ਰਾਜਸਥਾਨ ਤੋਂ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਥੇ ਕੁਝ ਪੁਲਿਸ ਮੁਲਾਜ਼ਮ ਮਹਿਲਾ ਐਸਪੀ ਦੀ ਲੁਕੇਸ਼ਨ ਟ੍ਰੇਸ ਕਰ ਰਹੇ ਹਨ। ਮਾਮਲਾ ਭਿਵੜੀ ਦਾ ਹੈ, ਜਿੱਥੇ ਸਾਈਬਰ ਟੀਮ ਨੇ ਆਪਣੀ ਹੀ ਪੁਲਿਸ ਸੁਪਰਡੈਂਟ ਜਯੇਸ਼ਟਾ ਮੈਤਰੀ ਦੀ ਫੋਨ ਲੋਕੇਸ਼ਨ ਕੱਢ ਲਈ ਹੈ।
ਲੁਕੇਸ਼ਨ ਵੀ ਇੱਕ ਵਾਰ ਨਹੀਂ ਸਗੋਂ ਕਈ ਵਾਰ ਕੱਢੀ ਗਈ। ਜਦੋਂ ਪੁਲਿਸ ਸੁਪਰਡੈਂਟ ਜਯੇਸ਼ਟਾ ਮੈਤਰੀ ਨੂੰ ਪਤਾ ਲੱਗਾ ਕਿ ਉਨ੍ਹਾਂ ਦੇ ਆਪਣੇ ਵਿਭਾਗ ਦੇ ਲੋਕ ਰੇਕੀ ਕਰ ਰਹੇ ਹਨ, ਤਾਂ ਉਨ੍ਹਾਂ ਨੇ ਸਾਈਬਰ ਟੀਮ ਦੇ 7 ਪੁਲਿਸ ਮੁਲਾਜ਼ਮਾਂ ਨੂੰ ਮੁਅੱਤਲ ਕਰ ਦਿੱਤਾ।
ਇਨ੍ਹਾਂ ਸਬ-ਇੰਸਪੈਕਟਰ ਸ਼ਰਵਣ ਕੁਮਾਰ, ਹੈੱਡ ਕਾਂਸਟੇਬਲ ਅਵਨੇਸ਼ ਅਤੇ 5 ਕਾਂਸਟੇਬਲ ਸ਼ਾਮਲ ਹਨ। ਪੁਲਿਸ ਸੁਪਰਡੈਂਟ ਦੀ ਲੁਕੇਸ਼ਨ ਬਾਰੇ ਇਹ ਖਬਰ ਪੂਰੇ ਜੈਪੁਰ ਰੇਂਜ ‘ਚ ਚਰਚਾ ਦਾ ਵਿਸ਼ਾ ਬਣ ਗਈ। ਹਾਲਾਂਕਿ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਲੁਕੇਸ਼ਨ ਦਾ ਖੁਲਾਸਾ ਕਰਨ ਪਿੱਛੇ ਇਨ੍ਹਾਂ ਪੁਲਿਸ ਮੁਲਾਜ਼ਮਾਂ ਦੇ ਕੀ ਇਰਾਦੇ ਹੋ ਸਕਦੇ ਹਨ।
ਪਰ ਇਹ ਸਪੱਸ਼ਟ ਹੈ ਕਿ ਪੁਲਿਸ ਸੁਪਰਡੈਂਟ ਦੇ ਨਿੱਜੀ ਨੰਬਰ ਦੀ ਲੋਕੇਸ਼ਨ ਸਾਹਮਣੇ ਆਈ ਹੈ। ਹੁਣ ਇਸ ਪੂਰੇ ਘਟਨਾਕ੍ਰਮ ਵਿੱਚ ਭਿਵਾੜੀ ਦੇ ਇੱਕ ਸੀਨੀਅਰ ਆਰਪੀਐਸ ਅਧਿਕਾਰੀ ਇਹ ਪਤਾ ਲਗਾਉਣ ਵਿੱਚ ਰੁੱਝੇ ਹੋਏ ਹਨ ਕਿ ਇਨ੍ਹਾਂ ਲੋਕਾਂ ਨੇ ਇਹ ਕੰਮ ਕਿਸ ਦੇ ਕਹਿਣ ‘ਤੇ ਕੀਤਾ ਹੈ।
- First Published :
