ਇੰਗਲੈਂਡ ਦੇ ਵਿਕਟਕੀਪਰ ਜੈਮੀ ਸਮਿਥ ਨੇ ਰਚਿਆ ਇਤਿਹਾਸ, ਤੋੜਿਆ 94 ਸਾਲ ਪੁਰਾਣਾ ਰਿਕਾਰਡ – News18 ਪੰਜਾਬੀ
ENG vs SL, 1st Test: ਇੰਗਲੈਂਡ ਅਤੇ ਸ਼੍ਰੀਲੰਕਾ ਵਿਚਾਲੇ ਮਾਨਚੈਸਟਰ ‘ਚ 3 ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਟੈਸਟ ਮੈਚ ਖੇਡਿਆ ਜਾ ਰਿਹਾ ਹੈ, ਜਿਸ ਦੇ ਤੀਜੇ ਦਿਨ 24 ਸਾਲਾ ਜੈਮੀ ਸਮਿਥ ਨੇ ਮੇਜ਼ਬਾਨ ਟੀਮ ਲਈ ਨਵਾਂ ਰਿਕਾਰਡ ਬਣਾਇਆ। ਜੈਮੀ ਨੇ ਆਪਣਾ ਪਹਿਲਾ ਟੈਸਟ ਸੈਂਕੜਾ 136 ਗੇਂਦਾਂ ਵਿੱਚ ਬਣਾਇਆ।
ਆਪਣਾ ਸੈਂਕੜਾ ਪੂਰਾ ਕਰਦੇ ਹੋਏ ਉਨ੍ਹਾਂ ਨੇ 7 ਚੌਕੇ ਅਤੇ 1 ਛੱਕਾ ਵੀ ਲਗਾਇਆ। ਜੈਮੀ ਬੱਲੇਬਾਜ਼ੀ ਕਰਨ ਆਇਆ ਜਦੋਂ ਇੰਗਲੈਂਡ ਨੇ 26 ਓਵਰਾਂ ਵਿੱਚ 125 ਦੌੜਾਂ ਦੇ ਅੰਦਰ ਆਪਣੇ 4 ਵੱਡੇ ਬੱਲੇਬਾਜ਼ਾਂ ਦੇ ਵਿਕਟ ਗੁਆ ਦਿੱਤੇ ਸਨ। ਇਸ ਤੋਂ ਬਾਅਦ ਜੈਮੀ ਸਮਿਥ ਮੈਦਾਨ ‘ਤੇ ਪਹੁੰਚੇ ਅਤੇ ਚੌਕੇ ਨਾਲ ਆਪਣਾ ਖਾਤਾ ਖੋਲ੍ਹ ਕੇ ਆਪਣੇ ਇਰਾਦੇ ਸਪੱਸ਼ਟ ਕਰ ਦਿੱਤੇ। ਇਸ ਤੋਂ ਬਾਅਦ ਉਸ ਨੇ ਹੈਰੀ ਬਰੂਕ ਨਾਲ ਮਿਲ ਕੇ 5ਵੀਂ ਵਿਕਟ ਲਈ 62 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਅਤੇ ਟੀਮ ਦੇ ਸਕੋਰ ਨੂੰ 200 ਦੇ ਨੇੜੇ ਪਹੁੰਚਾਇਆ।
ਜੈਮੀ ਸਮਿਥ ਇੰਗਲੈਂਡ ਲਈ ਟੈਸਟ ਸੈਂਕੜਾ ਲਗਾਉਣ ਵਾਲੇ ਸਭ ਤੋਂ ਘੱਟ ਉਮਰ ਦੇ ਵਿਕਟਕੀਪਰ ਬਣੇ। ਸਮਿਥ ਨੇ ਇਸ ਮਾਮਲੇ ‘ਚ ਸਿਰਫ 24 ਸਾਲ 40 ਦਿਨ ਦੀ ਉਮਰ ‘ਚ ਇਹ ਉਪਲੱਬਧੀ ਹਾਸਲ ਕੀਤੀ ਹੈ। ਉਸ ਨੇ ਇੰਗਲੈਂਡ ਦੇ ਸਾਬਕਾ ਦਿੱਗਜ ਲੈਸਲੀ ਐਥਲਬਰਟ ਜਾਰਜ ਐਮਸ ਦਾ ਰਿਕਾਰਡ ਤੋੜ ਦਿੱਤਾ। ਜਿਸ ਨੇ ਪੋਰਟ ਆਫ ਸਪੇਨ ‘ਚ ਵੈਸਟਇੰਡੀਜ਼ ਖਿਲਾਫ ਖੇਡੇ ਗਏ ਮੈਚ ‘ਚ 24 ਸਾਲ 60 ਦਿਨਾਂ ‘ਚ ਇਹ ਰਿਕਾਰਡ ਬਣਾਇਆ ਸੀ।
ਇੰਨਾਂ ਲੋਕਾਂ ਨੂੰ ਨਹੀਂ ਖਾਣਾ ਚਾਹੀਦਾ ਬਦਾਮ
ਜੈਮੀ ਨੇ ਇਕ ਸਿਰਾ ਸੰਭਾਲਿਆ ਪਰ ਦੂਜੇ ਸਿਰੇ ‘ਤੇ ਮੌਜੂਦ ਹੈਰੀ ਬਰੂਕ ਆਪਣਾ ਅਰਧ ਸੈਂਕੜਾ ਪੂਰਾ ਕਰਕੇ ਪੈਵੇਲੀਅਨ ਪਰਤ ਗਿਆ। ਇਸ ਤੋਂ ਬਾਅਦ ਆਏ ਕ੍ਰਿਸ ਵੋਕਸ ਵੀ ਸਿਰਫ 25 ਦੌੜਾਂ ਦਾ ਯੋਗਦਾਨ ਪਾ ਸਕੇ। ਇੱਕ ਸਿਰੇ ਤੋਂ ਵਿਕਟਾਂ ਡਿੱਗਣ ਦੇ ਬਾਵਜੂਦ, ਜੈਮੀ ਨੇ ਆਪਣੇ ਖਾਤੇ ਵਿੱਚ ਦੌੜਾਂ ਦੀ ਰਫ਼ਤਾਰ ਨੂੰ ਬਰਕਰਾਰ ਰੱਖਿਆ ਅਤੇ ਗੁਸ ਐਟਕਿੰਸਨ ਦੇ ਨਾਲ ਮਿਲ ਕੇ 77ਵੇਂ ਓਵਰ ਵਿੱਚ ਆਪਣਾ ਪਹਿਲਾ ਟੈਸਟ ਸੈਂਕੜਾ ਜੜ ਦਿੱਤਾ। ਇਸ ਤਰ੍ਹਾਂ ਜੈਮੀ ਇੰਗਲੈਂਡ ਲਈ ਟੈਸਟ ਕ੍ਰਿਕਟ ‘ਚ ਸੈਂਕੜਾ ਲਗਾਉਣ ਵਾਲੇ ਸਭ ਤੋਂ ਘੱਟ ਉਮਰ ਦੇ ਵਿਕਟਕੀਪਰ-ਬੱਲੇਬਾਜ਼ ਬਣ ਗਏ ਹਨ। ਉਨ੍ਹਾਂ ਨੇ 94 ਸਾਲ ਪੁਰਾਣਾ ਰਿਕਾਰਡ ਤੋੜ ਦਿੱਤਾ।
ਇਸ ਤੋਂ ਪਹਿਲਾਂ ਇਹ ਰਿਕਾਰਡ ਲੈਸਲੀ ਐਮਸ ਦੇ ਨਾਂ ਸੀ, ਜਿਨ੍ਹਾਂ ਨੇ 1930 ‘ਚ ਪੋਰਟ ਆਫ ਸਪੇਨ ‘ਚ ਮੇਜ਼ਬਾਨ ਵੈਸਟਇੰਡੀਜ਼ ਖਿਲਾਫ ਸਿਰਫ 24 ਸਾਲ 63 ਦਿਨ ਦੀ ਉਮਰ ‘ਚ ਟੈਸਟ ਸੈਂਕੜਾ ਲਗਾਇਆ ਸੀ। ਇਸ ਦੇ ਨਾਲ ਹੀ ਹੁਣ ਜੈਮੀ ਸਮਿਥ ਨੇ ਸਿਰਫ 24 ਸਾਲ 42 ਦਿਨ ਦੀ ਉਮਰ ‘ਚ ਇਹ ਵੱਡਾ ਕਾਰਨਾਮਾ ਕਰ ਲਿਆ ਹੈ।
