ਕੀ ‘Sonu Bhide’ ਖਿਲਾਫ ਲੀਗਲ ਐਕਸ਼ਨ ਲੈਣਗੇ ਸ਼ੋਅ ਦੇ ਨਿਰਮਾਤਾ? ਅਦਾਕਾਰਾ ਨੇ ਦੱਸੀ ਸਚਾਈ
ਦੇਸ਼ ਦਾ ਸਭ ਤੋਂ ਲੰਬਾ ਚੱਲਣ ਵਾਲਾ ਟੈਲੀਵਿਜ਼ਨ ਕਾਮੇਡੀ ਸ਼ੋਅ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ (Tarak Mehta Ja Oolta Chashmah) ਲੰਬੇ ਸਮੇਂ ਤੋਂ ਵਿਵਾਦਾਂ ‘ਚ ਘਿਰਿਆ ਰਿਹਾ ਹੈ। ਪਿਛਲੇ ਕੁਝ ਮਹੀਨਿਆਂ ‘ਚ ਸ਼ੋਅ ਦੇ ਕਲਾਕਾਰਾਂ ਨੇ ਨਿਰਮਾਤਾ ਅਸਿਤ ਮੋਦੀ (Asit Modi) ‘ਤੇ ਗੰਭੀਰ ਦੋਸ਼ ਲਗਾਉਂਦੇ ਹੋਏ ਸ਼ੋਅ ਛੱਡ ਦਿੱਤਾ ਹੈ। ਇਸ ਦੌਰਾਨ ਖਬਰ ਹੈ ਕਿ ਸ਼ੋਅ ਦੇ ਮੇਕਰਸ ਸ਼ੋਅ ‘ਚ ਸੋਨੂੰ ਭਿਡੇ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਪਲਕ ਸਿਧਵਾਨੀ (Palak Sidhwani) ਖਿਲਾਫ ਕਾਨੂੰਨੀ ਕਾਰਵਾਈ ਕਰ ਰਹੇ ਹਨ। ਹਾਲਾਂਕਿ, ਇਨ੍ਹਾਂ ਖਬਰਾਂ ਦੇ ਵਿਚਕਾਰ, ਅਭਿਨੇਤਰੀ ਨੇ ਹੁਣ ਕਿਹਾ ਹੈ ਕਿ ਇਸ ਸਭ ਦਾ ਉਸਦੀ ਮਾਨਸਿਕ ਸਿਹਤ ‘ਤੇ ਮਾੜਾ ਪ੍ਰਭਾਵ ਪੈ ਰਿਹਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਪਲਕ ਸਿਧਵਾਨੀ (Palak Sidhwani)‘ਤੇ ਕਾਂਟ੍ਰੈਕਟ ਦਾ ਇਕ ਮਹੱਤਵਪੂਰਨ ਨਿਯਮ ਤੋੜਨ ਦਾ ਦੋਸ਼ ਹੈ। ਉਸ ਨੇ ਥਰਡ ਪਾਰਟੀ ਐਂਡੋਰਸਮੈਂਟ ਕੀਤੀ ਹੈ, ਜੋ ਕਿ ਉਸ ਦੇ ਕਾਂਟ੍ਰੈਕਟ ਦੇ ਵਿਰੁੱਧ ਹੈ, ਇਸ ਕਾਰਨ ਸ਼ੋਅ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਦੇ ਨਿਰਮਾਤਾਵਾਂ ਨੇ ਉਸ ਨੂੰ ਕਾਨੂੰਨੀ ਨੋਟਿਸ ਭੇਜਿਆ ਹੈ ਅਤੇ ਜਲਦੀ ਹੀ ਉਸ ਵਿਰੁੱਧ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
ਪਾਕਿਸਤਾਨੀ ਅਦਾਕਾਰਾ ਮਾਹਿਰਾ ਖਾਨ ਨੇ ਦਿਖਾਈ ਬੱਚੇ ਦੀ ਪਹਿਲੀ ਝਲਕ
ਹੁਣ ਅਦਾਕਾਰਾ ਪਲਕ ਸਿਧਵਾਨੀ (Palak Sidhwani)ਨੇ ਇਨ੍ਹਾਂ ਖਬਰਾਂ ਨੂੰ ਅਫਵਾਹ ਕਰਾਰ ਦਿੱਤਾ ਹੈ। ਅਦਾਕਾਰਾ ਨੇ ਮਨੀ ਕੰਟਰੋਲ ਡਾਟ ਕਾਮ ਨੂੰ ਦਿੱਤੇ ਇੰਟਰਵਿਊ ਵਿੱਚ ਕਿਹਾ, ਇਹ ਅਫਵਾਹ ਹੈ, ਮੈਂ ਕੋਈ ਕਾਂਟ੍ਰੈਕਟ ਨਹੀਂ ਤੋੜਿਆ ਹੈ। ਕੱਲ ਸ਼ੋਅ ਦੀ ਸ਼ੂਟਿੰਗ ਹੈ, ਮੇਰੀ ਸਵੇਰੇ 4 ਵਜੇ ਦੀ ਸ਼ਿਫਟ ਹੈ। ਨਾਲ ਹੀ, ਮੈਨੂੰ ਕੋਈ ਕਾਨੂੰਨੀ ਨੋਟਿਸ ਨਹੀਂ ਮਿਲਿਆ ਹੈ। ਅਦਾਕਾਰਾ ਨੇ ਅੱਗੇ ਕਿਹਾ, ਮੈਂ ਇਨ੍ਹਾਂ ਅਫਵਾਹਾਂ ਬਾਰੇ ਮੇਕਰਸ ਨੂੰ ਦੱਸ ਦਿੱਤਾ ਹੈ, ਜੋ ਬੀਤੀ ਰਾਤ ਤੋਂ ਫੈਲ ਰਹੀਆਂ ਹਨ। ਮੈਂ ਇਹ ਵੀ ਦੱਸਿਆ ਹੈ ਕਿ ਇਸ ਨਾਲ ਮੇਰੀ ਮਾਨਸਿਕ ਸਿਹਤ ‘ਤੇ ਅਸਰ ਪੈ ਰਿਹਾ ਹੈ, ਹਾਲਾਂਕਿ ਮੈਂ ਸ਼ੋਅ ਲਈ ਬੈਕ-ਟੂ-ਬੈਕ ਸ਼ੂਟਿੰਗ ਕਰ ਰਹੀ ਹਾਂ। ਮੈਂ ਉਨ੍ਹਾਂ ਨੂੰ ਬੇਨਤੀ ਕੀਤੀ ਹੈ ਕਿ ਉਹ ਜਲਦੀ ਤੋਂ ਜਲਦੀ ਇਸ ਮਾਮਲੇ ‘ਤੇ ਗੌਰ ਕਰਨ ਅਤੇ ਇਸ ਗਲਤਫਹਿਮੀ ਨੂੰ ਦੂਰ ਕਰਨ।
ਮੈਂ ਵੀ ਆਪਣੇ ਤੌਰ ਉੱਤੇ ਇਸ ਬਾਰੇ ਵੀ ਪਤਾ ਲਗਾ ਰਹੀ ਹਾਂ। ਇਹ ਬਹੁਤ ਤਣਾਅਪੂਰਨ ਹੈ, ਪਰ ਸੱਚਾਈ ਜਲਦੀ ਹੀ ਸਾਹਮਣੇ ਆ ਜਾਵੇਗੀ। ਮੈਂ ਇਸ ਬਾਰੇ ਗੱਲ ਕਰਨਾ ਚਾਹੁੰਦੀ ਹਾਂ, ਪਰ ਇਸ ਤੋਂ ਪਹਿਲਾਂ ਮੈਂ ਨਿਰਮਾਤਾਵਾਂ ਅਤੇ ਉਨ੍ਹਾਂ ਦੀ ਲੀਗਲ ਟੀਮ ਨਾਲ ਗੱਲ ਕਰਾਂਗੀ। ਉਹ ਸੋਮਵਾਰ ਨੂੰ ਮੈਨੂੰ ਜਵਾਬ ਦੇਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਪਲਕ ਸਿੱਧਵਾਨੀ ਪਿਛਲੇ 4 ਸਾਲਾਂ ਤੋਂ ਸ਼ੋਅ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਦਾ ਹਿੱਸਾ ਹੈ। ਸ਼ੋਅ ‘ਚ ਅਭਿਨੇਤਰੀ ਸੋਨੂੰ ਭਿੜੇ ਦਾ ਕਿਰਦਾਰ ਨਿਭਾ ਰਹੀ ਹੈ। ਉਸ ਤੋਂ ਪਹਿਲਾਂ ਇਹ ਕਿਰਦਾਰ ਨਿਧੀ ਭਾਨੁਸ਼ਾਲੀ ਨਿਭਾਅ ਰਹੀ ਸੀ।
