ਹਾਲ ਹੀ ਵਿੱਚ ਸਰਕਾਰ ਨੇ ਚਾਲੂ ਵਿੱਤੀ ਸਾਲ 2024-25 ਦੀ ਤੀਜੀ ਤਿਮਾਹੀ (ਅਕਤੂਬਰ-ਦਸੰਬਰ) ਲਈ ਸੁਕੰਨਿਆ ਸਮ੍ਰਿਧੀ ਯੋਜਨਾ (Sukanya Samriddhi Yojana) ਅਤੇ ਹੋਰ ਛੋਟੀਆਂ ਬੱਚਤ ਯੋਜਨਾਵਾਂ ‘ਤੇ ਵਿਆਜ ਦਰਾਂ ਵਿੱਚ ਕੋਈ ਬਦਲਾਅ ਨਹੀਂ ਕਰਨ ਦਾ ਐਲਾਨ ਕੀਤਾ ਹੈ।
ਇਸ ਤਰ੍ਹਾਂ ਸਰਕਾਰ ਨੇ ਪਿਛਲੀਆਂ ਤਿੰਨ ਤਿਮਾਹੀਆਂ ਤੋਂ ਵਿਆਜ ਦਰਾਂ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਪਿਛਲੀ ਵਾਰ ਵਿੱਤੀ ਸਾਲ 2023-24 ਦੀ ਚੌਥੀ ਤਿਮਾਹੀ ਲਈ ਕੁਝ ਸਕੀਮਾਂ ਦੀਆਂ ਦਰਾਂ ਬਦਲੀਆਂ ਗਈਆਂ ਸਨ। ਨੋਟੀਫਿਕੇਸ਼ਨ ਮੁਤਾਬਕ ਸੁਕੰਨਿਆ ਸਮ੍ਰਿਧੀ ਯੋਜਨਾ ਦੇ ਤਹਿਤ ਜਮ੍ਹਾ ‘ਤੇ ਪਹਿਲਾਂ ਵਾਂਗ 8.2 ਫੀਸਦੀ ਦੀ ਦਰ ਨਾਲ ਵਿਆਜ ਮਿਲੇਗਾ। ਡਾਕਘਰਾਂ ਅਤੇ ਬੈਂਕਾਂ ਦੁਆਰਾ ਚਲਾਈਆਂ ਜਾਂਦੀਆਂ ਇਨ੍ਹਾਂ ਯੋਜਨਾਵਾਂ ਲਈ ਸਰਕਾਰ ਹਰ ਤਿਮਾਹੀ ਵਿੱਚ ਵਿਆਜ ਦਰਾਂ ਨੂੰ ਸੂਚਿਤ ਕਰਦੀ ਹੈ।
ਸੁਕੰਨਿਆ ਸਮ੍ਰਿਧੀ ਯੋਜਨਾ
ਕੋਈ ਵੀ ਭਾਰਤੀ ਨਾਗਰਿਕ ਆਪਣੀ ਬੇਟੀ ਦੇ ਨਾਂ ਉਤੇ ਸੁਕੰਨਿਆ ਸਮ੍ਰਿਧੀ ਯੋਜਨਾ ਖਾਤਾ ਖੋਲ੍ਹ ਸਕਦਾ ਹੈ। ਇਸ ਸਕੀਮ ਲਈ ਯੋਗ ਹੋਣ ਲਈ ਬੇਟੀ ਦੀ ਉਮਰ 0 ਤੋਂ 10 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ। ਇਸ ‘ਚ 8.2 ਫੀਸਦੀ ਦੀ ਦਰ ਨਾਲ ਵਿਆਜ ਦਿੱਤਾ ਜਾਂਦਾ ਹੈ। ਇਸ ਵਿੱਚ 250 ਰੁਪਏ ਸਾਲਾਨਾ ਅਤੇ ਵੱਧ ਤੋਂ ਵੱਧ 1.5 ਲੱਖ ਰੁਪਏ ਪ੍ਰਤੀ ਸਾਲ ਜਮ੍ਹਾਂ ਕੀਤੇ ਜਾ ਸਕਦੇ ਹਨ। ਤੁਸੀਂ ਕੁੱਲ 15 ਸਾਲਾਂ ਲਈ ਨਿਵੇਸ਼ ਕਰ ਸਕਦੇ ਹੋ, ਉਸ ਤੋਂ ਬਾਅਦ ਪੂਰੀ ਰਕਮ 21 ਸਾਲ ਪੂਰੇ ਹੋਣ ਉਤੇ Maturity ‘ਤੇ ਦਿੱਤੀ ਜਾਵੇਗੀ। ਸੁਕੰਨਿਆ ਸਮ੍ਰਿਧੀ ਯੋਜਨਾ ਵਿੱਚ ਨਿਵੇਸ਼, ਵਿਆਜ ਅਤੇ ਮੂਲ ਰਕਮ ‘ਤੇ ਟੈਕਸ ਛੋਟ ਉਪਲਬਧ ਹੈ।
ਹਰ ਮਹੀਨੇ 10,000 ਰੁਪਏ ਦਾ ਨਿਵੇਸ਼ ਕਰਕੇ, ਤੁਸੀਂ ਇੰਨਾ ਫੰਡ ਇਕੱਠਾ ਕਰੋਗੇ
ਮੰਨ ਲਓ ਤੁਹਾਡੀ ਧੀ 5 ਸਾਲ ਦੀ ਹੈ ਅਤੇ ਤੁਸੀਂ ਸੁਕੰਨਿਆ ਸਮ੍ਰਿਧੀ ਯੋਜਨਾ ਵਿੱਚ ਹਰ ਮਹੀਨੇ 10,000 ਰੁਪਏ ਦਾ ਨਿਵੇਸ਼ ਕਰਦੇ ਹੋ। ਇਸ ਮੁਤਾਬਕ ਅਸੀਂ ਸਾਲਾਨਾ 1.2 ਲੱਖ ਰੁਪਏ ਦਾ ਨਿਵੇਸ਼ ਕਰਦੇ ਹਾਂ। 8.2 ਫੀਸਦੀ ਸਾਲਾਨਾ ਦੀ ਵਿਆਜ ਦਰ ‘ਤੇ 21 ਸਾਲਾਂ ਬਾਅਦ 55.61 ਲੱਖ ਰੁਪਏ ਦਾ ਵੱਡਾ ਫੰਡ ਇਕੱਠਾ ਹੋਵੇਗਾ। ਇਸ ‘ਚ ਨਿਵੇਸ਼ ਕੀਤੀ ਰਕਮ 17.93 ਲੱਖ ਰੁਪਏ ਹੋਵੇਗੀ, ਜਦਕਿ ਵਿਆਜ 37.68 ਲੱਖ ਰੁਪਏ ਮਿਲੇਗਾ।
- First Published :
