ਜਲਦੀ ਖ਼ਤਮ ਹੋ ਜਾਂਦੀ ਹੈ iPhone ਦੀ ਬੈਟਰੀ! ਇਹਨਾਂ ਟਿਪਸ ਨਾਲ ਲੰਮਾ ਸਮਾਂ ਚੱਲੇਗੀ ਬੈਟਰੀ, ਪੜ੍ਹੋ ਆਸਾਨ ਟਿਪਸ – News18 ਪੰਜਾਬੀ
ਜੇਕਰ ਤੁਸੀਂ ਆਈਫੋਨ (iPhone) ਦੀ ਵਰਤੋਂ ਕਰਦੇ ਹੋ, ਤਾਂ ਬੈਟਰੀ ਦਾ ਜਲਦੀ ਖਤਮ ਹੋਣਾ ਇੱਕ ਆਮ ਸਮੱਸਿਆ ਹੋ ਸਕਦੀ ਹੈ। ਹਾਲਾਂਕਿ, ਕੁਝ ਛੋਟੇ ਬਦਲਾਅ ਕਰਕੇ ਤੁਸੀਂ ਆਪਣੇ ਆਈਫੋਨ (iPhone) ਦੀ ਬੈਟਰੀ ਲਾਈਫ ਨੂੰ ਕਾਫੀ ਹੱਦ ਤੱਕ ਵਧਾ ਸਕਦੇ ਹੋ। ਇੱਥੇ ਕੁਝ ਮਹੱਤਵਪੂਰਨ ਬੈਟਰੀ ਬਚਤ ਸੁਝਾਅ ਹਨ:
ਲੋਅ ਪਾਵਰ ਮੋਡ (Low Power Mode) ਦੀ ਵਰਤੋਂ ਕਰੋ
ਜਦੋਂ ਬੈਟਰੀ ਘੱਟ ਹੁੰਦੀ ਹੈ, ਤਾਂ ਆਈਫੋਨ ਦਾ ਲੋਅ ਪਾਵਰ ਮੋਡ (Low Power Mode) ਬੈਟਰੀ ਦੀ ਲਾਈਫ਼ ਬਚਾਉਣ ਵਿੱਚ ਮਦਦ ਕਰਦਾ ਹੈ। ਇਸਨੂੰ ਕਿਰਿਆਸ਼ੀਲ ਕਰਨ ਨਾਲ ਤੁਹਾਡੇ ਫ਼ੋਨ ਦੀ ਬੈਕਗ੍ਰਾਊਂਡ ਗਤੀਵਿਧੀ, ਆਟੋਮੈਟਿਕ ਡਾਉਨਲੋਡਸ, ਅਤੇ ਕੁਝ ਵਿਜ਼ੂਅਲ ਇਫੈਕਟਸ ਸੀਮਤ ਹੋ ਜਾਂਦੇ ਹਨ। ਤੁਸੀਂ ਸੈਟਿੰਗਾਂ ਵਿੱਚ ਜਾ ਕੇ ਇਸਨੂੰ ਆਸਾਨੀ ਨਾਲ ਚਾਲੂ ਕਰ ਸਕਦੇ ਹੋ।
ਸਕਰੀਨ ਦੀ Brightness ਘਟਾਓ
ਤੁਹਾਡੀ ਸਕ੍ਰੀਨ ਦੀ Brightness ਸਭ ਤੋਂ ਵੱਧ ਬੈਟਰੀ ਦੀ ਵਰਤੋਂ ਕਰਦੀ ਹੈ। ਇਸਨੂੰ Auto Brightness ‘ਤੇ ਸੈੱਟ ਕਰੋ ਜਾਂ ਇਸਨੂੰ ਤੁਸੀਂ ਆਪ ਘੱਟ ਕਰ ਸਕਦੇ ਹੋ। ਇਸ ਵਿਸ਼ੇਸ਼ਤਾ ਨੂੰ Settings ਅਤੇ “Display & Brightness” ਵਿੱਚ ਜਾ ਕੇ ਐਕਟੀਵੇਟ ਕੀਤਾ ਜਾ ਸਕਦਾ ਹੈ।
ਬੈਟਰੀ ਖਤਮ ਕਰਨ ਵਾਲੀਆਂ ਐਪਾਂ ਦੀ ਪਛਾਣ ਕਰੋ
ਤੁਸੀਂ ਦੇਖ ਸਕਦੇ ਹੋ ਕਿ ਕਿਹੜੀਆਂ ਐਪਾਂ ਤੁਹਾਡੀ ਬੈਟਰੀ ਨੂੰ ਸਭ ਤੋਂ ਵੱਧ ਖ਼ਰਚ ਕਰ ਰਹੀਆਂ ਹਨ। ਸੈਟਿੰਗਾਂ ਵਿੱਚ “Battery” ‘ਤੇ ਜਾਓ ਅਤੇ ਉੱਥੇ ਬੈਟਰੀ ਵਰਤੋਂ ਚਾਰਟ ਦੇਖੋ। ਜੇਕਰ ਕੋਈ ਐਪ ਤੁਹਾਡੀ ਬੈਟਰੀ ਖਤਮ ਕਰ ਰਹੀ ਹੈ, ਤਾਂ ਇਸਦੀ ਵਰਤੋਂ ਨੂੰ ਸੀਮਤ ਕਰੋ ਜਾਂ ਇਸਨੂੰ ਹਟਾ ਦਿਓ।
ਬੈਕਗ੍ਰਾਊਂਡ ਐਪ ਰਿਫ੍ਰੈਸ਼ ਨੂੰ ਬੰਦ ਕਰੋ
ਬੈਕਗ੍ਰਾਊਂਡ ਵਿੱਚ ਐਪਸ ਨੂੰ ਲਗਾਤਾਰ ਰਿਫ੍ਰੈਸ਼ ਕਰਨ ਨਾਲ ਬੈਟਰੀ ਜਲਦੀ ਖਤਮ ਹੋ ਜਾਂਦੀ ਹੈ। ਤੁਸੀਂ “General” ਦੇ ਅਧੀਨ “Settings” ਵਿੱਚ “Background App Refresh” ਵਿਕਲਪ ਨੂੰ ਬੰਦ ਕਰ ਸਕਦੇ ਹੋ।
ਲੋਕੇਸ਼ਨ ਸੇਵਾਵਾਂ ਬੰਦ ਕਰੋ
ਜ਼ਿਆਦਾਤਰ ਐਪਸ ਤੁਹਾਡੇ ਲੋਕੇਸ਼ਨ ਦੀ ਵਰਤੋਂ ਕਰਦੀਆਂ ਹਨ, ਜੋ ਬੈਟਰੀ ਨੂੰ ਪ੍ਰਭਾਵਿਤ ਕਰਦੀਆਂ ਹਨ। “Settings” ‘ਤੇ ਜਾਓ ਅਤੇ ਫਿਰ “Privacy” ਅਤੇ ਫਿਰ “Location Services” ‘ਤੇ ਸਿਰਫ਼ ਜ਼ਰੂਰੀ ਐਪਾਂ ਲਈ ਲੋਕੇਸ਼ਨ ਚਾਲੂ ਕਰੋ ਜਾਂ ਇਸਨੂੰ ਪੂਰੀ ਤਰ੍ਹਾਂ ਬੰਦ ਕਰੋ।
ਵਾਈ-ਫਾਈ ਅਤੇ ਬਲੂਟੁੱਥ ਬੰਦ ਰੱਖੋ
ਜੇਕਰ ਤੁਹਾਨੂੰ ਵਾਈ-ਫਾਈ ਜਾਂ ਬਲੂਟੁੱਥ ਦੀ ਲੋੜ ਨਹੀਂ ਹੈ, ਤਾਂ ਉਹਨਾਂ ਨੂੰ ਬੰਦ ਰੱਖਣਾ ਬਿਹਤਰ ਹੈ। ਇਸ ਨਾਲ ਬੈਟਰੀ ਦੀ ਖਪਤ ਘੱਟ ਜਾਂਦੀ ਹੈ। ਇਸਨੂੰ Control Centre ਤੋਂ ਆਸਾਨੀ ਨਾਲ ਬੰਦ ਵੀ ਕੀਤਾ ਜਾ ਸਕਦਾ ਹੈ।
ਕੀ ਦੁਪਹਿਰ ਵੇਲੇ ਦੇਖੇ ਗਏ ਸੁਪਨੇ ਹੁੰਦੇ ਹਨ ਸੱਚ?
ਆਟੋ-ਲਾਕ ਸੈੱਟ ਕਰੋ
ਤੁਹਾਡੇ ਆਈਫੋਨ ਦੀ ਸਕਰੀਨ ਜਿੰਨੀ ਦੇਰ ਤੱਕ ਚਾਲੂ ਰਹੇਗੀ, ਬੈਟਰੀ ਓਨੀ ਜਲਦੀ ਖਤਮ ਹੋਵੇਗੀ। “Settings” ਵਿੱਚ “Display & Brightness” ‘ਤੇ ਜਾਓ ਅਤੇ ਆਟੋ-ਲਾਕ ਟਾਈਮ ਨੂੰ 30 ਸਕਿੰਟ ਜਾਂ 1 ਮਿੰਟ ‘ਤੇ ਸੈੱਟ ਕਰੋ, ਤਾਂ ਜੋ ਸਕ੍ਰੀਨ ਤੇਜ਼ੀ ਨਾਲ ਬੰਦ ਹੋ ਜਾਵੇ।
ਪੁਸ਼ ਨੋਟੀਫਿਕੇਸ਼ਨ (Push Notifications) ਨੂੰ ਸੀਮਤ ਕਰੋ
ਬਹੁਤ ਜ਼ਿਆਦਾ ਸੂਚਨਾਵਾਂ ਵੀ ਬੈਟਰੀ ‘ਤੇ ਇੱਕ ਲੋਡ਼ ਪਾ ਸਕਦੀਆਂ ਹਨ। ਤੁਹਾਨੂੰ ਸਿਰਫ਼ ਜ਼ਰੂਰੀ ਐਪਾਂ ਲਈ ਪੁਸ਼ ਨੋਟੀਫਿਕੇਸ਼ਨ ਨੂੰ ਚਾਲੂ ਰੱਖਣਾ ਚਾਹੀਦਾ ਹੈ। ਇਸਨੂੰ “Settings” ਵਿੱਚ “Notificatons” ਵਿੱਚ ਜਾ ਕੇ ਕਸਟਮਾਈਜ਼ ਕੀਤਾ ਜਾ ਸਕਦਾ ਹੈ।
ਏਅਰਪਲੇਨ ਮੋਡ ਦੀ ਵਰਤੋਂ ਕਰੋ
ਜਦੋਂ ਤੁਸੀਂ ਕਮਜ਼ੋਰ ਸਿਗਨਲ ਵਾਲੇ ਖੇਤਰ ਵਿੱਚ ਹੁੰਦੇ ਹੋ, ਤਾਂ ਫ਼ੋਨ ਲਗਾਤਾਰ ਨੈੱਟਵਰਕਾਂ ਦੀ ਖੋਜ ਕਰਨ ਦੇ ਕਾਰਨ ਜ਼ਿਆਦਾ ਬੈਟਰੀ ਵਰਤਦਾ ਹੈ। ਅਜਿਹੀ ਸਥਿਤੀ ਵਿੱਚ, ਏਅਰਪਲੇਨ ਮੋਡ ਨੂੰ ਚਾਲੂ ਕਰਕੇ ਬੈਟਰੀ ਦੀ ਬਚਤ ਕੀਤੀ ਜਾ ਸਕਦੀ ਹੈ।
