Realme 14 ਅਗਸਤ ਨੂੰ ਲਾਂਚ ਕਰੇਗੀ ਦੁਨੀਆ ਦੀ ਸਭ ਤੋਂ ਤੇਜ਼ 300W ਚਾਰਜਿੰਗ ਤਕਨੀਕ, ਪੜ੍ਹੋ ਡਿਟੇਲ
Realme ਨੇ ਐਲਾਨ ਕੀਤਾ ਹੈ ਕਿ ਉਹ 14 ਅਗਸਤ ਨੂੰ ‘ਦੁਨੀਆ ਦੀ ਸਭ ਤੋਂ ਤੇਜ਼ ਚਾਰਜਿੰਗ ਤਕਨੀਕ’ ਲਾਂਚ ਕਰੇਗੀ। ਇਸ ਦੀ ਸ਼ੁਰੂਆਤ ਚੀਨ ਦੇ ਸ਼ੇਨਜ਼ੇਨ ਵਿੱਚ ਬ੍ਰਾਂਡ ਦੇ ਸਾਲਾਨਾ 828 ਫੈਨ ਫੈਸਟੀਵਲ ਵਿੱਚ ਕੀਤਾ ਜਾਵੇਗਾ। Realme ਨੇ ਅਜੇ ਤੱਕ ਵੇਰਵਿਆਂ ਦਾ ਖੁਲਾਸਾ ਨਹੀਂ ਕੀਤਾ ਹੈ, ਪਰ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਵਿੱਚ 300W ਫਾਸਟ ਚਾਰਜਿੰਗ ਤਕਨਾਲੋਜੀ ਹੋਵੇਗੀ।
ਇਸ ਦੇ ਨਾਲ, Realme ਇਸ ਫਾਸਟ-ਚਾਰਜਿੰਗ ਤਕਨੀਕ ਨੂੰ ਪੇਸ਼ ਕਰਨ ਵਾਲਾ ਪਹਿਲਾ ਸਮਾਰਟਫੋਨ ਬ੍ਰਾਂਡ ਬਣ ਜਾਵੇਗਾ। Realme ਨੇ 14 ਅਗਸਤ ਨੂੰ ਲਾਂਚ ਹੋਣ ਵਾਲੀ ਆਪਣੀ ਨਵੀਂ ਫਾਸਟ-ਚਾਰਜਿੰਗ ਟੈਕਨਾਲੋਜੀ ਲਈ ਸੱਦਾ ਭੇਜਿਆ ਹੈ।
ਚੀਨ ਦੀ ਇਸਸਮਾਰਟਫੋਨ ਬ੍ਰਾਂਡ ਦਾ ਦਾਅਵਾ ਹੈ ਕਿ ਇਹ ਦੁਨੀਆ ਦੀ ਸਭ ਤੋਂ ਤੇਜ਼ ਚਾਰਜਿੰਗ ਤਕਨੀਕ ਹੋਵੇਗੀ। ਹਾਲਾਂਕਿ ਕੰਪਨੀ ਨੇ ਇਸ ਤਕਨੀਕ ਦੇ ਪਿੱਛੇ ਦੀ ਜਾਣਕਾਰੀ ਨਹੀਂ ਦਿੱਤੀ ਹੈ। ਪਰ, ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ Realme ਇਸ ਈਵੈਂਟ ਵਿੱਚ ਆਪਣੀ 300W ਫਾਸਟ ਚਾਰਜਿੰਗ ਤਕਨਾਲੋਜੀ ਪੇਸ਼ ਕਰੇਗੀ।
GizmoChina ਦੀ ਇੱਕ ਰਿਪੋਰਟ ਦੇ ਅਨੁਸਾਰ, Realme ਦੇ ਗਲੋਬਲ ਹੈੱਡ ਆਫ ਮਾਰਕੀਟਿੰਗ, Francis Wong ਨੇ ਖੁਲਾਸਾ ਕੀਤਾ ਸੀ ਕਿ ਬ੍ਰਾਂਡ 300W ਰੈਪਿਡ ਚਾਰਜਿੰਗ ਤਕਨਾਲੋਜੀ ਦੀ ਜਾਂਚ ਕਰ ਰਿਹਾ ਹੈ। Realme ਦੀ ਇਹ ਨਵੀਂ ਤਕਨੀਕ ਕਥਿਤ ਤੌਰ ‘ਤੇ ਤਿੰਨ ਮਿੰਟ ਤੋਂ ਵੀ ਘੱਟ ਸਮੇਂ ਵਿੱਚ ਫੋਨ ਨੂੰ 0 ਤੋਂ 50 ਪ੍ਰਤੀਸ਼ਤ ਤੱਕ ਚਾਰਜ ਕਰ ਸਕਦੀ ਹੈ। ਫੋਨ ਲਗਭਗ ਪੰਜ ਮਿੰਟਾਂ ਵਿੱਚ 100 ਪ੍ਰਤੀਸ਼ਤ ਤੱਕ ਪਹੁੰਚ ਸਕਦਾ ਹੈ।
Redmi ਨੇ ਪਿਛਲੇ ਸਾਲ 300W ਫਾਸਟ ਚਾਰਜਿੰਗ ਸਲਿਊਸ਼ਨ ਪੇਸ਼ ਕੀਤਾ ਸੀ। ਹੁਣ ਤੱਕ ਅਸੀਂ ਇਸ ਨੂੰ ਕਿਸੇ ਵੀ ਸਮਾਰਟਫੋਨ ‘ਚ ਨਹੀਂ ਦੇਖਿਆ ਹੈ। Realme ਨੇ ਆਪਣੀ 240W ਫਾਸਟ ਚਾਰਜਿੰਗ ਟੈਕਨਾਲੋਜੀ ਨੂੰ ਵੀ ਪ੍ਰਦਰਸ਼ਿਤ ਕੀਤਾ ਹੈ, ਇਸ ਲਈ ਨਵੀਨਤਮ ਤਕਨਾਲੋਜੀ ਇਸ ‘ਤੇ ਅਪਗ੍ਰੇਡ ਹੋਵੇਗੀ।
ਫਿਲਹਾਲ ਇਹ ਮੰਨਿਆ ਜਾ ਸਕਦਾ ਹੈ ਕਿ ਇਸ ਨਵੀਂ ਤਕਨੀਕ ਬਾਰੇ ਜਾਣਕਾਰੀ ਈਵੈਂਟ ਦੌਰਾਨ ਹੀ ਸਾਹਮਣੇ ਆਵੇਗੀ। ਹਾਲਾਂਕਿ, ਇਹ ਸੰਭਾਵਨਾ ਨਹੀਂ ਹੈ ਕਿ ਇਸ ਤਕਨਾਲੋਜੀ ਨੂੰ ਕਿਸੇ ਅਸਲ ਡਿਵਾਈਸ ਵਿੱਚ ਪੇਸ਼ ਕੀਤਾ ਜਾਵੇਗਾ ਕਿਉਂਕਿ ਇਹ ਬ੍ਰਾਂਡ ਲਈ ਇੱਕ ਤਕਨਾਲੋਜੀ ਬੇਸਡ ਅਚੀਵਮੈਂਟ ਹੈ। ਵਰਤਮਾਨ ਵਿੱਚ, ਬ੍ਰਾਂਡ ਦੁਆਰਾ ਪੇਸ਼ ਕੀਤੀ ਜਾਂਦੀ ਸਭ ਤੋਂ ਤੇਜ਼ ਚਾਰਜਿੰਗ ਸਪੀਡ 120W ਹੈ, ਜੋ ਕਿ ਬ੍ਰਾਂਡ ਦੇ ਜ਼ਿਆਦਾਤਰ ਫ਼ੋਨਾਂ ਲਈ ਮਿਲਦੀ ਹੈ।
Realme ਨੇ ਪਿਛਲੇ ਸਾਲ 240W ਚਾਰਜਿੰਗ ਦੇ ਨਾਲ GT Neo 5 ਲਾਂਚ ਕੀਤਾ ਸੀ, ਪਰ ਬਾਅਦ ਵਿੱਚ GT ਸੀਰੀਜ਼ ਦੇ ਮਾਡਲਾਂ ਵਿੱਚ ਇਹ ਤਕਨਾਲੋਜੀ ਉਪਲਬਧ ਨਹੀਂ ਕਰਵਾਈ ਗਈ ਸੀ। OnePlus 10T ਵਿੱਚ 150W ਫਾਸਟ ਚਾਰਜਿੰਗ ਅਤੇ iQOO 10 Pro ਵਿੱਚ 200W ਫਾਸਟ ਚਾਰਜਿੰਗ ਵਰਗੇ ਕੁਝ ਅਪਵਾਦ ਸਾਨੂੰ ਦੇਖਣ ਨੂੰ ਮਿਲ ਜਾਣਦੇ ਹਨ।
