BSNL ਨੇ ਹਿਲਾ ਦਿੱਤਾ ਸਿਸਟਮ, ਹੁਣ ਬਿਨਾਂ ਸੈੱਟ-ਟਾਪ ਬਾਕਸ ਦੇ ਮੁਫ਼ਤ ‘ਚ ਦੇਖ ਸਕੋਗੇ Live Tv Channel, ਜਾਣੋ ਕਿਵੇਂ ?
ਹੁਣ ਤੁਸੀਂ ਬਿਨਾਂ ਕਿਸੇ ਸੈੱਟ-ਟਾਪ ਬਾਕਸ ਦੇ ਸਾਰੇ ਲਾਈਵ ਟੀਵੀ ਚੈਨਲਾਂ ਨੂੰ ਮੁਫ਼ਤ ਵਿੱਚ ਦੇਖ ਸਕੋਗੇ। ਭਾਰਤ ਸੰਚਾਰ ਨਿਗਮ ਲਿਮਿਟੇਡ ਨੇ ਆਪਣੇ ਉਪਭੋਗਤਾਵਾਂ ਲਈ ਲਾਈਵ ਟੀਵੀ ਐਪ ਦਾ ਐਲਾਨ ਕੀਤਾ ਹੈ। ਇਸ ਐਪ ਰਾਹੀਂ ਤੁਸੀਂ ਆਪਣੇ ਮਨਪਸੰਦ ਟੀਵੀ ਚੈਨਲ ਦਾ ਲਾਭ ਲੈ ਸਕੋਗੇ। BSNL ਦੀ ਇਹ ਲਾਈਵ ਟੀਵੀ ਸੇਵਾ ਇੰਟਰਨੈਟ ਟੀਵੀ ਪ੍ਰੋਟੋਕੋਲ (IPTV) ਦਾ ਇੱਕ ਅਪਗ੍ਰੇਡ ਹੈ, ਜਿਸ ਲਈ ਉਪਭੋਗਤਾਵਾਂ ਨੂੰ ਕਿਸੇ ਸੈੱਟ-ਟਾਪ ਬਾਕਸ ਦੀ ਲੋੜ ਨਹੀਂ ਹੋਵੇਗੀ। ਸਰਕਾਰੀ ਟੈਲੀਕਾਮ ਕੰਪਨੀ ਨੇ ਫਿਲਹਾਲ ਮੱਧ ਪ੍ਰਦੇਸ਼ ਟੈਲੀਕਾਮ ਸਰਕਲ ‘ਚ ਆਪਣੀ ਲਾਈਵ ਟੀਵੀ ਸਰਵਿਸ ਸ਼ੁਰੂ ਕੀਤੀ ਹੈ।
ਕੰਪਨੀ ਨੇ ਆਪਣੇ ਅਧਿਕਾਰਤ ਹੈਂਡਲ ਤੋਂ ਦੱਸਿਆ ਕਿ ਇਸ ਵਾਇਰਲੈੱਸ ਲਾਈਵ ਟੀਵੀ ਸਰਵਿਸ ਨੂੰ FTTH ਯਾਨੀ ਫਾਈਬਰ-ਟੂ-ਦਿ-ਹੋਮ ਇੰਟਰਨੈੱਟ ਸਰਵਿਸ ਰਾਹੀਂ ਐਕਸੈਸ ਕੀਤਾ ਜਾ ਸਕਦਾ ਹੈ। ਇਸਦੇ ਲਈ ਉਪਭੋਗਤਾਵਾਂ ਤੋਂ ਕੋਈ ਚਾਰਜ ਨਹੀਂ ਲਿਆ ਜਾਵੇਗਾ।
ਲਾਈਵ ਟੀਵੀ ਸੇਵਾ ਮੁਫ਼ਤ ਵਿੱਚ ਉਪਲਬਧ ਹੈ,ਆਓ ਜਾਣਦੇ ਹਾਂ ਕਿ ਇਸ ਦੀ ਵਰਤੋਂ ਕਿਵੇਂ ਕੀਤੀ ਜਾ ਸਕਦੀ ਹੈ। BSNL ਲਾਈਵ ਟੀਵੀ ਸਰਵਿਸ ਵਰਤਮਾਨ ਵਿੱਚ ਉਨ੍ਹਾਂ ਉਪਭੋਗਤਾਵਾਂ ਲਈ ਟੈਸਟਿੰਗ ਲਈ ਪੇਸ਼ ਕੀਤੀ ਜਾ ਰਹੀ ਹੈ ਜਿਨ੍ਹਾਂ ਕੋਲ ਸਰਕਾਰੀ ਟੈਲੀਕਾਮ ਕੰਪਨੀ ਦਾ FTTH ਕਨੈਕਸ਼ਨ ਹੈ। ਤੁਸੀਂ Android TV 10 ਜਾਂ ਇਸ ਤੋਂ ਬਾਅਦ ਦੇ ਵਰਜ਼ਨ ਦੇ ਨਾਲ ਆਪਣੇ ਸਮਾਰਟ ਟੀਵੀ ਵਿੱਚ ਇਸ ਸਰਵਿਸ ਨੂੰ ਐਕਸੈਸ ਕਰਨ ਦੇ ਯੋਗ ਹੋਵੋਗੇ।
ਇਸ ਦੀ ਇਸ ਤਰ੍ਹਾਂ ਕੀਤੀ ਜਾਵੇਗੀ ਵਰਤੋਂ:
BSNL ਨੇ ਆਪਣੇ ਲਾਈਵ ਟੀਵੀ ਐਪ ਨੂੰ ਗੂਗਲ ਪਲੇ ਸਟੋਰ ‘ਤੇ ਲਿਸਟ ਕੀਤਾ ਹੈ। BSNL ਦੀ ਇਸ ਨਵੀਂ ਲਾਈਵ ਟੀਵੀ ਸਰਵਿਸ ਦਾ ਆਨੰਦ ਲੈਣ ਲਈ, ਉਪਭੋਗਤਾਵਾਂ ਨੂੰ ਪਹਿਲਾਂ ਆਪਣੇ ਸਮਾਰਟ ਟੀਵੀ ਵਿੱਚ BSNL ਲਾਈਵ ਟੀਵੀ ਐਪ ਨੂੰ ਡਾਊਨਲੋਡ ਕਰਨਾ ਹੋਵੇਗਾ। ਤੁਸੀਂ ਇਸਦੀ ਵਰਤੋਂ ਤਾਂ ਹੀ ਕਰ ਸਕੋਗੇ ਜੇਕਰ ਤੁਹਾਡੇ ਸਮਾਰਟ ਟੀਵੀ ਵਿੱਚ Android 10 ਜਾਂ ਇਸ ਤੋਂ ਉੱਪਰ ਦਾ ਓਪਰੇਟਿੰਗ ਸਿਸਟਮ ਹੈ।
ਮੁਫਤ ਲਾਈਵ ਟੀਵੀ ਸਰਵਿਸ ਪ੍ਰਾਪਤ ਕਰਨ ਲਈ, ਤੁਹਾਡੇ ਕੋਲ BSNL ਦਾ FTTH ਬ੍ਰੌਡਬੈਂਡ ਕਨੈਕਸ਼ਨ ਹੋਣਾ ਚਾਹੀਦਾ ਹੈ। ਐਪ ਨੂੰ ਇੰਸਟਾਲ ਕਰਨ ਤੋਂ ਬਾਅਦ, ਤੁਹਾਨੂੰ ‘9424700333’ ਨੰਬਰ ‘ਤੇ ਮਿਸਡ ਕਾਲ ਕਰਨੀ ਹੋਵੇਗੀ।
ਇਸ ਤੋਂ ਬਾਅਦ ਤੁਸੀਂ ਇਸ ਸਰਵਿਸ ਨੂੰ ਟੈਸਟ ਕਰਨ ਲਈ ਆਪਣੇ ਆਪ ਨੂੰ ਰਜਿਸਟਰ ਕਰ ਸਕੋਗੇ। ਤੁਹਾਨੂੰ BSNL ਤੋਂ ਇਸ ਸੰਬੰਧੀ ਇੱਕ ਮੈਸਿਜ ਮਿਲੇਗਾ। ਇਸ ਤੋਂ ਬਾਅਦ ਤੁਸੀਂ ਐਪ ਵਿੱਚ ਲੌਗਇਨ ਕਰ ਸਕੋਗੇ ਅਤੇ ਲਾਈਵ ਟੀਵੀ ਨੂੰ ਮੁਫ਼ਤ ਵਿੱਚ ਐਕਸੈਸ ਕਰ ਸਕੋਗੇ।
