ਦਿਨ ਭਰ ਲੱਖਾਂ ਲੋਕ ਆਪਣੇ ਵਾਹਨਾਂ ਵਿੱਚ ਸਫ਼ਰ ਕਰਦੇ ਹਨ। ਇਸ ਦੌਰਾਨ ਉਹ ਪੈਟਰੋਲ ਭਰਵਾਉਣ ਲਈ ਪੈਟਰੋਲ ਪੰਪ ‘ਤੇ ਜਾਂਦੇ ਹਨ। ਜ਼ਿਆਦਾਤਰ ਲੋਕਾਂ ਦੀ ਨਜ਼ਰ ਮੀਟਰ ‘ਚ ਦਿਖਾਈ ਦੇਣ ਵਾਲੇ ਜ਼ੀਰੋ ‘ਤੇ ਹੀ ਹੁੰਦੀ ਹੈ।
ਇਸ ਤੋਂ ਬਾਅਦ ਪੈਟਰੋਲ ਅਤੇ ਡੀਜ਼ਲ ਭਰਦੇ ਸਮੇਂ ਉਥੇ ਨੰਬਰ ਚੱਲਦੇ ਦਿਖਾਈ ਦਿੰਦੇ ਹਨ। ਇਨ੍ਹਾਂ ਨੰਬਰਾਂ ਨੂੰ ਦੇਖ ਕੇ ਤੁਸੀਂ ਯਕੀਨ ਕਰ ਲੈਂਦੇ ਹੋ ਕਿ ਪੂਰਾ ਪੈਟਰੋਲ ਭਰਵਾ ਲਿਆ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ ਤੋਂ ਇਲਾਵਾ ਵੀ ਮੀਟਰ ‘ਚ ਇਕ ਜਗ੍ਹਾ ‘ਤੇ ਵੀ ਨਜ਼ਰ ਰੱਖਣੀ ਹੁੰਦੀ ਹੈ।
ਆਮ ਤੌਰ ‘ਤੇ ਜਦੋਂ ਕੋਈ ਕਾਰ ‘ਚ ਪੈਟਰੋਲ ਭਰਵਾਉਣ ਜਾਂਦਾ ਹੈ ਤਾਂ ਮੀਟਰ ‘ਚ ਜ਼ੀਰੋ ਚੈੱਕ ਕਰਨ ਲਈ ਕਿਹਾ ਜਾਂਦਾ ਹੈ। ਜਿਸ ਨੂੰ ਦੇਖ ਕੇ ਤੁਸੀਂ ਸੋਚ ਲੈਂਦੇ ਹੋ ਕਿ ਤੁਹਾਨੂੰ ਸਹੀ ਤਰ੍ਹਾਂ ਨਾਲ ਪੈਟਰੋਲ ਮਿਲ ਗਿਆ ਹੈ। ਪਰ ਇਹ ਗੱਲ ਇਥੇ ਤੱਕ ਸੀਮਿਤ ਨਹੀਂ ਹੈ. ਪੈਟਰੋਲ ਪੰਪ ਦੇ ਮੀਟਰ ਵਿੱਚ ਪੈਸੇ ਅਤੇ ਲੀਟਰ ਤੋਂ ਇਲਾਵਾ ਇੱਕ ਹੋਰ ਜਗ੍ਹਾ ‘ਤੇ ਧਿਆਨ ਦੇਣਾ ਹੁੰਦਾ ਹੈ।
ਤੇਲ ਦੀ ਸ਼ੁੱਧਤਾ ਦੀ ਜਾਂਚ ਕਿਵੇਂ ਕਰੀਏ?
ਮੀਟਰ ਵਿਚ ਅਸੀਂ ਜਿਸ ਜਗ੍ਹਾ ‘ਤੇ ਧਿਆਨ ਦੇਣ ਦੀ ਗੱਲ ਕਰ ਰਹੇ ਹਾਂ, ਉਹ ਤੇਲ ਦੀ ਸ਼ੁੱਧਤਾ ਨਾਲ ਸਬੰਧਤ ਹੈ। ਜੇਕਰ ਇਸ ਨਾਲ ਛੇੜਛਾੜ ਹੋਈ ਤਾਂ ਤੁਹਾਨੂੰ ਚਪਤ ਲੱਗ ਸਕਦੀ ਹੈ। ਕਿੰਨੇ ਦਾ ਤੇਲ ਭਰਿਆ ਗਿਆ, ਅਤੇ ਕਿੰਨੇ ਲੀਟਰ ਭਰਿਆ ਗਿਆ ਇਹ ਤਾਂ ਹਰ ਥਾਂ ਦਿਖਾਇਆ ਜਾਂਦਾ ਹੈ। ਪਰ ਇਸ ਤੋਂ ਇਲਾਵਾ ਤੁਹਾਨੂੰ ਇਸ ਮਸ਼ੀਨ ‘ਚ ਸਕਰੀਨ ‘ਤੇ ਡੇਂਸਿਟੀ ਵੀ ਦਿਖਾਈ ਦੇਵੇਗੀ। ਇਸ ਨੂੰ ਸਰਲ ਸ਼ਬਦਾਂ ਵਿੱਚ ਕਹੀਏ ਤਾਂ ਇਹ ਗੁਣਵੱਤਾ ਭਾਵ ਸ਼ੁੱਧਤਾ ਦਾ ਪਤਾ ਚੱਲਦਾ ਹੈ। ਤੁਹਾਨੂੰ ਹੋਰ ਚੀਜ਼ਾਂ ਦੇ ਨਾਲ ਇਸ ਵੱਲ ਵੀ ਧਿਆਨ ਦੇਣਾ ਚਾਹੀਦਾ ਹੈ।
ਹੁਣ ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਇਸ ਨਾਲ ਛੇੜਛਾੜ ਕਿਵੇਂ ਕੀਤੀ ਜਾਂਦੀ ਹੈ ? ਤੁਹਾਨੂੰ ਦੱਸ ਦੇਈਏ ਕਿ ਕਿਸੇ ਵੀ ਪਦਾਰਥ ਦੀ ਗਾੜੇਪਨ ਨੂੰ ਉਸਦੀ ਡੇਂਸਿਟੀ ਕਿਹਾ ਜਾ ਸਕਦਾ ਹੈ। ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਇਸ ਵਿੱਚ ਮਿਲਾਵਟ ਕੀਤੀ ਜਾਂਦੀ ਹੈ। ਮਿੱਤਰ ਵਿੱਚ ਸ਼ੁੱਧਤਾ ਦੇ ਅੰਕੜਿਆਂ ਨੂੰ ਸੈੱਟ ਕੀਤਾ ਜਾਂਦਾ ਹੈ। ਇਸ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਜੇਕਰ ਨਿਰਧਾਰਤ ਅੰਕੜੇ ਦੇ ਅਨੁਸਾਰ ਨੰਬਰ ਨਹੀਂ ਹੈ ਤਾਂ ਉਹ ਮਿਲਾਵਟੀ ਤੇਲ ਹੁੰਦਾ ਹੈ।
ਪੈਟਰੋਲ ਦੀ ਘਣਤਾ ਦੀ ਗੱਲ ਕਰੀਏ ਤਾਂ ਇਹ 730 ਤੋਂ 800 ਕਿਲੋਗ੍ਰਾਮ ਪ੍ਰਤੀ ਕਿਊਬਿਕ ਮੀਟਰ ਹੁੰਦੀ। ਜੇਕਰ ਡੀਜ਼ਲ ਦੀ ਗੱਲ ਕਰੀਏ ਤਾਂ ਇਸ ਦੀ ਘਣਤਾ 830 ਤੋਂ 900 ਕਿਲੋਗ੍ਰਾਮ ਪ੍ਰਤੀ ਕਿਊਬਿਕ ਮੀਟਰ ਤੈਅ ਕੀਤੀ ਗਈ ਹੈ।
ਇਸ ਦੌਰਾਨ ਤੁਹਾਨੂੰ ਮੀਟਰ ਤੋਂ ਇਲਾਵਾ ਇਸ ਵੱਲ ਵੀ ਧਿਆਨ ਦੇਣਾ ਹੈ । ਜੇਕਰ ਤੈਅ ਨੰਬਰਾਂ ਦੇ ਹਿਸਾਬ ਨਾਲ ਉਸ ਵਿੱਚ ਨੰਬਰ ਨਹੀਂ ਦਿਸਦੇ ਹਨ ਤਾਂ ਇਸਨੂੰ ਫੜ ਕੇ ਤੁਸੀਂ ਸ਼ੁੱਧਤਾ ਨੂੰ ਲੈ ਕੇ ਸ਼ਿਕਾਇਤ ਕਰ ਸਕਦੇ ਹੋ।
