ਕਾਂਟੈਂਟ ਕ੍ਰੀਏਟਰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਉੱਤੇ ਆਪਣਾ ਕਾਂਟੈਂਟ ਪਾ ਕੇ ਮੋਨੇਟਾਈਜ਼ੇਸ਼ਨ ਰਾਹੀਂ ਪੈਸਾ ਕਮਾਉਂਦੇ ਹਨ। ਪਰ ਹੁਣ Meta ਫੇਸਬੁੱਕ ‘ਤੇ ਪੈਸੇ ਕਮਾਉਣ ਦੇ ਤਰੀਕੇ ਨੂੰ ਬਦਲ ਰਿਹਾ ਹੈ। ਹੁਣ, ਕ੍ਰੀਏਟਰਾਂ ਨੂੰ ਤਿੰਨ ਵੱਖ-ਵੱਖ ਤਰੀਕਿਆਂ ਨਾਲ ਪੈਸਾ ਕਮਾਉਣ ਦੀ ਲੋੜ ਨਹੀਂ ਹੋਵੇਗੀ। ਕੰਪਨੀ ਇਨ੍ਹਾਂ ਤਿੰਨ ਤਰੀਕਿਆਂ ਨੂੰ ਇੱਕ ਵਿੱਚ ਮਿਲਾ ਰਹੀ ਹੈ।
ਇਸ ਨਾਲ ਕ੍ਰੀਏਟਰਾਂ ਲਈ ਪੈਸਾ ਕਮਾਉਣਾ ਆਸਾਨ ਹੋ ਜਾਵੇਗਾ। ਪਹਿਲਾਂ, ਕ੍ਰੀਏਟਰਾਂ ਨੂੰ ਇਨ-ਸਟ੍ਰੀਮ ਵਿਗਿਆਪਨਾਂ, ਰੀਲਾਂ ‘ਤੇ ਵਿਗਿਆਪਨਾਂ ਅਤੇ ਪ੍ਰਫਾਰਮੈਂਸ ਬੋਨਸ ਰਾਹੀਂ ਪੈਸਾ ਕਮਾਉਣ ਲਈ ਵੱਖਰੇ ਤੌਰ ‘ਤੇ ਅਪਲਾਈ ਕਰਨਾ ਪੈਂਦਾ ਸੀ। ਹੁਣ ਉਨ੍ਹਾਂ ਨੂੰ ਸਿਰਫ਼ ਇੱਕ ਵਾਰ ਅਪਲਾਈ ਕਰਨਾ ਹੋਵੇਗਾ।
ਇਹ ਕੀਤੇ ਗਏ ਹਨ ਬਦਲਾਅ
Meta ਨੇ ਕਿਹਾ ਹੈ ਕਿ ਪਿਛਲੇ ਇੱਕ ਸਾਲ ਵਿੱਚ ਇਸ ਨੇ ਕ੍ਰੀਏਟਰਾਂ ਨੂੰ ਉਹਨਾਂ ਦੀਆਂ ਰੀਲਜ਼, ਵੀਡੀਓਜ਼, ਫੋਟੋਆਂ ਅਤੇ ਪੋਸਟਾਂ ਲਈ $2 ਬਿਲੀਅਨ ਤੋਂ ਵੱਧ ਦਿੱਤੇ ਹਨ। ਪਰ ਕੰਪਨੀ ਨੇ ਇਹ ਵੀ ਕਿਹਾ ਕਿ ਕ੍ਰੀਏਟਰ ਇਸ ਪਲੇਟਫਾਰਮ ‘ਤੇ ਓਨੀ ਕਮਾਈ ਕਰਨ ਦੇ ਯੋਗ ਨਹੀਂ ਹਨ ਜਿੰਨਾ ਉਹ ਕਰ ਸਕਦੇ ਸਨ। ਉਨ੍ਹਾਂ ਵਿੱਚੋਂ ਸਿਰਫ਼ ਇੱਕ ਤਿਹਾਈ ਹੀ ਜ਼ਿਆਦਾਤਰ Meta ਤਰੀਕਿਆਂ ਰਾਹੀਂ ਪੈਸਾ ਕਮਾ ਰਹੇ ਹਨ।
ਨਵਾਂ ਤਰੀਕਾ ਪਹਿਲਾਂ ਵਾਂਗ ਹੀ ਕੰਮ ਕਰੇਗਾ। ਕ੍ਰੀਏਟਰ ਆਪਣੀਆਂ ਰੀਲਾਂ, ਲੰਬੇ ਵੀਡੀਓ, ਫੋਟੋਆਂ ਅਤੇ ਪੋਸਟਾਂ ਵਿੱਚ ਇਸ਼ਤਿਹਾਰਾਂ ਤੋਂ ਪੈਸੇ ਕਮਾਉਣਗੇ। ਇਹ ਪਹਿਲਾਂ ਵਾਂਗ ਹੀ ਹੋਵੇਗਾ ਕਿ ਕ੍ਰੀਏਟਰ ਜਿੰਨਾ ਵਧੀਆ ਕੰਮ ਕਰੇਗਾ, ਓਨਾ ਹੀ ਪੈਸਾ ਕਮਾਏਗਾ। ਇਸ ਤੋਂ ਇਲਾਵਾ, Meta ਕ੍ਰੀਏਟਰਾਂ ਨੂੰ ਇਹ ਦੇਖਣ ਲਈ ਇੱਕ ਨਵਾਂ ਟੂਲ ਦੇਵੇਗਾ ਕਿ ਉਹ ਆਪਣੀਆਂ ਰੀਲਾਂ, ਵੀਡੀਓਜ਼, ਫੋਟੋਆਂ ਅਤੇ ਪੋਸਟਾਂ ਤੋਂ ਕਿੰਨੀ ਕਮਾਈ ਕਰ ਰਹੇ ਹਨ। ਇਸ ਨਾਲ ਕ੍ਰੀਏਟਰਾਂ ਨੂੰ ਪਤਾ ਲੱਗੇਗਾ ਕਿ ਕਿਹੜੀਆਂ ਵੀਡੀਓਜ਼ ਅਤੇ ਪੋਸਟਾਂ ਜ਼ਿਆਦਾ ਪੈਸੇ ਕਮਾ ਰਹੀਆਂ ਹਨ। ਪਹਿਲਾਂ ਹਰ ਤਰੀਕੇ ਨਾਲ ਪੈਸਾ ਕਮਾਉਣ ਦੇ ਵੱਖ-ਵੱਖ ਸਾਧਨ ਸਨ।
ਇਹ ਨਵੀਂ ਵਿਧੀ ਫਿਲਹਾਲ ਟ੍ਰਾਇਲ ‘ਤੇ ਹੈ ਅਤੇ ਅਗਲੇ ਸਾਲ ਤੱਕ ਇਸ ਤਰ੍ਹਾਂ ਰਹੇਗੀ। Meta ਇਸ ਹਫਤੇ 10 ਲੱਖ ਕ੍ਰਿਏਟਰਾਂ ਨੂੰ ਇਸ ਟ੍ਰਾਇਲ ਵਿੱਚ ਸ਼ਾਮਲ ਹੋਣ ਲਈ ਇਨਵੀਟੇਸ਼ਨ ਦੇਵੇਗਾ। ਇਹ ਉਹ ਕ੍ਰੀਏਟਕ ਹਨ ਜੋ ਪਹਿਲਾਂ ਹੀ ਫੇਸਬੁੱਕ ‘ਤੇ ਪੈਸਾ ਕਮਾ ਰਹੇ ਹਨ।
Meta ਆਉਣ ਵਾਲੇ ਮਹੀਨਿਆਂ ਵਿੱਚ ਹੋਰ ਲੋਕਾਂ ਨੂੰ ਇਨਵਾਈਟ ਕਰੇਗਾ। ਕ੍ਰੀਏਟਰਾਂ ਨੂੰ ਇਸ ਟ੍ਰਾਇਲ ਵਿੱਚ ਹਿੱਸਾ ਲੈਣਾ ਲਾਜ਼ਮੀ ਨਹੀਂ ਹੈ। ਪਰ ਜੋ ਲੋਕ ਜੁੜਨਾ ਚਾਹੁੰਦੇ ਹਨ ਉਹ ਫੇਸਬੁੱਕ ਦੇ ਪੁਰਾਣੇ ਤਰੀਕਿਆਂ ਨਾਲ ਪੈਸੇ ਨਹੀਂ ਕਮਾ ਸਕਣਗੇ। ਜੇਕਰ ਤੁਸੀਂ ਇਸ ਨਵੇਂ ਟ੍ਰਾਇਲ ਵਿੱਚ ਸ਼ਾਮਲ ਹੋਣਾ ਚਾਹੁੰਦੇ ਹੋ, ਪਰ ਤੁਹਾਨੂੰ ਅਜੇ ਤੱਕ ਕੋਈ ਇਨਵੀਟੇਸ਼ਨ ਨਹੀਂ ਮਿਲਿਆ ਹੈ, ਤਾਂ ਤੁਸੀਂ Facebook ਦੇ Content Monetization ਪੇਜ ‘ਤੇ ਜਾ ਕੇ ਜਾਣਕਾਰੀ ਹਾਸਲ ਕਰ ਸਕਦੇ ਹੋ।
