ਇੱਕ ਸਿਹਤਮੰਦ ਔਰਤ ਨੂੰ ਮਾਹਵਾਰੀ ਆਉਂਦੀ ਹੈ, ਤੇ ਇਹ ਮਹੀਨਾਵਾਰ ਚੱਲਣ ਵਾਲਾ ਸਾਈਕਲ ਹੈ। ਹਰ ਔਰਤ ਨੂੰ 28 ਤੋਂ 30-35 ਦਿਨਾਂ ਦੇ ਅੰਦਰ ਮਾਹਵਾਰੀ ਆਉਂਦੀ ਹੈ, ਜਿਸ ਨਾਲ ਉਸ ਦੇ ਸਰੀਰ ਵਿੱਚੋਂ ਖ਼ਰਾਬ ਖ਼ੂਨ ਨਿਕਲ ਜਾਂਦਾ ਹੈ ਅਤੇ ਸਾਫ਼-ਸੁਥਰਾ ਖ਼ੂਨ ਸਰੀਰ ਵਿੱਚ ਵਹਿੰਦਾ ਹੈ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਜਦੋਂ ਕੋਈ ਔਰਤ ਗਰਭਵਤੀ ਹੁੰਦੀ ਹੈ ਤਾਂ ਉਸ ਨੂੰ ਗਰਭ ਅਵਸਥਾ ਦੌਰਾਨ ਮਾਹਵਾਰੀ ਕਿਉਂ ਨਹੀਂ ਆਉਂਦੀ? ਆਓ ਅੱਜ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਇਸ ਦੇ ਪਿੱਛੇ ਕੀ ਕਾਰਨ ਹੈ ਅਤੇ ਗਰਭਵਤੀ ਹੋਣ ਤੋਂ ਬਾਅਦ ਔਰਤਾਂ ਨੂੰ ਪੀਰੀਅਡ ਕਿਉਂ ਨਹੀਂ ਆਉਂਦੇ…
ਗਰਭ ਅਵਸਥਾ ਦੌਰਾਨ ਔਰਤਾਂ ਨੂੰ ਮਾਹਵਾਰੀ ਨਹੀਂ ਆਉਂਦੀ, ਕਿਉਂਕਿ ਬੱਚੇਦਾਨੀ ਦੀ ਲਾਈਨਿੰਗ ਬਰਕਰਾਰ ਰਹਿੰਦੀ ਹੈ। ਜਿਸ ਕਾਰਨ ਖ਼ੂਨ ਨਹੀਂ ਨਿਕਲਦਾ। ਬੱਚੇ ਦੀ ਡਿਲੀਵਰੀ ਤੋਂ ਬਾਅਦ ਔਰਤਾਂ ਨੂੰ 30 ਤੋਂ 45 ਦਿਨਾਂ ਤੱਕ ਮਾਹਵਾਰੀ ਆਉਂਦੀ ਹੈ ਅਤੇ ਸਰੀਰ ਵਿੱਚ ਜੋ ਵੀ ਖ਼ਰਾਬ ਖ਼ੂਨ ਹੁੰਦਾ ਹੈ, ਉਹ ਦੂਰ ਹੋ ਜਾਂਦਾ ਹੈ। ਹਾਲਾਂਕਿ, ਕਈ ਵਾਰ ਛਾਤੀ ਦਾ ਦੁੱਧ ਚੁੰਘਾਉਣ ਵਾਲੀਆਂ ਔਰਤਾਂ ਨੂੰ ਹਾਰਮੋਨਸ ਦੇ ਕਾਰਨ ਡਿਲੀਵਰੀ ਦੇ ਤੁਰੰਤ ਬਾਅਦ ਮਾਹਵਾਰੀ ਨਹੀਂ ਆਉਂਦੀ, ਜਿਸ ਨਾਲ ਭਵਿੱਖ ਵਿੱਚ ਸਮੱਸਿਆ ਹੋ ਸਕਦੀ ਹੈ।
ਬੁਢਾਪੇ ਤੱਕ ਸਿਹਤਮੰਦ ਰਹਿਣ ਲਈ ਰੋਜ਼ਾਨਾ ਪੀਓ ਇਹ ਜੂਸ..!
ਗਰਭ ਅਵਸਥਾ ਦੌਰਾਨ ਮਾਹਵਾਰੀ ਆਉਣ ਦੇ ਨੁਕਸਾਨ:
ਗਰਭ ਅਵਸਥਾ ਦੌਰਾਨ ਪੀਰੀਅਡਜ਼ ਕਾਰਨ ਔਰਤਾਂ ਨੂੰ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਗਰਭ ਅਵਸਥਾ ਦੇ ਪਹਿਲੇ ਤਿਮਾਹੀ ਵਿੱਚ ਹਲਕੇ ਧੱਬੇ ਹੋਣਾ ਆਮ ਗੱਲ ਹੈ, ਪਰ ਜੇਕਰ ਬਾਅਦ ਵਿੱਚ ਖੂਨ ਨਿਕਲਦਾ ਹੈ, ਤਾਂ ਇਹ ਗਰਭਪਾਤ ਦੀ ਸੰਭਾਵਨਾ ਨੂੰ ਵਧਾਉਂਦਾ ਹੈ।
ਇੰਨਾ ਹੀ ਨਹੀਂ, ਮਾਹਵਾਰੀ ਦੇ ਦੌਰਾਨ ਖੂਨ ਵਗਣ ਦੇ ਕੁਝ ਸੰਭਾਵਿਤ ਕਾਰਨ ਸਰਵਾਈਕਲ ਪੋਲੀਪ ਦਾ ਵਾਧਾ, ਸਮੇਂ ਤੋਂ ਪਹਿਲਾਂ ਡਿਲੀਵਰੀ, ਬੱਚੇਦਾਨੀ ਦੀ ਇਨਫੈਕਸ਼ਨ, ਗਰਭ ਅਵਸਥਾ ਦੌਰਾਨ ਜਿਨਸੀ ਸੰਬੰਧ ਆਦਿ ਹੋ ਸਕਦੇ ਹਨ। ਜੇਕਰ ਗਰਭ ਅਵਸਥਾ ਦੌਰਾਨ ਖੂਨ ਨਿਕਲਦਾ ਹੈ, ਤਾਂ ਇਸ ਨਾਲ ਬੇਹੋਸ਼ੀ, ਚੱਕਰ ਆਉਣੇ, ਪੇਟ ਦਰਦ, ਬੁਖਾਰ, ਠੰਢ ਲੱਗਣਾ ਵਰਗੇ ਲੱਛਣ ਹੋ ਸਕਦੇ ਹਨ। ਅਜਿਹੇ ‘ਚ ਗਰਭ ਅਵਸਥਾ ਦੌਰਾਨ ਪੀਰੀਅਡਸ ਨੂੰ ਬਿਲਕੁਲ ਵੀ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ ਅਤੇ ਥੋੜ੍ਹਾ ਜਿਹਾ ਵੀ ਸ਼ੱਕ ਹੋਣ ਉੱਤੇ ਤੁਹਾਨੂੰ ਆਪਣੇ ਡਾਕਟਰ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।
