ਭਾਰਤੀ ਆਯੁਰਵੇਦ ਵਿੱਚ ਕਈ ਤਰ੍ਹਾਂ ਦੀਆਂ ਜੜੀਆਂ ਬੂਟੀਆਂ ਦਾ ਜ਼ਿਕਰ ਹੈ ਜੋ ਸਾਡੀਆਂ ਕਈ ਬਿਮਾਰੀਆਂ ਨੂੰ ਠੀਕ ਕਰ ਸਕਦੀਆਂ ਹਨ। ਅਸ਼ਵਗੰਧਾ ਇੱਕ ਬੇਹੱਦ ਲਾਭਕਾਰੀ ਜੜ੍ਹੀ ਬੂਟੀ ਹੈ। ਅਸ਼ਵਗੰਧਾ ਨੂੰ 10 ਘੋੜਿਆਂ ਦੀ ਤਾਕਤ ਵੀ ਕਿਹਾ ਜਾਂਦਾ ਹੈ। ਕਿਉਂਕਿ ਇਹ ਸਰੀਰ ਨੂੰ ਘੋੜੇ ਵਰਗੀ ਤਾਕਤ ਦਿੰਦਾ ਹੈ। ਅਸ਼ਵਗੰਧਾ ਵਿੱਚ ਉੱਚ ਗੁਣਵੱਤਾ ਵਾਲੇ ਐਲਕਾਲਾਇਡ ਹੁੰਦੇ ਹਨ ਜੋ ਸਰੀਰ ਨੂੰ ਤਾਕਤ ਨਾਲ ਭਰ ਦਿੰਦੇ ਹਨ। ਆਯੁਰਵੇਦ ਵਿੱਚ ਅਸ਼ਵਗੰਧਾ ਦੇ ਔਸ਼ਧੀ ਗੁਣਾਂ ਬਾਰੇ ਕਾਫੀ ਵਾਰ ਜ਼ਿਕਰ ਕੀਤਾ ਗਿਆ ਹੈ।
ਇਹ ਇੱਕ ਅਜਿਹੀ ਜੜੀ ਬੂਟੀ ਹੈ ਜੋ ਸਦੀਆਂ ਤੋਂ ਕਈ ਬਿਮਾਰੀਆਂ ਦੇ ਇਲਾਜ ਵਿੱਚ ਵਰਤੀ ਜਾਂਦੀ ਰਹੀ ਹੈ। ਮੰਨਿਆ ਜਾਂਦਾ ਹੈ ਕਿ ਅਸ਼ਵਗੰਧਾ ਦੇ ਔਸ਼ਧੀ ਗੁਣਾਂ ਬਾਰੇ ਭਾਰਤੀਆਂ ਨੂੰ ਛੇ ਹਜ਼ਾਰ ਸਾਲ ਪਹਿਲਾਂ ਪਤਾ ਸੀ। ਅਸ਼ਵਗੰਧਾ ਸੰਸਕ੍ਰਿਤ ਦਾ ਸ਼ਬਦ ਹੈ ਜਿਸ ਵਿੱਚ ਅਸ਼ਵ ਦਾ ਅਰਥ ਹੈ ਘੋੜਾ ਅਤੇ ਗੰਧਾ ਦਾ ਅਰਥ ਹੈ ਸੁਗੰਧ। ਅਰਥਾਤ ਘੋੜੇ ਵਰਗੀ ਤਾਕਤ ਅਤੇ ਸੁਗੰਧ ਦਾ ਮਿਲਾਪ।
ਅਸ਼ਵਗੰਧਾ ਦੀ ਵਰਤੋਂ ਨਾ ਸਿਰਫ਼ ਸਰੀਰਕ ਬਿਮਾਰੀਆਂ ਦੇ ਇਲਾਜ ‘ਚ ਕੀਤੀ ਜਾਂਦੀ ਹੈ, ਸਗੋਂ ਇਹ ਮਾਨਸਿਕ ਸਿਹਤ ‘ਚ ਵੀ ਲਾਭਕਾਰੀ ਹੈ। ਅਸ਼ਵਗੰਧਾ ਦਾ ਸਮੇਂ ਸਿਰ ਸੇਵਨ ਬੁਢਾਪੇ ਦੇ ਪ੍ਰਭਾਵ ਨੂੰ ਘੱਟ ਕਰਦਾ ਹੈ। ਆਮ ਤੌਰ ‘ਤੇ ਲੋਕ ਅਸ਼ਵਗੰਧਾ ਨੂੰ ਸਟੈਮਿਨਾ ਵਧਾਉਣ ਵਾਲੀ ਔਸ਼ਧੀ ਮੰਨਦੇ ਹਨ ਪਰ ਅਸ਼ਵਗੰਧਾ ਦੇ ਹੋਰ ਵੀ ਕਈ ਫਾਇਦੇ ਹਨ।
ਆਓ ਜਾਣਦੇ ਹਾਂ ਅਸ਼ਵਗੰਧਾ ਦੇ ਲਾਭ:
ਕਿਹਾ ਜਾਂਦਾ ਹੈ ਕਿ ਮਰਦਾਨਾ ਤਾਕਤ ਵਧਾਉਣ ਲਈ 02 ਗ੍ਰਾਮ ਅਸ਼ਵਗੰਧਾ ਪਾਊਡਰ 02 ਗ੍ਰਾਮ ਸਫੇਦ ਮੂਸਲੀ ਅਤੇ 01 ਗ੍ਰਾਮ ਕੌਂਚਬੀਜ ਪਾਊਡਰ ਦੇ ਨਾਲ ਸਵੇਰੇ ਨਾਸ਼ਤੇ ਤੋਂ ਇਕ ਘੰਟੇ ਬਾਅਦ, ਅਤੇ ਡਿੰਨਰ ਕਰਨ ਤੋਂ ਇੱਕ ਘੰਟੇ ਬਾਅਦ ਹਲਕੇ ਕੋਸੇ ਦੁੱਧ ਦੇ ਨਾਲ ਲੈ ਸਕਦੇ ਹੋ।
ਜਿਮ ਜਾਣ ਵਾਲੇ ਇਸ ਦੀ ਵਰਤੋਂ ਸਰੀਰਕ ਕਮਜ਼ੋਰੀ ਨੂੰ ਦੂਰ ਕਰਨ ਅਤੇ ਮਾਸਪੇਸ਼ੀਆਂ ਨੂੰ ਗਠੀਲਾ ਬਣਾਉਣ ਲਈ ਕਰਦੇ ਹਨ। ਨੀਮ ਹਕੀਮਾਂ ਨੇ ਅਜਿਹੇ ਦਾਅਵੇ ਕੀਤੇ ਹਨ ਕਿ ਅਸ਼ਵਗੰਧਾ ਦੇ ਸੇਵਨ ਨਾਲ ਜਿਨਸੀ ਕਮਜ਼ੋਰੀ ਦੂਰ ਹੁੰਦੀ ਹੈ।
ਜੇਕਰ ਤੁਸੀਂ ਆਪਣੀ ਸਰੀਰਕ ਸ਼ਕਤੀ ਨੂੰ ਵਧਾਉਣਾ ਚਾਹੁੰਦੇ ਹੋ ਤਾਂ 03-04 ਗ੍ਰਾਮ ਅਸ਼ਵਗੰਧਾ ਦਾ ਪਾਊਡਰ ਸਵੇਰੇ ਨਾਸ਼ਤੇ ‘ਚ ਹਲਕੇ ਕੋਸੇ ਦੁੱਧ ਦੇ ਨਾਲ ਲੈ ਸਕਦੇ ਹੋ।
ਇਸ ਤੋਂ ਇਲਾਵਾ ਰਾਤ ਦੇ ਖਾਣੇ ਤੋਂ ਇਕ ਘੰਟੇ ਬਾਅਦ 03-04 ਗ੍ਰਾਮ ਅਸ਼ਵਗੰਧਾ ਪਾਊਡਰ ਕੋਸੇ ਹਲਕੇ ਦੁੱਧ ਦੇ ਨਾਲ ਲੈ ਸਕਦੇ ਹੋ ।
ਅਸ਼ਵਗੰਧਾ ਮੋਟਰ ਰਿਸਪਾਂਸ ਯਾਨੀ ਸਰੀਰ ਵਿੱਚ ਨਰਵਸ ਸਿਸਟਮ ਨੂੰ ਐਕਟੀਵੇਟ ਕਰਦੀ ਹੈ, ਜਿਸ ਕਾਰਨ ਇਹ ਯਾਦਦਾਸ਼ਤ ਵਧਾਉਣ ਵਿੱਚ ਮਦਦਗਾਰ ਹੁੰਦੀ ਹੈ।
ਅਸ਼ਵਗੰਧਾ ਵਿੱਚ ਇਨਸੁਲਿਨ ਨੂੰ ਐਕਟਿਵ ਕਰਨ ਅਤੇ ਇਨਸੁਲਿਨ ਦੇ ਉਤਪਾਦਨ ਨੂੰ ਵਧਾਉਣ ਦੀ ਸਮਰੱਥਾ ਹੁੰਦੀ ਹੈ। ਜਦੋਂ ਸਰੀਰ ਵਿੱਚ ਇਨਸੁਲਿਨ ਦਾ ਪੱਧਰ ਸਹੀ ਰਹਿੰਦਾ ਹੈ, ਤਾਂ ਇਹ ਗਲੂਕੋਜ਼ ਨੂੰ ਜਜ਼ਬ ਕਰਨ ਦਾ ਕੰਮ ਕਰਦਾ ਹੈ। ਜਦੋਂ ਗਲੂਕੋਜ਼ ਜਾਂ ਸ਼ੂਗਰ ਖੂਨ ਦੇ ਅੰਦਰ ਲੀਨ ਹੋ ਜਾਂਦੀ ਹੈ, ਤਾਂ ਖੂਨ ਵਿੱਚ ਸ਼ੂਗਰ ਦੀ ਮਾਤਰਾ ਨਹੀਂ ਵਧੇਗੀ। ਇਹੀ ਕਾਰਨ ਹੈ ਕਿ ਅਸ਼ਵਗੰਧਾ ਦੇ ਸੇਵਨ ਨਾਲ ਵਿਅਕਤੀ ਦੀ ਸ਼ੂਗਰ ਕੰਟਰੋਲ ਹੁੰਦੀ ਹੈ।
ਇਕ ਹੋਰ ਅਧਿਐਨ ਵਿਚ ਇਹ ਵੀ ਪਾਇਆ ਗਿਆ ਹੈ ਕਿ ਅਸ਼ਵਗੰਧਾ ਦਾ ਸੇਵਨ ਸਰੀਰ ਵਿਚ ਚਰਬੀ ਨੂੰ ਬਰਨ ਕਰਨ ਵਿਚ ਮਦਦਗਾਰ ਹੁੰਦਾ ਹੈ। ਯਾਨੀ ਜੇਕਰ ਤੁਸੀਂ ਭਾਰ ਘਟਾਉਣਾ ਚਾਹੁੰਦੇ ਹੋ ਤਾਂ ਵੀ ਅਸ਼ਵਗੰਧਾ ਤੁਹਾਡੇ ਲਈ ਫਾਇਦੇਮੰਦ ਹੈ। ਅਧਿਐਨ ਮੁਤਾਬਕ ਅਸ਼ਵਗੰਧਾ ਦਾ ਸੇਵਨ ਬਲੱਡ ਸ਼ੂਗਰ ਦੇ ਨਾਲ-ਨਾਲ ਕੋਲੈਸਟ੍ਰਾਲ ਦੇ ਪੱਧਰ ਨੂੰ ਵੀ ਘੱਟ ਕਰਦਾ ਹੈ।
ਅਸ਼ਵਗੰਧਾ ਦਾ ਸੇਵਨ ਕਰਨ ਨਾਲ ਦਿਮਾਗ ਤੱਕ ਆਕਸੀਜਨ ਦੀ ਮਾਤਰਾ ਜ਼ਿਆਦਾ ਪਹੁੰਚਦੀ ਹੈ। ਇਸੇ ਲਈ ਇਸ ਨੂੰ ਤਣਾਅ ਮੁਕਤ ਕਰਨ ਵਾਲੀ ਔਸ਼ਧੀ ਵੀ ਕਿਹਾ ਜਾਂਦਾ ਹੈ। ਕਈ ਅਧਿਐਨਾਂ ਵਿੱਚ ਇਹ ਸਾਬਤ ਹੋ ਚੁੱਕਾ ਹੈ ਕਿ ਅਸ਼ਵਗੰਧਾ ਦੇ ਸੇਵਨ ਨਾਲ ਤਣਾਅ ਅਤੇ ਚਿੰਤਾ ਦਾ ਪੱਧਰ ਬਹੁਤ ਘੱਟ ਜਾਂਦਾ ਹੈ।
Disclaimer: ਇਹ ਜਾਣਕਾਰੀ ਮੀਡੀਆ ਰਿਪੋਰਟਾਂ ‘ਤੇ ਅਧਾਰਿਤ ਹਨ। ਨਿਊਜ਼ 18 ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਇਨ੍ਹਾਂ ਨੂੰ ਅਜ਼ਮਾਉਣ ਤੋਂ ਪਹਿਲਾਂ ਸਬੰਧਤ ਮਾਹਿਰਾਂ ਦੀ ਸਲਾਹ ਲਵੋ। ਇਹ ਸਲਾਹ ਦਿੱਤੀ ਜਾਂਦੀ ਹੈ ਕਿ ਤੁਸੀਂ ਕਿਸੇ ਵੀ ਤਰ੍ਹਾਂ ਦੇ ਸਿਹਤ ਲਾਭਾਂ ਲਈ ਡਾਕਟਰੀ ਸਲਾਹ ਤੋਂ ਬਾਅਦ ਹੀ ਅਸ਼ਵਗੰਧਾ ਦਾ ਸੇਵਨ ਕਰੋ।
