ ਸਿੱਧਾ ਲਾਭ: ਅਪਾਰ ਆਈਡੀ ਰਾਹੀਂ ਵਿਦਿਆਰਥੀਆਂ ਨੂੰ ਸਕੀਮਾਂ ਦਾ ਲਾਭ ਪਾਰਦਰਸ਼ੀ ਅਤੇ ਤੇਜ਼ੀ ਨਾਲ ਮਿਲੇਗਾ।
ਕਰੀਅਰ ਸਹਾਇਤਾ: ਇਹ ਆਈਡੀ ਨੌਕਰੀ ਦੀਆਂ ਅਰਜ਼ੀਆਂ, ਸਕਾਲਰਸ਼ਿਪ, ਕ੍ਰੈਡਿਟ ਟ੍ਰਾਂਸਫਰ ਅਤੇ ਇੰਟਰਨਸ਼ਿਪਾਂ ਲਈ ਉਪਯੋਗੀ ਹੋਵੇਗੀ।
ਡਰਾਪਆਊਟ ਨਿਗਰਾਨੀ: ਰਾਜ ਸਰਕਾਰਾਂ ਸਕੂਲ ਛੱਡਣ ਵਾਲੇ ਵਿਦਿਆਰਥੀਆਂ ਨੂੰ ਟਰੈਕ ਕਰਨ ਅਤੇ ਉਨ੍ਹਾਂ ਨੂੰ ਮੁੱਖ ਧਾਰਾ ਵਿੱਚ ਲਿਆਉਣ ਲਈ ਇਸਦੀ ਵਰਤੋਂ ਕਰਨ ਦੇ ਯੋਗ ਹੋਣਗੀਆਂ।
Apar ID ਕਿਵੇਂ ਬਣੇਗੀ?
ਸਕੂਲ ਅਪਾਰ ਆਈਡੀ ਬਣਾਉਣਗੇ ਅਤੇ ਇਸ ਲਈ ਵਿਦਿਆਰਥੀਆਂ ਦੇ ਮਾਪਿਆਂ ਤੋਂ ਸਹਿਮਤੀ ਲੈਣੀ ਲਾਜ਼ਮੀ ਹੋਵੇਗੀ। apaar education.gov.in ਪੋਰਟਲ ‘ਤੇ ਸਕੂਲਾਂ ਨੂੰ ਅਪਾਰ ਆਈ.ਡੀ ਜਨਰੇਟ ਕਰਨੀ ਹੋਵੇਗੀ। ਹੁਣ ਤੱਕ 34 ਕਰੋੜ ਤੋਂ ਵੱਧ ਵਿਦਿਆਰਥੀਆਂ ਦੀ AAPAR ID ਬਣਾਈ ਜਾ ਚੁੱਕੀ ਹੈ।
ਕੀ ਇਸ ਨੂੰ ਆਧਾਰ ਕਾਰਡ ਨਾਲ ਲਿੰਕ ਕੀਤਾ ਜਾਵੇਗਾ?
ਜੀ ਹਾਂ, Apar ID ਨੂੰ ਆਧਾਰ ਕਾਰਡ ਨਾਲ ਲਿੰਕ ਕੀਤਾ ਜਾਵੇਗਾ। ਨਾਬਾਲਗ ਵਿਦਿਆਰਥੀਆਂ ਦੇ ਮਾਮਲੇ ਵਿੱਚ, ਮਾਪਿਆਂ ਦੀ ਸਹਿਮਤੀ ਲੈਣੀ ਲਾਜ਼ਮੀ ਹੋਵੇਗੀ।
ਕੀ Apar ID ਲਾਜ਼ਮੀ ਹੈ?
Apar ID ਬਣਾਉਣਾ ਲਾਜ਼ਮੀ ਨਹੀਂ ਹੈ। ਇਹ ਸਵੈਇੱਛਤ ਹੈ, ਅਤੇ ਮਾਪੇ ਕਿਸੇ ਵੀ ਸਮੇਂ ਆਪਣੀ ਸਹਿਮਤੀ ਵਾਪਸ ਲੈ ਸਕਦੇ ਹਨ।
2026-27 ਤੱਕ ਸਾਰੇ ਵਿਦਿਆਰਥੀਆਂ ਦੇ ਅਕਾਦਮਿਕ ਰਿਕਾਰਡਾਂ ਦਾ 100% ਏਕੀਕਰਣ ਕਰਨ ਦਾ ਟੀਚਾ ਹੈ।
ਸਿੱਟਾ
Apar ID ਵਿਦਿਆਰਥੀਆਂ ਲਈ ਉਹਨਾਂ ਦੀ ਵਿਦਿਅਕ ਯਾਤਰਾ ਨੂੰ ਸੁਚਾਰੂ ਅਤੇ ਸੁਰੱਖਿਅਤ ਬਣਾਵੇਗੀ। ਇਸ ਨਾਲ ਜਾਅਲੀ ਦਸਤਾਵੇਜ਼ਾਂ ਦੀ ਸਮੱਸਿਆ ਖ਼ਤਮ ਹੋਵੇਗੀ ਅਤੇ ਵਿਦਿਆਰਥੀਆਂ ਲਈ ਭਵਿੱਖ ਵਿੱਚ ਉੱਚ ਸਿੱਖਿਆ ਅਤੇ ਰੁਜ਼ਗਾਰ ਦੀਆਂ ਨਵੀਆਂ ਸੰਭਾਵਨਾਵਾਂ ਖੁੱਲ੍ਹਣਗੀਆਂ।
