ਚੂਰਮਾ ਖਾ ਕੇ ਭਾਵੁਕ ਹੋਏ PM ਮੋਦੀ, ਨੀਰਜ ਦੀ ਮਾਂ ਨੂੰ ਲਿਖੀ ਚਿੱਠੀ- ਖੁਦ ਨੂੰ ਰੋਕ ਨਹੀਂ ਸਕਿਆ…

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਪੈਰਿਸ ਓਲੰਪਿਕ ‘ਚ ਜਾਣ ਸਮੇਂ ਨੀਰਜ ਚੋਪੜਾ ਨਾਲ ਵਾਅਦਾ ਕੀਤਾ ਸੀ ਕਿ ਉਹ ਵਾਪਸ ਆਉਣ ‘ਤੇ ਉਨ੍ਹਾਂ ਨੂੰ ਮਾਂ ਦਾ ਚੂਰਮਾ ਖੁਆ ਦੇਣਗੇ। ਨੀਰਜ ਚੋਪੜਾ ਨੇ ਆਪਣਾ ਵਾਅਦਾ ਪੂਰਾ ਕੀਤਾ ਤਾਂ ਪ੍ਰਧਾਨ ਮੰਤਰੀ ਭਾਵੁਕ ਹੋ ਗਏ। ਇਸ ਤੋਂ ਬਾਅਦ ਪੀਐਮ ਨੇ ਨੀਰਜ ਚੋਪੜਾ ਦੀ ਮਾਂ ਨੂੰ ਚਿੱਠੀ ਲਿਖੀ। ਪੀਐਮ ਨੇ ਕਿਹਾ ਕਿ ਚੂਰਮਾ ਖਾਣ ਨਾਲ ਉਨ੍ਹਾਂ ਨੂੰ ਆਪਣੀ ਮਾਂ ਦੀ ਯਾਦ ਆ ਜਾਂਦੀ ਹੈ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜਮਾਇਕਾ ਦੇ ਪ੍ਰਧਾਨ ਮੰਤਰੀ ਦੇ ਸਵਾਗਤ ਲਈ ਆਯੋਜਿਤ ਦਾਅਵਤ ਵਿੱਚ ਨੀਰਜ ਚੋਪੜਾ ਨਾਲ ਮੁਲਾਕਾਤ ਕੀਤੀ। ਇਸ ਤੋਂ ਬਾਅਦ ਪੀਐੱਮ ਨੇ ਨੀਰਜ ਦੀ ਮਾਂ ਨੂੰ ਲਿਖੀ ਚਿੱਠੀ ‘ਚ ਕਿਹਾ, ‘…ਨੀਰਜ ਨੇ ਮੈਨੂੰ ਤੁਹਾਡੇ ਹੱਥਾਂ ਦਾ ਸਵਾਦਿਸ਼ਟ ਚੂਰਮਾ ਦਿੱਤਾ ਹੈ। ਅੱਜ ਇਹ ਚੂਰਮਾ ਖਾਣ ਤੋਂ ਬਾਅਦ ਮੈਂ ਤੁਹਾਨੂੰ ਚਿੱਠੀ ਲਿਖਣ ਤੋਂ ਰੋਕ ਨਹੀਂ ਸਕਿਆ। ਇਸ ਨੂੰ ਖਾ ਕੇ ਮੈਂ ਭਾਵੁਕ ਹੋ ਗਿਆ। ਤੁਹਾਡੇ ਅਥਾਹ ਪਿਆਰ ਅਤੇ ਸਨੇਹ ਦੇ ਇਸ ਤੋਹਫ਼ੇ ਨੇ ਮੈਨੂੰ ਆਪਣੀ ਮਾਂ ਦੀ ਯਾਦ ਦਿਵਾ ਦਿੱਤੀ।

ਪੀਐਮ ਨੇ ਅੱਗੇ ਲਿਖਿਆ, ‘…ਇਹ ਇਤਫ਼ਾਕ ਹੈ ਕਿ ਮੈਨੂੰ ਇਹ ਪ੍ਰਸਾਦ ਨਵਰਾਤਰੀ ਤੋਂ ਇੱਕ ਦਿਨ ਪਹਿਲਾਂ ਮਾਂ ਤੋਂ ਮਿਲਿਆ ਹੈ। ਮੈਂ ਨਵਰਾਤਰੀ ਦੇ ਇਨ੍ਹਾਂ 9 ਦਿਨਾਂ ਦੌਰਾਨ ਵਰਤ ਰੱਖਦਾ ਹਾਂ। ਇੱਕ ਤਰ੍ਹਾਂ ਨਾਲ ਤੁਹਾਡਾ ਇਹ ਚੂਰਮਾ ਮੇਰੇ ਵਰਤ ਤੋਂ ਪਹਿਲਾਂ ਮੇਰਾ ਮੁੱਖ ਭੋਜਨ ਬਣ ਗਿਆ ਹੈ। ਜਿਸ ਤਰ੍ਹਾਂ ਤੁਹਾਡੇ ਦੁਆਰਾ ਤਿਆਰ ਕੀਤਾ ਗਿਆ ਖਾਣਾ ਭਰਾ ਨੀਰਜ ਨੂੰ ਦੇਸ਼ ਲਈ ਤਮਗਾ ਜਿੱਤਣ ਦੀ ਊਰਜਾ ਦਿੰਦਾ ਹੈ। ਇਸੇ ਤਰ੍ਹਾਂ ਇਹ ਚੂੜਾ ਮੈਨੂੰ ਅਗਲੇ 9 ਦਿਨ ਦੇਸ਼ ਦੀ ਸੇਵਾ ਕਰਨ ਦਾ ਬਲ ਬਖਸ਼ੇਗਾ।

26 ਸਾਲਾ ਨੀਰਜ ਚੋਪੜਾ ਨੇ ਇਸ ਸਾਲ ਪੈਰਿਸ ਓਲੰਪਿਕ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ ਸੀ। ਪੀਐਮ ਮੋਦੀ ਪੈਰਿਸ ਓਲੰਪਿਕ ਤੋਂ ਪਹਿਲਾਂ ਨੀਰਜ ਸਮੇਤ ਜ਼ਿਆਦਾਤਰ ਖਿਡਾਰੀਆਂ ਨੂੰ ਮਿਲੇ ਸਨ। ਇਸ ਮੀਟਿੰਗ ਵਿੱਚ ਕਈ ਖਿਡਾਰੀ ਆਨਲਾਈਨ ਸ਼ਾਮਲ ਹੋਏ। ਪੀਐਮ ਮੋਦੀ ਨੇ ਉਦੋਂ ਨੀਰਜ ਚੋਪੜਾ ਤੋਂ ਵਾਅਦਾ ਲਿਆ ਸੀ ਕਿ ਉਹ ਇੱਕ ਦਿਨ ਉਨ੍ਹਾਂ ਨੂੰ ਆਪਣੀ ਮਾਂ ਦੁਆਰਾ ਬਣਾਇਆ ਚੂਰਮਾ ਖਿਲਾਉਣਗੇ।